Sau ntawv mus rau lub koomhaum hais tias koj tshuav lawv nqi, tsis yog Department of Revenue. Sau rau saum toj koj tsab ntawv tias yog “Revenue Recapture Appeal.” Sau ob peb nqi lus qhia tias yog vim li cas lawv yuav tsum txhob nqa koj cov nyiaj ua se tau los.
Cov ntsiab lus yog tau:
- koj tsis tiv nqi lossis
- Txawm yog tias koj tiv nqi, koj raug tiv thaiv ntawm kev khaws nyiaj se tau los–saib saud.
Luam daim ntawv khaws cia. Lub koomhaum yuav tsum tau daim ntawv rov hais dua tsis pub dhau 45 hnub txij hnub lawv xa daim ntawv ceebtoom tuaj rau koj. Lub koomhaum yuav tsum teem sij hawm mloog plaub tsis pub dhau 30 hnub. Koj tsis tas muaj kws lij choj, tiam sis kuj tsim nyog koj yuav tau hu mus sib tuav tswv yim nrog ib tug.
Koj tsis muaj cai muaj rooj mloog plaub yog tias qhov nuj nqis los ntawm tsev hais plaub qhov lus txiav txim.
Yog koj tsis tau txais tsab ntawv los ntawm lub chaw ua haujlwm qhia koj cov cai rau koj, los koj yeej muaj cai tawm tsam cov nyiaj lawv muab lawm:
- Sau ntawv mus nug rau lub koomhaum kom rov sib hais dua
- Koj qhov sijhawm 45-hnub mus tawm tsam tsis tau pib ua ntej thaum koj tau txais tsab ntawv hais tias lawv yuav muab cov se.
- Yog lub koomhaum hais tias lawv twb xa tsab ntawv tuaj rau koj lawm, tiam sis koj yeej tsis tau txais, ces koj yuav tau kev rov sib hais nrog lawv los ntawm 2 qhe lus: Qhov ib, koj puas tau txais tsab ntawv tiag? Qhov ob, lawv puas nqa tau koj cov nyiaj ua se tau los?
