“Cov Neeg Xauj Tsev Se Tau Rov Los” Vajtse Se Tau Rov Los

Coob tug xauj tsev thiab cov yuav tsev muaj feem tau nyiaj rov qab txhua xyoo ntawm State of Minnesota.  Qhov koj yuav tau rov qab ntau pestsawg yog nyob ntawm: koj them pestsawg rau nqi xauj tsev lossis nqi tsev yuav, koj cov nyiaj khwv tau los, thiab seb muaj tsawg tus tso koj rau noj haus.

Koj tau cov nyiaj se them rov qab yog tias:

• Koj xauj tsev nyob thiab tagnrho koj tsev neeg cov nyiaj tau rau xyoo 2024 yog tsawg tshaj $75,390 (qhov teem nyiaj nce yog muaj cov koj tau yug ntxiv)
             LOSSIS
• Koj yuav koj lub tsev thiab nyiaj tau los rau koj tsev neeg yog tsawg tshaj $139,320 rau xyoo 2024 (qhov teem nyiaj nce yog muaj cov koj tau yug ntxiv) thiab
   
• Koj tsis yog tos lwm tus yug koj rau xyoo 2024 ntawv ua se rau tsoom fwv, thiab
   
• Koj nyob ib xyoo txwm nkaus los sis ib ntus hauv Xeev Minnesota no rau xyoo 2024 thiab
   
• Koj them nqi xauj tsev rau ib lub tsev loj uas raug them se LOS SIS koj yuav koj lub tsev lawm.
   

NCO CIA:  Yog tias koj yog tus tswv tsev koj YUAV TSUM muaj tus social security naj npawb thiaj txais tau cov nyiaj se them rov qab ntawm cov se vaj tse. Yog tias koj yog ib tug neeg xauj tsev, koj yuav tsum muaj ib tug social security naj npawb lossis ib tug naj npawb siv tau ua se individual tax identification number (ITIN).

• Yog koj xaub tsev nyob, koj tus tswv tsev yuav tsum muab daim Certificate of Rent Paid (CRP) tsis lig tshaj lub Ib Hlis Ntuj, tim 31, Xyoo 2025 no rau koj. Pib lub 2024 ua se, koj yuav tsum tau sau daim ntawv Schedule M1RENT nrog rau koj daim Minnesota Income Tax Return thiaj li tau cov nyiaj xauj tsev rov qab.Ua ntej ntawv, koj yuav tau sau ib daim ntawv txawv Form M-1PR.
   
• Yog tias koj yog tus tswv tsev, siv koj daim Property Tax Statement. Mus muab daim ntawv txawv ua se hu uas 2024 Form M-1PR Homestead Credit Refund (rau cov tswv tsev).
   
• Yog koj muaj lub tsev txawb thiab them nqi xauj qhov av, siv daim Form M-1PR los ua se tau nyiaj rov qab rau qhov av ntawd. Tsis tas li ntawd, sau daim ntawv Schedule M1RENT kom tau nyiaj rov qab rau xauj qhov av.
   
• Koj hu tau rau (651) 296-3781 mus nqa daim ntawv lossis sau ntawv mus rau get a form, or write to: Minnesota Tax Forms, Mail Station 1421, 600 N. Robert St., St. Paul, MN 55146-1421.
  
  Koj kuj muab tau cov ntaub ntawv thiab lwm yam qhia txog kev ua se ntawm lub vas sab: www.revenue.state.mn.us.
   
• Yog koj yog tus tswv tsev sau daim ntawv Form M-1PR thiab koj xav ua xa tuaj, sau daim ntawv, thiab xa nws mus. Daim ntawv no yuav mus kom txog lub 8 Hlis Ntuj, tim 15, xyoo 2025.
  
  Muab xa mus rau:
            Minnesota Property Tax Refund
            Mail Station 0020
            600 N. Robert St.
            St. Paul, MN  55146-0020
   
• Koj yuav tau koj qhov nyiaj li ntawm 60 hnub tom qab koj ua lossis tom qab Cuaj Hli Hnub Tim 30 rau cov tswv tsev. Seb qhov twg yog qhov tom qab.
   
• Koj muaj feem tau koj cov nyiaj rov qab 30 hnub ntxov dua yog koj:
  • Ua se xa hauv computer mus
  • Xaiv qhov xa ncaj qha tuaj tsev ceev nyiaj.  No txhais hais tias muab qhov nyiaj xa ncaj qha tuaj rau koj tus askhauj tom tsev ceev nyiaj.
  • Muab tagnrho cov ntaub ntawv toobkas. No yog hais koj daim ntawv CRP yog koj xauj tsev.
     
• Cov tswv tsev muaj feem sau daim From M-1PR mus txog ib xyoo lig.  Yuav kom tau cov nyiaj them se rov qab ntawm xyoo 2024, koj muaj txog lub Yim Hlis Ntuj, tim 15, Xyoo 2026 los ua koj daim se.

• Hu tus tswv tsev thiab nug kom tau ib daim ntawv CRP.  Yog ua li ntawd tsis tau thiab, sau ib tsab ntawv mus rau tus tswv tsev kom xa ib daim tuaj rau koj thiab sau qhia tias yog nws tsis muab, nws yuav raug nplua $100 rau ib daim CRP uas tsis xa tuaj. . Qhia tus nqi koj them nqi tsev rau xyoo ntawm. Luam ib daim rau koj khaws cia.
   
• Yog koj tus tswv tsev pheej tsis kam muab koj daim CRP rau koj, hu rau Department of Revenue ntawm (651) 296–3781. Hais kom lawv tiv tauj tus tswv tsev thiab tsub nqi nplua yog tus tswv tsev tseem pheej tsis xa tuaj rau koj.
   
• Lub Department of Revenue muaj feem muab tau daim ntawv Rent Paid Affidavit rau koj teev npe kom koj txhob tau sau rau daim CRP. Koj yuav tsum khaws tej ntaub ntawv pov thawj lossis lwm yam uas qhia tau tias koj them nqi xaub tsev npaum cas. Yoj koj tsis muaj ntawv pov thawj, siv daim ntawv cog lus xauj tsev nyob, muab xa mus, tej ntaub ntawv koj muaj yeej meem muab xa mus, lossis lwm yam uas qhia tias koj yeej nyob ntawm lub tsev thiab them nqi xauj tsev lawm. Yog koj qhia tau tias koj nyob ntawd, thiab tias tus nqi xauj tsev yeej raug nqi li cas, ces siv tej pov thawj no los qhia tias nqi xauj tsev yeej tau them mus lawm. 

Yog koj tau nyiaj tsawg, xiam oob qhab, lossis yog tus neeg laus, koj muaj feem tau kev pab dawb. Nrhiav ib qho chaw ze koj, hu rau Department of Revenue ntawm (651) 297–3724 lossis koom haum United Way, thoob plaws hauv xeev no, ntawm 2-1-1.