Kaum txoj kev qhia tswm yim rau qhov txheej txheem kawm ntawv tshwj xeeb “Special Education” thiab hom phiaj npaj rau tus kheej kawm ntawv “Individual Education Plans” (IEPs)

Tej zaum txoj kev kawm ntawv tshwj xeeb totaub nyuaj. Yog koj xav tau ib qho hom phiaj npaj rau koj tus menyuam kawm ntawv, yuav pab tau koj yog hais tias koj kawm kom paub txhua yam txog tus txheej txheem ntawd. Paub hais tias seb ua li cas thiab neeg tham txog dabtsi yuav pab kom koj totaub zoo dua. Nrhiav kev pab kawm txog tus txheej txheem zoo li cas thiab cov lus thiab zaj lus txhais li cas.  Muaj ib co links nyob tom kawg daim ntawv qhia no mus rau cov kev pab uas yuav pab koj kawm txog tej yam no.

Koj paub koj tus menyuam kawm ntawv zoo tshaj lwm tus! Koj paub tias dabtsi pab tau nws thiab dabtsi pab tsis tau.  Lub IEP rooj sib tham nrog cov xibfwb yog lub sijhawm rau koj los qhia qhov koj paub rau lawv. Xav zoo seb koj yuav hais li cas thiab koj xav kom muaj tshwm sim UA NTEJ mus sib tham. Zoo yog koj sau cia seb yuav hais li cas, kom koj thiaj li nco qab. Thaum sib tham, nug lus yog koj tsis totaub dabtsi lossis xav kom lawv piav tej yam kom meej zaug. Nug seb vim li cas lub tsev kawm ntawv hos pom zoo tej yam kom ua. Nug seb lawv puas tau saib lwm txoj kev lossis sim lwm txoj kev.

Feem ntau, yeej muaj li ib tug neeg ua haujlwm hauv tsev kawm ntawv uas totaub thiab hlub txog koj tus menyuam.  Tej zaum tus neeg no yuav yog:

• tus neeg pab tus xibfwb
• xibfwb
• tsev kawm ntawv tus saib cov menyuam
• tus thawj saib tsev kawm ntawv
• lawv tus neeg hauv tsev kawm ntawv

Nrhiav tus neeg ua haujlwm lossis cov neeg ua haujlwm nrog koj tus menyuam kawm ntawv zoo tshaj thiab nug seb lawv puas kam nrog koj koom tes npaj qhov IEP. Muaj txoj kev raug zoo nrog ib tug neeg laus ntseeg siab thiab hlub yog ib qho tseemceeb los pab koj tus menyuam kawm ntawv kom vam meej.

Txoj txheej txheem kawm ntawv tshwj xeeb muaj ntaub ntawv ntau heev! Tseemceeb uas yuav tsum muab lawv khaws kom zoo cia. Cov ntaub ntawv pab koj muaj suab sawv cev rau koj tus menyuam kawm ntawv. Muab cov ntaub ntawv txhawb tej yam koj xav tau rau pab IEP cov xibfwb.

Cov ntaub ntawv no yog:

• IEPs
• cov kev ntsuam xyuas
• ntaub ntawv tuaj pem tsev kawm ntawv tuaj
• lwm yam qhia txog koj tus menyuam kawm ntawv

Yog tus menyuam kawm ntawv nrhiav tau tej yam thiab nyiam ua hauv tsev kawm ntawv uas lawv ua tau zoo, feem ntau lawv yuav muaj kev ntseeg tus kheej thiab zoo siab dua hauv tsev kawm ntawv.  Sim nrhiav kom tau tej yam no.  Tsom rau tus menyuam txoj kev kawm ntawv, sib raug zoo nrog lwm tus, thiab kev txawj ua neej.  Koj kuj muaj cai nug txog daim ntawv sau txog tus menyuam txoj kev kawm ntawv loj hlob kom muaj tuab duab.  

