Niam Txiv Sijhawm Saib Menyuam thiab Niam Txiv Cov Kev Npaj

Thaum niam txiv sib cais lawm, feem ntau lub tsev hais plaub xav kom leeg niam thiab txiv nyob hauv cov menyuam lub neej. Niam txiv sijhawm saib menyuam yog lub sijhawm niam/txiv siv sijhawm nrog tus menyuam. Tsis hais menyuam nrog leejtwg nyob lossis yam tau menyuam li cas. Niam txiv sijhawm saib menyuam yog tib yam li mus siab menyuam.

Cov plaub sib nrauj thiab menyuam nrog leejtwg nyob no nyuab thiab cuab tshuam cov kevcai tseem ceeb. Zoo dua mus ntsib tus kws lij choj kom pab tswv yim. 

Tsev hais plaub teem tau niam txiv sijhawm saib menyuam. Txawm yog tias niam/txiv tau tagnhro cov menyuam nrog nws nyob, los tus niam/txiv sab tod (uas kuj hu uas tus niam/txiv tsis tau menyuam nrog nyob) muaj feem tau sijhawm saib menyuam thiab. Lub tsev hais plaub teem tau niam txiv sijhawm saib menyuam thaum niam txiv sib koom tau menyuam nrog nyob. Niam txiv sijhawm saib menyuam yuav tsum yog ib qhov zoo dua rau tus menyuam. Yuav teem niam txiv sijhawm saib menyuam, tsev hais plaub saib tus menyuam lub hnub nyoog, tus menyuam kev ruaj ntseg, thiab tus menyuam txoj kev sib raug zoo nrog tus niam/txiv tsis tau menyuam nrog nyob. Tsev hais plaub yuav tsum muab 12 yam los saib qhov zoo dua rau tus menyuam. Saib daim ntawv qhia tseeb Txiv yog Leejtwg thiab Menyuam Nrog Leejtwg Nyob.

Feem ntau, tus niam/txiv tsis tau menyuam nrog nyob tau tsawg kawg yog 25% niam txiv sijhawm saib menyuam. Xam tau qhov no los ntawm suav pestsawg hmo pw ntawm ob liam tiam twg. Piv txwv, 25% yog li ib lub vas xaus vas thiv kem ib lub vas xaus vas thiv thiab ib hnub tauj ib liam tiam. Yog ib tug niam/txiv tsis nrog tus menyuam pw ib hmos, tsev hais plaub los saib lwm lub sijhawm uas tus menyuam nrog niam/txiv nyob ntev.

Tej zaum tsev hais muab “niam txiv sijhawm saib menyuam kom yuav taus” tsis tas hais ntxaws. Rau qhov no ces niam txiv yuav tau teem sijhawm nkawv tus nkeej. Tabsis, yog ib tug niam/txiv nug, tsev hais plaub yuav teem muaj ntxaws hnub tim thiab teev rau niam txiv sijhawm saib menyuam.

Tej zaum tsev hais plaub yuav muaj sijhawm ntau zog rau ib tug niam txiv zo tus menyuam thaum tus niam/txiv tom ub ua haujlwm lawm. Yog koj thov qhov no, tsev hais plaub saib seb niam txiv sib koom tes zoo npaum cas, niam txiv sib koom tes kho teebmeem txog saib menyuam thiab seb puas tau muaj sib ceg/ntaus hauv tsev neeg.  

Niam txiv sib pom zoo siv qhov “Parenting Plan” Niam Txiv Kev Npaj. Nkawv sau txoj kev npaj uas qhia lub sijhawm ib tug niam/txiv yuav siv sijhawm nrog tus menyuam thiab yuav txiav txim siab li cas txog tus menyuam. Koj ua tau txoj niam txiv kev npaj txawm yog tias neb tsis tau sib yuav lossis nyob uake dua. Nws muaj sau ntxiv txog niam txiv kev npaj hauv qab no. 

Tsev hais plaub txiav tau niam txiv sijhawm saib menyuam kom tsawg rau tus niam/txiv tsis tau menyuam nrog nyob kom tsawg tshaj 25% yog tias ntxim yuav raug mob rau tus menyuam lub cev lossis kev noj qab nyob zoo lossis kev loj hlob. Nws txiav tau niam txiv sijhawm saib menyuam kom tsawg yog tias tus niam/txiv tsis tau menyuam ua txhaum tsev hais plaub cov lus txiav txim txog niam txiv sijhawm saib menyuam es tsis muaj ib qho kev tseem ceeb.   

