MFIP & FSS Hauj lwm Kev Nplua

Thaum koj raug nplua (sanction), ib qho los sis tag nrho koj qhov MFIP yuav raug txiav. Koj tus kws nrhiav hauj lwm muaj feem nplua tau koj, yog koj tsis ua raws li qhov yuav tsum tau ua. Xws li, ua raws li koj qhov kev npaj nrhiav hauj lwm “employment plan” (EP), xa cov ntaub ntawv lawv hais kom xa mus, tsis mus cov rooj sib tham, los sis tsis mus kawm ntawv yog tsis tau muaj hnub nyoog 18 xyoo. 

Thaum koj raug nplua hauj lawm, koj qhov MFIP los sis FSS yuav raug txiav 10%, 30%, los sis 100%. 

Daim ntawv tseeb no qhia txog qhov raug nplua hauj lwm. Tab sis, muaj 2 txoj kev koj raug nplua tau: 

• Thaum koj pib txais MFIP, koj yuav tsum tau mus hoob qhia txog MFIP  
• Yog koj tsis koom tes, koj tus kws saib xyuas nyiaj them yug     menyuam (child support worker) nplua tau koj. Koj yuav raug nplua 30% ua ntej thiab koj qhov Medical Assistance (MA) yuav raug kaws. 

Xav paub ntxiv los sis tau kev pab ntawm kev raug nplua hu rau Legal Aid ntawm 1 (877) 696-6529. 

Koj yuav txais tau daim ntawv Notice of Intent to Sanction (NOITS) Daim Natwv Yuav Raug Nplua tuaj ntawm koj tus kws nrhiav hauj lwm.  Qhov no yog lawv ceeb toom tias tej zaum koj yuav raug nplua.  Daim ntawv NOITS qhia txog tej yam koj ua tau kom zam es tsis txhob raug nplua.  Yog koj tsis ua cov no ntawm 10 hnub, koj tus kws nrhiav hauj lwm yuav qhia kom lub nroog kom nplua koj.

Thaum ntawm lub nroog xa daim ntawv hu uas “Notice of Adverse Action.” Daim ntawv no yuav qhia koj raug nplua thiab cov nyiaj raug txiav pib hnub twg.

Yog koj txais tau FSS, lub nroog xa tsis tau daim ntawv “Notice of Adverse Action” tsuas yog tias koj tus kws nrhiav hauj lwm tau ib daim ntawv los ntawm ib tus kws kho mob los sis kws mob hlwb hais tias koj yeej ua tau li txoj kev npaj tseg.  Tus kws nrhiav hauj lwm yuav tsum sim ntsib koj tim ntej tim muag ua ntej lub nroog xa daim ntawv “Notice of Adverse Action.”  Yog koj ntsib tsis tau, koj tus kws nrhiav hauj lwm los sis ib tug uas tau xaiv tseg ntawm koj tus kws nrhiav hauj lwm yuav tsum sim tuaj ntsib koj tom tsev yam tsawg kawg nkaus ib zaug.

Nyob ntawm koj ua raws li cov lus teev tseg ntawm koj tus kws nrhiav hauj lwm xav kom koj ua.  Yog koj tos txog 10 hnub ua ntej lub hli kawg, koj qhov MFIP yuav raug txiav ib lub hli ntxiv.  Yog koj ua raws li koj tus kws nrhiav hauj lwm teev tseg ua ntej 10 hnub lub hli kawg, koj yuav tsum tau txais koj qhov MFIP li qub lwm lub hli.

Yog tsev neeg muaj ib khub niam txiv thiab khub niam ntxiv ntawd raug nplua, qhov nyiaj yuav tsis rov tau li qub txog thaum khub niam txiv ntawv ua raws li tus kws nrhiav hauj lwm hais kom ua.

