Tshem Tawm Rooj Plaub Raug Ntiab Tawm Tsev

Expungment txhais hais tias muab cov ntaub ntawv ntawm ib rooj plaub tshem tawm kom pejxeem tsis txhob pom lawm. Yog koj rooj plaub ntiab tawm tsev raug tshem tawm lawm ces ib tug neeg tshawb xyuas tsev hais plaub cov ntaub ntawv yuav nrhiav tsis pom muaj koj rooj plaub ntiab tawm tsev. Tej zaum cov tsev hais plaub tshem tawm tau cov plaub ntiab tawm tsev, tabsis yeej nyuaj.  

Yav tas los lawm cov plaub ntiab tawm tsev hu ua “unlawful detainers” (UDs) tsis muaj cai nyob hauv lub tsev. Tej zaum tej cov keebkawm yuav qhia txawv tias koj muaj UDs, qhov nov yog tib yam li raug ntiab tawm tsev. 

Tus txiav txim plaub (lossis tus txiav txim plaub qis) yuav txiav txim seb muab rooj plaub ntiab tawm tsev tshem tawm puas tau. Txoj kevcai daim ntawv teev cov khoom uas koj yuav tsum qhia rau tus txiav txim plaub mas nws thiaj li muab rooj plaub ntiab tawm tsev tshem tawm tau. Tabsis, txawm yog koj qhia tagnrho tej no rau tus txiav txim plaub los, nyob ntawm tus txiav txim plaub seb nws puas pom zoo los tsis pom zoo xwb.

Muaj ib co rooj plaub uas tus kws txiav txim plaub yuav tsum tau tso cai kom muab tshem tawm. Lawv muaj sau cia nyob rau phaj ntawv tom ntej no, Yuav tsum tshem tawm rooj plaub.   

• Koj yeej rooj plaub lawm. Muab rooj plaub raug muab lawb tawm mus, lossis hais rooj plaub tag es koj yeej lawm. 
   
• Koj tsiv tawm ua ntej tau txais daim ntawv ntiab tawm tsev. 
   
• Koj hais haum rooj plaub thiab koj ua txhua yam raws li cov lus sib cog tseg.
   
• Koj tus tswv tsev pom zoo tsis cav qhov tshem tawm rooj plaub. Koj tus tswv tsev muab rooj plaub tshem tawm tsis tau, tabsis koj tus tswv tsev pom zoo tsis cav qhov tshem tawm rooj plaub yuav pab koj. 

Nws muaj 3 hom kev tshem tawm rooj plaub koj nug tau.

• “Kev txiav txim rau lwm tus”
• “Nyob hauv txoj kevcai”
• “Yuav tsum tshem”

Yog hais haum koj qhov teebmeem, koj nug ntau tshaj ib yam kev tshem tawm tau. 

Tshem Tawm Rooj Plaub “Inherent Authority” yog kev txiav txim rau lwm tus.
Hom kev tshem tawm rooj plaub no yog los ntawm lub tsev hais plaub lub hwjchim los tswj lawv cov keebkawm plaub. Lub tsev hais plaub txiav txim tias seb tshem tawm rooj plaub rau koj (tus neeg xauj tsev) puas tseem ceeb tshaj cia rau lwm cov tswv tsev yav tom ntej paub txog rooj plaub. Tus txiav txim plaub muaj lub hwjchim los txiav txim seb lawv yuav muab rooj plaub tshem tawm or los tsis tshem.

Tshem Tawm Rooj Plaub “Statutory” yog nyob hauv txoj kevcai.
Hom kev tshem tawm no yog los ntawm txoj kevcai teev cia. Txoj kevcai hais tias kom lub tsev hais plaub muab los xav ib yam li rau qhov kev tshem tawm “txiav txim rau lwm tus”: seb muab rooj plaub tshem tawm rau koj (tus neeg xauj tsev) puas tseem ceeb tshaj cia rau lwm cov tswv tsev yav tom ntej paub txog rooj plaub no? Yog teb tias tseem ceeb dua, THIAB tus tswv tsev rooj plaub muaj dabtsis tsis yog, ces lub tsev hais plaub muab rooj plaub tshem tawm tau. Tus txiav txim plaub muaj lub hwjchim los txiav txim seb lawv yuav muab rooj plaub tshem tawm or los tsis tshem.

