Rov Mus Hais Dua hauv Tsev Hais Plaub Loj Txog Tsoom Fwv Kev Pab

Daim ntawv tseeb no TSUAS YOG rau cov neeg uas twb tau hais plaub hauv Department of Human Services (DHS) txog tsoom fwv cov kev pab thiab tau qhov lus txiav txim lawm lossis daim ntawv. Rov mus hais dua hauv Tsev Hais Plaub Loj nyuaj heev. Yog tau, nrhiav kev pab ntawm ib tug kws lij choj lossis hauv qhov chaw pab koj tus kheej “self-help center”.  

Nws TSIS YOG rau “social security,” poob haujlwm lossis tsis tau vim keebkwm.  

Yog koj rooj plaub hais txog nrhiav pom muaj kev tsim txom los ntawm lub Xeev Minnesota, saib peb daim ntawv tseeb Kev Tsim Txom Yog Dabtsi thiab Nws Cuam Tshuam Kuv Txoj Haujlwm Tau Li Cas?  

Yog koj twb hais hauv DHS thiab tau qhov lus txiav txim uas koj tsis pom zoo nrog lawm, nws muaj tej yam koj ua tau.  Koj hais tau kom lub hoobkas rov coj hais dua los saib xyuas thiab xav dua txog qhov lus txias txim. Qhov no hu uas rov coj los xav dua.  Saib peb daim ntawv tseeb Rov Hais Dua Txog Tsoomfwv Nyiaj Pab Pejxeem (Welfare) rau DHS yog xav paub ntxiv txog thov kom rov coj los xav dua.

TSEEM CEEB:  Koj tsis tas mus rau qhov rov coj los xav dua yog koj xav rov coj mus hais dua hauv Tsev Hais Plaub Loj sai li sai tau.  Tabsis koj ua tsis tau ob yam tib lub sijhawm.  TSIS TXHOB ua ntawv rov coj mus hais dua hauv Tsev Hais Plaub Loj yog koj twb thov kom rov coj los xav dua lawm.  Koj yuav tsum tau to txog qhov txheej txheem ntawm tag tso. 

Yog koj twb mus dhau qhov thov kom rov coj los xav lawm thiab tsis pom zoo li lawv hais LOSSIS yog koj xav hla kauj ruam rov coj los xav kom koj muaj feem coj mus hais dua hauv Tsev Hais Plaub Loj. 

Nco Cia:  Tsev Hais Plaub Loj yog lub tsev hais plaub hauv koj lub nroog. 

Yog koj tsis pom zoo qhov lus txiav txim tom qab hais rooj plaub thiab rov coj xav dua, yog koj twb mus dhau qhov rov los xav dua lawm, koj rov coj mus hais tau hauv Tsev Hais Plaub Loj.  TABSIS NCO CIA:  feem ntau, cov rooj plaub hais swb hauv DHS tsis yog cov zoo rov coj mus hais dua.  Rov coj mus hais hauv Tsev Hais Plaub Loj tsis yog yuav muab nws qhov kev xav rau koj.  Nws tsis cia koj rov pib rooj plaub tshiab.

Tsev Hais Plaub Loj tsuas nrhiav seb puas muaj dabtsi ua yuam kev loj uas hloov tau qhov lus txiav txim rau rooj plaub.  Yog qhov DHS rov coj hais dua ua ncaj ncees thiab raws li kevcai, Tsev Hais Plaub Loj yuav tsis hloov qhov lus txiav txim. 

Tsuas thov rov coj mus hais dua yog tias: 

• koj muaj lus cam txog txoj kevcai.  Xws li koj muaj povthawj tias DHS qhov lus txiav txim tsis ua raws li txoj kevcai.   
  
  LOSSIS 
   
• koj muaj povthawj tshiab.  TABSIS yuav tsum muaj qho lus keb kom zoo tias vim li cas koj tsis muaj qhov povthawj no thawj zaug.  
   

Vim li no, nrog ib tus kws lij choj tham ua ntej ua ntawv rov coj mus hais dua hauv Tsev Hais Plaub Loj.  Nrog tus kws lij choj tham yuav pab qhia seb koj puas muaj lus ntxaus rov coj mus hais dua los tsis muaj.  Tus kws lij choj kuj pab qhia koj tias cov lus twg tsim nyog coj rov mus hais dua.  

Tej zaum koj lub hoobkas legal aid hauv zos yuav muab tau tswv yim rau koj lossis xa koj mus rau lwm qhov chaw. Mus nrhiav koj lub hoobkas, hu rau 1-(877) 696-6529. Lossis mus nrhiav kev pab los ntawm lwm cov kev pabcuam ntawm www.lawhelpmn.org/hm/providers-and-clinics.

