SSI Kev Tawm Tsam

Read this in

Tus sau

Education for Justice

Zaum kawg kho Tshiab

12/2024

Try our Quiz

After you're done reading this page, take a short quiz to test what you've learned!

NCO CIA: SSA tseem hais cov rooj plaub hauv videos lossis hauv xovtooj. Tej zaum lawv yuav hais koj rooj plaub tuaj tshwm ntsej tshwm muag yog koj thov.

Daim ntawv qhia no tham txog tias yuav coj Social Security qhov kev txiav txim rov qab los hais dua yog tias koj cov kev pab raug txiav tsawg dua lossis txiav tu nrho lawm.

Yuav ua li cas yog tias tsis kam muab Social Security rau kuv, txiav tsawg dua lossis txiav tu nrho lawm?

Social Security yuav tsum tau xa ntawv tuaj ceeb toom hais tias koj yuav tsis tau nyiaj laus, txiav koj nyiaj lawm los yog muab koj nyiaj SSI txo. Yuav kom tau nyiaj SSI mas, koj yuav tsum muaj tsawg kawg mas 65 xyoos los yog qhia tau hais tias koj xiam oob khab ntev los lawm es txwm koj txoj kev ua hauj lwm. Kev mob hlwb los yog lub cev ntaj ntsug los tau. Koj muaj cai mus tawm tsam SSI txoj kev txiav txim yog hais tias koj xav tias lawv txiav txim tsis yog lawm. Thawj kauj ruam ntawm kev tawm tsam yog hu ua “rov luj/xav dua (reconsideration).” Peb yuav hu qhov no ua “recon.”

Cov ntawv:

Koj mus muab tau cov ntawv dawb los ntawm Social Security Administration. Hu 1-800-772-1213 (TTY 1-800-325-0778).

Koj kuj mus muab tau cov ntaub ntawv hauv computer. Xa koj daim ntawv tawm tsam hauv computer tuaj rau www.ssa.gov/forms/. (lus Askiv xwb) Qhov no txhais tau tias koj yuav TSIS TAU nyiaj ntsuab rau 4 lub hlis tom ntej lawm.

1st Kauj Ruam: Rov Luj/Xav Dua (Recon)

Kauj ruam ib hu uas “reconsideration.” Peb hu nws uas “recon.”

Muab daim ntawv no los ntawm Social Security lub hoob kas lossis online:
SSA-561 Request for Reconsideration

Yog hais tias koj tawm tsam kev txiav txim tsis kam muab nyiaj xiam oob khab rau koj, koj kuj yuav tsum muab daim ntawv:
SSA-3441 Disability Report – Appeal
SSA-827 Authorization to Disclose Information to the Social Security Administration

Mus muab cov ntawv hauv computer mus ntawm www.ssa.gov (lus Askiv xwb) thiab nias daim ntawv cov lej cim rau qhov chaw tshawb. Teb cov lus nug hauv cov ntawv kom tiav thiab muab xa los yog nqa mus rau Social Security lub hoob kas nyob ze ntawm koj.

Yog xa daim ntawv tawm tsam xiam oob khab hauv computer mus rau ntawm www.ssa.gov.

nias qhov “Benefits”
hauv qab “Benefits” nais qhov “Manage Benefits”
nyob ntawm sab tav nias “Apply”
nias tus link uas hais tias “Request Reconsideration”
Yog koj rov mus hais dua uas tsis yog kev kho mob, ces xaiv lub thawv xim xiav uas hais tias, “Start a Non-Medical Request”
nias lub npauv hais tias “Start Disability Request”

Social Security yuav tsum tau txais koj daim ntawv Thov Kom Rov Soj Ntsuam Xyuas dua ua ntej 60 hnub tom qab koj tau txais daim ntawv tsis kam muab nyiaj. Qhov 60 hnub pib suav hnub tom qab uas koj tau txais daim ntawv tsis kam muab nyiaj. Social Security yeej ntaus nqi tau hais tias koj yuav tsum tau txais daim ntawv ceeb toom 5 hnub tom qab hnub sau rau hauv daim ntawv ceeb toom.

