Tus Neeg Tsev Hais Plaub Taw los Sawv Cev rau Tus Menyuam yog Dab tsi?

Daim ntawv qhia tseeb no qhia tias tus neeg tsev hais plaub taw los sawv cev rau tus menyuam “guardian ad litem” yog leej twg thiab lawv cov hauj lwm yog dab tsi. Tsis tas li ntawm nws qhia hais tias tus neeg tsev hais plaub taw los sawv cev rau tus menyuam txawv ntawm tus neeg muaj cai los saib xyuas “guardian.” Tej zaum nws yuav teb tsis tas koj cov lus nug. Nyob rau hauv tsev hais plaub, yog koj muaj lus nug tias leej twg sawv cev rau tus menyuam, leej twg sawv cev rau tus niam txiv, lossis leej twg muaj txoj cai muab ib tus kws lij choj, nug tus kws txiav txim tam sim ntawm.

Tus neeg muaj cai saib xyuas yog tus neeg sawv cev los tiv thaiv thiab pab ib tus neeg. “Ad litem” txhais tias “yog rau rooj plaub”. Muaj txawv hom neeg tsev hais plaub taw los sawv cev rau ntau yam rooj plaub. Ntawm ib cov plaub, tus kws txiav txim “taw ib tus neeg los sawv cev” rau tus menyuam lossis ib tus neeg xiam oob qhab uas yuav nyuaj rau lawv to taub rooj plaub hais txog lawv. Ntawm lwm cov plaub, xws li cov plaub txiav txim leeg twg yuav tau tus menyuam nrog nws nyob lossis tsis saib xyuas lossis ntaus menyuam, tej zaum lub tsev hais plaub taw ib tus neeg los sawv cev thiab mus soj ntsuam thiab los xaiv qhov zoo tshaj rau tus menyuam.

Tus neeg tsev hais plaub taw los sawv cev rau tus menyuam qhia tsev hais plaub hais tias qhov twg zoo tshaj rau tus menyuam xws lis nrog leej twg nyob thiab saib xyuas tus menyuam. Lawv kev soj ntsuam tsis tuaj leej twg tog. Lawv tsis ua hauj lwm rau lub tsev hais plaub lossis qhov chaw tiv thaiv menyuam.

Lawv nrog tus menyuam tham, tus niam txiv thiab tus neeg pab zov tu. Lawv tham tau nrog tus kws ntuas neeg, tus xib fwb, tsev neeg thiab phooj ywg, thiab lub tsev hais plaub thiab cov neeg ua hauj lwm tiv thaiv menyuam.

Lawv sau daim ntawv mus rau tsev hais plaub qhia rau tus kws txiav txim seb pom zoo kom nws txiav txim li cas. Tus kws txiav txim tsis tas yuav tsum ua li tus neeg sawv cev rau tus menyuam  hais tab sis nws saib daim ntawv tseem ceeb heev. 

Nws tseem ceeb heev rau koj koom tes nrog tus neeg tsev hais plaub taw los sawv cev rau tus menyuam. Lawv daim ntawv tej zaum pab koj lossis tsis zoo rau koj rooj plaub. Nco ntsoov: xav qhov zoo tshaj rau koj tus menyuam yuav tsum yog qhov tseem ceeb tshaj.

Tsis yog. Tus neeg tsev hais plaub taw los sawv cev rau tus menyuam txiav txim nws tus kheej seb qhov zoo tshaj rau tus menyuam yog dabtsi. Tej zaum yuav tsis yog li qhov tus menyuam xav tau.

Tej co xwb. Tej lub nroog, xws li Hennepin, feem ntau coob yog kws li choj. Nyob rau lwm lub nroog, tus neeg taw los sawv cev rau tus menyuam yog ib tus neeg kawm tawm los, tus neeg laus muaj kev txhawj xeeb txog yam no. Yog tus neeg tsev hais plaub taw los sawv cev rau tus menyuam tsis yog ib tus kws lij choj, tej zaum muaj ib tus kws lij choj ua hauj lwm rau lawv rooj plaub.

• Hauv chav tsev hais plaub rau tsev neeg, tus kws txiav txim yuav tsum taw ib tus neeg los sawv cev rau tus menyuam yog nws xav tias tus menyuam raug mob, hawv, lossis tsis saib xyuas lossis yog hais tias tus niam txiv tau txhaum tej yam txim. Saib daim ntawv qhia tseeb Niam txiv Sijhawm Saib Menyuam thiab Niam txiv Kev Npaj.

• Hauv chav tsev hais plaub rau menyuam, yuav tsum muaj ib tus neeg taw los sawv cev rau tus menyuam uas tsis saib xyuas, nrog niam qhuav txiv qhuav nyob, lossis ib tus menyuam yuav tsum muaj pab kev tiv thiav (CHIPS cov plaub).

• Tus kws txiav txim los taw tau ib tus neeg los sawv cev rau tus menyuam nyob rau lwm tsev neeg lossis menyuam cov plaub, tab sis nws tsis tas yuav tsum ua li ntawm.

Tus neeg tsev hais plaub taw los sawv cev rau ib tus menyuam tej zaum ua hauj lwm dawb lossis muaj ib tug nqi. Yog nws muaj ib tus nqi, lub tsev hais plaub mam txiav txim leej twg yuav raug them. Yog koj tau txais MFIP lossis lwm yam kev pab pej xeem luam, yog koj muaj ib tus kws lij choj ntawm legal aid, lossis koj tau nyiaj tsawg, tej zaum koj yuav them tus nqe luv, lossis tej zaum koj tsis raug them li.

Tus niam txiv yeej ib txwm muaj txoj cai los ntiav ib tus kws lij choj.

• Hauv chav tsev hais plaub menyuam, yog tus niam txiv tsis muaj nyiaj them ib tus kws lij choj, tej zaum lawv muaj txoj cai tau ib tug dawb. Feem ntau rooj plaub hais txog menyuam, tus menyuam muaj txoj cai tau ib tus kws lij choj dawb yog nws tsis muaj nyiaj them ib tug. (Tej zaum lub tsev hais plaub yuam kom niam txiv them ib tus kws lij choj rau tus menyuam yog nkawv them taus).

• Hauv chav tsev hais plaub tsev neeg, tus menyuam tsis muaj cai muaj ib tus kws lij choj. Tus niam txiv muaj txoj cai muaj kws lij choj, tab sis tsis tau dawb.

Tus neeg muaj cai saib xyuas txawv heev ntawm tus neeg tsev hais plaub taw los sawv cev rau tus menyuam. Tus neeg muaj cai saib xyuas, lossis tus neeg tsev hais plaub tso cai los saib xyuas thiab coj li niam txiv. Lawv txiav txim rau tus menyuam thiab them tus menyuam cov khoom nws toob kas. Tus neeg muaj cai saib xyuas txiav txim seb tus menyuam nyob qhov twg thiab yuav tu nws kom loj hlob li cas.

Tus neeg tsev hais plaub taw los sawv cev rau tus menyuam tsis muaj cai nrog nyob lossis tu tus menyuam. Lawv koom tes ua hauj lwm nrog lub tsev hais plaub los pab txiav txim txoj kev uas zoo tshaj rau tus menyuam rooj plaub xwb.

Muaj ntau tus neeg, nrog cov kws txiav txim thiab kws lij choj, siv lus npe luv “tus neeg saib xyuas” rau tus neeg tsev hais plaub taw los sawv cev rau tus menyuam. Nco ntsoov ob qhov nov txawv deb heev.