Maxaan Yeelayaa Haddii La I Dacweeyo

Haddii lagaa dacweeyo Maxkamadaha Madaniga, warqadaha waxaa kuu soo dira maxkamadda haddii lacagtu ka yar tahay $,500.   Haddii ay ka badan tahay $2,500, waxaa warqadaha lagu diraa boostada diiwaan gashan qofka la dacweynayo.     Warqadaha maxkamadda aad ka hesho ayaa laguugu sheegaa taariikhda iyo waqtiga dhageysiga maxkamadda iyo faahfaahinta dacwadda laguu heysto.   

Haddii lagaa dacweeyo Maxkamadda Degmada, warqadaha waxaa lagugu soo gaarsiiyaa iyada oo la adeegsado qolo sadexaad. Waxa uu noqon karaa qof  ka socda xafiiska sherifka ama qareen.  Warqadaha la doonayo in lagu soo “gaarsiiyo.” Inta badan waxa ay taasi ka dhigan tahay in warqadaha gacanta lagaa saaro ama loo dhiibo qof kale oo qoyska ka tirsan.  Qofka loo dhiibayo “waa inuu gaaray da’da ku haboon oo go’aan gaaro karo.” Ma jiro sharci u degsan xagga da’da, laakiin waxaa inta badan loola jeedaa qof ay da’diisu ka weyn tahay 14 jir oo aan laheyn naafanimo u diideysa inuu fahmo ama ku soo gaarsiin karo warqadaha.   Mararka qaarkood warqadaha boostada ayaa lagu soo diraa.   Haddii ay ku soo gaaro, waxa lagaa doonayaa in aad saxiixdo in aad ka hartay in gacanta lagaa saaro.    Warqadda ka haridda in gacanta lagaa saaro waa mid la socota warqadaha dacwada.  Warqadaha lama socoto balan maxkamadeed. 

Maxkamadaha Madaniga ah waa kuwo dhageysta dacwadaha ku siman ilaa $20,000.  Dacwadaha macamiisha deyn bixiyaasha sida kaararka bangiyada, oo xadkoodu ku eg yahay $4,000.  Uma baahnid in aad qareen qabsato Maxkamadaha Madaniga.

Waajib kuguma aha in aad Jawaab qoraal ah kaga jawaabto dacwadda Maxkamadaha Madaniga ah.   Laakiin, haddii aad u maleyneyso in qofka ku dacweynaya inuu dhab ahaantii lacag kugu leeyahay, waxa aad u baahan tahay in aad diiwaan geliso “dacwad liddi ku ah” ugu yaraan 5 cisho oo maalmaha shaqada ah taariikha dhageysiga dacwadda.      Booqo maxkamadda oo u waydiiso in lagu siiyo foomka Dacwada Liddi Ku Ah si aad u buuxiso. 

Waxa  aad find the forms online (foomka ka heli kartaa barta internetka). Soo booqo www.mncourts.gov adiga oo:

• Guji  “Get Forms” (La Soo Bax Foomamka)
• Guji Conciliation/Small Claims Court (Maxkamadda Dacwadaha Madaniga
• Ka eeg hoosta qaybta foomamka ee la yiraa Ka Jawaabida Responding to a Conciliation Court Claim Forms (Foomamka Qaanta ee Maxkamadda Madaniga) 
• Guji Statement of Claim and Summons (Warbixinta Qaansheegashada Iyo Maxkamad uga yeeris)
   

FIIRO GAAR AH: haddii aadan hubin waxa aad dooneyso waxa kula haboon in aad gujiso qoraalada Ka Jawaabista dacwadaha Madaniga ah. Si taxadar leh u akhri tilmaan bixinta.

Warbixinada iyo sida loogu diyaargaroobo maxkamadda waxaa looga hadlay qeybta hoose ee Maxkamadda Degmada.   Maxkamadaha Madaniga ah waa mid taas la mid ah.

Maxkamadaha Madaniga ah waxa aad ka codsan kartaa xogheynta inay ku siiso maxkamad uga yeeris si aad dhinaca kale ugu khasabto in ay ku siiyaan waxyaabaha caawinaya dacwadaada. Waa in aad weydiisataa waqti wax badan ka horeeya taariikhda dhageysiga maxkamadda.

Haddii aad lagaaga adkaado dacwadda Maxkamadaha Madaniga ah, waxa aad heysataa 20 cisho oo ka bilaabata taariikhda amarka in aad racfaan kaga qaadato Maxkamadda Degmada. Markiiba la xiriir qareen waayo dhageysiga Maxkamadda Degmada ma aha mid fudud.   Waxaa lagu amri karaa in aad siiso lacag dhinaca kale haddii aad codsato dhageysi cusub oo lagaaga adkaado. 