Tshem Tawm Rooj Plaub “Yuav Tsum Tshem”
Hom kev tshem tawm no yog los ntawm txoj kevcai teev cia thiab. Tus txiav txim plaub yuav tsum tau tshem tawm koj rooj plaub yog tias koj muaj povthawj li no: 

• Yog lub tsev poob rau tuam txhab nyiaj lossis daim ntawv cog lus yuav tsev raug tshem tawm 
   
• Daim ntawv ntiab tawm tsev tsuas yog vim koj nyob ntev dhau lawm, tsis yog tsis them nqi xauj tsev lossis tsis ua raws li daim ntawv xauj tsev, thiab  
   
• Tsawg kawg, ib qho hauv qab no yeej muaj tseeb: 
  • Lub sijhawm txhiv tawm lossis sijhawm rau daim ntawv cog lus yuav tsev raug tshem tawm dhau lawm. Koj tsiv tawm ua ntej tau txais daim ntawv ntiab tawm tsev.
     
  • Koj yog ib tug neeg xauj tsev thaum lub sijhawm txhiv tawm lossis lub sijhawm rau daim ntawv cog lus yuav tsev raug tshem tawm. Koj daim ntawv xauj tsev pib tom qab tus tswv tsev cov nqi them tsev lossis daim ntawv cog lus yuav tsev pib. Lawv tsis muab sijhawm txaus rau koj los xaus koj daim ntawv xauj tsev, lossis lawv muab sijhawm txaus rau koj los xaus koj daim ntawv xauj tsev tabsi rooj plaub ntiab tawm tsev twb pib ua ntej lub sijhawm lawv qhia tias koj yuav tsum tsiv tawm tsev. 

Nco Cia: Tsev poob rau tuam txhab nyiaj yuav tsum muab sijhawm tsawg kawg yog 90 hnub rau koj. Rau daim ntawv cog lus yuav tsev ces yuav tsum muab sijhawm 12 lub hlis rau koj. Yog koj paub tsis tseeb tias lawv muab sijhawm puas txaus rau koj mus saib peb daim ntawv qhia tseeb, Thaum Koj Tus Tswv Tsev Poob lub Tsev Txheej: Tsev Poob Rau Tuam Txhab Nyiaj thiab Daim Ntawv Cog Lus Yuav Tsev “Contract for Deed” Raug Tshem Tawm.

Hom kev tshem tawm rooj plaub no yog los ntawm lub tsev hais plaub lub hwjchim los tswj lawv cov keebkawm plaub. Lub tsev hais plaub txiav txim tias seb tshem tawm rooj plaub rau koj (tus neeg xauj tsev) puas tseem ceeb tshaj cia rau lwm cov tswv tsev yav tom ntej paub txog rooj plaub. Tus txiav txim plaub muaj lub hwjchim los txiav txim seb lawv yuav muab rooj plaub tshem tawm or los tsis tshem. 

Hom kev tshem tawm no yog los ntawm txoj kevcai teev cia. Txoj kevcai hais tias kom lub tsev hais plaub muab los xav ib yam li rau qhov kev tshem tawm “txiav txim rau lwm tus”: seb muab rooj plaub tshem tawm rau koj (tus neeg xauj tsev) puas tseem ceeb tshaj cia rau lwm cov tswv tsev yav tom ntej paub txog rooj plaub no? Yog teb tias tseem ceeb dua, THIAB tus tswv tsev rooj plaub muaj dabtsis tsis yog, ces lub tsev hais plaub muab rooj plaub tshem tawm tau. Tus txiav txim plaub muaj lub hwjchim los txiav txim seb lawv yuav muab rooj plaub tshem tawm or los tsis tshem. 