Lus Cam Txog Txoj Kevcai:  yuav yeej qhov rov coj  los hais dua hauv Tsev Hais Plaub Loj, koj yuav tsum qhia kom tau tias qhov lus txiav txim hauv DHS tsis yog lawm vim lawv siv cov kevcai tsis yog lossis tsis muaj lus povthawj los txhawb tej yam lawv pom tias muaj. Qhov hais tias koj tsis pom zoo nrog cov lus teev lossis pojthawj tog tod muab tuaj tsis txaus rov mus hais dua.

Povthawj Tshiab:  yog koj muaj povthawj tshiab THIAB lub keb zoo tias vim li cas koj tsis muaj rau thaum hais thawj zaug, tej zaum nws yuav pab koj yeej koj rooj plaub.  Xws li koj tsis paub tias muaj ntaub ntawv yuav pab tau koj rooj plaub thawj zaug tabsis tamsim no koj tau lawv lawm. 

Ntawm no yog ib cov qauv rooj plaub zoo rov mus hais dua:  

• Txoj kev cai hloov ces tej cov nyiaj tau loss sau tsis tau rau koj qhov MFIP, tiam sis tus kws txiav txim plaub siv txoj kev cai qub.  

• Lub nroog hais tias tus menyuam txiv nrog koj nyob. Tus kws txiav txim plaub pom zoo li vim hais tias koj tsis muaj ib qho chaw nyob txawv rau tus txiv. Tom qab hais rooj plaub koj paub hais tias tus txiv raug kaw. Koj mus nqa daim ntawv tom tub ceev xwm, ces muaj ib qho chaw nyob txawv rau nws.  

Muaj tej rooj plaub uas txoj kevcai yeej qhia meej lawm txawm yog tias xws li nws tsis ncaj ncees rau koj. 

Nov yog piv txwv ib rooj plaub tsis zoo rov coj hais dua:

• Txoj kevcai tias koj muaj 30 hnub rov coj mus hais dua.  Koj rov coj mus hais dua 40 hnub tom qab.  Tus txiv txim plaub hais tias koj tsis muaj ib qho tseem ceeb vim ua lig.  

• Cov tsev hais plaub yeej tsis hloov qhov kev txiav txim yog hais tias muaj kev sib cav txog cov lus tseeb. Tej zaum koj xav hais tias lub nroog tus tim khawv dag, tiam sis yog hais tias tus kws txiav txim plaub ntseeg tus tim khawv es tsis ntseeg koj nws tsis yog ib rooj plaub zoo rau koj rov hais dua. Tsuas yog zoo coj rov hais dua yog hais tias tom qab ntawm koj muaj povthawj tseem ceeb uas koj tsis muaj thaum lub sijhawm hais rooj plaub.  

Nws yog ib qho zoo tswv yim yog nrog tus kws lij choj tham.  Tus kws lij choj paub txog cov kev pab ntawm tsoom fwv thiaj muab tau tswv yim seb koj rooj plaub zoo los tsis zoo. 

Yog muab qhov lus txiav txim kawg ntawm Tus Thawj “Commissioner” hauv DHS xa ntawv tuaj, koj muaj 33 hnub suav pib hnub tim sau hauv daim ntawv.  Zoo tib yam li no txawm yog tias qhov lus txiav txim kawg thawj zaug hais plaub lossis lus txiav txim los ntawm rov xav dua.

Yog muab qhov lus txiav txim kawg tuaj cob kiag rau koj, ces koj muaj 30 hnub suav hnub tim ntawm daim ntawv rov coj mus hais dua.

Nco ntsoov tias Tsev Hais Plaub Loj tsuas ua tau tej yam thaum rov  hais dua xwb.  Nws yuas tsis rov hais rooj plaub tshiab rau koj los hais koj cov povthawj dua xwb.  Tej zaum Tsev Hais Plaub Loj yuav kam los saib povthawj tshiab TABSIS tsuas yog tsis tau qhov povthawj no thaum hais hauv DHS vim muaj lus keb zoo.  Feem ntau, Tsev Hais Plaub tsuas saib seb puas siv cov kevcai kom yog rau koj rooj plaub xwb. 

Yog koj nrhiav tsis tau ib tug kws lij choj, koj yeej tseem yuav tsum ua raws li tagnrho tsev hais plaub cov kevcai.  Koj mus nug kev pab ntawm qhov chaw “Self-Help” Pab Tus Kheej hauv koj lub nroog tsev hais plaub. Ua zoo xyuas kom lawv paub tias koj muab DHS qhov lus txiav txim rov los hais dua.  Nws muaj kevcai tshwj xeeb.  Txhob hnov qab tias nws muaj hnub kawg teem tseg!  Nhiav kev pab sai li sai tau!

