Los Ua Ib Tug Tib Neeg Muaj Xam Xaj Teb Chaws U.S.

Nod yog tej yam uas yuav tsum paub txog yog tias koj tab tom xav los ua ib tub neej muaj xam xaj nyob rau teb chaws U.S. no. Thaum koj yog xam xaj rau teb chaws U.S. no lawm koj yuav tau tej no:

• Tau cai koom kev xaiv tsa
• Koj tawm mus thiab rov qab los rau lub teb chaws kom yooj yim
• Koj yuav pab tau koj tsev neeg tuaj nyob teb chaws U.S. no sai dua
• Koj cov me nyuam tsis tau muaj 18 xyoo cia li tau xam xaj U.S. tam sis
• Koj yuav tsis raug xa rov qab. Muaj ntau zaus tsoom fwv muaj cai muab cov tib neeg tsis tau yog xam xaj uas ua txaum cai xa rov qab
• Koj mus tso npe ua hauj lwm tau rau tsoom fwv teb chaws
• Muaj cai rau tej kev pab noj haus li MFIP thiab SSI.
• Koj tau teb chaws U.S. no daim ntawv hla ciam teb chaws.
• Feem ntau teb chaws U.S. no tej chaw ua hauj lwm nyob txawv teb chaws yuav muab kev pab koj zoo dua.

Koj yuav tau tso tseg qhov tias koj tseem yuav vam khom txog koj lub teb chaws koj xeeb txawm rau. Qhov nod kuj yuav hloov tej cai koj muaj nyob rau lub teb chaws ntawd. Txhua lub teb chaws muaj nws li cai. Mus saib lub teb chaws koj xeeb txawm rau seb txoj cai yog li cas. Nob rau lub teb chaws koj xeeb txawm ntawd tej zaum koj kuj yuav poob koj li:

• Xam xaj nyob rau lub teb chaws ntawd
• Poob koj txoj cai kom kev xaiv tsa
• Txoj cai ua tswv vaj tse

Tej no los kuj yuav hloov:

• Txoj cai ua niam thiab txiv rau koj cov me nyuam
• Koj txoj cai rov qab mus saib lub teb chaws koj xeeb txawm ntawd
• Tej zaum koj tseem yuav tau thov ntaws ua hauj lwm hauv lub teb chaws koj xeeb txawm rau tom qab koj tau xam xaj nyob teb chaws U.S. no lawm.

Koj yuav tsum:

• Muaj 18 xyoo yog tias koj ua koj tus kheej
   
• Tau koj daim ntawv tso cai nyog teb chaws no li 5 lub xyoos lawm. Tsuas yog 3 xyoo xwb yog koj sib sau ua txij nkawm nrog tus uas muaj xam xaj teb chaws U.S. no nyob tau li 3 xyoos lawm los sis yog tias koj tau kev tso cai ntawm VAWA raws li kev sib yuav rau tus neeg muaj xam xaj U.S. no (daim I-360 uas yog yus rov cev lus rau yus tus kheej uas hua ua self petition).
   
• Nyob rau tib lub xeev tau tshaj 3 lub hlis
   
• Yog ib tug neeg coj tau zoo
   
• Cog lus yuav muab kev vam khom rau teb chaws U.S.
   
• Cog lus pab lub U.S. thaum ua tsov ua rog lossis muaj lwm yam kev xwm ceev rau tebchaws
   
• Nyeem tau, sau tau thiab hais tau lus Askiv thiab paub me ntsis txog keeb kwm teb chaws U.S. no thiab thiab tej tsoom fwv. Tej zaum yuav muaj kev zam rau koj txog qhov xeem hais lus Askiv thiab keeb kwm – saib hauv qab no.

Cov me nyuam tsis tau muaj 18 xyoo muaj feem xyuam los ua neeg xam xaj rau teb chaws U.S. no thaum niam los sis txiv tau nws li xam xaj yog tias:

• Niam los yog txiv tau xam xaj ua ntej tus me nyuam muaj 18 xyoo, THIAB
• Tus me nyuam muaj daim ntawv tso cai nyob teb chaws no mus tas ib sim THIAB
• Tus me nyuam nrog niam los yog txiv uas tau xam xaj ntawd nyob (tab txawm nyob ib ntus xwb) THIAB
• Tus me nyuam tsis tau muaj txij nkawm thaum lub sij hawm niam thiab txiv tau xam xaj

Yog tias koj muaj cov pov thawj no ces me nyuam yuav tau daim ntawv lees paub tias yog xam xaj los sis teb chaws U.S. daim ntawv hla ciam teb chaws. Saib peb daim ntawv meej tseeb Ua Xam Xaj U.S.: Muaj Pov Thawj Tias Koj Tus Menyuam Yog Xam Xaj.

Tab txawm tias koj tsis txawj Aaskiv, txhob tag kev cia siab. Mus kawm chav qhia los ua xam xaj thiab Askiv. Ntau cov chav kawm yog kawm dawb xwb. Kom paub tias kev qhia ua xam xaj thiab kawm Askiv nyob ze koj, hu rau ntawm Xeev Minnesota lub koom haum Minnesota Literacy Council ntawm tus xov tooj 1-(800) 222-1990 lossis ntawm ntawv hauv xovtooj (612) 424-1211. Los sis mus saib lub vas sab ntawm http://mnliteracy.org/. 

