Yog Koj Them Tsis Taus Cov Nyiaj Koj Txais Them Nqi Ntawv Vim Koj Xiam Oob Qhab

Yog hais tias koj poob qab ntawm qhov koj them koj cov nuj nqi ntawm qhov koj txais los them nqi kawm ntawv, qhov nyiaj es koj tiv mas yeej nce zuj zus xwb. Qhov nuj nqis yeej tsis pawv li yog tias koj phej ua txuj tsis paub. Tsoom fwv kuj txeeb tau koj cov nyiaj thaum koj ua tau se rov qab los yog rho ib qho nyiaj ntawm cov nyiaj koj khwv tau tom hauj lwm, txawm tias yog cov nyiaj tsoom fwv pab koj hu ua Social Security. Saib peb daim ntawv tseeb Teeb Meem Qiv Nyiaj Kawm Ntawv.

Yog hais tias koj muaj ib qho xiam oob qhab thiab yeej yuav khwv tsis tau nyiaj txaus los them qhov nqi koj txais los them nqi kawm ntawv, koj kuj yuav tsim nyog tau txais qhov kev zam es muab koj cov nuj nqi tshem tawm tag nrho vim koj xiam oob qhab hu ua Total and Permanent Disability (TPD) Discharge. Nyob ntawm ib co, muab cov nyiaj qiv Federal tshem tawm mus lawm. Ntawm lwm co, koj yuav tsum tau thov rau qhov TPD tshem tawm.

• Koj qhov xiam oob qhab es ua tsis taus hauj lwm tag sim neej “total and permanent disability” (TPD) yog qhov es yeej tshem tawm cov nqi koj tiv es txais los them nqi ntawv. Qhov no yeej xam tias tshem tawm yog koj muaj cov nqi koj txais them nqi kawm ntawv ntawm tsoom fwv “federal student loan.”
   
• Federal Family Education Loan (FFEL), Direct thiab Perkins yeej muab tshem tawm tau vim yog kev xiam oob qhab. Koj qhov nyiaj pab hu ua TEACH Grant pab cuam kuj yuav raug tshem tawm thiab. Cov niam txiv es tau txais nyiaj ntawm PLUS loans kuj ua ntawv thov kom muab cov nuj nqis tshem tawm raws li lawv qhov kev xiam oob qhab, es tsis yog menyuam cov nuj nqis. Yog hais tias 2 leeg niam txiv tau txais nyiaj ntawm PLUS loans, yog tias ib tug niam txiv xiam oob qhab lawm, tus niam txiv es tsis xiam oob qhab yuav tau them cov nqi txais nyiaj rov qab.

Nco Ntsoov: Cov nyiaj txais them nqi ntawv ntawm cov tuam txhab tsis yog tsoom fwv li ntiag tug “private” ces yuav tsis tsim nyog muab tshem tawm vim txoj kev xiam oob qhab (TPD). Tabsis ib co lawv kuj muaj lawv tej qhov koom haum pab es muaj ntsis sib xws li qhov no. Tiv tauj lub tuam txhab es koj txais nyiaj

Muab koj cov nyiaj qiv kawm ntawv muab tshem tawm ntawm tsoom fwv yog:

• koj muaj ib qho xiam oob kab uas cuam tshuam koj txoj kev ua haujlwm heev
• koj yeej yuav khwv tsis tau nyiaj txaus los them cov nyiaj qiv kawm ntawv rov qab, thiab 
• muaj tej yam txheej xwm koj tsim nyog tau.

Tiam sis tsuas yog yuav cia li muab koj cov nyiaj qiv kawm ntawv tshem tawm yog:

• Yog lub Department of Veterans Affairs lees paub txog koj paub qhov TPD. Ces cia li muab koj cov nyiaj qiv ntawm tsoom fwv tshem tawm ntawm lub Department of Education thaum lawv kuaj pom.
   
• Yog lub chaw Social Security Administration less paub txog koj qhov TPD. Ces cia li muab koj cov nyiaj qiv ntawm tsoom fwv tshem tawm ntawm lub Department of Education thaum lawv kuaj pom.

Yog cia li tshem tawm koj qhov nyiaj qiv kawm ntawv, lub Department of Education yuav tsis soj ntsuam seb koj khwv tau cia ntau dhau lawm.

