Kuv lub tsheb raug cab lawm. Kuv mus nqa kuv cov khoom puas tau?

Cab tau koj lub tsheb thiab “tuav tseg” vim li cov nqe lus hauv qab no: 

• Yog koj nres tsheb tsis raws kevcai, lossis nres ib qhov chaw ntev dhau lawm 
• Yog koj nres tsheb rau sab kev tsis yog thaum muaj xwm ceev los kaus daus
• Yog koj muaj ntau daim pib ticket uas tsis them 
• Yog koj lub tsheb tuag thiab nres ntev koj tsis muab nws tshem

Yog muaj tshwm sim li no, tej zaum koj mus nqa tau koj cov khoom hauv tsheb txawm hais tias koj them tsis tau mus coj koj lub tsheb tabsim no.

Tej zaum koj lub tsheb yuav nyob tom lub zos lossis nroog qhov chaw tuav tsheb lossis tej zaum nyob tom ib lub chaw tuav tsheb uas lub tuam xab cab tsheb ua haujlwm nrog.  Hu mus nug lub hoobkas ntawm lub zos seb cab koj lub tsheb rau qhov twg lawm.    

Yog koj lub tsheb raug cab ntawm ib tug tswv qhov chaw nres tsheb lossis lub lag luam, nws yuav tsum muaj ib daim paib tiv qhia lub tuam xab npe thiab xovtooj.  

Koj hu mus nrhiav koj lub tsheb hauv cov chaw tuav tsheb hauv zos lossis saib hauv lawv lub vaj sab yog tias lawv muaj.  Tsis muaj ib tug xovtooj thoob xeev hu lossis vaj sab rau qhov no.  Koj yuav tsum tshawb hauv koj lub zos lossis nroog mus nrhiav cov chaw hu.

Yog koj lub tsheb raug tuav tseg lossis cab los ntawm ib lub koomhaum hauv zos lossis tsoom fwv, koj yuav tau txais ib daim ntawv li ntawm 5 hnub tom qab uas hais li no:  

• Thaum twg koj lub tsheb raug cab thiab ntawm qhov chaw twg
• Qhia txog koj lub tsheb, xws li xyoo, npe, hom thiab tsheb tus nab npawb tsheb
• Koj lub tsheb nyob qhov twg 

Daim ntawv yuav tsum qhia ntxiv txog: 

• txog cai koj muaj mus coj koj lub tsheb rov los thiab cov nqi koj yuav tau them 
• yuav ua li cas yog tiag koj tsis mus coj koj lub tsheb raws li sijhawm teem
• koj muaj sijhawm ntev li cas mus coj koj lub tsheb 

• ua li cas thiaj mus nqa tau cov khoom hauv koj lub tsheb

Lub xeev txoj kevcai hais tias qhov chaw tuav tsheb yuav tsum nrhiav ib txoj kev rau koj mus nqa koj cov khoom hauv tsheb.  Qhov no tshua yog hais txog cov khoom nyob HAUV lub tsheb xwb, tsis yog tej yam muaj nrog lub tsheb xws li lub log npaj tseg, lub roj “battery”, xov tooj cua, lossis lub cav DVD los nrog lub tsheb.  Txawm yog lub cav DVD lossis lwm yam uas koj toj ntxiv los yeej nqa tsis tau.   

Koj yuav tsum nug thiab mus nqa koj cov khoom tawm ua ntej lub sijhawm teem hauv tsab ntawv.  Hu rau lub chaw tuav tsheb sai li sai tau!  Tej zaum koj tsuas muaj sijhawm li 15 hnub xwb yog koj lub tsheb raug tuav nyob hauv Minneapolis lossis St. Paul.  Tej zaum koj yuav muaj ntev li 45 hnub yog tias koj lub tsheb raug tuav rau lwm qhov chawv hauv Minnesota.

