Koj Cov Cai nrog Koj Niam thiab Txiv lossis Cov Saib Xyuas Koj

Hauv Minnesota, niam txiv thiab cov saib xyuas yuav tsum saib xyuas/tu lawv cov menyuam kom lawv muaj 18 xyoo. Niam txiv teem tau cov cai uas kom yuam taus thiab hais kom ua raws li.  Koj yuav tsum ua raws li cov cai koj niam thiab txiv teem cia. Koj muaj cai kom koj niam thiab txiv tiv thaiv koj thiab saib xyuas/tu koj.

Koj niam thiab txiv teem tau cov cai xws li nov:

• Thaum twg koj yuav tsum los tsev
• Koj mus tau qhov twg
• Koj nrog tau leejtwg
• Yam haujlwm twg koj ua hauv tsev
• Seb koj mus ua puas tau haujlwm
• Seb koj mus puas tau ua si thaum kawm ntawv tas xws li kis las lossis koomhaum.

Niam txiv siv tau kev yam kom raws kevcai los tswj lossis txhim kho lawv tus menyuam.  Yog niam txiv siv kev yuam tsis raws kevcai, saib Nrhiav Kev Pab Li Cas phab tsab tod. 

Nws txhaum kevcai yog niam txiv:

• Siv lossis hawv kev yuam tsis raws txoj kevcai lossis qhuab qhia lim hiam
   
• Tsis muab tej yam toobkas rau tus menyuam xws li zaub mov, khaub ncaws, chaw nyob, kho mob, lossis kev saib xyuas kom haum tus menyuam hnub nyoog 
   
• Txhob txwm cia tus menyuam raug kev tsim txom rau nws lub cev lossis raug yuam deev
   
• Txhob txwm cia tus menyuam nyog ib qhov chaw tsis ruaj ntseb
   
• Txhob txwm cia lawv cov menyuam mus rau tej qho chaw uas muag lossis muaj yeej tshuaj txhaum kevcai. 
   
• Cia lawv tus menyuam nyob hauv qhov chaw muaj xwm txheej thiab tsis ruaj ntseg
   
• Muab lawv tus menyuam tso povtseg

Feem ntau koj tsiv tawm tsev tsis tau tsuas yog:

• Koj niam thiab txiv pom zoo
• Koj muaj 18 xyoo
• Koj mus kawm ua thab ham, lossis
• Lub tsev hais plaub tso cai rau koj
   

Yog koj niam thiab txiv ua phem rau koj lossis tsis saib xyuas/tu koj, hu kev pab! 

Koj niam txiv lossis tus saib xyuas koj puas tsis saib xyuas/tu koj lossis ua phem rau koj lub cev, kev siab xav, lossis sib deev.  Lawv puas cia lwm tus ua phem rau koj?  Yog lawv cia, koj nrhiav tau kev pab los ntawm tsev hais plaub, lub nroog lub hoobkas tiv thaiv menyuam, tub ceevxwm lossis koj lub legal aid hoobkas.  2-1-1 yog ib lub koomhaum thoob xeev uas qhia tau ntau yam thiab muab xov tooj rau koj hu nrhiav kev pab.  

Hu lawv ntawm: 2-1-1 (thoob xeev)
Lossis nrog tham “online” ntawm: www.211unitedway.org/about-211/hmong/ 

Koj kuj ntaus tau koj tus zip code rau lawv mus nrhiav kev pab ntawm koj ib cheeb tsam ntawm:  898-211

Yog koj raug mob lossis ntsib teebmeem kub ntxhov, hu 911!

Muaj xwm ceev, hu 911.  Rau cov tsis yog xwm ceev, lossis koj muaj lus nug lossis koj nrhiav tsis tau qhov kev pab koj toobkas, hu rau chawv pab cov hluas Youth Law Project ntawm (612) 332-1441.