Kuv raug ntes. Yuav ua li cas tamsim no?

Muaj. Tom qab tub ceevxwm ntes koj, lawv muaj feem tshawb koj seb puas muaj riam phom thiab lwm yam khoom txhaum cai xws li yeej tshuaj ua ntej muab koj rau hauv tub ceevxwb lub tsheb. Tsoom fwv thiab xeev Minnesota txoj cai hais tias lawv ua tau li no.

Yog tub ceevxwm nug seb puas kam lawv tshawb koj lub tsheb, koj yuav tsum hais tias tsis kam txhua zaus. Tejzaum tub ceevxwm muaj feem tshawb koj lub tsheb txawm koj tsis tau tso cai, xws li koj raug ntes tom qab lawv nres koj tsav tshev. Tabsis koj yuav tsum tsis txhob tso cai rau lawv tshawb koj lub tsheb li.

Tom qab cov tub ceevxwm ntes koj thiab tshawb tag, lawv coj koj mus nram tub ceevxwm lub hauv paus lossis lub qhov taub hauv nroog. Ntawm tub ceevxwm lub hauv paus lossis lub qhov taub, muab koj tshwj tseg. Qhov no txhais tau tias lawv muab koj nias hneev tes thiab thaij duab thiab nug txog koj tus kheej.

Tom qab ntes koj tag, tejzaum lawv yuav nug koj lus txog lub txim iab liam. Ua ntej lawv yuav nug koj lus, lawv yuav tsum qhia koj txog koj txoj cai.  

Tej cov cai ntawm cov cai yog: 

• Muaj txoj cai tsis hais lus. Qhov no txhais tias koj muaj cai tsis hais dabtsi rau tub ceevxwm.

• Muaj txoj cai muaj ib tug kwv lijchoj sawv cev rau koj thiab nrog koj txhua zaus uas nug lus.

• Muaj txoj cai tau ib tus kws lijchoj pab dawb yog hais tias koj tsis muaj nyiaj them ib tug kws lijchoj.
   

Txawm hais tias cov tub ceevxwm tsis qhia koj hais tias koj muaj cov cai no, los koj yeej tseem muaj. Yuav kom tiv thaiv tau koj cov cai, koj yuav tsum hais kom meej thiab kom nrov. Piv txwv, “Kuv yuav tsis hais lus” lossis “Kuv yuav tsis hais abtsi” thiab “kuv xav nrog ib tug kws lijchoj tham.”

Tom qab muaj koj tshwj tseg, tej zaum yuav muab koj tso (mus tau) tamsis ntawm LOSSIS tejzaum muab koj tuav cia (ceev koj) hauv qhov taub txoj thaum koj mus ntsib tus kws txiav txim plaub. Nyob ntawm lub txim txhaum lawv hais koj tau ua thiab seb lub qhov taub lossis tub ceevxwm hauv lub nroog “Sheriff’s” lub hoobkas xav li cas. Lawv muaj feem txiav txim seb tso lossis tuav koj. Koj nrhiav tau lus qhia ntxiv txog tso tawm thiab kaw hauv qab no.

Yog tso koj mus, tejzaum tub ceevxwm yuav muab ib daim pib rau koj tamsis ntawm sau qhia cov txim foob koj. Txhua tus neeg raug ntes tsis tau ib daim pib. Yog tub ceevxwm tsis muaj ib daim pib rau koj xyuas koj cov ntawv xa tuaj seb puas pom daim ntawv tsev hais plaub xa tuaj kom koj mus hais plaub hu daim “Summons.” Daim ntawv no qhia seb thaum twg thiab hnub twg yog thawj hnub koj mus hais plaub.  Feem ntau, thawj hnub koj mus hais plaub yog li ntawm 1-2 hli ntawm hnub koj raug ntes, tabsis tejzaum yuav siv sijhawm ntev zog ntawm yog hais tias tsev hais plaub puv lawm. Yog koj tsis pom daim ntawv hu mus hais plaub tuaj, hu lub tsev hais plaub seb puas muaj ib rooj plaub foob koj lossis daim ntawv ntes koj.

