Rov Hais Dua txog Txuj Ci Tshiab Pab Neeg: Medical Assistance

Lub Minnesota Department of Human Services (DHS) khiav lub khoomkas Medical Assistance (MA). Mws muaj ob peb txoj kev txawv koj yuav tau kho mob:

• Koj tau MA ncaj qha los ntawm DHS. Qhov no hu uas them-rau-kev pab Medical Assistance.
• Tej zaum koj tau MA tabsis tau kev pab kho mob los ntawm lwm qhov chaw. Qhov no hu tswj kev kho mob.
• Tej co neeg tau MA txais kev pab ntxiv los ntawm cov khooskas los ntawm tsev thiab zej zog cov khoos kas pab. Cov khooskas pab neeg nyob hauv tsev (waiver program) no yog khiav los ntawm lub nroog.

Tagnrho 3 lub khooskas pab them tej txuj ci tshiab rau neeg siv.

Yog koj hais kom ib lub ntawm cov khooskas no them qhov txuj ci tshiab pab neeg lossis ib txoj kev pab, lub khooskas yuav tsum sau ib daim ntawv qhia koj tias lawv kam them qhov txuj ci tshiab lossis los tsis kam.

• Yog koj nyob rau them-rau-kev pab MA, daim ntawv qhia tuaj ntawm DHS. 

• Yog koj nyob rau lub khooskas tswj kev kho mob, daim ntawv qhia tuaj ntawm chaw isalas tuaj.

• Yog koj nyob rau lub lub khooskas pab neeg nyob hauv tsev, daim ntawv qhia tuaj ntawm lub nroog lossis koj tus neeg tuav koj cov ntaub ntawv.

Yog ib lub ntawm cov khooskas no tsis kam them rau koj, koj ua ntawv coj rov mus hais dua tau. Koj ua ntawv coj rov mus hais dua tau yog tias lub khooskas kam qhov txuj ci tshiab  pab neeg lossis kev pab tabsis tsis kam muab nyiaj txaus los them rau nws.

Ua ntej koj coj rov mus hais dua, nrog tus muag khoom tham tso. Tus muag khoom yog qhov chaw koj yuav mus yuav qhov txuj ci tshiab pab neeg lossis txais kev pab. Rau tej txias, tus muag khoom mam li sau lwm yam lus ntxiv rau koj thiab lub khooskas kam ua li qhov koj thov ces tsis tau rov hais dua.

Qhov rov hais dua yog lub sijhawm koj nug tau kom lawv rov los saib xyuas qhov lus txiav txim. DHS mloog tagnrho cov lus rov hais dua hauv MA thiab tsev thiab zej zog cov khooskas pab neeg nyob hauv tsev. Koj muaj rooj plaub nrog tus txiav txim ua haujlwm rau DHS. Koj muaj sijhawm qhia rau tus txiav txim tias vim li cas koj thiaj xav kom them koj qhov kev thov. Tus txiav txim mas li txiav txim thiab muab kev pom zoo rau tus Thawj Tswj Human Services. 

Yog koj tau them-rau-kev pab MA, koj muaj 30 hnub ntawm hnub koj tau daim ntawv tsis kam them los coj rov mus hais dua. Tej zaum koj yuav tau 90 hnub los ua ntawv rov hais dua yog koj muaj lus keb zoo vim hos tsis ua ntawv ntawm lub sijhawm 30 hnub teem tseg. Lus keb zoo yog tej yam xws li, nyob hauv tsev kho mob lossis muaj neeg tag sim neej hauv tsev neeg. Muab kom tau povthawj tias ua cas koj thiaj ua tsis tau thaum lub sijhawm teem, xws li kom koj tus kws kho mob sau ib daim ntawv. Muab xa nrog koj daim ntawv thov rov hais dua lossis muab rau tus txiav txim thaum mus hais plaub.  

