Cov ntaub ntawv pub pejxeem pom piv Cov ntaub ntawv tsis pub pejxeem pom: Keem Kwm kev Txhaum Cai

Cov ntaub ntawv qhia txog cov txim ua txhaum cai muab tau ntawm ob qhov chaw hu ua Minnesota Court Information System (MNCIS), thiab the Bureau of Criminal Apprehension (BCA).  Cov keeb kwm ceev cia txog cov txim ua txhaum cai ntawm BCA pub pej xeem pom li 15 xyoos tom qab nyob txim tag.  Tabsis cov keeb kwm ceev cia txog cov txim ua txhaum cai muab ceev cia tag tiam thiaj muaj nyob ntawm MNCIS.

Cov ntaub ntawv pub rau pej xeem pom yog:

• Lub txim foob
• Hnub tim foob lub txim
• Lub nroog foob rooj plaub
• Qhov tshwm sim (kuj hu ua Disposition)
• Lub Khoos kas Saib xyuas Tswj los yog qhov chaw kaw
• Txhua yam ceev cia hauv lub tsev hais plaub es tsis yog muab kaw.

Qhov no mas ib nyuag nyuaj zog.  Ntaub ntawv ntawm Keeb kwm raug ntes feem ntau muaj nyob rau cov tsev ua hauj lwm ntawm tub ceev xwb thiab nroog tub ceev xwm “sheriffs.”  Tabsis nws tsis muaj tas li.  Qee lub chaw ua hauj lwm ntawm muaj cov ntaub ntawv keeb kwm muab tau yooj yim hos lwm cov mas muab tsis tau. Nws tsis muaj ib co cai twg es hais tsi ntsees rau qhov no, yog li ntawd nyob ntawm seb koj mus muab qhov twg. 

Nws puas muaj tseeb tias cov ntaub ntawv keeb kwm raug ntes tsis pub pej xeem pom ntawm lub tsev BCA, TABSIS lub tsev BCA yeej muab tau cov ntaub ntawv raug ntes rau koj chaw ua hauj lwm los yog muab rau cov tswv tsev uas tau kev tso cai los ntawm koj mus kauj koj li keeb kwm.

Cov txim txhaum uas twb dhau tshaj 15 xyoos lawm txij thaum mus nyob txim tag yog cov tsis pub pej xeem pom hauv lub tsev BCA tabsis pej xeem tseem tshawb pom ntawm lub tsev MNCIS tsis pau kawg.

Ib co ntaub ntawv ceev rau hauv pej xeem cov keeb kwm hauv tsev hais plaub muab kaw raws txoj cai thiab pej xeem mus saib tsis tau.  Feem ntau cov ntaub ntawv no qhia txog nyiaj txiag los yog keeb kwm ntawm kev mob es tsis pub neeg paub.

Feem ntau cov ntaub ntawv keeb kwm ntawm cov neeg tsis tau muaj hnub nyoog muab xam tias yog cov tsis pub pej xeem pom.  Ib qho kev zam yog thaum tus menyuam hluas no muaj 16 xyoos los yog laus dua thiab raug tsub lub txim loj hu ua felony.  Cov rooj plaub no, nws yuav hais ib rooj plaub pej xeem tuaj mloog tau thiab muaj cov ntaub ntawv qhia txog, txawm tias tus hluas no raug txiav txim tias nws ua txhaum lub txim loj felony.  Koj yeej ppm cov keeb kwm no hauv lub tsev hais plaub.  Tsis muaj cov ntaub ntawv no nyob hauv online.

Ib tug neeg twg yeej tshawb saib tau cov ntaub ntawv pej xeem pom txog ib tug neeg.  Koj mus tshawb saib tau cov keem kwm ntawm lub BCA hoobkas siv pej xeem cov computer nyob hauv qhov chaw neeg tos.

Pej xeem cov ntaub hauv tsev plaub kuj muaj nyob hauv online hauv MNCIS database.

Nkag mus hauv MNCIS database ntawm no: http://pa.courts.state.mn.us (lus Askiv xwb). Los yog mus hauv www.mncourts.gov (lus Askiv xwb). 

• Nias qhov Access Case Records
• Nias qhov Minnesota District (Trial) Court Case Search
• Nyeem cov ntaub ntawv qhia thiab ua raws li cov kev cob qhia

Cov ntaub ntawv tsis pub pej xeem pom tsuas pub pom rau qee qhov xwm txheej, pub qee tus neeg pom nkaus xwb.  Cov neeg uas muab tau cov ntaub ntawv tsis pub pej xeem pom yog:

• Tus neeg cov ntaub ntawv tsis pub qhia txog.  Kuj hu ua tus neeg nyob hauv qhov keeb kwm.

• Cov khoos kas rau kev ruaj ntseg rau cov hom phiaj ntawm kev ruaj ntseg.

• Ib tug neeg twg thiab lub khoos kas yuav tsum tau tshawb fawb neeg li keeb kwm.

• Ib tug neeg twg es muaj daim ntawv ntaus thwj Daim Ntawv Tso Cai kos npe los ntawm tus neeg es cov ntaub ntawv hais txog muab tau cov keeb kwm tsis pub pej xeem pom ntawm tus neeg laus rooj plaub.

• Lub chaw BCA yuav tsis muab tawm cov neeg tsis tau muaj hnub nyoog cov keeb kwm, txawm tias tau kev tso cai los ntawm tus neeg es cov ntaub ntawv hais txog.

Koj hu tau rau BCA ntawm 651-793-2400 thiab nug lawv kom xav ib daim qauv ntawm daim ntawv rau koj.  Los yog muab hauv online ntawm https://dps.mn.gov/divisions/bca.

• Nias qhov Public Services
• Nias qhov Criminal History
• Nias qhov Public and Private Data
• Nias qhov Informed Consent Form

Saib peb daim ntawv qhia Keeb Kwm Kev Txhaum Cai kom paub ntxiv.