Daim Ntawv Muab Cai Txiav Txim Kev Kho Mob

Health Care Directive yog ib daim ntawv cia koj sau cov kev cob qhia txog koj qhov kev kho mob thiab taw ib tug neeg hu ua “Health Care Agent.”  “Health Care Agent” yog ib tug neeg koj xaiv los kom nws txiav txim siab txog koj txoj kev kho mob thaum tus kws kho mob txiav txim tias koj yeej txiav txim siab tsis tau rau koj tus kheej lawm.

Koj yeej taw tau ib tug Neeg Txiav Txim Kev Kho Mob yam tsis tas sau cov kev cob qhia txog koj qhov kev kho mob LOS YOG koj cia li sau cov kev cob qhia txog koj qhov kev kho mob es tsis tas taw ib tug Neeg Txiav Txim Kev Kho Mob. Lossis koj ua tau ob qho tibsis. Koj xaiv. 

Muaj ib daim ntawv qauv ua piv txwv daim ntawv Daim Ntawv Muab Cai Txiav Txim Kev Kho Mob (Health Care Directive) txuas nrog nov.

Los yog, tsim ib Daim Ntawv Muab Cai Txiav Txim Kev Kho Mob ntawm www.lawhelpmn.org/forms. (lus Askiv xwb).

• Nrhiav qhov “Health Care and Power of Attorney”
• Nias qhov “Health Care Directive”

Nov yog ib theem-zuj-zus cov lus xam phaj es cia koj luam ib daim tawm thaum ua tag.

• Yuav tsum yog muab sau ntawv.
   
• Yuav tsum muaj hnub tim thiab sau koj lub npe.
   
• Yuav tsum tau kos npe tim ntsej tim muag ntawm tus neeg (Notary Public) Muaj Cai Ntaus Thwj pom LOS YOG muaj 2 tug neeg ua pov thawj.  Koj tus neeg koj xaiv tsa agent los yog lwm tus neeg agent yuav ua tsis tau cov tim khawv los yog ntaus thwj rau daim ntawv.
   
• Yuam tsum qhia tias ib tug neeg twg yog tus txiav txim siab rau koj (Health Care Agent) thiab/los yog cob qhia txog kev kho mob.

Tshwj tsis yog tias koj txwv cov cai ntawm koj tus Neeg Txiav Txim Kev Kho Mob, tsis li ces koj tus Neeg Txiav Txim Kev Kho Mob yeej muaj peev xwm:

1. Muaj kev pom zoo rau, tsis kheev los yog tshem tawm kev kho sawv cev rau koj.  Muaj ntxiv xws li kho puas siab puas ntsws.
    
2. Nres los yog tsis pib kho qhov kom koj tsis txhob los yog tej zaum ua rau koj muaj txoj sia nyob.
    
3. Xaiv cov kws/chaw kho mob.
    
4. Xaiv seb qhov chaw twg koj yuav txais kev kho mob.
    
5. Txiav txim siab seb koj yuav nyob hauv koj lub tsev, los yog lub chaw ua ntej tam sim neej (hospice), los yog tsev laus.
    
6. Saib xyuas koj cov ntaub ntawv keeb kwm kho mob thiab muaj txoj cai ib yam li koj muaj thaum muab koj cov ntaub ntawv keeb kwm rau lwm tus neeg.
    
7. Tuaj saib koj thaum koj yog ib tug neeg raug kho mob ntawm ib lub tsev kho mob.
    

Yog hais tias koj xav txwv cov kev muaj peev xwm ua tau li nov, koj yuav tsum tau hais qhia rau hauv daim ntawv Muab Cai Txiav Txim Kev Kho Mob.

Muaj.  Koj yeej muab tau kev tso cai rau koj tus Neeg Txiav Txim Kev Kho Mob kom nws ua lwm yam tau yog tias koj yeej hais tsi ntsees rau hauv koj Daim Ntawv Muab Cai Txiav Tsim Kev Kho Mob:

1. Kom txiav txim siab seb koj puas xav muab koj cov khoom ntawm koj lub cev rau lwm tus neeg, xws li cov khoom hauv nruab nrog, cov nqaij, thiab qhov muag thaum koj tag sim neej.
    
2. Hais qhia seb koj xav kom ua li cas rau koj lub cev tom qab koj tag sim neej (muab hlawv, muab faus)
    
3. Koj yeej tso cai tau rau koj tus Neeg Txiav Txim Kev Kho Mob nws txiav txim siab txog txoj kev kho koj txawm tias koj tseem muaj peev xwm txiav txim siab tau rau koj tus kheej.

Tus Neeg Txiav Txim Kev Kho Mob sawv cev tau los muaj kev txiav txim siab thaum:

• Koj tus kws kho mob xav tias koj yeej txiav txim siab tsis tau ntawm koj tus kheej, los yog
• Thaum koj Daim Ntawv Muab Cai Txiav Tsim Kev Kho Mob hais tias tus Neeg Txiav Txim Kev Kho Mob los sawv cev txiav txim tau lawm.

