Cov Kev Txwv Ua Tsis Tau Haujlwm

Tsis pub ua ib txoj haujlwm yog thaum nres tsis pub koj ua haujlwm ntawm ib txog haujlwm uas koj “kho/tiv tauj” nrog neeg tuaj nrhiav kev pab ntawm ib qho chaw nyob hauv tsev. Lub Minnesota Department of Human Services (DHS) lossis lub Minnesota Department of Health (MDH) txiav txim. Feem ntau, yog vim muaj dabtsi hauv koj qhov ntawv sau txog koj lossis keebkwm. Haujlwm ua sib txuam yog tau nyob hauv 

• Cov chaw kho/kuaj mob
• Chaw zov menyuam
• Chaw ua niam/txiv qhuav rau menyuam
• Cov tsev laus

Yog koj ua ntawv ua niam/txiv qhuav rau menyuam lossis ntawv zov menyuam, lossis thaum txais koj ua haujlwm rau txoj haujlwm txuam nrog neeg, lub xeev kuaj koj keebkwm.  Qhov no txhais tias lub xeev saib seb puas muaj dabtsi hauv koj keebkwm uas tsis pub koj ua haujlwm rau hom haujlwm zoo li nov.

DHS yuav xa ib daim ntawv tuaj qhia rau koj tias muaj teebmeem txog koj qhov ntawv keebkwm.  Daim ntawv yuav qhia koj txog koj cov cai los cam qhov kev txwv los ntawm coj rov mus hais dua.  

Lub xeev xa ib daim ntawv mus rau koj qhov chaw ua haujlwm lossis tus neeg xav txais koj qhia tias muaj teebmeem txog koj qhov ntawv keebkwm.  Nws kuj hais tias seb lawv cia puas tau koj ua haujlwm thaum lub sijhawm coj rov mus hais dua txog qhov nyob hauv keebkwm. 

Cov hauv qab no nyob hauv koj keebkwm txwv tsis pub koj cov haujlwm txuam nrog neeg.  Nws yeej muaj tseeb li no txawm tias cov no tshwm sim nyob lwm lub xeev lossis lawv tshwm sim thaum koj tseem tsis tau muaj hnub nyoog (tsis tau muaj 18 xyoo).

Phem heev/lim hiam, yuam deev, yeeb tshuaj, thiab tub sab txwv tsis pub koj ua haujlwm rau chaw kho mob. Tej co txim txhaum txog lim hiam/phem heev thiab txim txog kev yuam deev txwv koj mus tas sim neej. Coob cov txim loj (felony) txwv koj 15 xyoo, cov txim gross misdemeanors txwv 10 xyoo, thiab txim misdemeanors txwv 7 xyoo. Pib thaum lub Yim Hli 2024, ib co txim theem loj “felony,” “gross misdemeanor,” thiab txim nruab nrab “misdemeanor” txhaum lub txim yeeb tshuaj yuav tau lub sijhawm 5-xyoos tsis pub ua haujlwm.   

Rau cov haujlwm ua nrog menyuam, raug cov txim txhaum ua phem hu ua “misdemeanor” rau tus menyuam ces yeej tsis muaj feem tau tag mus ib txhis. Muaj xws li cov txim txhaum ntau menyuam, ua kev phom sij rau menyuam, yuam kov/deev, lossis ib lub txim “misdemeanor” muab menyuam ua niam thiav.

Raug ntes tsis tau tsub txim rau thiab cov txim muab tshem tawm rau ua phem heev/lim hiam, yuam deev, yeeb tshuaj, thiab txim tub sab txwv tau koj tib yam li txhaum txim lawm yog tias nws “muaj feem ntau dua qhov tsis muaj” tias muaj lawm.

Piv txwv:  yog koj raug ntes rau ntaus neeg, tabsis koj lees txim rau lub txim me dua uas yog coj tus cwjpwm tsis raws kevcai uas yog theem misdemeanor, lub xeev yeej tseem txwv koj yog tias “muaj feem ntau dua qhov tsis muaj” muaj qhov ntaus neeg.

Thaum tus menyuam koj tu raug mob lossis tsis muaj neeg saib xyuas, yuav txuam chaw tiv thaiv menyuam, lub nroog yuav hais tias “muaj ua phem/ntaus/tsis saib xyuas.”  Qhov no txhais tias lawv liam tias koj ua phem losiss tsis saib xyuas.  Cov piv txwv nquag muaj txog ua phem/tsis tu yog nqaij doog lossis khawb to, lus hawv lossis hais lus phem, lossis tseg koj cov menyuam tsis muaj leejtwg saib.  Muaj ua phem/tsis saib xyuas hais tau rau tus neeg raug ua phem yog “neeg laus tsis taus.”  Qhov no txhais tias tus neeg laus yog ib tug uas txoj kevcai hais tias toobkas kev tiv thaiv kom txhob raug ua phem rau.  Piv txwv yog ib tug neeg laus lossis neeg muaj hnub nyoog xiam xuab moom. 