Yog hais tias Social Security txais tsis tau koj cov ntawv tawm tsam txog lub sij hawm ntawm, koj cov ntaub ntawv lig lawm. Yog hais tias koj tsis muaj laj thawj zoo vim li cas ho lig, koj yuav tau rov qab pib dua ua ntaub ntawv thov nyiaj xiam oob khab tshiab.

Yog hais tias Social Security xav txiav koj cov nyiaj, koj yeej tseem tau txais nyiaj SSI thaum koj tab tom tawm tsam. Tab sis Social Security yuav tsum tau txais koj daim ntawv Thov Kom Rov Soj Ntsuam Xyuas dua ua ntej 15 hnub tom qab koj tau txais lawv daim ntawv ceeb toom mas thiaj li yuav tshwm sim tau. Koj yuav tsum thov kom lawv xa nyiaj tuaj rau koj mus ntxiv. Koj yeej tseem muaj 60 hnub kiag los tawm tsam txoj kev txiav txim, tab sis koj cov nyiaj SSI yuav raug txiav yog hais tias Social Security tsis txais koj cov ntawv tawm tsam ua ntej 15 hnub.

Yog hais tias koj tsis tawm tsam, koj yuav poob koj txoj cai los tawm tsam. Tab sis, yog hais tias koj rov qab thov dua tuaj raws li sij hawm, koj kuj thov kom rov qab qhib thawj txoj kev txiav txim thiab thov kom muaj nyiaj rov qab mus rau lub sij hawm ntawm.

Koj ua tau koj tus kheej los yog mus nrhiav ib tus kws lij choj. Hu koj lub legal aid hoob kas hauv zos ntawm 1(877) 696-6529. Lossis mus nrhiav kev pab los ntawm lwm cov kev pabcuam ntawm www.lawhelpmn.org/hm/providers-and-clinics.

Nws muaj 3 yam recon

Ntsuam xyuas rooj plaub, rooj sab laj tsis muaj kevcai tswj, thiab rooj plaub muaj kevcai tswj. Xaiv qhov kom hauv koj tshaj. Khij qhov koj xaiv nyob rau daim ntawv.

Yog tawm tsam kev txiav txim tsis tau nyiaj xiam oob khab, kev rov ntsuam xyuas dua rooj plaub tsuas yog tib txoj kev xaiv xwb. Ntawm qhov rov ntsuam xyuas rooj plaub, koj ntxiv tau pov thawj thiab cov lus muaj tseeb rau koj phau ntawv. Koj yuav tsis ntsib tus neeg uas ntsuam xyuas koj cov ntaub ntawv.
Kev tawm tsam them nyiaj tshaj, txo nyiaj, los yog txiav nyiaj vim tsis yog kev muaj mob, koj muaj cai xaiv mus hais rooj plaub los yog rooj sab laj. Ib qho tsis yog muaj mob xwm ceev yog tej yam xws li no:
- muaj nyiaj lossis kev pab ntau dhau lawm
- muaj koj lub npe rau ib tug askhauj tom tsev ceev nyiaj uas tsis yog koj li lossis
- raug qhia hais tias koj tau kev pab uas koj yuav tsum tsis txhob tau.

Koj tau mus ntsib tus neeg uas yuav los txiav txim rau koj txoj kev tawm tsam. Rooj sab laj no feem ntaus nyob nram Social Security lub hoob kas.

Kev tawm tsam kev txiav koj cov nyiaj (hu ua “cessation” ntawm koj kev xiam oob khab), koj muaj cai tuaj mus hais tim ntsej tim muag. Koj mus ntsib tau tus neeg uas ntsuam xyuas koj cov ntaub ntawv. Rooj sab laj no tsis yog tom tsev hais plaub loj. Tej zaum nyob tom ib lub hoobkas ua haujlwm lossis tom lub xeev lub hoobkas Disability Determination Services (DDS).

Koj coj tau tim khawv tuaj teev lus. Zaus no tsis yog zaus kawg tuaj hais rooj sab laj. Yog hais tias koj swb thaum mus sab laj nrog DDS, koj muaj cai mus hais rooj plaub nrog tus Administrative Law Judge (ALJ) tom qab. Koj yuav tsum tawm tsam txoj kev txiav txim los ntawm DDS rooj sab laj ua ntej 10 hnub kom thiaj li tau koj cov nyiaj thaum koj tos teem rooj plaub nrog ALJ.