Tus neeg txiav txim kev kho mob yuav tsum tau muaj kev txiav txim siab rau txoj kev kho mob tib yam li lawv yog koj. Lawv yeej ua zoo saib kom ua raws li hais hauv Daim Ntawv Muab Cai Txiav Txim Kev Kho Mob thiab yuav tsum nrhiav kev pab txog txoj cai yog tias tsis ua raws.

Koj tus Neeg Txiav Txim Kev Kho Mob txog koj txoj kev kho mob yuav tsum muaj 18 lub xyoos los yog laus dua.  Xaiv ib tug neeg koj paub zoo, tus uas yuav ua raws koj txoj kev ntshaw, ua tej yam kom zoo rau koj thiab tus neeg es muaj sij hawm khoom tham nrog tus kws kho mob.  Ib tug neeg twg yeej ua tau koj tus Neeg Txiav Txim Kev Kho Mob, tsuas txhob yog koj tus kws kho mob los yog tus neeg ua hauj lwm muaj kev tu saib xyuas koj, tsuas yog koj ho txheeb ze tus neeg ntawd los ntawm roj ntshav, sib yuav, muaj ntaub ntawv ceev cia tias yog txij nkawm los yog coj los tu (adoption).

Koj yeej hais tau rau hauv Daim Ntawv Muab Cai Txiav Txim Kev Kho Mob tias vim li cas koj thiaj li xav tau tus neeg ntawd los ua koj tus tus Neeg Txiav Txim Kev Kho Mob.

Tseem ceeb heev uas koj tham nrog tus neeg koj muab ua tus Sawv Cev saib xyuas koj. Xyuas kom tseeb hais tias lawv yuav kam txiav txim siab txog kho mob rau koj thaum txog lub sijhawm toobkas. Thiab koj yuav tsum xyuas kom zoo tias lawv paub txog cov kev koj xav tau rau koj txoj kev kho mob.

Koj yeej taw tau ib tug los yog ntau tus Neeg Txiav Txim Kev Kho Mob los yog lwm txoj kev.  Yog tias koj muaj li no, koj yuav tsum tau hais qhia seb cov Neeg Txiav Txim Kev Kho Mob ntawd puas yuav tsum muaj kev txiav txim siab ua ke los yog lawv ib nyias txiav txim nyias.

Tus Sawv Cev Saib Xyuas Kho Mob ua tsis tau tej yam li no:

• Siv koj lub askhauj tom tsev ceev nyiaj
• Txiav txim siab txog nyiaj txiag rau koj
• Pab tsis tau koj txov koj txoj sia

Tau. Koj yeej thim tawm tag nrho los yog ib co nyob hauv Daim Ntawv es yog:

• Muab daim ntawv tseem xub teev lus rhuav pov tseg txhob txwm ua.
   
• Qhia kom lwm tus neeg muab rhuav pov tseg, nrog rau cov qauv luam cia.
   
• Sau ib daim ntawv teev lus thiab sau hnub tim rau los lus hais tias koj xav thim tag nrho los yog thim ib qho ntawm Daim Ntawv. Yog tias koj tseg ib qho xwb, hais qhia seb qhov twg ntawm hauv Daim Ntawv koj xav tseg.
   
• Hais lus qhia tim ntsej tim muag rau ob tug neeg tim khawv tias koj xav tseg. Daim Ntawv Muab Cai Txiav Txim Kev Kho Mob. Lawv tsis tas yuav nyob ntawd thaum lub sij hawm ntawv.
   
• Ua Daim Ntawv Muab Cai Txiav Txim Kev Kho Mob tshiab.

Ceev cov ntaub ntawv ntawm koj ntiag tug rau tej chaw kom neeg nrhiav tau, tsis txhob tso rau cov thawv cia nyiaj “safe deposit box.”  Muab ib daim qauv luam xee npe rau cov kws kho mob, tsev neeg, cov phooj ywg zoo, tus Neeg Txiav Txim Kev Kho Mob koj taw kom txiav txim siab rau koj, thiab tus neeg koj xaiv los ua tus tus neeg txiav txim kev kho mob thib ob.  Nug kom muab daim ntawv no cia rau hauv tus kws kho mob lub chaw ua hauj lwm thiab ceev cia hauv tsev kho mob, cov koom haum tsev laus, cov tsev mus nyob ua ntej tam sim neej los yog tsev laus.

Tej zaum.  Koj cov ntaub ntawv tseem raws cai siv tau YOG TIAS:

• Lawv puav leej muaj tagnrho cov khoom sau rau hauv kem hais tias “Daim Ntawv Txiav Txim Kho Mob yuav tsum muaj dabtsi nyob hauv”
   
• Lawv kos npe ntawm lwm lub xeev thiab tseem siv tau raws cai ntawm cov cai lij choj ntawm lub xeev ntawd.