Nyob ntawm seb koj tau nyiaj li cas thiab koj puas tau txais nyiaj los ntawm tsoom fwv.  Yog koj tau nyiaj ntau thiab tsis tau nyiaj los ntawm tsoom fwv, lawv kom koj them thiab kev tagnrho tus nqi cab tsheb thiab lwm yam nqi tiv ua ntej lawv kam koj nqa ib yam dabtsi.  TABSIS yog koj tau nyiaj tsawg, koj nqa tau koj cov khoom dawb yog tias koj muaj ntaub ntawv qhia rau lub chaw tuav tsheb tias koj yog tus tswv tsheb thiab koj tau lossis yuav tsum tau “kev pab raws li toobkas” (nyiaj tsoom fwv). 

Yuav kom qhia tau li nov, nqa ib daim ntawv los ntawm lub nroog, koomhaum muab kws lij choj dawb lossis lwm lub koomhaum pab tsoom fwv uas hais tias koj tsis muaj vajtse nyob, lossis zwm nyob rau hauv ib lub khoomkas no: 

• MFIP lossis DWP (Diversionary Work Program) 
• pab them nqi kho mob (MA) lossis MinnesotaCare
• nyiaj pab rau lwm yam (GA) lossis nyiaj pab rau lwm yam thaum xwm ceev 
• Minnesota supplemental aid (MSA)
• MSA emergency assistance  
• pab them nqi fais fab
• nyiaj muas noj (SNAP) 
• nyiaj laus (SSI)

LOSSIS- yog koj muaj feem txais: 

• ua haujlwm tau nyiaj tsawg tau se rov qab (EITC) lossis Minnesota tsev neeg ua haujlwm tau se rov qab 
• kev pab kws lij choj dawb

• MFIP lossis DWP (Diversionary Work Program)   
• pab them nqi kho mob (MA) lossis MinnesotaCare  
• nyiaj pab rau lwm yam (GA) lossis nyiaj pab rau lwm yam thaum xwm ceev   
• Minnesota supplemental aid (MSA)  
• MSA emergency assistance   
• pab them nqi fais fab 
• nyiaj muas noj (SNAP)   
• nyiaj laus (SSI)  

LOSSIS- yog koj muaj feem txais:   

• ua haujlwm tau nyiaj tsawg tau se rov qab (EITC) lossis Minnesota tsev neeg ua haujlwm tau se rov qab   
• kev pab kws lij choj dawb  

Feem ntau tsuas yog tus tswv ntawm lub tsheb thiaj mus nqa tau khoom tawm hauv lub tsheb xwb.  Tej lub chaw tuav tsheb kam lwm tus neeg mus nqa khoom yog tias tus neeg ntawd muaj ib daim ntawv ntaus thwj tso cai los ntawm tus tswv.  Tus tswv yuav tsum muaj ntaub ntawv qhia tias nws tau txais kev pab los ntawm tsoom fwv, tsis muaj vajtse nyob, lossis muaj feem txais kws  lij choj dawb mam thiaj li mus nqa tau nws cov khoom dawb. 

Yog koj tsis yog tus tswv tsheb, tabsis muaj khoom nyob hauv, tej zaum tej qhov chaw yuav kam koj nqa koj cov khoom yog tias koj muaj ntaub ntawv qhia tau tias nws yog koj li.  Piv txwv, yog koj muaj daim ntawv ID es muaj koj lub npe sau nyob ntawm lub hnab lossis ntawm ib poom tshuaj.

Tsis tau.  Koj tsis muaj cai coj koj lub tsheb tawm dawb txawm yog tias koj ua haujlwm tau nyiaj npaum li cas. 

Yog lub chaw qiv nyiaj cab koj lub tsheb, lawv yuav tsis tau cov khoom nyob hauv lub tsheb.  Koj yuav tsum nrog qhov chaw qiv nyiaj (lub chaw qiv nyiaj lossis tus neeg qiv nyiaj) tham seb yuav ua li cas thiaj tau koj cov khoom rov qab.