Yog koj nyob hauv lub khooskas tswj kev kho mob, koj yuav tsum siv isalas qhov kev rov hais dua sab hauv ua ntej koj coj tau tuaj rov hais hauv DHS. Koj muaj 60 hnub ntawm hnub koj tau daim ntawv tsis kam them los coj rov mus hais dua hauv qhov chaw. Qhov chaw isalas yuav tsum qhia koj lawv qhov lus txiav txim 30 hnub tom qab lossis lawm thov tau muab sijhawm ntxiv mus txog 45 hnub. Yog koj tsis pom zoo nrog isalas qhov lus txiav txim, koj mam ua ntawv coj rov hais dua nrog DHS. Koj yuav tau ua ntawv coj rov hais dua tsis pub tshaj 120 hnub ntawm tau isalas qhov lus txiav txim. Qhov isalas yuav tsum qhia lus txiav txim siab rau koj 30 hnub lossis mus txog 45 hnub yog lawv thov kom muab sijhawm ntxiv. Yog koj tsis tau lus txiav txim thaum muaj 30 (lossis 45) hnub, koj coj rov mus hais dua tau rau DHS.

Thaum DHS nug koj kom qhia ntxiv, tej zaum daim ntawv qhia hais tias “tseem tab tom ua” lossis “tsis tau txiav txim.” Feem ntau, thaum DHS nug kom qhia ntxiv lawv nrhiav tej yam dabtsi. Yog DHS tsis qhia koj tias qhov tsis muaj yog dabtsi, nug tias lawv seb toobkas kom koj xa dabtsi mus ntxiv. Yog tej yam lawv toobkas yog kev kho mob, tej zaum koj yuav tau hais kom koj tus kws kho mob lossis tus pab kho mob xa ntaub ntawv ntxiv. 

Yog koj tsis tau qhov txuj ci tshiabpab neeg vim DHS pheej nug kom qhia ntxiv es koj xav tias lawv muab ncua tsis muaj lus keb zoo, koj hais tau kom muab rov los hais es tsis tas xa ntawv ntxiv rau lawv saib xyuas lawm. Yog muaj li no, seb koj puas xav hu rau Minnesota Disability Law Center ntawm (612) 334-5970 lossis 1 (800) 292-4150.

Tej zaum DHS, lossis chaw tswj kev kho mob qhov isalas kam them qhov txuj ci tshiab pab neeg tabsis tus nyiaj lawv muab tsawg dhau los ces tus muag khoom muab tsis tau rau koj. Tiag tiag qhov “kam” no yog tsis kam. Koj yuav tsum coj rov mus hais dua. Rau tej yam teebmeem zoo li no, tseem ceeb nrhiav kev pab los ntawm ib tug neeg sawv cev paub txhawb thiaj pab tau koj. 

Yuav nug kom coj rov mus hais dua, xa ib daim ntawv mus rau DHS. Sau daim ntawv sau kom yoojyim. Tsuas hais tias koj tsis pom zoo rau qhov lus txiav txim thiab koj xav coj rov mus hais dua. Yuav pab yog koj muab daim ntawv tsis kam them luam xa nrog koj daim ntawv mus.

Xa lossis xa fax daim ntawv mus rau:

MN Department of Human Services
Appeals Office
P.O. Box 64941
St. Paul, MN 55164-0941

Fax: (651) 431-7523

Luam koj daim ntawv thiab daim ntawv qhia tias tsis kam rau koj khaws cia. 

Koj kuj muab tau daim ntawv thov coj rov mus hais dua luam tawm LOSSIS koj ua koj daim ntawv hauv online. (ua lus Askiv)

Mus rau ntawm DHs qhov vas sab ntawm  https://mn.gov/dhs ces ua raws li cov kauj ruam hauv qab no: 

• Saum toj, nias rau “A-Z Topices”  
• Swb hauv qab thiab nias rau “Appeals”

Tam sim no koj ua tau: 

• luam tawm daim ntawv, xuas tes sau kom tiav thiab muab xa fax mus lossis xa ntawv mus rau DHS 
• sau daim ntawv hauv lub “computer” thiab muab luam tawm thiab xa fax mus lossis xa ntawv mus rau DHS lossis
• sau daim ntawv thiab xa mus rau DHS hauv online 

Koj ua qhov twg los nco ntsoov khaws ib daim cia rau koj tus kheej. Yog koj xav mus hauv online, luam tawm ib daim rau koj tso mam li nias “Submit Appeal” kom koj tau ib daim. 