Akhri xogta urursan ee Maxkamadaha Dacwadaha Madaniga.

Difaac KUUMA noqoneyso in aad tiraahdo anigu ma bixin karo deynta la ii heysto.  

Haddii aad aaminsan tahay in dhinaca kale lacag kugu leeyahay, qor sababta qeyb ka mid ah jawaabtaada iyo Dacwadda Liddiga ku ah.  

MUHIM: Telefoon aad dhinaca kale u dirto ama qareenka marna ma noqoneyso jawaabta sharciga ah waligeed.

Marka aad dhameystirto warqadda Jawaabta ah, waa in aad taariikhda ku qortaa oo saxiixdaa. Oo aad boostada ugu dirtaa dhinaca kale ee warqadaha ku soo gaarsiiyey ama qareenkooda. Macluumaadkaas waxa aad ka heli kartaa Maxkamad Uga Yeerista iyo dacwadda asalka ah. Qor taariikhda aad boostada u dhigtay ama aad gaarsiisay. Hayso nuqulka asalka ah ee Jawaab-celinta, waxaa dhici karta inaad u baahato inaad maxkamadda ka xareyso. 

Haddii aadan ka Jawaabin Dacwadda waa lagaa adkaaday ka jawaabid la’aanta waana loo xukumayaa dhinaca kale.  

Haddii aad dooneyso in aad ka Jawaabto laakiin la dhaafay 21 cisho, weli waa in aad jawaabta soo dirtaa sida ugu dhaqsaha badan.  

Haddii lagu dacweeyey oo  lagaa adkaaday jawaabta oo aadan waqtigii ku haboonaa ku soo dirin darteed, oo aad heysato difaac aad dacwadda isaga difaacdo, la xiriir qareen sida ugu dhaqsaha badan.  Maraka qaarkood waxaa laguu ogolaan karaa in dawcadda dib loo furo. 

Ka dib marka aad ka jawaabto, waxaa suurogal ah in warqado kale laguu soo diro. Ka jawaab DHAMAAN warqadaha xitaa haddii aad ka jawaabtay Dacwadda. Warqadahaas waxaa lagu magacaabaa “Interrogatories,” “Requests for Documents,” ama “Requests for Admission” (su’aalo Weydiin, Jawaabaha Qoraalada ama Codsi Ogolaasho.) Ha iska dhago tirin warqadahan. Waa in aad ka jawaabtaa. Waa in jawaabta aad ka bixiso su'aalaha noqotaa mid run ah oo dhameystiran. Asalka adiga reebo oo sawir aad ka qaaaday u dir dhinaca kale.  

Tusaale ahaan, waxa aad ogolaan kartaa in aad dhinaca kale qaar lacagta ka mid ah siiso, laakiin aadan wada sii inta ay weydiisanayaan.  Waxaa suurogal in aad ku heshiisaan in aad tartiib tartii u bixiso.  Dhinaca kale la xiriir ama waraaq ugu qor sida aad ku talineyso.  Nuqulka (koobi) ka reebo wax kasta oo aad dirto.  Ha gaarin wax heshiis ah haddii aadan fulin karin. 

Haddii ay labada dhinac isku raacaan, waxa ay lawada kulmi karaan dhexdhexaadiye balanta maxkamadda ka hor.  Dhexdhexaadiyayaasha waxaa loo tababaray in ay xaliyaan khilaafaadka.  Waxaa laga yaabaa in lacag lagaa qaado.

Si aad u hesho dhexdhexaadiye:

• Ka hubi Dhexdhexaadinta Bulshada ee Minnesota (Community Mediation Minnesota) ee https://communitymediationmn.org/  
   

• Waxa kale oo aad soo wixi kartaa 2-1-1 ama fariin qoraal ah ugu soo diri kartaa nawaaxiga aad degan tahay 898-211 ama kala hadli kartaa barta internetka https://www.211unitedway.org/about-211/somali/.   

• Bogga internetka ee maxkamadda waxa aad ka heli kartaa macluumaadka iyo liiska dhexdhexaadiyayaasha: http://www.mncourts.gov/Help-Topics/AlternativeDisputeResolution.aspx.

Heshiis kasta oo aad gaartaan waa inuu noqdaa mid qoraal ah! Labada dhinac waa in ay saxiixaan oo taariikhda ku qoraan. Inkasta oo laga yaabo in aad heshiis gaartaan hadana waa inuu noqdaa mid qoraal ah, si ay maxkamaddu amar uga soo saarto.    Tani waxa ay kaa caawineysaa in ay xaqaaga ilaaliso haddii hadhow khilaaf soo baxo.