Tsev hais plaub txiav tau niam txiv sijhawm kom tsawg los ntawm: 

• Tsis pub pw hmo ntuj.
• Txiav txim tias yuav tsum muaj lwm tus saib uas yog niam/txiv tom ub, qhov chaw saib menyuam lossis ib tug txheeb ze. 

Tsev hais plaub teem tau tej yam rau niam txiv sijhawm saib menyuam, xws li kom tus niam/txiv tsis tau menyuam tsis txhob haus thiab qaug dej cawv ib lub sijhawm ua ntej thiab thaum saib menyuam.  Tsev hais plaub hais tau kom mus txais kev pab txiav yeeb tshuaj lossis dej cawv. 

Yog tus neeg xav tau sijhawm saib menyuam tau raug cov txim xws li: 

• tua neeg  
• ntau/ua phem rau neeg  
• nyiag neeg
• tsis pub lwm tus tau menyuam lossis muaj cai ua niam/txiv
• ntxias los khu xab nas txog kev ua niam ntiav rau tus menyuam tsis tau muaj hnub nyoog
• txim txhaum txog kev sib deev   
• deev/kov neeg hauv tsev neeg
• tsim txom tus menyuam
• tsis saib xyuas tso tseg menyuam
• hawv ua phem
• ua phem rau tsev neeg los ntawm zawm caj pas

Lawv yuav tsum muaj povthawj tias muaj sijhawm nrog tus menyuam yog ib qho zoo rau tus menyuam. Txoj kevcai tsuas yog hais rau tej theem txim txaum thiab nyob ntawm tej qho teebmeem, xws li tus neeg raug ua phem rau puas yog nyob hauv tsev neeg lossis qhov raug txim tshwm sim 5 lub xyoo dhau los.

Tej zaum tsev hais plaub yuav taw tus “expeditor” phua txim rau niam txiv sijhawm saib menyuam. Tus no yog tus pab niam txim thaum nkawv hais tsis sij haum txog niam txiv sijhawm saib menyuam. Tus phua txim mloog ob tog yog hais tsis sib haum ces nws txiav txim.

Tej zaum tsev hais plaub txiav txim kom qhov txiav txim no “rhuav tsis tau” (yuav tsum ua raws li) tsuas yog ib tog mus tim tsev hais plaub es tsev hais plaub muab hloov xwb. Feem ntau ntawm cov rooj plaub, kev txiav txim yog “rhuav tau” thiab tsis tas yuav ua raws li tsuas yog tus txiav txim plaub hais kom yuav tsum ua raws li. 

Nws muaj tus nqi them rau tus phua txim rau niam txiv sijhawm saib menyuam. Tsev hais plaub hais tsis tau kom nkawv siv tus phua txim yog tias nkawv ob leeg tias nkawv raug ua phem rau, lossis nkawv them tsis taus tus phua txim. 

Niam txiv sib tham haum hloov niam txiv sijhawm saib menyuam tau. Piv ntxwv, niam/txiv hais kom tus niam/txiv tom ub kem saib ib zaug es mam li saib ntxiv lwm zaus. Yog ob leeg hais tsis sib haum, niam/txiv mam li hais kom tsev hais plaub hloov niam txiv sijhawm saib menyuam yog tias nws zoo dua rau tus menyuam. Tsev hais plaub los saib tej yam hloov txij thaum txiav txim thaum kawg thiab saib seb puas toobkas ib qhov txiav txim tshiab kom zoo dua rau tus menyuam. 

Feem ntau, tsis tau. Yog muaj teebmeem, tus niam/txiv ntawd yuav tsum mus hais kom hloov qhov niam txiv sijhawm saib menyuam. Niam/txiv txwv tsis tau niam txiv sijhawm saib menyuam yog tias tus niam/txiv tom ub tsis them nyiaj hli yug menyuam. Tsev hais plaub mam li hloov yog muaj teebmeem rau tus niam/txiv nrog menyuam nyob lossis tus menyuam, lossis yog tus niam/txiv tom ub pheej tas zog tsis ua raws li qhov niam txiv sijhawm saib menyuam teem tseg. Ua ntej mus hais tim tsev hais plaub, koj txwv tsis tau niam txiv sijhawm saib menyuam tsuas yog tias koj lossis tus menyuam raug teebmeem tam sim ntawd.

Yog tus niam/txiv tus menyuam nrog nyob tsis kam tus niam txiv tom ub saib menyuam es tsis muaj lus keb zoo, tsev hais plaub ua tau:

• Cia tus niam/txiv tom ub saib menyuam rau cov sijhawm uas nws poob lawm. 
• Txiav txim tias nws yuam cai hauv tsev hais plaub raug nplua siab txog $500. 
• Rau tej rooj plaub loj heev, siv qho tsis ncaj ncees txwv niam txiv sijhawm saib menyuam los hloov tau menyuam nrog leejtwg nyob. 