Tau. Tiamsis yog koj yog: 

• Muaj 55 xyoos los sis laus dua thiab koj tau koj daim ntawv tso cai nyob teb chaws no mus tas ib sim ntev li15 lub xyoos lawm los sis or
• Muaj 50 xyoo los sis laus dua thiab koj tau koj daim ntawv tso cai nyob teb chaws no mus tas ib sim ntev li 20 xyoos lawm.

koj yuav tsum xeem kom dhau teb chaws U.S. no tej keeb kwm thiab tsoom fwv, tiam sis koj siv tau koj hom lus los tau. Koj tsis tas yuav kawm lus Askiv. 

Yog koj muaj:

• 65 xyoos lossis laus tshaj thiab muaj koj daim npav ntsuab tsawg kawg tau 20 xyoo lawm

koj xeem tau ib zaj kev xeem txog U.S. keeb kwm thiab tsoomfwv yoojyim dua ua koj hom lus. 

Yog tias koj kawm tsis tau Askiv, keeb kwm thiab txog tsoom fwv yeeb vim koj muaj kev mob nkeeg, koj thov kom zam “waiver” rau koj los tau. Kev zam “Waiver” txhais tau tias koj yuav tsis tau mus koom kev nug koj fim ntsej fim muag uas siv lus Aaskiv thiab koj tsis tas yuav xeem txog keeb kwm thiab txog tej kev ua nom tswv nyob teb chaws no. 

Kom koj tus kws kho mob, tus kws saib xyuas kev ntxhov siab uas yog tus psychologist, los sis tus kws osteopathic pab teev cov ntaub ntawv tseeb rau daim ntawv ntawm no USCIS Form N-648. (lus Askiv xwb).  Koj mus muab daim form tau rau ntawm lub vas sab www.uscis.gov los tau. Ntaus cov ntawv no N-648 rau ntawm kab uas cia koj tshawb fawb. You can also have the form mailed to you by filling out a request at www.uscis.gov/forms/forms-information/forms-by-mail. 

Hais koj tus kws kho mob ua ntej koj muab daim ntawv rau lawv yog koj isalas them lawv lub sijhawm los ua daim ntawv. Hais kws kho mob kom sau ntxaws, ntxaws txog koj li tej kev mob nkeeg thiab tias tej kev mob nkeeg ntawd thiaj cia koj kawm tsis taus ntawv. 

Muaj. Tus nqi yog $725. Tej zaum koj yuav muaj feeem thov Immigration mus ua daim ntawv dawb lossis them tus nqi tsawg dua yog hais tias:  

• koj tau nyiaj pab los ntawm tsoomfwv lossis lub xeev xws li MFIP, SSSI, lossis MinnesotaCare lossis 
• yog koj khwv tau nyiaj tsawg lossis muaj kev txomnyem nyiaj txiag  

Saib peb daim ntawv qhia Zam Tus Nqi them ua Ntaub Ntawv Immigration. 

Muaj tej qhov, yeej tsim nyog koj mus tham. Kws lij choj thiaj muab tau tswv yim txog kev tso npe thiab kev yuav teev tej ntaub ntawv li cas. Tus kws lijchoj kuj muab tau tswv yim seb koj puas yuav raug xa rov qab vim tej yam nyob hauv koj lub keeb kwm. Nrog kws lij choj tham yog tias koj: 

• Nyob ntau tshaj 6 hli sab nraum U.S., txij li thaum koj tuaj rau hauv U.S.
• Muaj teeb meem txog kev haus dej caw los sis siv yaj yeeb yaj tshuaj, uas yog cuam tshuam txog tej li Khat los sis tshuaj tsis raug cai.
• Tau raug ntes los sis raug tsub txim nrog kev txhaum, txawm tias nws raug tshem tawm lawm. 
• Raug tsub txim los sis raug txim rau kev tsim txom tib neeg hauv vaj tse los sis muaj tib neeg ua ntaub ntawv tiv thaiv kom koj txhob mus ze xws li Order for Protection rau koj.
• Raug saib xyuas vim tso tawm qhov taub. 
• Tsis them nyiaj hli yug menyuam koj yuav tsum tau them 5 xyoo dhau los.
• Tsis ua se thaum koj yuav tsum tau ua lossis tiv se.
• Twb yeej muaj txij nkawm lawm los thaum koj tuaj teb chaws U.S. no, tiam sis koj tso npe tuaj tias koj yog “me nyuam tawg rog tsis muaj txij nkawm”.
• Tau qhia tsis tseeb rau cov neeg saib ciaj ciam teb chaws uas yog immigration rau yav tag los lawm
• Tsis cuv npe mus ua rog thaum muaj hnub nyoog nruab nrab ntawm 18 thiab 26.
•  
• Tau mus koom pab Koom Sam uas hu ua lub Communist Party lawm.
• Tau mus koom nrog tej pab ua ntxub ntxaug ib haiv neeg twg, los sis pab pawg uas xav muab tsoom fwv teb chaws U.S. no ntxeev pov tseg
• Muaj lus nug txog tej yam uas hloov rau hauv yus lub neej uas yuav cuam tshuam txog qhov tias seb yus yuav muaj cai nyob teb chaws no los tsis muaj
• Xav hloov koj lub npe thaum los ua xam xaj no

Qhia qhov tseeb rau koj daim ntawv tso npe thiab thaum koj mus ntsib luag nug koj lus fim ntsej fim muag. Ib qho kev txhaum uas tau nyiag khoom li 10 lub xyoo los lawm yuav tsis thaiv kev koj los ua xam xaj, tiam sis yog koj dag tias tsis tau ua no tej yuav raug muab ntaus nqi thiab.

Legal Aid’s Immigration Law Project ntawm (612) 332-1441

The Immigrant Law Center ntawm 1 (800) 223-1368

SMRLS Refugee, Immigrant thiab Migrant Services ntawm  1 (877) 696-6529