Koj Cov Cai thaum Lawv Tuaj Coj Rov Qab

Creditor yog ib tus neeg lossis ib lub tuam txhab koj tiv nyiaj rau. Piv txwv, yog koj yuav ib lub tsheb thiab ua hli them rau lub chaw muag tsheb, ces lub chaw muag tsheb yog qhov chaw koj tiv nyiaj rau.

• Tus neeg/qhov chaw koj tiv nyiaj rau yuav tsum muaj ntaub ntawv, feem ntau yog daim ntawv koj kos npe txais nyiaj, qhia txog qhov khoom koj yuav thiab muab txoj cai rau tus neeg/qhov chaw koj tiv nyiaj tuaj coj rov qab yog koj tsis them lossis (poob qab) qhov nyiaj qiv. Qhov khoom yog “collateral” khoom cas, thiab tus neeg/qhov chaw koj tiv nyiaj rau muaj cai tuaj txeeb rov qab yog koj tsis them cov nyiaj koj tau txais.

• Poob qab them feem ntau yog thaum koj tu ncua, them ib qho, lossis them lig. Tab sis, tej zaum muaj kev yuam cai rau lwm yam hauv koj daim ntawv txais nyiaj – piv txwv, yog koj tsis yuav isalas raws lub tsheb es daim ntawv txias nyiaj hais koj yuav tsum yuav.

• Them ib qho ntawm cov nyiaj tiv feem ntau yuav tsis nres lawv tuaj coj rov qab – tsuas yog yog koj muaj ib daim ntawv tshiab cog lus nrog tus neeg/qhov chaw koj tiv nyiaj rau. Tab sis yog tus neeg/qhov chaw koj tiv nyiaj rau yeej ib txwm txais cov nyiaj koj them lig lossis them ib qho thiab tsis qhia koj tias lawv yuav tuaj coj rov qab tau, tej zaum lawv yuav tsis muaj txoj cai tuaj coj rov qab.
  
  Yog koj ua ntawv poob nyiaj txiag (bankruptcy), tus neeg/qhov chaw koj tiv nyiaj rau tsis muaj cai tuaj coj rov qab yog tsis tau lus tso cai los ntawm lub tsev hais plaub poob nyiaj txiag.

• Tus neeg/qhov chaw koj tiv nyiaj rau tsuas coj tau rov qab cov pom zoo rau xwb. Muab piv txwv, lawv tsis muaj cai khaws koj lub TV rau qhov nws nyob hauv lub pob tw tsheb thaum lawv tuaj coj rov qab. Yog lawv nqa khoom tshaj thiab tsis kam muab rov qab, sau ib tsab ntawv yuam kom lawv muab rov qab los tam sim ntawd. Luam tsab ntawv cia. Koj mus foob kom muab tau rov qab.
• Muaj qee yam lawv tuaj coj rov qab tsis tau, tsuas yog tias tus neeg/qhov chaw qiv nyiaj rau koj yuav cov khoom ntawd. Piv txwv, tag nrho koj tsev neeg cov khaub ncaws, zaub mov, daiv/rawg, thiab ib lub moo muaj kev tiv thaiv.
• Thawj $12,150 ntawm koj tsev neeg cov rooj tog huav lub tsev, cov tshuab, lub tso suab, vis thab nyuj thiab TV muaj kev tiv thaiv tsuas yog cov nyiaj txais coj los yuav cov khoom no. Tab sis yog koj siv daim “credit card” ntawm ib lub lag luam yuav, thiab koj tsis them cov nuj nqi, tej zaum lub lag luam tuaj coj tau rov qab.  

• Tus neeg/qhov chaw koj tiv nyiaj rau siv tau kev pab-nws tus kheej. Lawv tsis tas muaj daim ntawv tso cai los ntawm tsev hais plaub thiab tus tub ceevxwm saib nroog tuaj nrog tuaj coj cov khoom rov qab yog tsis muaj “kev txhaum thaj yeeb” rau leej twg. Txhais tau tias lawv nug tau koj muab cov khoom rov qab, tab sis yog koj tsis kam muab rov qab, lawv yuav tsum tau mus. Yog koj tsis nyob ntawd los hais tias koj tsis kam, lawv coj tau cov khoom rov qab. Tab sis lawv tuaj tsoo tsis tau los hauv koj tsev lossis chav nres tsheb mus coj rov qab. Muab piv txwv, yog koj lub tsheb nres nraum zoov lossis nraum kev lawv tuaj cab tau yog tsis muaj teeb meem tshwm sim.

                            LOSSIS

• Lawv muaj feem foob hauv tsev hais plaub hu ua “replevin.” Replevin yog, thaum tsev hais plaub muab daim ntawv tso cai rau tub ceevxwm hauv lub nroog tuaj coj rov qab. Koj yuav tsum ua raws li tus tub ceevxwm hais. Yog koj xav tias qhov lawv tuaj coj rov qab tsis yog lawm, ua ntawv foob hauv tsev hais plaub nug kom lawv muab qhov khoom rov qab.

• Yog ua tau, tham nrog ib tus kws lij choj. Tus kws lij choj mam saib daim ntawv txais nyiaj seb puas muaj cai tuaj coj rov qab tiag. Yog koj muaj lwm nuj nqis, koj yuav tsum xav txog lwm txoj tswv yim - xws li teem ib qho kev maj mam them rov qab lossis ua ntawv poob nyiaj txiag.