Ntawv thov ua lus Hmoob: DHS-0033-HMN

Koj txais ib daim ntawv qhia txog rooj plaub tsawg kawg 5 hnub ua ntej rooj plaub. Daim ntawv qhia koj tias yuav hais rooj plaub thaum twg thiab qhov twg, tus kws txiav txim lub npe uas yuav los mloog rooj plaub rov hais dua, thiab tiv tauj tus kws txiav txim li cas yog koj toobkas.

Daim ntawv qhia koj seb koj rooj plaub yog hais hauv xov tooj lossis tim ntseg tim muag. Tej zaum hais rooj plaub tim ntseg tim muag zoo dua. Hais rooj plaub ntawm tim ntseg tim muag muab sijhawm los ntsib tus kws txiav txim, muab cov ntawv rau tus kws txiav txim thiab qhia tias qhov tseem ceeb tshaj plaws nyob qhov twg. Thiab nws kuj muab sijhawm rau koj los saib cov ntaub ntawv nrog tus kws txiav txim.

Yog daim ntawv tias koj rooj plaub yog haiv hauv xov tooj, koj thov tau kom hais rooj plaub tim ntseg tim muag. Hu lossis sau ntawv tus txiav txim thiab thov hais rooj plaub tim ntseg tim muag. Tej zaum tus kws txiav txim yuav kam los siv video hais plaub. Yog tus kws txiav txim siv video hais rooj plaub, ces koj nyob ib qho chaw (ib yam lub nroog human services tsev loj) thiab tus kws txiav txim nyob lwm qho chaw (ib yam lub hoobkas DHS hauv St. Paul). Neb sib hnov thiab sib pom los hauv lub video computer. 

Yog koj lossis koj ib tug tim khawv muaj qhov xiam oob qhab rau lub cev lossis paj hlwb es nyuaj los siv qhov video hais rooj plaub, qhia rau tus kws txiav txim ua ntej hais rooj plaub. Yog zoo li no, koj, koj tus tim khawv, thiab tus kws txiav txim yuav tsum hais rooj plaub nyob hauv tib hoob. Feem ntau, rooj plaub tim ntseg tim muag nyob hauv ib lub social lossis human services tsev loj hauv koj lub nroog.

DHS, qhov chaw tsej kev kho mob qhov isalas, lossis lub nroog yuav tsum sau daim ntawv rov hais dua rau koj qhia cov povthawj thiab qhia tias vim li cas thiaj tsis kam li koj thov. Daim ntawv rov hais dua yuav tsum xa rau koj tsawg kawg 3 hnub ua haujlwm ua ntej hnub hais rooj plaub rov hais dua. 

Yog koj tsis tau daim ntawv qhia rov hais dua, hu rau tus kws txiav txim thiab hais kom muab ib daim rau koj. Yog koj toobkas sijhawm ntxiv los npaj rau rooj plaub, koj nug kom tus txiav txim muab rov teem dua sijhawm. Qhia rau tus txiav txim tias koj toobkas sijhawm ntxiv los teb cov lus hauv daim ntawv rov hais dua. 