Yog koj tsis muaj feem tau qhov cia li tshem tawm, tej zaum koj tseem muaj feem tshem tawm koj cov nyiaj qiv kawm ntawv.

• Qhia rau tus neeg es tuav koj cov nuj nqi hu uas TPD Servicer kom nws paub tias koj xav sau ntawv mus thov. Koj yeej thov tau hu xov tooj, sau email los yog xa ntawv hauv pais xab nis. Yog hais tias koj xav pib thov no hauv online, mus saib lub vas sab es tshem tawm cov nuj nqi vim xiam oob qhob (TPD Discharge) hauv www.disabilitydischarge.com (lus Askiv xwb) thiab nias qhov Apply Now. 
   
• Tus neeg es pab koj txog cov nyiaj koj txais yog tus pab lub tuam tsev saib kev kawm ntawv Department of Education (DE) leg cov txheej txheem es tshem tawm cov nqi vim xiam oob qhab. Tus neeg no tswj lub vas sab tshem tawm cov nqi vim xiam oob qhab thiab tiv tauj sib tham nrog tus neeg es txais nyiaj es yog sawv cev rau lub tuam tsev saib kev kawm ntawv DE es hais txog xav tau kev pab tshem tawm cov nqi vim xiam oob qhab. 
   
• Thaum koj qhia rau tus neeg pab koj txog tshem tawm cov nqi vim xiam oob qhab (TPD Servicer) paub tias koj xav sau ntawv thov tshem tawm cov nqi vim xiam oob qhab, lawv yuav:
   
  • rov tshawb xyuas koj cov ntaub ntawv es lawv muaj txog koj thiab nrhiav koj cov nuj nqis koj txais ntawm tsoom fwv thiab/los yog qhov nyiaj pab hu ua TEACH Grant es kuj yuav tsim nyog tshem tawm cov nqi vim xiam oob qhab.
     
  • tiv tauj tus neeg es tuav koj cov nuj nqis thiab qhia rau lawv kom tsum qhov es hu tuaj tsib nqi ntawm qhov nyiaj koj txais es kom tsum ntev li ntawm 120 hnub. Qhov no txhais tau tias thaum lub sij hawm 120-hnub no koj yuav tsis tau them ib qho nuj nqi txog qhov nyiaj koj txais.
     
• Kom tsum es tsis txhob hu tuaj tsib nuj nqi qhov no yuav muab sij hawm rau koj ua kom tiav koj daim ntawv thov tshem tawm cov nqi vim xiam oob qhab thiab xa mus rau tus neeg tswj TPD Servicer qhov txheej txheem thov kev pab no. Yog hais tias qhov chaw es tuav koj cov nuj nqis tsis txais koj daim ntawv thov no tsis pub dhau 120 ntawm lub sij hawm muab rau koj, koj lub chaw tuav koj cov nuj nqi yuav rov qab pib hu tuaj tsib cov nuj nqis es koj tau txais. Koj yuav tsum tau rov qab pib maj mam them dua.

• Yog koj yog ib tug qub tub rog, qhov chaw qiv nyiaj yuav tsum mus muab ntaub ntawv los ntawm U.S. Department of Veterans Affairs (VA) hais tias koj ua tsis tau haujlwm vim koj xiam oob qhab los ntawm ua tub rog. Ces qhov chaw qiv nyiaj mas li tiv tauj koj es xa ib daim ntawv tuaj qhia koj hais tias koj tsim nyog tau qhov kev tso dim TPD.
   
• Yog koj yog ib tug qub tub rog thiab koj xav hais tias koj tsim nyog raug tso dim rau qhov TPD, tiamsis qhov chaw qiv nyiaj tsis tiv tauj koj, koj yuav tsum muaj ntaub ntawv los ntawm VA. Nug kom lawv muab cov ntaub ntawv qhia hais tias koj ua tsis tau haujwm vim koj xiam oob qhab ua tub rog.  Xa cov ntaub ntawv mus rau koj qhov chaw qiv nyiaj.
   
