Yuav li cas mus Thov Koj Daim Ntawv Tsav Tsheb Hauv Minnesota (Daim Ntawv Tsav Tsheb rau Tagnrho Sawvdaws)

Txij lub Kaum Hli Hnub Tim 1, 2023, txhua tus neeg laus hauv Minnesota muaj feem mus thov ib daim ntawv tsav tsheb me Class D. Tsis muaj ntaub ntawv nyob tebchaws no tsis uas cas. Koj daim ntawv tsav tsheb tsis muaj qhov kij txog yog xam xaj lossis ntaub ntawv nyob tebchaws no.

Daim ntawv no yog rau cov neeg tsis tau muaj ib daim ntawv tsev tsheb dua lossis muaj daim ntawv tsav tsheb nyob rau lwm tebchaws.

Koj muaj peb txoj kev xaiv: Daim ntawv tsav tsheb me, Daim ntawv tsav tsheb me thiab qhia tias koj yog xam xaj nkag mus tau lwm tebchaws lossis Daim ntawv tsav tsheb thiab ID uas pub koj ya dav hlau thiab nkag tsoom fwm cov tsev haujlwm (REAL ID). Koj mus saib tau hauv Minnesota Driver and Vehicle Services lub vassab ntawm https://dps.mn.gov.

Cim Cia: Rau Daim ntawv tsav tsheb me thiab qhia tias koj yog xam xaj nkag mus tau lwm tebchaws lossis Daim ntawv tsav tsheb thiab ID uas pub koj ya dav hlau thiab nkag tsoom fwm cov tsev haujlwm (REAL ID), koj yuav tsum muaj povthawj tias koj yog xam xaj thiab muaj ntaub ntawv nyob tebchaws no.

Koj mus nyeem tau phau ntawv online. Lawv xeem seb koj puas paub thiab totaub Minnesota txoj kev tsav tsheb thiab cov paib kev. Koj mus kawm xeem dawb ntawm online.

Nias rau “Pre-Apply for a Driver’s License” ntawm Minnesota Driver and Vehicle Services (DVS).  Ua ntawv thov ua ntej yuav muaj feem ua rau koj qhov sijhawm tos tom hoobkas luv dua. Nws kuj pab tau kom koj tau tagnrho cov ntaub ntawv koj yuav tsum tau rau koj daim ntawv tsav tsheb.

Nrhiav lub chaw xeem ze koj ua muaj kev xeem daim “permit” tsav tsheb. Hauv qab “*Service,” nias “Class D Knowledge Test.” Daim ntawv qhia cov chaw no hais tias koj yuav tsum tau teem sijhawm mus xeem lossis cia li mus xwb.  Yog koj xav teem sijhawm, nias rau “Schedule an Appointment” ntawm DVS home page. Koj kuj hu xovtooj ntawm (651) 284-1234 mus teem sijhawm thiab.

Cim Cia: Koj yuav tsum muaj daim ntawv povthawj txhais txhua daim ntawv yog lwm hom lus mus rau lus Askiv. 

Koj yuav tsum them tus nqi $21.50 thaum koj mus. Siv tshev, money order, nyiaj ntsuab, debit card, lossis credit card. Feem ntau lub hoobkas kuj txais debit thiab credit cards. Cov nqi muaj feem hloov. Saib no ua ntej koj mus. 

Yog koj xeem tsis dhau daim “permit” tsav tsheb, koj yuav tsum tau them $10 txhua zaus koj rov mus sim dua.

Lawv muaj cov tshuab xeem qhov muag pom kev tod. Yog hais tias koj ib txwm coj tsov iav lossis “contacts” looj qhov muag, koj coj tau mus xeem. Yog koj xeem poob tsis pom kev, lawv yuav kom koj mus ntsib ib tug kwv kho kuaj qhov muag.