• Nco ntsoov koj muaj feem sib hais nrog tus neeg/qhov chaw koj tiv nyiaj rau. Thaum lawv tuaj coj rov qab lawv poob nyiaj. Tej zaum lawv yuav tsis tuaj coj rov qab yog lawv tau nyiaj ntawm koj. Tej zaum koj yuav teem tau qhov kev maj mam them rov qab kom zoo rau koj. Tsis txhob tsis quav ntsej cov teeb meem. Tham nrog lawv thiab sau cia cov lus sib pom zoo.

Koj yuav tsum xav txog qhov zoo thiab phem ntawm koj rooj plaub:

• Qhov zoo - tej zaum koj yuav tseg tau nyiaj yog koj cia lawv tuaj coj rov qab. Lawv yuav  siv nyiaj tsawg dua tuaj coj rov qab thiab lawv yuav muag qhov khoom sai dua. Txhais tau tias tej zaum koj yuav tiv tsawg dua. Tsis tas li ntawd, koj nrog lawv sib hais seb lawv puas kam muaj tej yam rau koj yog muab qhov khoom rov qab. Nug seb lawv puas kam muab qhov nqi koj tiv txo tsawg yog koj muaj qhov khoom rov qab. Sau cia cov lus sib pom zoo. Yuav tsum tso hnub tim thiab koj thiab tus neeg/qhov chaw yuav tsum kos npe. Luam ib daim cia.

• Qhov phem - Yog koj tsis kam muab qhov khoom rov qab lawv yuav tsum mus ua ntawv foob txiav txim ntawm tsev hais plaub tuaj coj rov qab. Raug foob zoo yog koj muaj kws lij choj los cav tiv thaiv kom tsis raug tuaj coj rov qab lossis txog qhov nyiaj txais. Qhov teeb meem ntawm no ces tej zaum tus neeg/qhov chaw koj tiv nyiaj rau yuam koj them lawv cov nqis tuaj foob koj. Txhais tau tias tej zaum koj yuav tiv nyiaj ntau dua.

Yog koj tsis kam muab qhov khoom rov qab, hais khov kho tab sis txhob hais siab lawv. Tsis txhob sib ceg sib ntau lossis hawv lawv. Tab sis hais suab nrov, “Kuv tsis pom zoo! Thov mus! Txhob kov kuv lub tsheb!” Yog koj muaj teeb meem, hu tub ceev xwm. Sau cia qhov tshwm sim.

• Lawv muag tau qhov khoom thiab maub qhov nyiaj rho tawm ntawm koj nuj nqi. Lawv yuav tsum muag kom “tsim nyog kev lag luag.” Txhais tau tias lawv yuav tsum sim muag kom tau ib tus nqi ncaj ncees, tab sis cov nqi ntawm tsawg tsawg heev. Lawv yuav tsum ceeb toom koj txog lub sijhawm thiab chaw muab muag rau pej xeem.

• Tus qiv nyiaj yuav tsum xa ib tsab ntawv rau koj ua ntej thiab tom qab lawv muag tas. Thawj tsab ntawv yuav qhia tias thaum twg, qhov twg, thiab yuav muag lub tsheb li cas. Nws yuav tsum qhia tus nqi koj yuav tsum them yog koj xav tau lub tsheb rov qab. Koj muaj feem tau qhov khoom rov qab yog koj them tas cov nyiaj qiv thiab cov nqi tuaj coj rov qab. Tej zaum koj teem tau ib qho kev maj mam them rov qab lossis nhriav dua ib tus neeg uas kam them tus nqi zoo.

• Daim ntawv thib ob tuaj tom qab muag tiav lawm. Nws yuav tsum qhia lub tsheb muag tau ntau npaum li cas thiab qhia tias koj puas tseem tshuav tiv nyiaj rau tus neeg/qhov chaw ntawm. 

• Cim cia: Feem ntau, lawv muag rau neeg kheej xwb. Yog muag rau neeg kheej, tsim nyog koj tau daim ntawv ceeb toom txog hnub lawv tiv muag.

• Qee zaum tus neeg/qhov chaw koj tiv nyiaj rau muaj feem khaws qhov khoom thiab tshem tawm tus nqi tshuav. TAB SIS lawv ua tsis tau no yog koj twb them tas tshaj 60% tus nqi yuav. Lawv yuav tsum ceeb toom koj ua ntej. Yog koj xav tias yog muag qhov khoom yuav tau nyiaj ntau dua qhov koj tiv, koj tawm tsam ua ntej 30 hnub tau thiab yuam muag kom tau. Qhov no muaj kev txaus ntshai, tham nrog ib tus kws lij choj ua ntej.

Qee zaum. Yog qhov koj tiv ntau tshaj qhov lawv tau thaum muag qhov khoom, lawv muaj feem foob tau cov nyiaj seem yog daim ntawv txais nyiaj koj kos npe hais tias ua tau li. Tab sis cov cai hauv lub xeev hais tias lawv ua tsis tau yog cov nyiaj txais $8,100 lossis tsawg tshaj thaum pib  txais nyiaj. Tej zaum koj muaj lwm txoj kev tiv thaiv thiab, yog li ntawd hu ib tus kws li choj tam sis ntawd yog koj raug foob.  

Yog koj xa tias tus neeg/qhov chaw koj tiv nyiaj ua tsis raws kev cai, nhriav kev pab ntawm kws lij choj. Yog koj tau nyiaj tsawg, hu koj lub hoobkas legal aid ntawm 1-(877) 696-6529. Yog tus neeg/qhov chaw koj tiv nyiaj ua txhaum cai, tej zaum lawv yuav tsis yeej lus txiav txim tawm tsam rau koj. Tej zaum koj foob tau nyiaj txiag puas tsuaj thiab tau qhov khoom rov qab. 

National Association of Consumer Advocates.
https://www.consumeradvocates.org/for-consumers (lus Askiv xwb)