Yog koj raug tuav tseg, txoj cai hais tias koj yuav tsum mus hais rooj plaub ntawm ib tus kws txiav txim plaub tsis pub dhau 36 teev.  Qhov 36 teev tsis suav hnub koj raug ntes, vas thiv, lossis tsoom fwv/xeev cov hnub so “holidays.”

Thaum koj tseem tos mus ntsib tus kws txiav txim plaub, tejzaum koj yuav tau ntiav ib tug kws lijchoj. Mus saib kem nrhiav tus kwv lijchoj li cas “How can I find a lawyer?” hauv qab.

Koj yuav tsum tham nrog ib tug kws lijchoj txog koj rooj plaub. Tsis txhob nrog leej twg hauv qhov taub tham txog koj rooj plaub. Tsis txhob tham txog cov ntsiab lus ntawm koj rooj plaub hauv xoovtooj hauv qhov taub. Ntawm ob qho nov, cov lus koj hais muaj feem coj rov los foob koj hauv tsev hais plaub. Yog koj nrog tus kws lijchoj tham hauv xoovtooj hauv qhov taub, nug lawv seb tham puas tau txog koj rooj plaub.

Sim nrhiav ib tus kws lijchoj sawv cev rau koj sai li sai tau. Sim ua li no ua ntej thawj zaus koj mus hais plaub.

Yog koj tsis muaj nyiaj ntiav ib tus kws lijchoj, tejzaum koj muaj feem tau ib tus kws lijchoj dawb. Mus thov ib tus kws lijchoj dawb, mus ntawm https://mncourts.gov/Help-Topics/Public-Defender.aspx.

Tejzaum koj yuav muaj feem tau ib tug kws lijchoj dawb lossis them tsawg los ntawm:

• The Legal Rights Center - kws lijchoj hais plaub dawb rau neeg laus thiab menyuam yaus hauv Nroog Hennepin. Xav paub ntxiv, mus xyuas lub vassab lossis hu (612) 337-0030.
• Neighborhood Justice Center - kws lijchoj hais plaub dawb rau cov neeg raug foob txim hauv Nroog Ramsey, Nroog Dakota, thiab Nroog Washington. Xav paub ntxiv, mus xyuas lub vassab lossis hu rau (651) 222-4703.
• Indian Legal Assistance Program - kws lijchoj hais plaub dawb hauv Nroog St. Louis, Nroog Lake, Nroog Cook, Nroog Aitkin, Nroog Carlton, thiab Bois Forte Tribal Tsev hais plaub. Xav paub ntxiv, mus xyuas lub vassab lossis hu rau (218) 727-2281.
• Regional Native Public Defense Corporation - kws lijchoj hais plaub dawb rau cov tswv cuab qhab cuv npe rau tsoom fwv hauv Nroog Cass, Nroog Becker, Nroog Clearwater, Nroog Beltrami, Nroog Mahnomen, thiab Nroog Itasca. Xav paub ntxiv, mus xyuas lub vassab lossis hu rau (218) 339-5680 (Leech Lake) lossis (218) 983-3285 (White Earth). 
   

Yog koj xav ntiav ib tug kws lijchoj them nyiaj, nrhiav ib tug ntawm Minnesota State Bar Association ntawm https://www.mnbar.org/member-directory/find-a-lawyer.

Yog koj nrhiav tsis tau ib tug kws lijchoj ua ntej koj thawj rooj plaub, koj muaj feem nug kom lawv muab ib tug kws lijchoj lossis thov ib tug kws lijchoj dawb hnub mus hais plaub ntawm.

Yog tso koj mus lawm, feem ntau koj rooj plaub thawj zaus yog li ntawm 1-2 hlis ntawm hnub koj raug ntes. Tiamsis tejzaum yuav siv sijhawm ntev zog yog hais tias tsev hais plaub puv lawm. Qhov no hu thawj zaus mus tshwm ntsej tshwm muag lossis mus lees los tsis lees lub txim. Feem ntau, tus kws lijchoj foob plaub muab lub txim yau los daws rooj plaub. Koj thiab koj tus kws lijchoj txiav txim seb koj yuav lub txim yau lossis tos. Yog koj yuav lub txim yau, ces koj lees txhaum thawj zaus koj mus hais plaub. Yog koj txiav txim tos, lub tsev hais plaub yuav teem sijhawm li 1-6 hlis kom rov tuaj hais dua. Tos yuav muab sijhawm ntau rau koj saib xyuas thiab tshawb nrhiav rooj plaub.  