Muab daim ntawv Rov Coj Los Hais Dua “Notice of Appeal” nrog daim no sau kom tiav lossis koj sau koj tus kheej daim ntawv “notice of Appeal” mus thov kom rov coj los hais dua.  Yog koj sau daim ntawv, nco ntsoov kom muaj tagnrho cov lus no nyob hauv: 

• Lub koomhaum hauv lub nroog twg tsis kam rau koj
• Koj rooj plaub yog thaum twg lawm (hli, hnub tim thiab xyoo)
• Hnub tim txiav txim tsis kam qhov koj thov
• Seb koj puas tau nug kom rov los xav dua los tsis tau
• Yog koj tau nug kom rov los xav dua, hnub tim ntawm qhov lus txiav txim ntawd
• Tias koj tsis pom zoo li qhov lus txiav txim ntawd That you disagree with the order
• Vim li cas koj xav tias yuav tsum hloov qhov lus txiav txim.  Sau qhov koj xav tias DHS yuam kev lawm lossis piav tias koj qhov povthawj yog dabtsi thiab vim li cas koj tsis muaj nws thawj zaug.   
• Muab daim ntawv ntaus cov lus hais plaub “Demand for Transcript.” Siv cov lus sau hauv daim ntawv los nrog daim no.  Tseem ceeb heev rau koj rooj plaub kom tau daim ntawv ntaus cov lus hauv rooj plaub thiab lwm yam ntaub ntawv txog koj rooj plaub!  Daim ntawv ntaus cov lus hauv koj rooj plaub rov hais dua dawb xwb, tsuas txhob yog rooj plaub rov coj hais dua yog rooj plaub kev tsim txom.
• Seb koj puas xav kom los hais rooj plaub
• Ntau lossis sau koj lub npe thiab chaw nyob nrog rau koj tus xov tooj thiab/lossis email chaw nyob. 
• Sau hnub tim, thiab xee npe

• luam Department of Human Services daim ntawv txiav txim
• luam Rov Los Xav Dua (Reconsideration) daim ntawv txiav txim yog koj muaj
• luam daim ntawv povthawj tshiab yog koj muaj
   

Muab tagnrho cov ntawv uake no luam.  Luam ib pob ntawv rau DHS, luam ib pob ntawv rau ib/pawg neeg sau rau hauv koj daim ntawv txiav txim thiab luam ib pob ntawv rau koj tus kheej. 

Coj koj cov ntaub ntawv mus rau tim koj lub tsev hais plaub qhov chaw pab tus kheej ua ntej xa mus kom lawv pab nrog koj saib seb puas ok. Mus nrhiav koj lub tsev hais plaub ntawm www.mncourts.gov thiab nias rau “Find Courts” ces nias rau koj lub nroog. (lus Askiv xwb)

“Xa ntawv qhia” txais tias koj yuav tsum muab xa mus lossis nqa cov ntawm luam rov coj mus hais dua no mus rau lwm cov neeg lossis cov koomhaum koom tes rau rooj plaub no.  Yuav tsum muab tagnrho cov ntawv uas koj muab rau tsev hais plaub rau tagnrho cov koomhaum sau rau hauv koj daim ntawv los ntawm DHS. Ntawm muaj nrog tus thawj coj DHS Commissioner, lub hoobkas County Human Services, thiab ib tug kws lij choj rau ntawm County Human Services hoobkas yog lawv tuaj hais rooj plaub thiab.

Xa los ntawm

• muab xa mus – siv 1st class xa mus 
  
  LOSSIS
   
• Nqa mus cob kiag – yog koj tsis xav them nyiaj xa mus rau ib tug lossis tagnrho sawv daws

Koj yuav tsum qhia kom tau rau Tsev Hais Plaub Loj tias koj xa cov ntaub ntawv lawm.  Daim ntawv “Affidavit of Services” yog qhov povthawj qhia tau li ntawd. Mus muab daim ntawv mus rau ntawm www.mncourts.gov. (lus Askiv xwb)

• Nias rau “Get Forms” saum toj qhov kev xiav “menu"
• Nias rau “Services of Process” ntawm cov lus sau ntawm daim ntawv
• Nias rau “Affidavit of Service – Combined” (lus Askiv xwb)
• Rub tau daim ntawv ua Word lossis pdf  
   

Tsev hais plaub toobkas pom tias sawvdaws tau txais cov ntawv lawm.  Koj siv ib daim ntawv “affidavit of service” rau tagnrho sawvdaws thiab lawv cov chaw nyob.  Lossis koj ua ib daim ntawv “affidavit” rau ib tug neeg lossis koomhaum ua xa ntawv rau tag.  

Koj lossis lwm tug neeg xa tau cov ntawv TABSIS tus neeg uas xa lossis nqa mus cob kiag cov ntawv yuav tsum xee npe rau daim ntawv “Affidavit of Service.” 