Txoj kev tshem tawm no kuj los ntawm txoj cai lijchoj. Tus kws txiav txim plaub yuav tsum tau tshem tawm koj rooj plaub yog hais tias:   

Nco Cia: Tsev poob rau tuam txhab nyiaj yuav tsum muab sijhawm tsawg kawg yog 90 hnub rau koj. Rau daim ntawv cog lus yuav tsev ces yuav tsum muab sijhawm 12 lub hlis rau koj. Yog koj paub tsis tseeb tias lawv muab sijhawm puas txaus rau koj mus saib peb daim ntawv qhia tseeb Thaum Koj Tus Tswv Tsev Poob lub Tsev Txheej: Tsev Poob Rau Tuam Txhab Nyiaj thiab Daim Ntawv Cog Lus Yuav Tsev “Contract for Deed” Raug Tshem Tawm.  

• Koj yuav tsum thov qhov tshem tawm “nyob rau hauv txoj cai” thiab “txoj cai” txhua zaus.   
   
• Koj kuj thov tau qhov tshem tawm “yuam ua raws cai” yog ib yam ntawm cov lus sau hauv kem ua ntej qhov no hais raug koj.  

Koj yuav tsum nug qhov kev tshem tawm “nyob hauv txoj kevcai” yog muaj dabtsis tsis yog rau koj tus tswv tsev rooj plaub. Tej zaum muaj ntau yam tsis yog rau koj tus tswv tsev rooj plaub. Tej zaum tus tswv tsev rooj plaub tsis muaj tseeb lossis tsis raws li kevcai, lossis ob qho tibsi.     

• Tsis muaj tseeb. Tus tswv tsev hais tau tej qho lus tseem ceeb tsis yog lawm. Xws li, tus tswv tsev hais tias koj tsis them nqi tsev raws sijhawm lossis tsis ua li koj daim ntawv xauj tsev, tabsis koj paub hais tias cov lus no tsis muaj tseeb. 

• Tsis raws li kevcai. Tus tswv tsev rooj plaub muaj cov kevcai tseem ceeb tsis yog. Xws li, cov ntau ntawv hais plaub tsis xa rau koj raws li kevcai, lossis rooj plaub yog hais txog tsis them nqi tsev tabsis muaj tej yam khoom nyob hauv lub tsev puas toobkas kho. 

Koj yuav tsum hais kom tus txiav txim plaub ntseeg tias tsim nyog tshem tawm koj rooj plaub. Qhia kom ntxaws txog seb rooj plaub no cuam tshuam rau koj lub neej. Koj muaj feem ntau dua kom koj rooj plaub raug tshem tawm yog tias koj qhia txhua yam ntxaws txog koj qhov teebmeem. 

Hais txog tej yam zoo li no yuav pab kom koj muaj feem ntau dua txog tshem tawm rooj plaub:

• Yog tias raug ntiab tawm tsev vim muaj teebmeem hauv koj lub neej, xws li poob haujlwm lossis muaj teebmeem txog mob nkeeg. 
• Yog tias koj tseem nyob hauv lub tsev. 
• Yog tias qhov no yog thawj zaug koj raug ntiab tawm tsev. 
• Yog rooj plaub no qub lawm. 
• Koj hais haum rooj plaub thiab ua txhua yam raws li koj cog lus cia. 
• Yog tias koj them tagnrho qhov koj tiv rau tus tswv tsev lawm. 
• Raug ntiab tawm tsev nyuaj rau koj mus nrhiav tsev nyob
  • qhia seb pestsawg zaus lawv tsis kam xauj tsev rau koj thiab koj poob nyiaj pestsawg  los them nqi ua ntawv xauj tsev lawm. 
• Vim li cas tau tsev nyob ruaj ntseg, khov kho thiab nqi tsev pheej yig tseem ceeb rau koj thiab koj tsev neeg, thiab vim qhov raug ntiab tawm tsev uas rau koj nrhiav tsis tau tsev nyob. 