Daim ntawv NOITS yuav tsum teev qhia cov teeb meem yog dab tsi thiab yuav kho li cas ua ntej koj raug nplua.  Koj yuav tsum muaj 10 hnub los kho.  Yog daim ntawv NOITS teev tsis meej tias koj yuav tau ua dab tsi los sis tsis muab 10 hnub rau koj los kho cov teeb meem, rov hais dua tam sim ntawd thiab hu rau Legal Aid.  Kev yuav rov hais dua yuav tsum nyob nrog daim ntawv NOITS.  Saib peb daim ntawv tseeb Rov Hais Dua Txog Tsoomfwv Nyiaj Pab Pejxeem (Welfare) rau DHS.

Koj muaj cai ntsib tau koj tus kws nrhiav hauj lwm ua ntej koj raug nplua.  Qhov no yog hu ua (conciliation conference) kev sib ntsib sib tham.  Xa ib daim ntawv rau koj tus kws nrhiav hauj lwm nug txog kev sib ntsib sib tham.

Yog koj tus kws nrhiav hauj lwm tsis teb koj rov qab, hu rau Legal Aid. Hu rau 1 (877) 696-6529. 

Koj qhov sij hawm rov mus hais dua tsis pauv thaum koj tseem tos qhov sib ntsib sib tham.  Koj muaj feem sim kho tej yam no thaum mus sib ntsib sib tham, tab sis koj yuav tsum tau xa koj daim rov hais dua mus thiab.

Koj tuaj yeem sau daim ntawv thiab xa koj qhov rov hais dua hauv online.  Mus rau https://mn.gov/dhs/

• Nias qhov hais “How do I” saum toj ntawm no
• Hauv qab “Find” nias “edocs and forms”
• Nias koj hom lus
• Ntau 0033 ntawm lub npov tshawb fawb (search bar)
   

Muaj ntawv qhia txog yog koj xav nyeem thiab.  Nyeem daim ntawv kom zoo, teev kom meej thiab nias “Submit” hauv qab sab xis.  Nws yog ib qho zoo yog koj khaws ib daim rau koj tus kheej.

Rov hais dua tam sim ntawd.  Rov hais dua ntawm 10 hnub koj tau txais daim ntawv “Notice of Adverse Action” tuaj nram lub nroog, los sis ua ntej thawj hnub ntawm lub hli tshiab koj yuav raug txiav nyiaj.  Yog koj rov hais dua raws lub sij hawm no, THIAB nug kom txhob raug nplua, tus kws txiav txim yuav tsis nplua thaum tseem tos qhov txiav txim koj rooj plaub.  Koj yuav tsum tau thov kom lawv tsis txhob txo koj cov nyiaj thaum koj tseem tos hais rooj plaub rov hais dua. Yog koj swb rooj plaub rov hais dua, koj yuav raug them cov nyiaj raug nplua rov qab.

Koj rov hais dua ntawm 30 hnub tom qab daim ntawv “Notice of Adverse Action”, tab sis yog koj rov hais dua tom qab qhov raug nplua pib, koj yuav tsis tau koj cov nyiaj rov qab yog koj tsis yeej.  Daim ntawv NOITS muaj lus qhia txog coj rov hais dua nrog.

Yog koj ua tsis tau cov khoom ntawm koj qhov kev npaj tseg vim muaj tej yam hauv koj lub neeg ua rau tsis yooj yim rau koj, qhia koj tus kws nrhiav hauj lwm, rov hais dua thiab hu Legal Aid.  Muaj qees yam ua koj yuav ua tsis raws txoj kev npaj hauj lwm.  Koj tus kws nrhiav hauj lwm muaj pab lwm txoj hauv kev.