Tej zaum koj rooj plaub rov hais dua raug muab tso tseg yog hais tias koj tsis muaj pov thawj tias xav cov ntaub ntawv mus txog!

• Xa koj daim ntawv tseem “Notice of Appeal”, txhua daim ntawv “Affidavit of Service,” thiab tagnrho cov ntawv los nrog mus rau hauv Tsev Hais Plaub Loj. Nrhiav tsev hais plaub chaw nyob ntawm www.mncourts.gov. Nias rau “Find Courts” ces ntau lossis nias koj lub nroog. (lus Askiv xwb).
   
• Tus nqi ua ntawv yog dawb tsuas txhob yog koj coj rov mus hais dua txog pom muaj kev tsim txom. 

• Koj txais cov ntawv koj nug (daim ntawv ntaus cov lus hais plaub, thiab lwm yam ntawv) ntawm DHS.  Lawv muab xa tuaj rau koj.  Tej zaum yuav ntev tshaj 30 hnub koj mam tau txais lawv.
• Koj txais ib daim ntawv tuaj tim Tsev Hais Plaub Loj qhia koj tias tus yuav kws txiav txim plaub rau koj rooj plaub yog leejtwg thiab koj rooj plaub tus naj npawb.  
• Koj muaj sijhawm sau ib daim ntawv piav thiab qhia kom ntxawv dua. Nws yuav tsum qhia hais tias yog vim li cas koj xav hais tias DHS yuam kev lawm. Mus tshawb nrhiav hauv koj lub self-help center hauv lub tsev hais plaub hauv zos seb yuav hais dabtsi thiab hais li cas. Thiab nug seb thaum twg thiab yuav xa mus li cas.   
• Yog koj lossis lwm lub cov koomhaum thov kom hais rooj plaub, nws siv sijhawm 30 hnub tom qab koj txais cov daim ntawv ntaus cov lus hauv rooj plaub ntawm DHS mam li teem tau sijhawm rau hauv Tsev Hais Plaub Loj.  Hu rau tus Thawj Tswj Tsev Hais Plaub (Court Administrator) yog koj muaj lus nug txog qhov sijhawm teem no.  
• Yog tsis muaj leej twg nug kom hais rooj plaub, tus txiav txim plaub mam li saib koj rooj plaub thiab txiav txim tsis pub dhau 90 hnub. 
• Yog koj muaj lus nug txog ua li cas rau koj rooj plaub lawm, hu rau tus ua haujlwm rau tus txiav txim plaub.  Muab koj rooj plaub tus naj npawb ntawm rooj plaub rau nws thaum koj hu mus.
   

NCO CIA:  Saib ntsoov koj ntawv tim Tsev Hais Plaub Loj tuaj.  Nco ntsoov ua tib zoo nyeem! Qhia Tsev Hais Plaub Loj koj qhov chaw nyob txhua sijhawm.  Yog koj tsiv, sau ntawv nrog koj chaw nyob tshiab thiab koj rooj plaub tus naj npawb mus qhia rau Tsev Hais Plaub Loj sai li sai tau. 

Yog koj lossis ib lub koomhaum thov kom hais rooj plaub, Tsev Hais Plaub Loj mam li xa ib daim ntawv qhia hnub tim tuaj rau koj.  Tseem ceeb heev uas koj yuav tsum mus koom.  Yog koj tsis mus, tej zaum tus txiav txim plaub yuav muab koj cov ntawv rov hais dua tshem tawm. 

Thaum mus hais rooj plaub, koj muaj sijhawm los piav rau tus txiav txim plaub tias vim li cas koj xav tias DHS qhov lus txiav txim yuam kev lawm.  Nws yog ib qho zoo tswv yim yog muab sau cia tej lus koj xav hais rau tus txiav txim plaub ua ntej koj mus hais rooj plaub.  Nqa cov lus sau ntawd nrog koj.  Nco ntsoov tias koj tsuas muaj sijhawm luv luv los piav koj tog xwb.  Hais kom luv thiab hais lub ntsiab xwb. 

Tom qab hais rooj plaub tas, Tsev Hais Plaub Loj mam li xa ntawv qhia nws qhov lus txiav txim tuaj rau koj.  Yog koj tsis pom zoo nrog qhov lus txiav txim no, koj mam li rov coj mus hais dua rau hauv Minnesota Courts of Appeals.  Nrog tus kws lij choj tham seb qhov txheej txheem rov mus hais dua  yog li cas.  Nws muaj sijhawm kawg ua ntawv rov hais dua, mus nrog tus kws lij choj tham sai li sai tau!

Lub tsev hais plaub muaj ntawv qhia ntxaws txog yuav mus ua ntawv rov hais dua li cas ntawm lawv lub vas sab www.mncourts.gov.