• Yog hais tias koj tau Social Security Disability Insurance (SSDI) lossis Supplemental Security Income (SSI) thiab koj qhov sijhawm teem rov mus saib xyuas yog li ntawm 5 mus rau 7 xyoos ntawm hnub tim uas thaum txiav txim zaum kawg no hais tias koj tau SSA vim xiam oob qhab, qhov chaw qiv nyiaj yuav tsum muab cov ntaub ntawv los ntawm Social Security Administration (SSA). Ces qhov chaw qiv nyiaj mam li tiv tauj koj es xa ib daim ntawv tuaj qhia koj hais tias koj tsim nyog tau qhov kev tso dim TPD.
   
• Yog koj tau SSDI lossis SSI nyiaj thiab koj qhov sijhawm teem rov saib xyuas yog li ntawm 5 mus rau 7 xyoos ntawm hnub tim uas thaum txiav txim zaum kawg no hais tias koj tau SSA vim xiam oob qhab, thiab qhov chaw qiv nyiaj tsis tiv tauj koj txog qhov tso dim TPD, koj yuav tsum mus nqa cov ntaub ntawv ntawm SSA. Nug lawv kom muab cov ntaub ntawv qhia hais tias koj tau txais nyiaj xiam oob qhab SSDI lossis SSI nyiaj. Nws yuav tau hais qhia tias koj hnub rov mus saib xyuas yog li 5 mus rau 7 xyoos ntawm hnub tim uas lawv txiav txim zaum kawg no hais tias koj tau nyiaj xiam oob qhab.
   
• Yog hais tias koj tsis tau txais daim ntawv ceeb toom qhia tias koj tsim nyog tau qhov nyiaj xiam oob qhab noj, los yog tias koj yeej tau txais daim ntawv tab sis koj tsis paub tseeb tias xyov daim ntawv puas hais tias koj qhov kev xiam oob qhab yog tag ib sim neej, nug SSA kom tau cov ntaub ntawv Benefits Planning Query (BPQY). Los yog koj kuj hu tau SSA tus xov tooj thiab hais kom lawv xa tuaj rau koj. Tus xov tooj yog: 1-800-722-1213.
   
• Koj yeej xa tau ib daim ntawv es ntaus thwj los ntawm koj tus kws kho mob es sau qhia tias koj yeej xiam oob qhab mus tag ib sim neej lawm. Koj tus kws kho mob yuav tsum pom zoo tias koj yeej koom tsis tau nrog tej qho es yuav siv lub zog los ua li vim yog kws kho mob yeej kuaj tau tias koj lub cev ntaj ntsug los yog koj lub hlwb puas tag lawv es:
   
  • ​​​kuj paub tau tias qhov xiam oob qhab no yeej yuav tsum tuag xwb,
     
  • twb tau mob ntev tsawg dua li 60 lub hlis, los yog
     
  • kuj muab xam tau tias yuav mob es qhov mob no ntev tsawg dua li 60 lub hlis. 

• Tus neeg pab koj txog cov nuj nqi “loan servicer” yuav muab koj daim ntawv thov los saib. Cov ntawv thov es muaj kev pom zoo rau yuav muab xa mus rau lub tuam tsev Department of Education kom lawv pom zoo rau es yog qhov kawg. Yog hais tias lub tuam tsev Department of Education pom zoo rau daim ntawv thov lawm, koj yuav tau txais daim ntawv ceeb toom qhia rau koj tias koj cov nuj nqi koj tiv raug muag tshem tawm lawm.
   
• Yog hais tias muaj kev pom zoo lawm, qhov kev tshem tawm koj cov nuj nqis no yuav pib: 
   
  • Hnub tus kws kho mob sau npe rau daim ntawv lossis
  • Hnub lub Department of Education tau txais daim ntawv koj tau nyiaj los ntawm Social Security Administration
  • Hnub uas VA xiab oob qhab txiav txim rau tus neeg uas them cov nyiaj.

Cov nyiaj es koj them tom qab cov hnub ntawd yuav tsum tau rov qab thim tuaj rau koj.

• Qhov 3-xyoo sijhawm pib hnub lawv tso cai muab tshem tawm. Koj qhov nyiaj qiv kawm ntawv yuav tsis rov los tsuav koj tsis txhob qiv nyiaj kawm ntawv tshiab los ntawm tsoom fwv ntawm 3 xyoo ntawd.
   