Them qhov koj tiv tshem tsis tau koj rooj plaub tawm hauv koj qhov keebkwm. Them qhov koj tiv lav tsis tau tias yuav muab koj rooj plaub tshem tawm. 

Yuav nyuaj tshaj tshem tawm koj rooj plaub yog hais tias koj tseem tiv tus tswv tsev nyiaj. Zoo dua yog koj tos kom tsis txhob mus ua ntaub ntawv tshem tawm rooj plaub txog tom qab koj twb them tus tswv tseg tag lawm. Yog koj qhov teebmeem tamsis no phem heev, lossis ib qho kev yuam ua raws cai tshem tawm raug koj, tej zaum tus kws txiav txim plaub yuav muab koj rooj plaub tshem tawm. Tej zaum lawv muab tshem tawm txawm hais tias koj tseem tiv tus tswv tsev nyiaj. 

Tej zaum tus txiav txim plaub rau rooj plaub raug ntiab tawm tsev yuav hais kom koj them tus tswv tsev. Qhov no yog hu uas txiav txim them nyiaj. Ua ntej tus tswv tsev hais tau kom tsev hais plaub kev nyiaj ntawm koj, lawv yuav tau mus foob koj hauv tsev hais plaub me, conciliation court. Qhov no yog hu uas “docketing” nyob hauv daim ntawv tos hu lossis “transcribing” sau cia qhov kev txiav txim. Tas ces lawv muaj 10 xyoo los kev qhov nyiaj ntawm koj. Tej Zaum, cov tswv tsev tsis ua kauj ruam no txog thaum tus neeg xauj tsev hais kom tsev hais plaub muab rooj plaub tshem tawm. Yog koj tseem tiv tus tswv tsev nyiaj, sim mus nrog ib tug kws lij choj tham ua ntej mus ua ntawv muab koj rooj plaub tshem tawm. 

Txawm hais tau kom muab rooj plaub tshem tawm lawm, tej zaum qhov nqi koj tiv tseem yuav tshwm rau hauv koj qhov keebkwm tiv/them nuj nqi. Coob leej tus tswv tsev kuaj keebkwm tiv/them nuj nqi thiab raug ntiab tawm tsev tibsi ua ntej lawv yuav xauj tsev rau ib tug neeg. 

• Saib tagnrho tsev hais plaub cov ntaub ntawv txog koj rooj plaub, nrog rau qhov lus txiav txim. Yog koj tsis muaj ib daim ntawv luam, mus tim tsev hais plaub uas ntaub ntawv thiab hais kom lawv muab rau koj. Tej zaum yuav tau them nyiaj rau daim ntawv luam. 
  
  Tsev hais plaub qhov keebkwm puas qhia hais tias koj tsim nyog tau qhov kev tshem tawm yuam ua raws cai? Rau cov cai tshiab pib 2024, muaj ntau txoj kev koj tsim nyog tau qhov cai li yuam tshem tawm. Yog ua tau, mus ntsib ib tug kws lijchoj uas paub txog cov rooj plaub ntiab tawm tsev seb puas nrhiav tau tej txoj kev yuav pab kom muab tshem tawm.   
   

• Rau qhov Yuam ua raws cai Tshem Tawm “Mandatory Expungement” muaj raws li cov lus 1-4 lossis 7, saum toj, koj muaj feem tau qhov tshem tawm es tsis tau mus ua ntaub ntawv thov. Sau ib daim ntawv mus rau tus kws txiav txim plaub piav qhia vim li cas koj tsim nyog tau qhov muab tshem tawm thiab nqa mus rau tus neeg tuav ntaub ntawv muab tso rau koj cov ntaub ntawv ntawm rooj plaub. Muaj ib daim ntawv Mandatory Expungement Request lo rau daim ntawv qhia no. 