Npaj kom txhij rau koj rooj sab laj. Sau ntawv teev txog cov lus muaj tseeb, nrog rau cov pov thawj tshiab. Qhia Social Security txog cov kws kho mob tshiab, cov kev pw tom tsev kho mob, los yog cov kev kho mob. Yog koj muaj teeb meem txog yam tsis yog kev muaj mob, koj yuav tsum mus muab cov ntawv tom tuam txhab tso nyiaj, ntawv yuav tsev, ntawv yuav tsheb, thiab lwm cov ntaub ntawv tseem ceeb. Koj muaj cai mus saib koj phau ntawv ua ntej rooj sab laj.

2nd Kauj Ruam: Rooj Sab Laj

Yog koj swb thaum rov mus soj ntsuam xyuas dua, koj thov mus hais rooj plaub nrog rau tus Administrative Law Judge (ALJ). Kauj ruam no yog kauj ruam tseem ceeb tshaj. Tej zaum yuav tuaj hais rooj plaub tshwm ntsej tshwm muag, hauv video “yees duab” lossis hauv xovtooj.

Kev thov hais rooj plaub no, xa daim ntawv HA-501 Request for Hearing by Administrative Law Judge nrog rau Social Security ua ntej 60 hnub hnub uas koj tau txais kev txiav txim thaum rov soj ntsuam xyuas dua. Qhov 60 hnub pib hnub tom qab koj tau txais txoj kev txiav txim. Social Security yeej ntaus nqi hais tias koj yuav tsum tau txais daim ntawv ceeb toom 5 hnub tom qab koj tau txais daim ntawv txiav txim.

Koj yuav tsum xa daim ntawv mus ua ntej 10 hnub thiaj li tau txias nyiaj SSI thaum koj tseem tawm tsam lawv txiav koj nyiaj SSI.

Mus nqa cov ntaub ntawv ntawm lub hoobkas Social Security lossis online.

Yog hais tias tawm tsam kev txiav txim tsis tau nyiaj xiam oob khab, koj yuav tsum tau:
SSA-3441 Disability Report – Appeal
SSA-827 Authorization to Disclose Information to the Social Security Administration

Mus muab cov ntawv hauv computer ntawm www.ssa.gov (lus Askiv xwb) thiab nias daim ntawv cov lej cim rau qhov chaw tshawb. Teb cov lus nug hauv cov ntaub ntawv kom tiav thiab muab xa los yog nqa mus rau Social Security lub hoob kas nyob ze ntawm koj.

Yog xa daim ntawv tawm tsam xiam oob khab hauv computer mus rau ntawm www.ssa.gov.

nais qhov “Benefits”
hauv qab “Benefits” nais qhov “Manage Benefits”
nyob ntawm sab tav nias “Apply”
nias tus link uas hais tias “Appeal a decision we made”
nias tus link uas hais tias “Request Hearing”
nias lub npauv xim xiav tom ntej hais tias “Start Disability Request”
Yog koj rov mus hais dua uas tsis yog kev kho mob, ces xaiv lub thawv xim xiav uas hais tias, “Start a Non-Medical Request”

Npaj kom txhij rau koj rooj sab laj! Saib koj cov ntawv Social Security. Nws muaj koj cov ntawv kho mob, cov lus teev thiab cov ntawv koj teb tuaj los yog Social Security.

Cov ntawv nyob tom Office of Hearings Operations (OHO). Hu rau lub hoobkas mloog plaub nyob hauv koj lub zos mus teem sijhawm mus saib koj cov ntaub ntawv.

Yog hais tias koj cov ntawv nyob hauv computer, koj thov kom lawv muab luam uas ib daim CD rau koj. OHO muaj lub computer uas koj siv los saib koj cov ntawv tau. Koj hais kom lawv xa koj cov ntaub ntawv hauv e-mail tuaj los tau thiab.