• Lub Department of Education muaj feem rov muab qhov nyiaj qiv ntawm rov los nyob ntawm tej yam kev tshwm sim. Lawv rov muab rau koj them yog hais tias koj thov siv daim ntawv los ntawm Social Security tau nyiaj thiab koj txais ib daim ntawm los ntawm Social Security Administration hais tias koj tsis xiam oob qhab lawm lossis lawv yuav ntsuam xyuas koj qhov sijhawm 5-7 xyoo lawm.
   
• Txij thaum lub Peb Hlis 2021, lub Department of Education tsis xa ntawv tuaj nug txog nyiaj khwv tau los lawm.
   
• Lub sijhawm rov ua dua no tsis raug rau cov tub rog uas thov los ntawm qhov txheej txheem tub rog.

CEEB TOOM: Tej zaum yuav raug them se rau koj cov federal rau qhov nyiaj muab tshem tawm vim xiam oob qhab yog hais lawv muab tshem tawm ua ntej Ib Hli 1, 2018.

• Yog koj qhov nyiaj qiv tshem tawm los ntawm cov ntaub ntawv VA, ib yam nuj nqi ntau tshaj  $600 rau xyoo muab qhov nyiaj qiv tshem tawm yuav tsum tau qhia rau IRS tias yog nyiaj khwv los ntawm koj cov ntawv ua se.
• Yog koj qhov nyiaj qiv tshem tawm los ntawm ntaub ntawv SSA lossis tus kws kho mob daim ntawv, koj qhov nyiaj qiv yuav muab tshem tawm thaum lub sijhawm 3-xyoo soj ntsuam tas. Tiam sis tej zaum koj yuav tsis tau them se. Yog ib qho tswv yim zoo mus sab laj nrog ib tug kws ua se kom paub ntxiv.

Yog tias qhov nqi koj them es muab tshem tawm vim yog koj xiam oob qhab es tsis yog cov nyiaj es muab se rau koj them hauv koj qhov se ntawm federal taxes yog tias koj cov nqi rau tshem tawm thaum lub Ib Hlis Ntuj Hnub tim 1, 2018 los tom qab ntawd (mus txog ntua lub Kaum Ob Hlis 31, 2025).

• Koj tus neeg pab koj txog koj cov nqi txais (loan servicer) yuav xa ib daim ntawv hauv pais xab nis tuaj qhia rau koj tias tsis kam rau koj.
   
• Koj tus neeg pab koj txog koj cov nqi txais (loan servicer) yuav pib tej kev tsib cov nuj nqi es koj tiv ntawm koj tus askhauj.
   
• Daim ntawv yuav qhia rau koj paub tias yog vim li cas thiaj li tsis kam rau koj. Nws muaj cov ntaub ntawv qhia rau koj tias koj yuav ua li cas yog tias koj muaj lus nug txog qhov kev txiav txim siab no los yog koj xav tias ho muaj lwm yam ntaub ntawv es lub tuam tsev DE yuav tsum tau muab coj los xav dua.
   
• Yog hais tias koj muab tau ntaub ntawv ntxiv los txhawb hais tias koj tsim nyog tau tso dim li ntawm ib xyoo ntawm hnub koj tau daim ntawv tsis kam, qhov chaw qiv nyiaj yuav rov soj ntsuam koj daim ntawv thov tso dim qhov TPD es kom koj tsis txhob tau ua ib daim ntawv thov tshiab.
   
• Yog koj tsis muab ntaub ntawv tshiab rau koj qhov chaw qiv nyiaj uas txhawb tias koj tsim nyog tau tso dim li ntawm ib xyoo rau hnub txais koj daim ntawv tsis kam, tiamsis koj tseem xav kom qhov chaw qiv nyiaj rov soj ntsuam seb koj puas tsim nyog tau tso dim, koj yuav tsum tau ua ib daim ntawv tshiab mus thov qhov tso dim TPD.
   
• Yog hais tias koj daim ntawv thov tsis kam muaj kev pab rau koj kuj tawm tsam tau qhov kev txiav txim siab no hauv lub tsev hais plaub “federal court” tsoom fwv teb chaws. Koj yuav tsum tau nrog ib tug kws lij choj tham tias qhov no ne ho yuav ua li cas.

Kom tau cov ntaub ntawv tag nrho txog qhov kev tshem cov nuj nqis vim xiam oob qhab, nrog daim ntawv thov, mus saib hauv Total and Permanent Disability (TPD) Discharge lub vas sab ntawm www.disabilitydischarge.com (lus Askiv xwb).