Cov tsev kawm ntawv yuav tsum tau muab niam txiv ntawv sau hais txog cov kev txiav txim tseemceeb thiab yog vim li cas thiaj li txiav txim li ntawd. Nug kom lub tsev kawm ntawv muab lawv txoj kev txiav txim thiab piav sau rau daim ntawv hu “Prior Written Notice” Daim Ntawv Qhia Ua Ntej lossis PWN. Qhov no yog ib kev zoo los mus totaub tias lub tsev kawm ntawv ua dabtsi.

Ua ib tug niam txiv muaj tus menyuam xiam oob qhab, koj muaj ntau txoj cai. Cov no yog tej yam xws li:

• kom tau ntaub ntawv tsev kawm ntawv xa tuaj
• tau daim ntawv txog koj tus menyuam txoj kev kawm ntawv
•  txais tsev kawm ntawv cov tswm yim sau hauv ntaub ntawv
•  muaj cai pom zoo lossis tsis pom zoo rau cov kev pab cuam thiab kauj ruam

Tseemceeb! Feem ntau koj muaj li 14 hnub ntawm hnub lawv qhia cov tswv yim IEP seb pom zoo los tsis pom zoo rau qhov homphiaj.  Yog koj tsis sau ntawv teb ntawm 14 hnub ntawd, ces lub tsev kawm ntawv cov tswv yim yuav cia li ua li ntawm txawm koj nyiam lossis tsis nyiam!

Muaj ntau txoj kev tawm tsam ib lub tsev kawm ntawv txoj kev, txiav txim lossis tswv yim. Cov no yog tej yam xws li:

• muaj IEP rooj sib tham
• ua ib qho “kev sib tham”
• koom nrog ib qhov kev sib kho
• nug kom muaj ib tug neeg “saib xyuas” rooj IEP sib tham
• ua ib daim ntawv tsis txaus siab nrog rau xeev ib lub khoom haum
• thov mus hais plaub rau ntawm ib tus kws txiav txim

Koj mus nrhiav tau ntau ntxiv seb yuav ua tej yam no li cas ntawm cov kev pab sau rau kem kawg hauv qab.

Tej zaum muaj teebmeem thiab niam txiv thiab tsev kawm ntawv cov neeg ua haujlwm muaj kev chim siab. Muaj ntau txoj kev los sim pab kom ua siab tu li tu tau. Ntawm no yog ib co tswv yim: 

• Ua ntej sib ntsib lossis mus sib tham, xav zoo zoo txog tej yam koj xav pom kom tshwm sim thiab kom koj muab piav meej rau lawv. 
• Xav txog lwm txoj kev txawv los mus tham txog koj cov kev txhawj xeeb thiab homphiaj.
• Hais lus siab tu tu thiab kom meej
• Sim hais kom pab xibfwb nrog koom tes ntawm qhov txheej txheem daws teebmeem.
• Yog cov no tsis pab, saib cov Tswv Yim tom ntej!

Tej zaum peb lub hoobkas yuav pab tau koj.                                                                                  
Peb muaj kwv lij choj thiab cov neeg sawv cev txhawb uas muaj kev kawm thiab paub ntau txog kev kawm ntawv tshwj xeeb.  Tiv tauj peb los thov kev lij choj pab dawb.

1-800-292-4150 (thoob lub xeev)
612-334-5970 (zos St. Paul thiab Minneapolis)

Peb muaj ib lub thoob xeev online intake ntawm https://mylegalaid.org/get-help.                                  
Swb mus rau ntawm qhov lub voj voog xiav hais “Apply Online”.

• MDLC’s Cov Ntawv Qhia: https://www.lawhelpmn.org/hm/qhov-chaw-qhia-yus-pab-yus-tus-kheej/xiam-oob-qhab.  
   
• Minnesota Department of Education FAQs: http://education.state.mn.us/MDE/dse/sped/caqa/
   
• PACER Center Publications: http://www.pacer.org/publications/
   
• Phau qhia cov lus thiab cov niam ntawv npe cim?  http://www.specialeducationguide.com/special-education-dictionary/
   
• MDLC qhov kev qhia hauv vas sab txog kawm ntawv tshwj xeeb cov kev pib:  https://youtu.be/uBrdCj4OWxA