Totaub Tsoomfwv Txoj Kev Pab

Ib co neeg uas thov daim npav ntsuab (Daim ntawv muaj cai nyob tebchaws (LPR) xwm txheej) lossis daim visa nkag tuaj rau hauv U.S. yuav tsum tau xeem kom dhau qhov “tsoomfwv txoj kev pab.” Tej zaum Immigration yuav tsis kam txais koj daim ntawv thov yog lawv txiav txim tias koj yuav tau ib cov kev pab los ntawm tsoomfwv rau ib lub sijhawm ntev. Lawv kuj xyuas saib puas yog ib tug ntawm koj tsev neeg lossis lwm tus neeg tos koj tuaj thiab seb lawv cov nyiaj txiag khwv tau thiab cov kev pab zoo li cas.   

Cov neeg ua haujlwm rau Immigration saib txhua yam txog tus neeg ntawd. Tej yam xws li:   

• Hnub nyoog
• Nyiaj txiag khwv tau
• Kev noj qab nyob zoo
• Kev kawm ntawv lossis txuj ci
• Tsev neeg nyob zoo li cas

Tsuas yog 2 yam kev pab los ntawm tsoomfwv thiaj suav tau rau ntawm tsoomfwv txoj kev pab xeem:

1. Cov kev pab cuam nyiaj ntsuab uas them tsis muaj tu. Piv txwv yog MFIP, SSI, thiab General Assistance (GA).  
2. Cov chaw tu neeg nyob ntev, xws li tsev laus uas tsoomfwv them nyiaj rau.

Koj puas yog neeg xam xaj U.S.?
Tsoomfwv txoj kev pab TSIS raug koj.

 Koj thiab koj tsev neeg puas tau muaj npav ntsuab?
Tsoomfwv txoj kev pab TSIS raug koj thaum koj rov mus ua koj daim npav ntsuab lossis thov ua neeg xam xaj U.S. Tej zaum koj yuav tsis tau qhov kev soj ntsuam txais kev pab los ntawm tsoomfwv yog hais tias koj rov qab los hauv U.S. tom qab koj tawm lub tebchaws tau tsawg kawg yog 6 hli lawm.

Puas yog koj thov rau, lossis koj puas muaj ib qho xwm txheej ntawm cov no: TPS, U lossis T Visa, xwm txheej neeg tawg rog, lossis Xwm Txheej Tshwjxeeb Menyuam Neeg Txawv Tebchaws?
Tsoomfwv txoj kev pab TSIS raug koj. Nws muaj 29 kem ntawm immigration qhov xwm txheej uas TSIS MUAB suav hais tias tau kev pab ntawm tsoomfwv. 

Puas yog koj npaj yuav thov daim npav ntsuab rau tsev neeg rau koj tus kheej?
Tej zaum tsoomfwv txoj kev pab raug koj. Nrog ib tug kws lij choj immigration tham ua ntej yuav xa ib cov ntawv twg mus rau USCIS.

Cov kev pab los ntawm tsoomfwv hauv qab no TSIS cuam tshuam koj qhov xwm txheej nyob tebchaws no thiab daim ntawv thov nyob tebchaws no:

• Medical Assistance (MA) (tsuas tsis yog kev pab tu mus ntev), Emergency MA,  thiab MNCare  
• Children’s Health Insurance Program (CHIP)
• Kuaj COVID, kho mob thiab txhaj tshuaj
• SNAP / EBT /nyiaj muas noj
• WIC
• Noj mov dawb lossis luv nqi pem tsev kawm ntawv
• Chaw pub zaub mov lossis noj mov dawb
• Tau nyiaj se rov qab vim khwv tau nyiaj tsawg thiab muaj menyuam
• Tau nyiaj rov qab rau menyuam
• Nyiaj pab them tsev, xws li Section 8 thiab Tsev Luam “Public Housing.”
• Tsev nyob dawb “Shelter”

Legal Aid yog pab dawb thiab tsis pub leej twg paub, hu rau 1(800) 292-4150.

Nrhiav lwm cov koom haum uas tej zaum yuav pab tau ntawm www.lawhelpmn.org/hm/providers-and-clinics.  

Xav tau kev pab ntxiv, mus rau https://pifcoalition.org/.   

Mus xyuas dua tagnrho USCIS txoj kev qhia txog tsoomfwv txoj kev pab, mus saib ntawm https://www.uscis.gov/green-card/green-card-processes-and-procedures/public-charge/public-charge-resources.