Muab puas tau kuv cov txim txhaum tshuaj maj lwv tawm? Cov Kevcai Tshiab Txog Tshuaj Maj Hauv MN

Nws hu uas Adult-Use Cannabis Act. Cannabis yog ib lub npe txawv rau tshuaj maj. Neeg laus muaj 21 xyoos thiab rov saud muaj feem nqa thiab mus kev deb hauv Minnesota nrog: 

• 2 ounces paj tshuaj maj, 
• 8 grams tshuaj maj tseem tseem thiab
• 800 miligrams muaj THC-muaj khoom noj xws li gummies thiab dej haus.

Koj muaj tau txog 2 pounds paj tshuaj maj hauv tsev. 

Tabsis ceev faj! Txawm muaj txoj kevcai tshiab no lawm los koj yeej tseem raug tau teebmeem yog muaj lossis siv tshuaj maj. 

• Nyob rau hauv lub xeev txoj kevcai, koj siv tsis tau tshuaj maj: 
  • ntawm cov tsev kawm ntawv dawb 
  • ntawm cov chaw tsis pub haus luam yeeb
  • ntawm cov chaw uas ntxim tus menyuam tsis tau muaj 18 xyoo yuav nqus tau cov pa luam yeeb lossis pa dej luam yeeb, lossis 
  • thaum koj tsav tsheb
                                                 
• Raws li tsoom fwv txoj kevcai nws yeej tseem txhaum kevcai yog nqa tshuaj maj hla txawv xeev. Koj nqa tsis tau los rau hauv lossis tawm ntawm Minnesota mus rau lwm lub xeev lossis nroog.  
   
• Nws yeej tseem txhaum cai yog muaj lossis siv tshuaj maj hauv tsoom fwv cov tsev luam.  Xav paub ntxiv txog cov kevcai tsev luam, mus saib peb phau ntawv, A Guide to Public Housing in Minnesota. (lus Askiv xwb)
   
• Tej co tsoom fwv hauv zos muaj cov kevcai hais tias koj siv tsis tau tshuaj maj ntawm tej chaw pejxeem tawm rooj. Mus xyuas seb cov kevcai hauv koj lus zos yog li cas.  
   

• Koj yeej tseem yuav raug teebmeem yog muaj lossis siv tshuaj maj tom koj txoj haujlwm. Tiamsis tej zaum koj hos ua tej yam haujlwm, uas koj tsis raug teebmeem nrog koj txoj haujlwm yog muaj lossis siv tshuaj maj thaum koj tsis ua haujlwm. Cov haujlwm ntawm xws li tsav tsheb truck lossis npav kawm ntawv lossis tu menyuam lossis neeg muaj mob.

  Mus saib ntxiv txog Minnesota’s Office of Cannabis Management website ntawm https://cannabis.mn.gov/workplaces. 

• Yog koj tsis yog ib tug xam xaj U.S., mus muab tswv yim txog txoj cai lijchoj ua ntej muaj lossis siv tshuaj maj. Tej zaum nws yuav cuam tshuam koj rooj plaub nyob tebchaws no! Yog koj thov ntaub ntawv nyob, lossis xav hais tias koj yuav thov yam pem suab, nyeem kem ntawv kawg ntawm daim ntawv no.

Ib qho ntawm txoj kevcai tshiab no kom muab cov txim txhaum me tshuaj maj lwv tawm. Txoj kevcai kom cia li muab tej co keeb kwm txim txhaum lwv tawm hauv Bureau of Criminal Apprehension's (BCA) qhov chaw nkawv keeb kwm txhaum txim.

Tsis tas li ntawm, tsim tsa tau ib pawg neeg tshwj xeeb Cannabis Expungement Board los mus ntsuam xyuas txog muab cov txim teem loj “felony” (lub txim raug kaw ib xyoo rov saum) kaw tsis pub leej twg pom ib rooj-mus-ib rooj.

Mus kawm ntxiv txog hais tias keeb kwm txhaum txim, lawv nyob qhov twg, thiab ua li cas thiaj saib tau lawv, saib peb daim ntawv, Keeb Kwm Kev Txhaum Cai. 