Hu tus kws txiav txim thiab thov kom muab ncua. Qhov no txhais tias muab rooj plaub teem dua rau lwm lub sijhawm tshiab. Yog ua tau, hu tsawg kawg 3 hnub ua ntej rooj plaub. Tus kws txiav txim mam li teem dua lub sijhawm tshiab kom:

• tus tim khawv thiaj tuaj tau rooj plaub
• koj muaj sijhawm txaus los npaj koj cov lus povthawj thiab lus cam
• kom koj lossis lwm tus muaj sijhawm txaus los saib xyuas cov povthawj tshiab
• muab sijhawm rau koj los sim kho qhov teebmeem nrog tog tom ub
• cia seb tog tom ub puas hloov lawv qhov lus txiav txim
• muab sijhawm rau koj lossis tog tom ub los ua kom tiav tej yam ua ntej lossis
• muab sijhawm ntxiv kom ncaj ncees rau ob tog

Koj hais tau rau koj tus kheej lossis koj kom lwm tus sawv cev rau koj. Tus neeg sawv cev rau yog tau ib tug hauv koj tsev neeg, tus phoojywg, tus pab txhawb, tus kws lij choj, lossis leeg twg koj xaiv. 

Koj hu tau rau Minnesota Disability Law Center los nrhiav ib tug neeg sawv cev lossis tus kws lij choj tuaj hais plaub rau koj.

Nqa tagnrho cov ntaub ntawv yuav txhawb koj rooj plaub. Qhov no yog suav: 

• cov ntawv thiab ntawv sau qhia los ntawm koj cov neeg kho mob (li cov kws kho mob thiab cov pab kho mob) uas qhia tias vim li cas koj thiaj yuav tsum tau qhov txuj ci tshiab pab neeg
   
• ntawv txog koj tej kev mob thiab lawv txiav koj kev ua noj ua haus li cas, thiab
   
• ntawv sau txog qhov txuj ci tshiab pab neeg koj thov, xws li ntawv sau txog thiab duab 

Muab txhuam yam luam nqa nrog koj thiab muab rau tus kws txiav txim. Koj yuav tsum tau luam ib daim nqa mus rau tog tod lossis xa mus rau lawv ua ntej. Yog xav paub txog tau nqi luam ntawv rov qab, saib “Kuv puas tau rov qab cov nyiaj kuv siv los npaj thiab mus hais rooj plaub?” ze tom kawg ntawm daim ntawv no. 

Nug kom luam cov ntawv ua ntej muab lus txiav txim rau koj. Cov ntawv no yog tagnrho koj cov ntaub ntawv koj cov kws kho mob sau txhawb qhov koj lus thov. Nws kuj muaj daim ntawv sau tias vim li cas thiaj tsis kam them.

Koj kuj nug tau kom luam cov kevcai DHS lossis tog tom ub siv thaum lawv los saib qhov koj lus thov. 

Koj tsis tas them kom lawv luam cov ntawv no rau koj. 

Yog DHS lossis tog tom ub tsis kam koj saib lossis luam ntawv lossis lwm yam ntawv, hu lossis sau ntawv rau tus kws txiav txim thiab thov kom txiav txim yuam kom lawv muab cov ntaub ntawv rau koj. Koj yuav tsum qhia tau rau tus kws txiav txim tias koj thov dabtsi thiab vim li cas koj toobkas lawv rau koj qhov rov hais plaub dua.

Lub xeev cia sawvdaws pom tau tagnrho cov lus txiav txim plaub (tshem tawm cov npe thiab lwm yam qhia txog cov neeg).

Koj nrhiav tau lus txiav txim yav tas hauv online. Mus rau DHS qhov vas sab https://mn.gov/dhs thiab ua li cov kauj ruam hauv qab. (lus Askiv xwb)

• Saum toj ntawm, nias rau “A-Z Topics”
• Swb hauv qab thiab nias rau “Appeals”
• Swb hauv qab thiab nias rau “Fair Hearing Appeals Search”

Yog muaj tej co lus txiav txim ntxim yuav pab koj qhov rov hais dua, luam thiab muab cov ntawv rau tus kws txiav txim hauv rooj plaub.

Tau. Cov tim khawv tuaj hais lus povthawj tau. Tim khawv yog koj, neeg hauv koj tsev neeg, tus pab tu koj hauv tsev PCA, tus pab kho mob, tus kws kho mob, lossis lwm tus muaj lus txim pab tau.