Yog koj raug kaw lawm, thawj rooj plaub tus kws txiav txim plaub mam txiav txim txog qhov nyiaj txhiv tawm thiab lwm yam kev tso tawm yog li cas.  No yog tej yam li soj ntsuam yeeb tshuaj, coj kauj thoog pob taws, lossis txwv tsis pub muaj phom. Feem ntau, koj tus kws lijchoj cam kom tsis txhob muaj qhov nyiaj txhiv tawm “bail” lossis txo kom tsawg thiab txhob muaj cov kev txwv kom ua tso tawm ntau. Tejzaum tus kws lijchoj foob koj pom zoo li koj tus kws lijchoj hais, lossis tejzuam nkawd yuav cam kom muab qhov nyiaj txhiv tawm ua siab tshaj lossis muaj cov kev nruj koj taug. Qhov kev hais plaub no tsuas yog li 5 feeb lossis tsawg dua.  

SAU CIA: Rooj plaub no tsis yog los txiav txim seb puas tso koj mus. Nyob hauv Minnesota txoj cai, txhua tus neeg muaj cai tso tawm ua ntej hais rooj plaub loj muaj yeej muaj swb, tsuas lawv muaj nyiaj them tso tawm/lossis pom zoo ua raws li tej yam kev kom ua. Tus kws txiav txim plaub TSIS MUAJ cai kaw koj yog tias tsis tau teem nyiaj txhiv tawm “bail.”

Tus txiav txim plaub yog tus thiaj txiav txim tau txog qhov nyiaj txhiv tawm “bail” thiab lwm yam kev tso tawm. Feem ntau, tus kws txiav txim muaj 3 txoj kev:

1. Tso koj tawm tsis teem dabtsi rau koj ua lossis taug. Qhov no txhais hais tias koj tsis tau them nyiaj txhiv tawm “bail,” coj kauj thoog pob taws, lossis pom zoo ua tej yam teem kom ua. Koj yuav tsum tau cog lus rau tsev hais plaub tias koj yuav tuaj hais plaub yav tom ntej.
    
2. Tso koj tawm tabtsis teem tej yam rau koj ua lossis taug. Tejzaum ib qho kev taug yuav yog them nyiaj txhiv tawm ua ntej mam li tso koj mus. Lwm yam kev taug yog li tsis txhob tiv tauj, mus soj ntsuam yeej tshuaj, coj kauj thoog pob taws lossis lwm yam kev saib xyuas, hu thiab mus saib tus neeg ua haujlwm saib xyuas, thiab lwm yam ntxiv.
    
3. Tsuas yog them nyiaj txhiv tawm “bail” xwb ces tso koj tawm mus.  Yog ua li ntawd, koj them qhov nyiaj txhiv tawm “bail” tag nrho thiab koj tsis tau ua tej yam teem.

Tus nqi nyiaj txhiv tawm “bail” thiab lwm cov kev taug uas tus kws txiav txim plaub txiav txim yog ntawm tej yam no:

• Cov ntsiab tseeb ntawm koj rooj plaub
• Lub txim koj raug foob
• Qhov povthawj foob koj muaj zog li cas
• Koj tsev neeg thiab kev raug zoo nrog zej zog
• Seb koj puas ua haujlwm
• Koj txoj kev puas siab puas ntsws, nrog rau siv yeeb tshuaj
• Koj keebkwm raug txim
• Puas muaj ib zaug koj tsis tuaj hais plaub thaum koj yuav tsum tuaj
• Puas muaj feem koj yuav ua phem rau tus neeg raug mob, lwm tus neeg, lossis lub zej zog
   

Ob nqe kawg ntawm cov nov:

