Cov Cai Ntawm Cov Menyuam Muaj Kev Xiam Oob Qhab Kom tau Kev Pab Cuam ntawm Qhov Chaw Zov Menyuam

Feem ntau, lub Minnesota Human Rights Act (MHRA) thiab lub Americans with Disabilities Act (ADA) txhais tus neeg xiam oob qhab yog ib tug neeg muaj tu ncua rau lub cev lossis xuab moom uas txwv tau ib yam lossis tshaj hauv nws lub neej.

Tej yam loj hauv lub neej muaj xws li, tabsis tsis txwv rau:

• Tu tus kheej
• Pom kev
• Hnov lus
• Tsaug zog
• Taug kev

Tej yam loj hauv lub neej kuj suav tau kev phais tej yam khoom loj hauv lub cev. Xws li kev tiv thaiv kab mob, plab hnyuv, chaw plob, caj pas, thiab chaw muaj menyuam.

Feem ntau, txoj cai hais tias cov lag luam me cais tsis tau cov neeg muaj xiam oob qhab. Ntau lub chaw zov menyuam yog lag luam me. Cov chaw zov menyuam khiav los ntawm tsev kawm ntawv lossis cov koomhaum hauv zej zog kuj yuav tsum tau ua raws txoj cai.

Tej co tsev teev ntuj xauj ib thaj chaw los ua qhov chaw zov menyuam. Yog tsev teev ntuj xauj qhov chaw, ces nws yuav tsum koom tes nrog lub koomhaum zov menyuam kom sawvdaws siv tau. Yog lub tsev teev ntuj nws muab nws ib qhov chaw zov menyuam, ces tej zaum nws yuav tsum lossis tsis tas yuav tsum qhib rau sawvdaws. Yog muaj lus nug txog qhov no, hu lub Minnesota Disability Law Center (MDLC) lossis lwm tus kws lij choj txog kev pab.

Lub lag luam yig kev pab tau vim yuav muaj lub nra nyhav. Lub nra nyhav txhais tias yuav nyuaj rau lawv los ua raws txoj cai, lub lag luam yuav khiav tsis tau. Lub ADA thiab MHRA muaj cov cai los txhais lub nra nyhav yog dabtsi. Lawv saib seb lub lag luam loj npaum cas, nqi them rau cov kev pab thiab lwm yam.

Yog cov kev hloov (kho kom haum) ua rau lawv poob nyiaj lossis ua rau qhov lag luam yuav luag khiav tsis tau, lawv muaj feem hais tias lub nra nyhav, thiab tej zaum lawv yuav tsis tau ua qhov kev hloov.

Feem ntau, lub lag luam me uas siv nyiaj ntxiv los pab cov neeg xiam oob qhab tau txo cov se. Yog qhov chaw zov menyuam hais tias lawv tsis muaj nyiaj pab tau koj tus menyuam, qhia rau cov tswv tias lawv ua ntawv thov tau kev txo se. Tej zaum kev txo se yuav hloov lawv cov nqi.

Feem ntau yuav tsum, tshwj tias nws kim dau (saib saum toj) lossis lub tsev teev ntuj khiav qhov chaw. Tabsis yog nws yog ib lub tsev tshiab, (ua tiav lossis kho dua tshiab txij lub xyoo 1992) ces cov cai nruj heev. Lawv yuav tsum muab kho kom haum txhua tus. Qhov no txhais tias muab hloov kom cov neeg muaj kev xiam oob qhab muaj feem nkag tau lub tsev lossis siv cov kev pab tib yam li cov neeg tsis muaj kev xiam oob qhab.

Rau cov tsev qub zog, cov cai nruj tsis npaum. Ib zaug ntxiv, nug ib tug kws lijchoj kom pab koj yog muaj lus nug txog qhov no.

Qee zaus yuav tsum, qee zaus tsis yuav tsum. Rau kev ua si txhua hnub, koj qhia tau cov neeg ua haujlwm ib cov lus piav tes yooj yim. Lawv mam kawm lus piav tes rau ua si, chav dej, thiab lwm yam. Thaum nyeem dab neeg, lawv txuam tus menyuam tsis hnov lus los ntawm muab cov duab rau nws saib. Feem ntau niam txiv muaj tswv yim zoo txog yuav txuam lawv tus menyuam li cas rau hauv qhov chawv kev pab. Tham nrog cov neeg ua haujlwm thiab qhia tej yam ntxim lawv ua tau.

Qhov chaw zov menyuam yuav tsum muaj tus neeg txhais lus rau kev ua si tshwj xeeb xws li kev mus yos ua si lossis thaum muaj qhua.