Yog hais tias cov ntaub ntawv nyob rau hauv koj phau ntawv tsis thwj, los yog yuav tau piav kom meej tshaj, npaj los piav thaum koj rooj sab laj.
Yog koj muaj ntaub ntawv tshiab los ntawm kws kho mob los yog tsab ntawv los ntawm cov tuam txhab ua hauj lwm los yog cov social workers txog koj txoj kev ua tau hauj lwm, muab cov ntawv no rau OHO 5 hnub ua haujlwm ua ntej mus hais rooj plaub.
Yog koj paub hais tias muaj cov ntaub ntawv keeb kawm, tiamsis koj muab tsis tau kom cuag sijhawm, qhia rau tus kws txiav txim plaub 5 hnub ua haujlwm ua ntej mus hais plaub hais tias muaj ntaub ntawv keeb kwm uas koj muab tsis tau. Tus kws txiav txim plaub yeej cia koj xa cov ntaub ntawv keeb kwm tuaj tom qab hais rooj plaub tas.
Koj coj tau lwm tus nrog koj tuaj ua tim khawv teev lus ntawm rooj saj laj, los sis tsuas tuaj txhawb koj.
Sim mus nrhiav kws lij choj lossis ib tus neeg sawv cev rau koj. Yuav pab koj tshaj yog hais tias koj muaj kws lij choj thaum mus hais rooj plaub nrog tus ALJ. Hu koj lub legal aid hoob kas hauv zos ntawm 1-(877) 696-6529.

Rooj plaub no lawv muab kaw cia. Tus kwv txiav txim yuav saib tag rho cov pov thawj thiab cov lus teev thiab mam li xa nws txoj kev txiav txim tuaj rau koj tom qab rooj plaub. Qhia rau OHO koj qhov chaw nyob tam sim no.

3rd Kauj Ruam: Pawg Neeg Txiav Txim Tawm Tsam

Yog hais tias koj swb rooj plaub, koj thov kom Pawg Neeg Txiav Txim Tawm Tsam (Appeals Council) nyob rau hauv lub xeev Virginia los soj ntsuam xyuas dua. Txoj kev tawm tsam no tsis tuaj tim ntsej tim muag. Pawg neeg txiav txim tawm tsam (Appeals Council) yuav soj ntsaum xyuas koj rooj plaub siv koj cov ntaub ntawv.

Koj yuav tsum xa daim ntawv HA-520 Request for Review of Decision/Order of Administrative Law Judge ua ntej 60 hnub tom qab txais tau daim ntawv ceeb toom txog ALJ’s kev txiav txim.

Mus nqa daim ntawv no ntawm Social Security los yog hauv computer.

Mus muab daim ntawv hauv computer ntawm www.ssa.gov (lus Askiv xwb) thiab nias “HA-520” rau ntawm qhov chaw tshawb. Teb cov lus nug hauv cov ntaub ntawv kom tiav thiab muab xa los yog nqa mus rau Social Security lub hoob kas nyob ze ntawm koj.

Yog xa daim ntawv tawm tsam hauv computer mus rau ntawm www.ssa.gov.

nais qhov “Benefits”
hauv qab “Benefits” nais qhov “Manage Benefits”
nyob ntawm sab tav nias “Apply”
nias tus link uas hais tias “Appeal a decision we made”
nias tus link uas hais tias “Request Review of Hearing Decision”
nias lub npauv xim xiav hais tias “Start Request”
nias lub npauv xim xiav tom ntej hais tias “Start an Appeal”

Muab cov ntawv tshiab los yog cov pov thawj uas koj muaj, tab sis tsis txhob laug es tsis xa ntaub ntawv mus vim hais tais koj npaj tsis tau pov thawj txhij. Xa ntaub ntawv mus ua ntej, ces xa cov pov thawj tshiab mus sai li sai tau. Pawg neeg txiav txim tawm tsam (Appeals Council) muab 25 hnub rau koj los xa koj cov pov thawj tom qab koj xa ntawv mus tawm tsam lawm. Koj thov kom muab sij hawm ntxiv los tau.

Pawg neeg txiav txim tawm tsam (Appeals Council) yuav soj ntsuam xyuas thiab mloog rooj plaub hais kaw thiab cov ntaub ntawv nyob hauv koj phau ntawv nrog rau txhua cov ntawv pov thawj tshiab uas koj xa tuaj. Lawv xa rooj plaub rov qab tuaj hais dua, tsis kam koj txoj kev tawm tsam, lossis hla tus ALJ qhov kev txiav txim es txiav txim hais tias koj tsim nyog tau.