Qhia koj cov tim khawv tias lawv tsis kam qhov txuj ci tshiab pab neeg koj thov thiab vim li cas. Qhia lawv tias koj xav tau lawv cov lus povthawj los pab koj qhov plaub rov hais dua. Luam ntaub ntawv txhawb koj qhov lus thov thiab ntaub ntawv DHS lossis tog tom ub qhia tias vim li cas thiaj tsis kam them rau qhov txuj ci tshiab pab neeg.

Yog koj lossis cov tim khawv tsis txawj hais lus Askiv, yuav muaj ib tug txhais lus dawb. 

Yog tus tim khawv ua haujlwm rau DHS lossis tog tom ub, hu lossis sau ntawv rau tus tim khawv tus thawj saib xyuas thiab thov kom tus thawj saib xyuas hais kom tus tim khawv tuaj hauv rooj plaub. Yog ua li ntawd tsis tau, thov kom tus kws txiav txim ua daim ntawv yuam “subpoena” hais tus tim khawv tuaj hauv rooj plaub. Daim “subpoena” yog daim ntawv yuam hais kom tus tim khawv yuav tsum tuaj hauv rooj plaub.

• tus kws txiav txim
• koj
• koj cov tim khawv lossis neeg sawv cev rau koj
• tej zaum tog tom ub muaj tus sawv cev lossis tim khawv ntawm rooj plaub

Tej zaum DHS tsis xa tus sawv cev tuaj hauv rooj plaub. Tej zaum ib tug neeg ua haujlwm hauv DHS muab ib daim ntawv sau rau tus kws txiav txim.

Tej zaum DHS hais dabtsi hauv daim ntawv sau uas yuav tsum tau teb los ntawm koj tus kws kho mob. Tus kws kho mob mam tham txog qhov ntawd hauv rooj plaub lossis koj yuav tau thov kom muab sijhawm ntxiv rau tus kho mob muab cov ntawv tuaj. Feem ntau rooj plaub, sau ntawv lossis hais lus povthawj los ntawm tus kws kho mob lossis tus pab kho mob pab tau tshaj li los ntawm lwm cov neeg. 

Cov tswj kev kho mob isalas thiab cov nroog muaj tus sawv cev thiab lwm cov tim khawv hauv rooj plaub tuaj piav tias vim li cas thiaj tsis kam them qhov txuj ci tshiab pab neeg lossis kev pab. Tej zaum tus sawv cev nyob hauv xov tooj xwb es tsis yog nyob hauv rooj plaub tim ntseg tim muag.

Muab rooj plaub kaw lus tseg. Tus kws txiav txim yuav kom cov tim khawv tsa tes lav teev lus tseeb xwb. Feem ntau ntawm cov plaub no, tus kws txiav txim tso cai rau ob tog los hais lawv zaj tsis tas teb tej nqi lus twg.

Thaum ob tog puav leej muaj kws lij choj, feem ntau nws zoo li ib rooj plaub sib tham. Leejtwg mus ua ntej los tau, tabsis feem ntau tus kws txiav txim xav hnov tog tom ub los qhia ua ntej tias vim li cas thiaj tsis kam them. Feem ntau, DHS tsis xa tus sawv cev mus rooj plaub thiab vam daim ntawv sau muab rau tus kws txiav txim xwb.

Yog muaj tej lo lus nug hauv rooj plaub koj teb tsis tau, koj thov tau kom muab sijhawm ntxiv los npaj thiab muab yam ntawd rau tus kws txiav txim. Tej zaum qhov lus/ntawv yog los ntawm koj tus kws kho mob lossis tus pab kws kho mob. 

Koj yuav tsum muaj povthawj kom ntau li ntau tau rau ntawm qhov txheej xwm tso cia. Txhais tau tias, koj yuav qhia tias koj hais txaus rau txhua yam qhov txheej txheem tso cai rau.

Tog tom ub yuav sim qhia rau tus kws txiav txim tias vim li cas koj qhov kev thov thiaj tsis txaus ib yam lossis ntau yam txheej txheem ntawm tso cai rau. Piv txwv, tej zaum DHS lossis tog tom ub yuav hais tias muaj lwm lub txuj ci tshiab uas koj siv tau thiab pheej yig tshaj.