  Yog tus kws txiav txim plaub hais tias koj yuav tau ua ntawv mus thov lossis them ib tug nqi, ua raws cov lus qhia hauv qab no. Nrog ib tus kws lijchoj tham kom pab lossis muab tswv yim rau koj yog qhov no tshwm sim rau koj.   
   

• Rau qhov Nyob rau hauv txoj cai Tshem tawm, Txoj cai Tshem Tawm, lossis Yuav tau ua raws cai Tshem tawm muaj li cov lus 5-6, saum toj, koj yuav tau ua ntawv mus thov kom muab tshem tawm. Nws muaj ib daim ntawv Thov Muab Rooj Plaub Tshem Tawm nrog daim ntawv tseeb no.  
   

  • Nug tus neeg ua haujlwm seb koj puas tau sau lub hnub tim tuaj hais rooj plaub rau ntawm daim ntawv “Sau Ntawv Thov”. Tej lub nroog kom koj sau hnub tim rau, thiab tej lub nroog tsis kom. 

   

  • Nug tus neeg ua haujlwm seb puas tau muaj lus txiav txim “sau tseg” rau koj rooj plaub.  Yog muaj lawm, tej tug neeg ua haujlwm yuav kom koj ua daim ntawv kom tshem qhov lus txiav txim.  Tej zaum tus neeg ua haujlwm rau qhia tias koj yuav tau ua li no thiab yuav muab daim ntawv rau koj.  

   

  • Nug tus neeg ua haujlwm seb yuav xa daim ntawv “Thov” mus rau Tus Neeg Foob li cas.  Feem ntau, koj muab ntawv daim thov “xa mus rau tug neeg” xa hauv qhov chaw xa ntawv mus rau tus tswv tsev qhov chaw nyob paub zaum kawg. 
     

• Nws muaj ib tug nqi them ua ntaub ntawv thov tshem tawm ib rooj plaub.  Yog koj tau nyiaj tsawg, koj sau daim ntawv thov txhob them nqi tsev hais plaub (IFP).  Daim ntawv no thov kom lub tsev hais plaub tshem tawm tus nqi. Tsev hais plaub muaj cov ntawv no lossis koj mus ua tau ntawm. (lus Askiv xwb)
  
  Mus rau Forms.  
   

  • Nias “Court Fee Waiver (IFP)” lossis tshem tawm nqi tsev hais plaub

  
  Nqa povthawj txog koj nyiaj tau los, xws li tw tshev haujlwm, lossis povthawj noj nyiaj luam. 
  
  Npaj kom tiav thaum mus hais plaub.  Nqa cov ntawv uas koj luam nrog daim ntawv “Thov”, thiab lwm yam uas ntxim yuav pab koj rooj plaub.  Coj cov tim khawv uas pab txhawb tau koj cov lus nrog koj mus. 

  5. Nws muaj ib tug nqi them ua ntaub ntawv thov tshem tawm ib rooj plaub. Yog koj tau nyiaj tsawg, koj sau daim ntawv thov txhob them nqi tsev hais plaub (Court Fee Waiver). Daim ntawv no thov kom lub tsev hais plaub tshem tawm tus nqi. Tsev hais plaub muaj cov ntawv no lossis koj mus ua tau ntawm. (lus Askiv xwb) 

  Mus rau www.lawhelpmn.org/forms.  