Cov keeb kwm txhaum txim yuav tau txais ib daim ntawv tsis ntev no hais tias tej zaum yuav muaj feem muab cov txim hais txog tshuaj maj kaw nyob hauv txoj kevcai tshiab Adult-Use Cannabis. Tseem tab tom los muab xyuas seb yuav ua li cas thiab yuav siv cov ntsiab lus dabtsi.

Lub Tsev Hais Plaub thiab lub BCA yuav ua haujlwm los mus muab cov rooj plaub tsim nyog kaw tsis pub leejtwg pom. Li ntawm 66,000 rooj plaub teem txim me txog tshuaj maj cov keeb kwm hauv BCA’s Criminal History System (CHS) muaj feem cia li muab kaw tsis pub leejtwg pom. Nws kuj muaj 230,000 cov keeb kwm txhaum txim theem “gross misdemeanor” (lub txim raug kaw tsis dhau ib xyoo) lossis cov rooj plaub “felony” (lub txim raug kaw ib xyoo rov saum) uas lub Expungement Review Board ntawm lub Minnesota Department of Corrections tseem yuav los saib. Cov txim no nyob rau tus neeg raug txim foob qhov keeb kwm txog thaum lub BCA muab kho tshiab rau hauv CHS. Tej zaum nws yuav yog ze li ntawm lub Yim Hli 2024.

Hauv txoj kevcai, lub BCA yuav tsum qhia rau cov koom haum tub ceev xwm thiab tsoom fwv cov chaw ua haujlwm foob neeg. TIAMSIS, lawv tsis tas yuav qhia rau tus neeg raug txim foob. Qhov no txhais tau hais tias yog koj muaj ib lub txim txhaum me tshuaj maj, lawv tsis qhia koj thaum nws raug kaw tsis pub leejtwg pom lawm.  

Lub tsev hais plaub tseem npaj yuav ntxiv lus qhia txog tus txheej txheem rau lub Minnesota Judicial Branch website. Koj kuj mus saib xyuas tau seb BCA ua li cas txog qhov haujlwm muab cov kev kaw hauv BCA lub vas sab mus zoo li cas lawm.

Yog koj tsis yog ib tug xam xaj U.S. thiab koj tab tom thov ntawv nyob lossis xav tias tej zaum koj yuav thov yam pem suab, koj yeej tseem yuav tau qhia “immigration” (chaw ua haujlwm tuaj lwm tebchaws tuaj) txog koj lub txim txhaum tshuaj maj. Koj yuav tsum mus nqa koj cov keeb kwm ntaub ntawv raug txim.

1. Mus nug lub BCA kom muab koj cov keeb kwm ntaub ntawb raug txim rau koj tamsim no yog koj raug foob lossis txhaum lub txim tshuaj maj. Tom qab lub tsev plaub hais kom BCA muab cov keeb kwm ntaub ntawv tshuaj maj (tej zaum 2024 yuav tag), tej zaum nws yuav nyuaj mus nqa cov keeb kwm ntaub ntawv koj xav tau xa mus rau “immigration” (chaw ua haujlwm tuaj lwm tebchaws tuaj).
   
   Yog xav mus nrhiav seb yuav mus nqa cov ntawv luam txog koj cov keeb kwm raug txim, saib peb daim ntawv, Keeb Kwm Kev Txhaum Cai.  
    
2. Mus nqa koj cov keeb kwm ntaub ntawv ntawm Minnesota Court Records Online qhov chaw tamsim no yog koj xav hais tias koj raug foob lawm lossis tau txhaum txim tshuaj maj. Tej zaum tej qho txim me tshuaj maj yuav mus muab nyuaj yav pem suab, tiamsis tej zaum lawv tseem ceeb rau koj rooj plaub tuaj lwm tebchaws tuaj.  https://www.mncourts.gov/Access-Case-Records/MCRO.aspx    
    
3. Txawm hais tias koj rooj plaub tshuaj maj twb raug kaw tsis pub leejtwg pom lawm, “immigration” (chaw ua haujlwm tuaj lwm tebchaws tuaj) tseem pom tau hais tias koj twb raug foob lossis txhaum ib lub txim tshuaj maj. Thaum koj mus ua cov ntaub ntawv thov tuaj lwm tebchaws tuaj, qhia ncaj ncees txog txhua lub txim raug foob lossis txim txhaum, txawm hais tias lawv twb muab kaw tsis pub leejtwg pom lawm.