Qhov ua phem/tsis saib xyuas yuav tsum nyhav heev lossis “pheej ua dua” thiaj txwv tau.  Qhov no txais tau tias nws ua raug mob rau lub cev lossis kev xav lossis tshwm sim tshaj ib zaug. 

Yog txwv koj vim muaj kev ua phem/tsis tu, tseem ceeb kom paub ntxiv txog cov teebmeem zoo li ntawd.  Saib peb daim ntawv qhia Kev Tsim Txom Yog Dabtsi thiab Nws Cuam Tshuam Kuv Txoj Haujlwm Tau Li Cas?

Yog tshem tawm koj cov cai ua niam txiv uas “tsis yeem” lossis “yeem,” ces txwv koj 15 xyoo suav thaum tshem tawm koj cov cai.  Tabsis nws muaj “lus keb zoo” zam.  Kam tshem tawm rau “lus keb zoo” txhais tias:

• koj yeem muab tshem tawm

                      THIAB

• qhov muab tshem tawm tshwm sim vim lwm yam tsis yog koj tsis tsim nyog tu tus menyuam.

Piv txwv, tus menyuam coj phem heev rau koj lossis tus menyuam nyob hauv tsev qhuav tau ntev.  Tsev hais plaub qhov lus txiav txim yuav qhia tias qhov tshem tawm cov cai ua niam txiv yog kam los tsis kam thiab seb puas muaj lus keb zoo. 

Txawm yog tias koj tsis tau txhaum txim dua, tsev hais plaub lossis koomhuam DHS txiav txim tias koj dag noj nyiaj tsoom fwv ces yuav txwv tsis pub koj ua haujlwm txuam neeg tau 7 xyoo.  Muaj qhov txiav txim txog dag noj nyiaj tsoom fwv thaum koj raug liam tias koj tau txais nyiaj tsoom fwv tabsis yuav tsum tsis tau.  Koj tsis yog raug liam lub txim loj, tabsis lub nroog yuav txiav kev pab ib ntus, feem ntau 1 mus rau 10 xyoo.  Yog koj raug liam dag noj nyiaj tsoom fwv, koj coj rov mus hais dua tau thiab sawv cev rau koj tus kheej ntawm rooj mloog plaub los ntawm Department of Human Services.  Muaj qhia ntxiv txog coj rov mus hais dua, saib peb daim ntawv qhia tseeb Rov Hais Dua Txog Tsoomfwv Nyiaj Pab Pejxeem (Welfare) rau DHS

Koj tawm tsam tau qhov txwv, tabsis nws muaj cov sijhawm nruj teem tseg. Ua zoo xyuas kom koj ua raws li cov sijhawm teem hauv daim ntawv koj txais tau. Nws kuj nyob ntawm vim li cas koj raug txwv thiab. Zoo tshaj yog koj nrhiav ib tug kws lij choj los pab koj. Tej zaum koj lub hoobkas legal aid yuav pab tau koj. Nrhiav koj lub hoobkas legal aid ntawm 1-(877) 696-6529 lossis mus rau ntawm www.lawhelpmn.org/hm/providers-and-clinics.  

Nws muaj tej yam koj sim ua tau. 

Sim seb lub xeev puas kam hloov lawv qhov lus txiav txim siab.  Yog lawv hloov lawv qhov lus txiav txim siab, koj yuav tsis muaj qhov txwv nyob hauv koj keebkwm, thiab koj ua tau haujlwm nrog txuam neeg.  Koj ua tau li cas yog nyob ntawm koj hom kev txwv koj.  Hauv qab no yog tej yam koj ua tau, nyob ntawm koj hom txwv. 

Yog koj qhov kev txwv yog txhaum txim raug kaw

Yog koj tshem tsis tau qhov kev txwv tawm ntawm koj qhov keebkwm, los koj tseem sim kom tau ua haujlwm ntawm koj qhov chawj ua haujlwm.  Koj tsuas ua tau li no yog tias qhov txwv tsis yog txwv tsis pub koj ua haujlwm txuam neeg mus tas sim neej.  Hauv qab yog tej yam koj ua tau.