• Puas muaj ib zaug koj tsis tau tuaj hais plaub thiab
• Puas muaj feem koj yuav ua phem rau tus neeg raug mob lossis pejxeem
   

yog ob nqe tseem ceeb tus kws txiav txim plaub coj los xyuas thaum txiav txim txog tso tawm.  Nyob hauv ntau rooj plaub, cov kws txiav txim plaub siv ib qhov kev soj ntsuam seb puas yuav muaj teebmeem los pab lawv txiav txim. Koj tau qhov qhab nias raws li koj qhov keebkwm raug txim, keebkwm tuaj hauv tsev hais plaub, haujlwm, kawm ntawv, thiab lwm yam.  Qhov qhab nias qhia tias koj muaj feem qis, nruab nrab, lossis siab yuav tsis ua li lawv hais.

Yog tus kws txiav txim plaub hais kom koj them nyiaj txhiv tawm, koj ua tau li ntawd 3 yam no: 

1. Them qhov nyiaj txhiv tawm tagnrho koj tus kheej, lossis kom ib tug phoojywg lossis tsev neeg pab koj. Yog koj ua li nov, koj yuav tsum tau them qhov nyiaj txhiv tawm qhov taub tagnrho ib zaug, thiab tej zaum koj yuav tsum muaj qhov nyiaj ntsuab kom txwm nkaus.  Hu lub qhov taub hauv zos yog xav paub lawv cov cai. Thaum koj tuaj hais plaub, koj yuav tau qhov nyiaj txhiv tawm rov qab.
    

2. Yog koj them tsis tau qhov nyiaj txhiv tawm, koj mus thov kev pab ntawm Minnesota Freedom Fund (MFF). Koj tus kws lijchoj lossis tsev neeg lossis phoojywg muaj feem thov tau rau koj. Ua tau hauv online.  Yog MFF kam them koj qhov nyiaj tso tawm qhov taub, lawv yuav tsum them qhov nyiaj tagnrho rau lub tsev hais plaub. MFF’s cov kev pabcuam yog dawb, thiab koj tsis tau them lawv rov qab. Xav paub ntxiv mus ntawm www.mnfreedomfund.org.
    

3. Koj muaj feem siv lub tuam txhab lag luam qiv nyiaj txhiv tawm. Qhov no yog ua los ntawm lwm tus neeg – feem ntau yog ib tug neeg hauv koj tsev neeg lossis ib tug phoojywg. Thaum koj siv lub tuam txhab lag luam qiv nyiaj txhiv tawm, tus neeg them ib qho nqi rau lub tuam txhab nqi nyiaj txhiv tawm. Feem ntau, tus nqi yog 10% ntawm tus nqi nyiaj txhiv tawm. Lawv tsis tau qhov nyiaj no rov qab. Thaum lawv them qhov nyiaj, lawv kuj yuav tau kos npe rau ib daim ntawv cog lus nrog lub tuam txhab. Nyob hauv daim ntawv cog lus, tus neeg ntawd txoj haujlwm yog los saib xyuas kom koj yuav tsum rov mus tom tsev hais plaub tom qab tso koj tawm.
    

Thaum them tus nqi tag thiab kos npe rau daim ntawv cog lus tag lawm, lub tuam txhab qiv nyiaj txhiv tawm ua ib daim ntawv mus rau tim tsev hais plaub. Daim ntawv no cog lus hais tias lub tuam txhab mas li them qhov nqi nyiaj txhiv tawm tagnrho yog hais tias koj tsis tshwm tuaj hais plaub. Yog koj tsis tshwm tuaj, lub tuam txhab qiv nyiaj txhiv tawm yuav tau them qhov nyiaj txhiv tawm tagnrho, tus neeg uas kos npe rau daim ntawv cog lus yuav tau them rov qab tagnrho qhov nyiaj txhiv tawm rau lub tuam txhab.

