Hais Lus Saib Tsis Tau, Kov Lub Cev Lossis Yuam Deev thaum Xauj Tsev

Txoj kevcai siv rau txhua hom tsev xauj. Qhov no yog hais txog cov tsev nyob muaj tus tswv, tsev txheej, tej pawg koog tsev xauj, tsev luam xauj thiab cov tsev rau neeg tsis muaj tsev nyob.   

 Thaum tus neeg thab

• hais kom koj nrog nws mus uasi 
• hais kom koj nrog nws sib deev lossis ua tej yam rau nws lub cev los pauv them nqi tsev 
• hawv yuav ntiab koj tawm tsev yog koj tsis kam nrog nws sib deev
• tsis kho tsev vim koj tsis kam nrog nws sib deev lossis koj hais kom nws tsum 
• hais tej yam lus txog kev sib deev rau koj es ua rau koj ntshai lossis tsis nyiam
• kov koj lub cev li xa deev koj
• quab yuam deev koj lossis ua phem rau koj lub cev 

Txawm hais tias koj yeem los tsis yeem. Txawm yog hais tias koj tau ua raws li nws yuam kom sib deev yav tas, koj muaj txoj cai hais kom nws tsum tamsim no.

Qhov tseem ceeb tshaj plaws yog kev ruag ntseg – Hu kev pab! Yog koj raug quab yuam deev, hu rau 911.   

• Yog koj tsis xav hu qhia tub ceevxwm tabsis xav nrog ib tug neeg tham, hu rau kev pab kub ntxhov Day One Crisis Line ntawm 1-888-223-1111 lossis ntaus ntawv rau 612‑399‑9995. 
   
• Koj ua tau daim ntawv tsis txaus siab mus rau U.S. Department of Housing thiab Urban Development (HUD), Minnesota Department of Human Rights, lossis ib lub koomhaum hauv lub zos. Hu rau lawv nug seb yuav ua li cas. Lawv yuav tuaj xwj txog koj qhov teebmeem dawb. Feem ntau, koj yuav tau ua daim ntawv tsis txaus siab lossis ntawv foob tsis pub dhau 1 lossis tej zaum 2 xyoos. 

Rau ob hoob kas: www.hud.gov

• Hu ib tug kws lij choj seb koj ua tau li cas.  Tus kws lij choj hais kom: 
  • Muab ib daim ntawv tom tsev hais plaub hais kom tus neeg thab koj tsis txhob tuaj ze koj
     
  • Cam txog qhov tus tswv tsev muaj koj ntiab tawm tsev vim koj tsis kam nws hais lus saib tsis tau, kov lub cev, los yuav deev koj.
    ​​​​​​​
  • Pib rooj plaub me foob yuav nyiaj thiab hais kom lub tsev hais plaub yuam kom tus tswv tsev them nyiaj kho koj. 

• Nws txhaum kevcai yog tus tswv tsev lossis cov neeg ua haujlwm rau lub tsev xauj yuam kom koj nrog lawv sib deev es hawv tias yuav ntiab koj tawm tsev yog koj tsis kam ua.
   
• Nws txhaum kevcai yog tus tswv tsev thab/hais lus txog kev sib deev rau koj es ua rau koj ntshai. 
   
• Yog koj tus tswv tsev hais lus saib tsis tau, kov lub cev, hais kom nws tsum. 
   
• Sau cia tias ua li cas rau koj thaum tseem tshiab es thiaj li nco qab zoo. Tseem ceeb kom muaj lus keebkwm sau cia. 
   
• Nws txhaum kevcai yog tus tswv tsev ntiab koj tawm tsev vim koj hu tub ceev xwm tuaj pab koj. 

Koj muaj txoj cai kom tsis txhob muaj neeg hais lus saib tsis tau koj, kov lub cev, lossis yuam deev.

Hu koj lub legal aid hoob kas hauv zos ntawm 1(877) 696-6529.

Lossis mus nrhiav kev pab los ntawm lwm cov kev pabcuam ntawm www.lawhelpmn.org/hm/providers-and-clinics.

Mus rau www.LawHelpMN.org/hm rau kev qhia ntxiv txog kevcai xauj tsev ncaj ncees thiab cov kev pab.