Thaum Twg Kuv Yuav Raug Tso Tawm Haujlwm? “Txoj Kev tawm Haujlwm-Tsis Dua Leej Twg”

Qhov chaw haujlwm tso koj tawm haujlwm thaum twg los tau vim li cas los tau thiab koj tawm haujlwm thaum twg los tau vim li cas los tau.  Qhov no hu ua “haujlwm-tsis” txoj kev tawm haujlwm tsis dua leejtwg. Nws muaj tej txoj kev zam rau txoj cai txoj kev tawm haujlwm tsis dua leejtwg.

Yog koj muaj daim ntawv cog lus ua haujlwm, qhov chaw ua haujlwm yuav tso koj tawm haujlwm tsis tau tshwj tias koj tsis ua raws daim ntawv cog lus. Koj daim ntawv cog lus los tau ntawm:

• Ntawv cog lus ua haujlwm
• Hais lus cog lus
• Tsab ntawv muab ua ntej txais haujlwm
• Lub koom haum sib sau ua ke los hais txog daim ntawv sib pom zoo (Union collective bargaining agreement)

Txawm tais koj muaj ib qho li hais saum, tsis txhais tias qhov chaw ua haujlwm yeej tso tsis tau koj tawm haujlwm. Feem ntau, ntawv cog lus lossis phau ntawv qhia txog haujlwm hais tias tej yam yuav ua tau koj raug tso tawm haujlwm thiab cov qib twg qhov chaw ua haujlwm yuav tsum ua ua ntej lawv tso koj tawm haujlwm. Nrog tus kws lij tham yog koj paub tsis tseeb koj cov cai. 

Yog koj nyob nrog lub koom haum tiv thaiv pej xeem ua haujlwm, koj muaj ib daim ntawv cog lus rau haujlwm hu ua sib sau ua ke los cav daim ntawv sib cog cia. Qhov no yog kev sib pom zoo nrog lub koom haum tiv thaiv pej xeem ua haujlwm thiab qhov chaw ua haujlwm. Nws ua tau kom qhov chaw ua haujlwm muab “lus tsim nyog” los qhuab qhia vim ua txhaum lossis tso tus neeg ua haujlwm tawm. Saib koj daim ntawv cog lus thiab tham nrog koj tus neeg sawv cev rau cov neeg ua haujlwm lossis tus sawv cev rau lub koom haum tiv thaiv pej xeem ua haujlwm.

Feem ntau, txoj cai tiv thaiv koj yog koj raug tso tawm haujlwm vim koj sawv rau koj cov cai lossis tsis kam yuam txoj cai tom chaw ua haujlwm. Koj yuav tsum tsis raug rau txim lossis raug hawv thaum koj ua cov no. Qee zaum qhov no hu ua “tus neeg ghia xov” kev tiv thaiv lossis kev tiv thaiv tsis pub pauj. Txoj cai tiv thaiv koj yog tias:

• Koj qhia xov txog txhaum xeev txoj cai lossis tsoom fwv txoj cai rau qhov chaw ua haujlwm lossis tsoomfwv “raws li koj ntseeg.”  Raws li koj ntseeg txhais tias koj ntseeg tias qhov xov koj qhia txog yeej tseeb thiab txhaum cai tiag. Tabsis yog nws yog koj txoj haujlwm yog qhia xov txog kev txhaum cai, tej zaum koj tsis muajj lus keb.

• Koj tias koj tsis txaus siab rau koj chaw ua haujlwm txog kev yuam koj txoj cai. Koj chaw ua haujlwm tso koj tawm haujlwm los (pauj rov qab) koj tsis tau vim koj sawv rau koj cov cai lijchoj tom haujlwm. Koj muaj cai ua ntaub ntawv tsis txaus siab txog kev xaiv ntsej xaiv muag lossis thov tau kev tsim nyog pab ua kom haum vim koj yog ib tus niam tseem pub mis rau menyuam noj lossis ib tus neeg xiam oob qhab.

• Koj nrog koj tham raws li chaw ua haujlwm qhov kev tshawb nrhiav lus liam txog ua phem/thab neeg lossis xaiv ntsej xaiv muag.

• Ib lub koom haum tsoom fwv nug kom koj koom tes rau kev tshawb nhriav lossis kev hais plaub.

• Koj tsis kam ua txhaum txoj cai tom chaw ua haujlwm thiab koj qhia chaw ua haujlwm txog qhov ntawd.

Cov cai ncig txog qhov no yeej totaub nyuaj. Hu rau ib tus kws lij choj lossis tham nrog Minnesota Department of labor and Industry ntawm (651) 284-5005 lossis 1-(800) 342-5354. Mus rau www.dli.mn.gov/.

Koj yuav tsis raug tso tawm haujlwm rau:

• Muab koj cov tshev tom haujlwm txiav tawm lossis rho tawm nyiaj hli yug menyuam ntawm koj cov tshev ua haujlwm. 
• So thaum txoj cai tso lus.  Xws li cev xeeb tub thiab so mus saib xyuas menyuam, hnub so thaum muaj mob rau koj, koj tus menyuam lossis tsev neeg, sib ceg/ntaus hauv tsev thiab lwm yam kev so.  Tsis tas yuav them koj rau cov kev so no.  Yog koj toobkas siv cov kev so no, tham nrog koj qhov chaw ua haujlwm seb koj siv puas tau.

Saib peb cov ntawv qhia tseeb::    
Rho Tawm Sijhawm So Tom Haujlwm: Yug Menyuam, Yuav Menyuam Los Tu, Tsev Kawm Ntawm Cov Koom Txoos
Rho Tawm Sijhawm So Tom Haujlwm: Mob Nkeeg lossis Ploj Tuag
Rho Tawm Sijhawm So Tom Haujlwm: Tsev Neeg ua Thab Ham
Cov Cai Muaj Hauv Haujlwm: Cov Neeg Raug Ua Phem Rau thiab Thab Zes

Yog koj raug tso lossis tawm huajlwm vim ib qho ntawm cov sab saud tau tshwm sim, qhia rau koj chaw haujlwm lossis tus neeg uas haujlwm ncig txog kev tiv thaiv cov neeg ua haujlwm paub txog qhov teeb meem tshwm sim thiab tias ua li no tsis yog lawm. Yog lawv tsis ua dabtsi los kho cov teeb meem, koj muaj feem txais tau nyiaj tsis ua haujlwm. Saib peb daim ntawv qhia tseeb Tau Nyiaj Poob Haujlwm. Tej zaum koj yuav tau koj txoj haujlwm rov qab lossis foob rau kev puas tsuaj.  Hu ib tus kws lij choj paub txog ua haujlwm.