DHS xa ntawv txog qhov lus txiav txim tuaj rau koj. Koj yuav tsum tau tsis pub tshaj 90 hnub ntawm hnub koj thov hais rooj plaub. Qhov lus txiav txim yuav muaj tus txiav txim lus pom zoo rau tus Thawj Tswj ntawm Human Services. Tej zaum tus Thawj Tswj yuav ua li ntawd lossis tsis ua li tus txiav txim qhov lus pom zoo.

Yog tus Thawj Tswj tsis kam yuav tus kws txiav txim qhov lus pom zoo, tus Thawj Tswj yuav tsum piav kom ntxaws tias vim li cas thiab yuav tsum xa qhov lus txiav txim tshiab nrog.

Ob tog muaj 10 hnub ua haujlwm los teb tus Thawj Tswj qhov txiav txim tshiab thiab muab povthawj tshiab ntxiv. Tas ces tus Thawj Tswj sau qhov lus txiav txim kawg.  

Feem ntau, lub nroog yuav tsum them koj rov qab rau cov nqi tshev/npav mus log, them zov menyuam, luam ntawv, soj ntsuam kev mob, them nqi tim khawv, thiab lwm yam nuj nqi koj muaj los npaj thiab mus hais rooj plaub no. Xa ib daim ntawv mus rau lub nroog thiab luam cov ntawv them nqi (receipts) nrog.

Yog koj tsis pom zoo tus Thawj Tswj qhov lus txiav txim, koj thov tau kom rov coj los xav txog dua lossis koj ua ntawv foob rov hais dua hauv lub Xeev Tsev Hais Plaub.

Yog koj xav kom coj rov los xav txog dua, xa ib daim ntawv mus rau tus Thawj Tswj qhia cov ntsiab lus tias vim li cas koj xav tias qhov lus txiav txim tsis yog lawm thiab lwm cov povthawj tshiab yuav pab koj qhov coj rov mus hais dua. Koj yuav tsum luam koj daim ntawv thiab lwm yam povthawj tshiab mus rau tog tom ub tsis pub dhau 30 hnub tom qab hnub tau qhov lus txiav txim.

Tog tom ub muaj 10 hnub los teb koj daim ntawv. Tej zaum tus Thawj Tswj yuav tsis kam qhov coj rov los xav txog dua lossis kho qhov lus txiav txim.

Yog koj tsis xav nug kom coj rov los xav txog dua lossis yog koj tsis nyiam qhov lus txiav txim ntawm qhov coj rov los xav txog dua, koj ua tau ntawv foob hauv Xeev Tsev Hais Plaub. Koj yuav tsum coj rov mus hais dua tsis pub dhau 30 hnub thaum tau tus Thawj Tswj qhov lus txiav txim, ntxiv 3 hnub yog tias lawv muab xa tuaj rau koj. Coj rov mus hais dua hauv Tsev Hais Plaub Hauv Xeev yog ib rooj plaub txheej txheem raws cai. Nws yog ib qho zoo tswv yim yog koj nrog tus kws lij choj tham ua ntej ua ntawv coj mus hais dua.

Lub Minnesota Disability Law Center muab tswv yim dawb rau cov neeg muaj xiam oob qhab hauv Minnesota. Tiv tauj peb ntawm:

Hauv Zos: (612) 334-5970
Hu dawb: 1-800-292-4150

Minnesota Disability Law Center
111 North 5th St., Suite 100
Minneapolis, MN 55403

www.mndlc.org (lus Askiv xwb)

Daim ntawv qhia no yog tsim nrog nyiaj los ntawm System of Technology to Achieve Results (STAR), uas yog ib lub khooskas ntawm Minnesota’s Department of Administration thiab nyiaj los ntawm Rehabilitation Services Administration raws li txoj kevcai Assistive Technology Act of 1998 (P.L. 108-364).