Feem ntau, daim ntawv cog lus nrog lub tuam txhab qiv nyiaj txhiv tawm muaj lus cog tseg tseemceeb heev, xws li cia lawv lossis lawv tus neeg sawv cev (tus neeg raws qab/nrhiav) tshawb tus neeg kos npe lub tsev, raws lub tsheb, raws lawv txheej txheem haujlwm, thiab muaj cai xyuas lawv tej ntaub ntawv txog lawv, xws li cov ntaub ntawv kho mob. Tus neeg uas kos npe rau daim ntawv cog lus yuav raug lawv hu xovtooj tuaj ntau zaus, ntaus ntawv hauv xovtooj tuaj, thiab xav email ntawm lub tuam txhab qiv nyiaj txhiv tawm. Nws tseemceeb heev kom paub txog cov teebmeem thiab ceev faj thaum them nyiaj rau cov tuam txhab qiv nyiaj txhiv tawm lawv cov kev pab.

Yog koj toobkas them nyiaj txhiv tawm immigration cov kev cai txawv. Mus saib peb daim ntawv Cov Kev Cas Nyiaj Tom Immigration.

Yog koj them tsis tau qhov nyiaj txhiv tawm, tejzaum koj yuav tau nyob hauv qhov taub kom txog thaum hais koj rooj plaub tag, hais rooj plaub loj muaj yeej muaj swb lossis lees txais lub txim yau. Tej zaum qhov no yuav siv sijhawm ob peb hnub mus rau ob peb hlis, nyob ntawd rooj plaub thiab seb tsev hais plaub cov plaub ntau li cas.

Koj thov tau kom tus kws txiav txim plaub rov ntsuam xyuas thiab xav dua txog koj qhov nyiaj txhiv tawm thaum twg los tau.  Yog koj tsis muaj nyiaj los mus them qhov nyiaj txhiv tawm  lossis qhov nyiaj txhiv tawm siab dhau lawm es koj tawm qhov taub tsis tau, nrog koj tus kws lijchoj tham kom nws thov rov hais rooj plaub ntsuam xyuas txog qhov nyiaj txhiv tawm dua.

Yog koj tsis lees yuav lub txim yau thawj zaus koj mus hais plaub, koj muaj tsawg kawg yog ib zaug mus hais plaub ntxiv. Ntawm no hu ua rooj plaub “pretrial” mus hais plaub ua ntej rooj plaub loj muaj yeej muaj swb lossis rooj plaub “omnibus” seb puas muaj povthawj txaus foob koj. Nov tshwm sim 1-2 hlis tom qab thawj zaus koj mus hais plaub, tiamsis tejzaum yuav ntev dua nyob ntawm tsev plaub cov rooj plaub ntau los tsawg. Zaum ob tuaj hais plaub yog muab sijhawm rau koj thiab koj tus kws lijchoj tham txog koj rooj plaub nrog tus kws lijchoj foob koj, xav seb puas lees, lossis thov sijhawm ntxiv. Yog koj thov sijhawm ntxiv, tejzaum koj yuav muaj 2-3 rooj plaub ua ntej rooj plaub loj muaj yeej muaj swb lossis seb puas muaj povthawj txaus foob koj thaum koj tos hais koj rooj plaub loj muaj yeej muaj swb.

Lwm yam rooj plaub uas tejzaum koj yuav muaj ua ntej koj rooj plaub loj muaj yeej muaj swb.

• Yog muaj povthawj txaus ntseeg hais tias tau ua lub txim txhaum

• Pom zoo siv cov pojthawj

• Txoj kev siv cov povthawj raws li koj keebkwm raug txim lossis keebkwm raug txim ntawm lwm cov timkhawv
   

Tejzaum tej co rooj plaub kuj raug muab tshem tawm thaum kawg lossis koj tau lub txim zoo yau dua los ntawm tus kws lijchoj foob koj.

Yog hais rooj plaub ua ntej rooj plaub loj muaj yeej muaj swb tsis tas, tejzaum yuav tau hais rooj plaub loj muaj yeej muaj swb. Ntau rooj plaub, koj muaj cai mus hais rooj plaub loj muaj yeej muaj swb rau ib pab pejxeem txiav txim phua txim. Tiamsis koj muaj feem xaiv hais rooj plaub loj muaj yeej muaj swb nrog tus kws txiav txim plaub xwb, uas yog rooj plaub loj muaj yeej muaj swb rau tus kws txiav txim plaub es tsis txhob nrog pejxeem.