Tej yam kev ua tsis tau yog vim:

• Koj los sis ib tug hauv tsev neeg xiam oob qhab
   
• koj los sis ib tug hauv tsev neeg yog ib tug neeg ua raug txim txom hauv tsev
   
• koj raug ua tej yam teev tseg los ntawm tsev hais plaub
• Koj tab mus tom koj tus menyuam tsev kawm ntawv vim koj tus menyuam muaj kev mob los sis vim tus cwj pwm tsis zoo
   
• Koj muaj ib qho kev kawm tsis tau ntawv ua nyuab rau koj nrhiav hauj lwm los sis tuav ib txoj hauj lwm
   
• Koj tsis muaj tsev nyob, nyob hauv ib lub tsev nkaum (shelter), hluav taws raug kaws, txais daim ntawv kaws, los sis raug ntiab tawm tsev
   
• Muaj kev zam-zoo hu ua “good cause.”  Tej yam li no yog koj poob kev zov menyuam los sis kev thauj mus los los sis koj muaj xwm ceev hauv tsev neeg.
   

Xav paub ntxiv saib peb daim ntawv tseeb Kev Pab Cuam Tsev Neeg.

Yog koj twb raug nplua lawm tab sis muaj ib qhov kev zam zoo es koj thiaj li ua tsis tau li koj tus kws nrhiav hauj lwm xav kom ua, tham nrog koj tus kws nrhiav hauj lawm seb koj muaj pov thawj rau koj qhov kev zam tsis ua li cas.  Koj yuav tsum tau tag nrho koj qhov MFIP rov qab thaum lub hli pib yog muaj koj qhov kev zam zoo tsis ua.  Yog koj lub nroog tsis them qhov no, hu rau Legal Aid.

Yog koj tus kws nrhiav hauj lwm tsis pom zoo tias koj muaj kev zam zoo thiaj li ua tsis tau tag nrho tej yam ntawm koj qhov Hauv Kev Npaj Hauj lwm, hu Legal Aid.

7 lub hli ntawm raug nplua tej zaum yog nplua ib zaug uas kav 7 lub hli los sis 7 zaus es raug nplua ntev li ib hli txhua lub hli.  Thaum koj muaj 7 qhov, tej yam no yuav tshwm sim:

• Koj qhov MFIP raug kaws
• Koj yuav tau tiv tauj koj tus kws nrhiav hauj lwm thiab xyuas seb yuav ua li cas thiaj li zoo.
• Koj qhov no yuav raug kaws li 1 lub hli los sis txog thaum koj kho tej yam, seb qhov twg los tom qab
• Koj yuav tau rov thov MFIP dua.
   

Ua ntej yuav nplua koj 100%, koj tus kws nrhiav hauj lwm yuav tsum ua raws li cov txheej txheem, xws li sim ntsib nrog koj.  Lawv yuav tsum rov qab mus soj ntsuam xyuas koj lwm yam kev nplua thiab kom pom tseeb tias qhov kev nplua ntawm puas tsim nyog.  Txawm tias koj tsis nco qab koj qhov sij hawm rov mus hais dua.

Yog koj tsev neeg muaj 2 niam txiv thiab 2 niam txiv raug nplua, koj yuav tsis tau 2 qho kev nplua tauj ib lub hli.  Tab sis yog 2 niam txiv raug nplua txawv sij hawm, yuav raug sib ntxiv ua ke kom koj raug nplua 7 lub hli.  Koj yuav tsis tau tag nrho koj cov kev pab rov qab txog thaum 2 niam txiv koom tes los sis qhia tias muaj kev zam zoo.

Nws muaj sij hawm xaus 60 lub hli rau MFIP.  Yog koj muaj tej yam hauv koj lub neej tej zaum koj muaj feem tau MFIP tshaj qhov 60 lub hli.  Saib peb daim ntawv tseeb Tau MFIP Tom Qab 5-Xyoo Ciaj Ciam: Txuas Ntxiv Vim Muaj Kev Txom Nyem.

Ceev Faj: Yog koj raug nplua ntawm 60 lub hli koj tau MFIP, koj yuav tsis tau kev ntxua ntxiv yog koj yaum tsis tau kom koj tus kws nrhiav hauj lwm muab qhov raug nplua tshem tawm.  Qhov no yog ib qho ua nyuaj heev.