• Thov qhov “Tso-Ib sab” (Set-Aside)

Feem ntau, koj muaj 30 hnub tom qab txais tau ntawv qhia txog qhov kev txwv los xa povthawj rau DHS tias koj tsis muaj teebmeem rau cov neeg koj tu.  Koj yuav tsum piav tias ua li cas, koj hloov li cas lawm, thiab qhia tias vim li cas thiaj ntseeg tau koj los ua haujlwm rau cov neeg.  Kev qhia ua qhov no li cas nyob hauv daim ntawv qhia koj txog qhov kev txwv.  Lub sijhawm teem rau koj los ua qhov no tej zaum yuav luv li 15 hnub.  Tseem ceeb koj yuav tsum nyeem daim ntawv koj txais tau kom zoo heev es koj thiaj tsis hnov qab ib qho sijhawm teem tseg li. 

Yog mus tau zoo, koj rov mus ua haujlwm ntawm koj txoj haujlwm uas raug txwv thiab ua haujlwm tsis muaj leejtwg saib koj.  Koj hloov haujlwm tom qab koj tau qhov tshem tawm, tej zaum koj cia li tau ib qho tshem tawm tshiab yog koj ua tau tej yam lus teem.  Cov lus teem no yog:

• Koj tsis yog raug txwv vim lub txim txhaum loj felony,
• Koj qhov chaw ua haujlwm tshiab yog tau ntaub ntawv raws tib txoj kevcai li koj qhov chaw ua haujlwm qub,
• Tsis muaj dabtsi tshiab qhia tau tias tej zaum koj yuav ua teebmeem rau cov neeg hauv qhov chaw tshiab pab thiab
• Koj qhov tso ib sab tas los lawm tsis yog txwv rau ib tug neeg xwb.

Yog koj tau qhov tso ib sab thiab ua ntawv rau txoj haujlwm tshiab, qhia rau qhov chaw ua haujlwm tias koj twb tau qhov tso ib sab lawm. 

• Thov rau qhov “raug saib tas mus li” (Variance) 

Koj qhov chaw ua haujlwm thov tau qhov “variance” los ntawm DHS.  Qhov no txhais tias koj ua tau haujlwm ntawm koj qhov chaw ua haujlwm uas muaj neeg saib koj tas mus li.  Tsuas yog chaw ua haujlwm thiaj thov tau “variance,” ces hais kom koj tus nai xav txog ua li no yog tias koj tsis tau qhov “tshem tawm.”  Nws siv DHS tau ob peb lub hlis los txiav txim siab tau rau qhov kev thov “variance.”

• Tos kom dhau koj lub sijhawm txwv.  Yog koj qhov kev txwv tsis yog txwv tsis pub koj ua haujlwm txuam cov neeg tas mus sim neej, ces koj tos kom dhau lub sijhawv txwv.  Cov sijhawm ntev txog 7-15 xyoo tom qab tso koj tawm ntawv kev saib xyuas (probation) lossis saib xyuas ua ntej koj lub txim tas (parole) (“nyob sijhaum tas lawm”).   
   
• Tsiv mus rau lwm lub xeev.  Minnesota muaj ib cov cai nruj tshaj plaws hauv lub tebchaws txog kuaj keebkwm txog ua haujlwm txuam nrog neeg. Tej zaum tsim nyog koj xav txog mus ua haujlwm nyob lwm lub xeev uas muaj cai nruj tsis npaum txog haujlwm tu neeg.  

• Hloov Haujlwm.  Yeej kuaj keebkwm rau tagnrho cov haujlwm uas koj tau txuam nrog cov neeg tsis paub tab lossis neeg muaj mob.  Tsis kuaj keebkwm nruj rau lwm yam haujlwm xws li, muag khoom lossis khw noj mov.  Tej zaum koj xav hloov haujlwm ib ntus lossis tas mus sim neej, nyob ntawm seb koj qhov txwv nyhav npaum li cas.

Tej zaum koj lub hoobkas legal aid yuav pab yog koj muaj feem tau. Nrhiav koj lub hoobkas legal aid mus rau ntawm 1-(877) 696-6529. Mus nrhiav lwm cov kws lijchoj dawb lossis them nyiaj tsawg thiab lwm yam kev pab, mus rau ntawm www.lawhelpmn.org/hm/providers-and-clinics.

Nrhiav kws lij choj ntiav hais plaub pej xeem sib foob yuav nyiaj los tiv tauj Minnesota State Bar Association’s Attorney Referral Service hauv online ntawm www.mnfindalawyer.com.