Koj muaj feem mus thov koj daim “permit” ua ntej koj mus tsev. Lossis koj mam li mus thov tom qab ntawm lub hoobkas nyob ze koj. Lawv muab ib daim ntawv “permit” rau koj siv kom txog thaum xav koj daim tseem “permit” tuaj txog. Yuav siv sijhawm li ib hlis. Koj daim “permit” tsav tsheb siv tau 2 xyoos thiab rov mus kho dua tshiab tsis tau. Nws cia koj tsav tsheb yog muaj ib tug neeg muaj daim ntawv tsav tsheb 21 xyoo lossis laus dua nrog koj nyob hauv tsheb. Nco tsoom nqa nrog koj thaum koj mus xyaum tsav tsheb.

Yog koj muaj 18 xyoo es muaj daim “permit,” koj yuav tsum xyaum tsav tsheb kom tsawg kawg yog ntev li 6 hli ua ntej mam li teem sijhawm mus xeem tsav tsheb. Yog koj muaj 19 xyoos rov saud, koj yuav tsum tau koj daim “permit” kom tsawg kawg yog ntev li 3 hlis ua ntej mus xeem tsav tsheb. Yog koj muaj daim ntawv tsav tsheb txawv tebchaws, tej zaum koj yuav tsis tau tos ua ntej yuav teem sijhawm mus xeem tsav tsheb.

Cim Cia: yog koj xav tau kev pab tsav tsheb koj yuav tau mus saib online. Tej zaum koj nrhiav tau cov xibfwb qhia tsav tsheb los ntawm cov tsev kawm ntawv high schools.

Nrhiav lub chaw xeem ze koj uas muaj qhov xeem daim ntawv tsav tsheb. Hauv qab “*Service,” nias “Class D Road Test.” Daim ntawv no qhia cov chaw xeem thiab seb koj puas tau teem sijhawm ua ntej mus xeem lossis cia li mus xwb. Yog koj yuav tsum tau teem sijhawm, nias “Schedule an Appointment” nyob ntawm DVS home page. Koj kuj hu xovtooj teem tau ntawm (651) 284-1234.

Tej zaum teem sijhawm yuav nyuaj. Teem sijhawm kom tsawg kawg los 3-4 lim tiam lawm tom ntej.

Koj mus kawm ntxiv txog xeem tsav tsheb online. Nws qhia koj cov tshiab lus txog qhov mus xeem thiab cov ntaub ntawv koj yuav tsum nqa nrog koj mus. Koj yuav tsum tau them tus nqi mus xeem thaum koj mus. Tus nqi yog $38.00. Them nrog tshev, money order, nyiaj ntsuab, lossis hauv cov hoobkas, debit, lossis credit card. Yog koj xav tau daim ntawv tsav tsheb me thiab qhia tias koj yog xam xaj nkag tau lwm tebchaws lossis REAL ID uas pub koj ya dav hlau thiab nkag tsoom fwm cov tsev haujlwm ces nws yuav muaj nqi tsub ntxiv.  Cov nqi muaj hloov.  Saib no ua ntej koj mus. Yog koj xeem poob ob zaug, koj yuav tau them $20 txhua zaum koj rov xeem dua.

Thaum koj xeem dhau tsav tsheb lawm, sau daim ntawv thov ntawv tsav tsheb.  Koj yuav tau ib daim ntawv “receipt” rau koj daim ntawv tsav tsheb thiab koj tus qhab nia xeem tsav tsheb.  Ob yam no yog koj daim ntawv tsav tsheb ib ntus txog daim tseem tuaj.

Yog koj tsis tau muaj 21 xyoos, koj yuav tau ib daim ntawv tsav tsheb "license" cim tias "tsis tau muaj-21." Nws tas caij hnub koj muaj 21 xyoos. Koj mus thov tau daim ntawv tsav tsheb tshaj-21 3 lim tiam ua ntej koj muaj 21 xyoos.  Txij thaum ntawm mus ces koj daim ntawv tsav tsheb yuav tas caij txhua 4 xyoos twg. 

Mam li xa koj daim ntawv tsav tsheb tuaj rau koj. Koj taug qab tau koj daim ntawv tsav tsheb online hauv qab “More Driver Services.”