Koj tus menyuam yuav tsum tau cov kev pab tib yam li lwm cov menyuam hauv pab pawg thaum ua tau. Yog txhua tus menyuam tau kev pab nrog ntxuav tes, ces koj tus menyuam yuav tsum tau kev pab tib yam. Yog cov neeg ua haujlwm pab lwm tus menyuam tha xim lossis kov nrog khoom ua si, lawv yuav tsum pab koj tus menyuam thiab. Tsis pub cov neeg ua haujlwm hauv qhov chaw zov menyuam tsis quav ntsej koj tus menyuam. Lawv vam tsis tau kom tus PCA ua txhua yam.

Yog koj tus menyuam muaj kev phom sij rau lwm tus, qhov chaw tsis kam pab koj tau. Piv txwv, yog koj tus menyuam tom lwm tus menyuam, lossis khiav tawm mus raum kev tsheb thaum tsis muaj neeg saib, tej zaum qhov ntawd yog kev phom sij rau kev ruaj ntseg. Tej zaum koj yuav tsum tau tus PCA muab kev pab ntxiv kom tso siab.

Yog cov neeg ua haujlwm hauv qhov chaw zov menyuam hloov tej kev lawv ua, qee zaus qhov teeb meem ploj mus lawm. Piv txwv, lawv hloov tau cov sijhawm. Lossis yog ib hom kev ua si muaj teeb meem, lawv yam ua si tshiab thaum koj tus menyuam nyob tom chaw zov menyuam.

Yog qhov chaw tau sim thiab nrhiav tsis tau ib txoj kev ua kom sawvdaws nyob nyab xeeb, ces lawv tsis kam txais koj tau.

Yog qhov chaw zov menyuam twb txais cov menyuam muaj kev xiam oob qhab thiab txais tsis tau ntxiv lawm, ces lawv tsis kam txais koj tus menyuam tau. Piv txwv, yog qhov chaw zov menyuam twb muaj 4 tug menyuam muaj teeb txog cwjpwm lawm, lawv tsis cais kev xiam oob qhab. Qhov chaw tsuas yog txais tsis tau lwm tus menyuam ntxiv lawm.

Sim nrhiav lwm txoj kev los ua haujlwm nrog chaw zov menyuam. Yog koj nrhiav tau ib txoj kev rau koj tus menyuam los nyob hauv kev pab tsis siv dag zog ntxiv, ces tej zaum lub chaw zov menyuam uas tsis muaj cov menyuam xiam oob qhab kam txais koj tus menyuam.

Tej zaum tau tus PCA rau koj tus menyuam yuav pab hloov tau. Koj kuj muab tau lus qhia ntxaws rau cov neeg ua haujlwm txog zaub mov. Lossis koj tuaj tos koj tus menyuam ntxov lossis muab lawv tso hauv cov khooskas rau cov meyuam tshwj xeeb. Yog koj thiab cov neeg ua haujlwm koomtes ua ke, tej zaum koj yuav muaj feem tau kev pab rau koj tus menyuam uas tsis txhuam kev lijchoj. 

Hu lub Minnesota Disability Law Center. Yog peb nrhiav tsis tau ib tug txhawb koj, tej zaum peb yuav pab tau tawm tswv yim thiab taw qhia lwm qhov chaw mus nrhiav tau kev pab. Tus txhawb koj yog tug neeg nyob ntawm koj sab thiab pab koj nkag siab txoj cai thiab tiv thaiv koj cov cai. Tus neeg txhawb yog tau ib tug kws lijchoj lossis lwm tus uas nkag siab txxog koj cov teeb meem thiab pab tau koj.

Lub Minnesota Disability Law Center muaj kws lijchoj pab dawb rau cov neeg muaj kev xiam oob qhab. Tiv tauj peb ntawm:

Minnesota Disability Law Center
111 North 5th Street, Suite 100
Minneapolis, MN 55403

Kaw lus: (612) 332-1441
Hu dawb: 1-800-292-4150

Neeg toobkas kev pab tshiab:  (612) 334-5970

mylegalaid.org/disability-law-center (lus Askiv xwb)

Kev ua daim Ntawv Qhia Tseeb yog pab them nyiaj los ntawn pob nyiaj pab lej 90DNO133 los ntawm lub United States Department of Health and Human Services, Administration on Developmental Disabilities, Projects of National Significance, hauv qab ntawm Public Law 106-402. Cov lus sau hauv daim Ntawv Qhia Tseeb no tsis tas raws li cov kevcai los ntawm Administration on Developmental Disabilities or the Minnesota Department of Administration.