Haddii aadan ku raacsaneyn ama aadan isku dayin in aad heshiis gaartaan, waa in aad tagtaa maxkamadda.

Xusuusin: waa in aad maxkamadda tagtaa xitaa haddii aad heshiis gaartaan.   Taas waxaa lagu magacaabaa “diiwaangelinta” amarka.   Maxkamaddu waxa ay soo saartaa amar.

Haddii aadan imaan, dacwadda waa lagaaga adkaaday.  Haddii aadan maxkamadda ama dhageysiga, markiiba maxkamadda waxc oo weydiiso in taariikhda labedelo.   Waxaa suurogal ah in maalin kale laguu qabto. 

Haddii aad maxkamadda ka maqnaato xaalad degdeg ah darteed ama aanay warqadaha marna ku soo gaarin waxa aad weydiisan kartaa in laguu qabto dhageysi kale adiga oo maxkamadda taga.  Waa in aad cadeysaa sababta aad uga maqneyd dhageysiga.  Keen cadeyn muujineysa sababta aad uga maqneyd maxkamadda.  

Tusaale ahaan, haddii aad uga maqneyd dhageysiga adiga oo isbitaalka lagu dhigay, keen cadeyn muujineysa in isbitaalka lagu dhigay. Haddii aanay marna ku soo gaarin warqadaha oo aad mar dambe ogaatay dacwada, sidaas la socodsii maxkamadda.     Inta badan qareen ayaad u baahan tahay si dacwadda dib loogu furo.

Inta uu socdo dhageysiga, waxa aad la timaadaa oo aad maxkamadda tustaa ixtiraam aad u fara badan  Haka dhex gelin hadalka marka uu dhinaca kale hadalayo. Ha xanaaqin.  Qaaliga toos ula hadal.  Dacwadaadu waxa ay ku xiran tahay sida aad u dhaqanto.

Haddii aadan ku guuleysan Maxkamadda Degmada, waxa aad qaadan kartaa racfaan laakiin inta badan racfaanka laguma guuleysto.  Waxa aad u baahan tahay qareen ku caawiya marka aad qaadaneyso racfaanka.  Haddii lagaa adkaado, dhinaca kale ayaa  hela Xukunka. Xukunku waa amar maxkamadeed oo ku faraya in aad dhinaca kale siiso lacag ama aad sameyso waxa lagu farayo. 

Haddii aadan bixin, dhinaca kale waxa uu isku dayayaa inuu kaa qaado.  Waxa ay ka jartaan ama kala baxaan (lacagta ka qaataan) mushaharkaaga ama xisaabtaada bangiga.  Waxa kale oo ay ka qaadan karaan mushaharkaaga ama xisaabtaada bangiga haddii aadan ka jawaaabin Dacwadda mudada laguu qabtay ama aadan imaan maxkamadda. Ha iska dhaga tirin dacwad laguu qabsaday.

Waxaa suurogal ah in aan laga qaadan karin lacagta ay ku siiyaan ceymiska bulshada, macaashka dadka ka tagay ciidamada, hawlgabka, ama gargaarka dadweynaha. Waxaa jira talaabooyinka aad qaadi karto si aad kaga badbaaddo. Lacagtaadda shaqada la taaban mayo haddii lacagta aad kasbataa asbucii ay ka yar tahay 40 x lacagta ugu yar ee looga shaqeeyo gobolka ama $1,520 bishii. Akhri warqadda xogta urursan ee, Qafaalashada Mushahar/Xisaabta Bankiga Iyo Xuquuqda Aan Leeyahay.  

Xukunka maxkamadda waxa uu ka muuqanayaa taariikhdaada deyn qaadashada ugu yaraan muddo 7 sano ah.  Waa la arkayaa mar kasta oo aad deyn codsato.  La taliyaha deyn qaadashada ayaa kaa caawin kara in aad sameyso qorshe aad si tartiib tartiib ah lacagta ku siiso dhinaca kale.    Waxa aad raadisaa la taliye xagga deyn qaadashada oo aan faa’iido doon aheyn.  Ka digtoomoow dadka ku weydiisanaya inaad lacag siiso si ay kaaga caawiyaan deymaha. 

Cayroobida waa hab kale oo wax looga qabto deymaha.     La hadal sharci yaqaan aqoon u leh cayroobiida si aad u hesho macluumaad dheertaad ah.

La soo xiriir 2 - 1-1 gobolka oo dhan. Waxa kale oo aad fariin qoraal ah ugu soo diri kartaa nawaaxiga aad degan tahay ama kala hadli kartaa barta internetka www.211unitedway.org/about-211/somali/ waxa ay kaa caawin karaan in ay kugu xiraan la taliyaha deyn qaadashada ama cayroobidda.