Txwv niam txiv sijhawm saib menyuam tau yog pab tiv thaiv kom tus menyuam  txhob raug xwm txheej tam sim ntawd. 

Yog koj tus menyuam ntsib teebmeem tam sim ntawd vim mus saib niam txiv tom ub, koj ua daim ntawv xwm ceev hauv tsev hais plaub. Daim ntawv xwm ceev hu uas “Ex Parte,” tsev hais plaub muab los hais sai dua li lwm cov. Tabsis tsev hais plaub tsuas muab daim ntawv Ex Parte yog muaj xwm ceev tiag tiag xwb.   

Yuam kom ua raws li niam txiv sijhawm saib menyuam tej zaum nyuab, tshwj xeeb yog tus menyuam loj lawm thiab tsis xav saib tus niam/txiv tom ub. Tabsis siv tau qhov niam txiv sijhawm saib menyuam tsev hais plaub txiav txim kom txog thaum tus menyuam muaj 18 xyoo.   

Yog niam/txiv xav tias tej zaum qhov no yuav muaj tswm sim yav tom ntej, nws yuav tsum hais kom tsev hais plaub hais rau hauv niam txiv txoj kev npaj tias tub ceevxwm siv tau “dag zog” yog tsis ua li raws li daim ntawv txiav txim hais. Yog lawv twb muaj daim ntawv txiav txim thiab muaj teebmeem, lawv thov tau kom tsev hais plaub pab. 

Yog muaj povthawj tias tus niam/txiv tsis nrog menyuam nyob tsis muaj ib qho chaw ruaj ntseg thiab zoo rau tus menyuam, tus niam/txiv nrog menyuam nyob hais kom tsev hais plaub muab daim ntawv txiav txim hloov tau. 

Yog tus niam/txiv menyuam nrog nyob xav tsiv tawm xeev, nws yuav tsum tau kev tso lus los ntawm tus niam/txiv tau sijhawm saib menyuam. Yuav tsum muab qhov kev tso lus sau cia. Yog lawv mus tsis tau tso lus, nws yog ib lub txim txhaum thiab tej zaum yuav tsis tau menyuam nrog nws nyob lawm. Yog tus niam/txiv tom ub tsis pom zoo tsiv, ob niam txiv yuav tau mus hais hauv tsev hais plaub.

Tau, yog tias lawv ua raws li cov lus teem tseg. Tej zaum kuj nyuab thiab. Saib peb daim ntawv qhia, Pog Yawg/Niam Tais Yawm Txiv thiab Kev Saib.

Muaj ntxiv txog Parenting Time thiab ntaub ntawv koj siv tau ntawm: www.mncourts.gov: (lus Askiv xwb)

• Nias rau “Help Topics”
• Nias rau “Child Custody & Parenting Time”

Tsis muaj. Koj thiab tus niam/txiv tom ub txiav txim siab seb neb puas xav ua txoj kev niam txiv npaj. Tsis tas koj ua, tabsis tej zaum nws tsis yog ib qhov zoo tswv yim. Tej zaum lub tsev hais plaub yuav ua ib qho rau koj, tabsis yuav tsis ua yog ib tug tau ua phem rau ib tug lossis tus menyuam lawm.

Nco ntsoov, koj ua tau txoj kev niam txiv npaj txawm yog tias neb tsis tau sib yuav lossis nyob uake dua. 

Qhov kev npaj yuav tsum muaj:

• Lub sijhawm teem rau niam thiab txiv muaj nrog tus menyuam  
• Leejtwg yuav txiav txim tej yam txog tus menyuam
  THIAB
• Ib txoj kev los daws lus sib ceg   

Yog niam lossis txiv tau ntau/ua phem rau tus niam txiv tom ub lossis tus menyuam 

• Lub tsev hais plaub ua tsis tau li Niam Txiv Kev Npaj rau koj 
• Lub tsev hais plaub txiav txim tsis tau kom qhov Niam Txiv Kev Npaj muaj sib kev khoom txiav txim tej yam tseem ceeb rau tus menyuam
  
  THIAB
   
• Tib txoj Niam Txiv Kev Npaj yuav kho kev sib ceg yuav tsum yog hauv tsev hais plaub xwb 

Koj hloov tau Niam Txiv Txoj Kev Npaj yog tus niam/txiv tom ub pom zoo. Tabsis, yuav kom ua raws li qhov hloov, koj yuav tsum mus kom tsev hais plaub txiav txim ua li.