Pab Kho Mob Medicare Phab D Khooskas Pab Ntxiv

Yog koj ua ntawv thov kev pab kho mob Medicare thiab koj yog tau nyiaj tsawg, koj muaj feem ua ntawv thov rau Kev Pab Kho Mob Phab D Khooskas Pab Ntxiv. Pab Ntxiv yog lub npe ntawm kev kho mob Medicare uas pab tau koj them tagnrho lossis ib feem ntawm qhov nqi tseg rau koj them, tagnrho lossis ib feem ntawm qhov koj tau them ua ntej Medicare mam li them thiab txo koj qhov nqi them koj cov tshuaj. Nws muaj ib lub npe rau cov tau nyiaj tsawg uas hu Medicare Low Income Subsidy (LIS).

Pib thaum lub Ib Hli hnub tim 1, 2024 leej twg muaj feem txais kev Pab Ntxiv yuav tau qhov kev zam nqi tagnrho. Cov kev zam nqi ib nrab tsis muaj lawm. Qhov kev zam nqi tagnrho them feem ntau koj cov nqi rau koj. 

Tej zaum koj yuav muaj feem txais tau kev pab tagnrho ntawm Khooskas Kev Pab Ntxiv yog koj cov nyiaj tauj xyoo thiab lwm tej kev pab koj tau yog tsawg dua cov nram no:

• Ib tug neeg: nyiaj tau los tsawg tshaj $22,590 thiab lwm cov kev pab los tsawg tshaj $17,220 ntawm 2024. 
• Muaj txij nkawm nyob ua ke thiab tsis muaj lwm tus nrog nyob: tau nyiaj tsawg tshaj $30,660 thiab lwm cov kev pab los tsawg tshaj $34,360 ntawm 2024. 

Yog koj tau tsawg dua li qhov teem rau ib qho kev tau los pab koj (nyiaj tau lossis lwm cov kev pab), koj yuav txais tsis tau tagnrho txoj kev pab no, tiam sis tej zaum koj yuav tau lwm qhov kev pab. Yog li koj yuav tsum ua ntawv thov.

Cov uas yuav tsis suav tias yog lwm cov kev pab yog koj lub tsev, tsheb, tej cuab yeej cuab tam hauv vaj tse, chaw yuav faus neeg, nyiaj npaj cia rau ntees tuag thiab thaj av faus txog li $1,500 rau ib tug neeg, lossis cov isalas rau txoj sia.

Qhov teem rau nyiaj tau los thiab kev pab lwm yam hloov txhua xyoo. Cov lej nyob hauv daim ntawv qhia no yog rau xyoo 2024. Cov lej tshiab yuav tshwm tuaj rau lub caij nplooj ntoos hlav xyoo 2025. Qhov chaw yuav qhia tau tseeb txog cov txheej txheem tshiab yog hauv online ntawm: www.medicare.gov lossis mus thov ntawm www.ssa.gov/medicare/prescriptionhelp/. Lossis hu rau 1-800-MEDICARE. 

Nco cia: “deductible” yog tus nqi koj yuav them ua ntej kev kho mob Medicare Phab D rau tshuaj mas li pab them.

Qhov Kev Zam Nqi Tagnrho koj tau:

• Kev Pab Ntxiv them tus nqi ntau (qhov koj tau them yuav tsum tsawg dua qhov “benchmark” ntawm tus nqi uas yog $42.16 rau ib lub hlis twg ntawm xyoo 2024) 
• koj tsis tau them tus nqi yuav them ua ntej Medicare mam pab.  
• cov nqi tshuaj koj yuav tau them koj ntiag tug yuav tsis tshaj $4.50 rau cov tshuaj tsis muaj npe nrov lossis $11.20 rau cov muaj koob muab npe. 
• tsis muaj qhov tu ncua kev pab
   

Yog koj tau qhov uas pab ib feem (Partial Subsidy)

• koj them ib feem ntawm qhov koj yuav tau them
• qhov koj yuav tau them ua ntej Medicare mam li them tsis tshaj $99.00
• Qhov koj yuav tau them yog 15% kom txog thaum cov nqi tshuaj tagnrho mus txog $7,050, ces koj qhov ntiag tug rau (cov tshuaj npe tsis nrov ces yog) $3.95 mus rau $9.85 (cov tshuaj muaj npe nrov) los sis 5% ntawm cov nqi tshuaj, seb qhov twg siab dua.

Ib txhia tib neeg yuav cia tau Kev Pab Ntxiv. Yog koj tau pab kho mob Medicare Phab D tam sim no thiab nyob hauv ib pawg nram qab no, koj yuav tsum ua npe rau Kev Pab Ntxiv.

• Muaj Feem Tau Ob Qhov: Qhov no txhais tias koj tau pab kho mob Medicare Phab A thiab/lossis Phab B thiab koj tseem tau mentsis Medical Assistance.

• Ntawm qhov tseg nyiaj Medicare Savings Program (QMB, SLMB, QI). Saib daim ntawv qhia tseeb Medicare Cov Kev Pab Cuam Them Nqi Kho Mob

• Tau SSI
   

Yog koj nyob ib pawg nov thiab TSIS TAU Kev Pab Ntxiv, tiv tauj Social Security Administration thiab mus ua ntawv thov sai li sai tau.

Koj muaj feem tau Kev Pab Ntxiv yog koj tau pab kho mob Medicare Phab D tam sim no thiab koj nyob hauv cov cai teem rau nyiaj tau los.

Koj ua ntawv thov rau Kev Pab Ntxiv no thaum twg los tau. Ua ntawv thov rau hauv Social Security Administration lossis lub hoobkas State Minnesto Medicaid.

Koj ua ntawv thov hauv xov tooj lossis kom xa ib daim ntawv thov tuaj rau koj. 

Xov Tooj: 1-800-772-1213
TTY: 1-800-325-0778

Mus ua ntawv thov hauv online ntawm: ssa.gov/extrahelp/ (lus Askiv xwb)