• Nias “Court Fee Waiver” lossis tshem tawm nqi tsev hais plaub  

Saib tsev hais plaub cov ntaub ntawv seb puas tau tshem tawm tiag. Tus neeg ua haujlwm yuav qhia koj tias thaum twg koj rooj plaub mam li raug tshem tawm thiab yuav mus kuaj keebkwm li cas thiaj paub tseeb tias tshem tawm lawm tiag. Lub chaw kuaj neeg xauj tsev qhia tsis tau tias muaj qhov raug ntiab tawm tsev yog lawv paub hais tias twb muab tshem tawm lawm. Nws muaj ib daim ntawv los nrog daim ntawv qhia tseeb. Muab luam 16 daim. Xee npe thiab luam koj daim ntawv hais tias muab rooj plaub tshem tawm lawm mus rau txhua lub koomhaum sau rau saum toj ntawm daim ntawv no. Khaws daim ntawv tseeb lossis luam ib daim rau koj khaws cia.  

Yog lawv tsis kam xauj tsev kem rau koj, nug seb tus tswv tsev sib lub koomhaum kuaj neeg xauj tsev twg. Hu rau lub koomhaum ntawd kom lawv tsis txhob qhia txog rroj plaub ntiab tawm tsev uas twb muab tshem tawm lawm. Saib peb daim ntawv qhia tseeb Tshawb Xyuas Neeg Xauj Tsev kom paub ntxiv.

Txoj cai muab hwjchim ntau heev rau tus txiav txim plaub los txiav txim hom plaub muab tshem tawm hauv ntaub ntawv no. Txawm yog hais tias koj xav tias koj muaj feem zoo, txoj kevcai hais tias tus txiav txim plaub yeej tseem hais tau tias “tsis kam” yog tias lawv txiav txim li ntawm. Tib lub sijhawm uas tus kws txiav txim plaub yuav tau muab rooj plaub tshem tawm tsuas yog hais tias nws yog qhov “yuam ua raws cai.” Yog tsis txaus siab rau tus kws txiav txim plaub txoj kev txiav txim, koj coj rov mus hais tau. TIAMSIS feem ntau lub tsev hais plaub uas rooj plaub yuav mus hais tom ntej yuav pom zoo li tus kws txiav txim plaub ua ntej txoj kev txiav txim thiab. Yog koj xav hais tias tus kws txiav txim plaub tsis muab tagnrho cov ntaub ntawv thiab lus lossis tsis siv txoj kev cai lijchoj yog, nrog ib tus kws lichoj tham seb puas tsim nyog rov hais dua. 

Koj mam rov sim hais kom muab rooj plaub tshem tawm dua tom qab sijhawm dhau menstis thiab muaj ntau yam uas tau muab rooj plaub tshem tawm rau koj (tus neeg xauj tsev) tseem ceeb dua li cia cov tswv tsev tom ntej paub txog rooj plaub. Tej yam xws li nyob tsis muaj tse, nyiaj them rau ua ntawv xauj tsev, lossis muaj ntau qhov chaw tsis kam xauj tsev rau koj.   

Saib peb daim ntawv qhia tseeb Nrhiav Tsev Kem Xauj Nyob thiab Tshawb Xyuas Neeg Xauj Tsev, txog nrhiav tsev kem tom qab thaum muaj qhov raug ntiab tawm tsev nyob hauv koj qhov keebkwm. Sim nrhiav cov tswv tsev uas tsis kom them nqi ua ntawv xauj tsev thiab tsis siv chaw kuaj neeg xauj tsev. 

Koj muaj cai ntxiv ib daim ntawv sau piav txog koj qhov teebmeem raug ntiab tawm tsev rau tom chaw kuaj neeg xauj tsev. Saib kom koj daim ntawv keebkwm hauv qhov chaw kuaj neeg xauj tsev yog. Tej zaum nws hos muaj tej yam tsis yog txog koj hauv. 

Cov tuam txhab kuaj neeg xauj tsev qhia txog cov neeg raug ntiab tawm tsev mus ntev li 7 xyoo, thiab cov tswv tsev mus tau tus kheej nram tsev hais plaub mus kuaj cov ntaub ntawv tsev hais plaub tseem khaws txog cov plaub qub raug ntiab tawm tsev. Hais kom lub tuam txhab kho tej yam tsis yog nyob hauv daim ntawv.