Tam Sim No Kuv Tau Tsab Ntawv Yuam Them Nyiaj Yug Menyuam

Txhua lub nroog muaj ib lub hoobkas them nyiaj yug menyuam “child support office.” Lub hoobkas kuj muaj lub npe hu uas IV-D Unit (“Four D Unit”). Yog koj tau kev pab los ntawm lub:  

• Minnesota Family Investment Program (MFIP)  
• Medical Assistance, , lossis 
• Nyiaj Pab Zov Menyuam 

Lub IV-D Unit yuav cia li pib ib rooj plaub nyiaj hli yug menyuam los mus sau nyiaj ntawm tus niam/txiv tog tod. Yog koj tsis tau kev pab pej xeem luam, koj yuam tsum ua ntawv thov kev pab los ntawm qhov chaw IV-D. Koj yuav tsum ua qhov no ua ntej lawv pab tau koj. Qhov chaw IV-D yuav tsum pab kom koj tau nyiaj them yug menyuam. Mus nug txog IV-D cov kev pab cuam, hu koj lub nroog lub hoobkas them nyiaj yug menyuam.  (lus Askiv xwb) 

Mus ntawm https://mn.gov/dhs/hmn/

• Nias rau “People We Serve”
• Nias rau “Children and Families”
• Nias rau “Services”
• Nias rau “Child Support”
• Nias rau “Contact Us”
• Nias rau “county child support office” ces mus nrhiav koj lub nroog hauv daim ntawv

Tej zaum nws yuav siv txog li 3 lub hli mam li txais tau nyiaj them yug menyuam. Yog koj muaj ib tsab ntawv hauv tsev hais plaub hais tias yuav rho nyiaj ntawm tus niam/txiv sab tov, thiab koj ua ntaub ntawv thov qhov chaw IV-D pab sau nyiaj, lawv muaj 20 hnub mus ua ntaub ntawv foob. Tom qab ntawv, lawv muaj 15 hnub mus qhia tus niam/txiv sab tov qhov chaw ua haujlwm kom tuav cov nyiaj tom huajlwm.

Qhov chaw haujlum yuav tsum rho nyiaj tawm ntawm daim tshev li 14 hnub tom qab txais tau tsab ntawv yuam them nyiaj yug menyuam thiab xa cov nyiaj mus rau qhov chaw IV-D tsis pub dhau 7 hnub tom qab ntawm. Ces IV-D unit muaj 2 hnub xa cov nyiaj them yug menyuam tuaj rau koj.

Yog koj tau MFIP, koj tau qhov nyiaj them yug menyuam, tabsis koj cov nyiaj MFIP raug txo 2 lub hli tom qab.

Koj muaj feem txais tau nyiaj them yug menyuam txog li $100 tauj ib hli rau 1 tug me nyuam thiab txog $200 tauj ib hli rau 2 los tshaj cov menyuam thiab koj qhov MFIP tsis raug txo.

Yog koj tau MFIP, kev pab zov menyuam los ntawm lub nroog, lossis Medical Assistance (MA), qhov chaw IV-D khaws ib feem ntawm koj qhov nyiaj them yug menyuam uas coj los siv zov menyuam lossis pab kho mob. 

Yog koj tsis tau MFIP, kev pab zov menyuam los ntawm lub nroog, lossis MA, qhov chaw IV-D khaws 2% ntawm cov nyiaj yug them menyuam sau los rau koj coj mus them cov nqi tswj xyuas  ntaub ntawv tswj thiab tej zaum sau tus nqi $25.00 txhua xyoo.

Minnesota muaj ib qho chaw “help desk” pab txog nyiaj hli yug menyuam thiab ib lub vassab mus kuaj cov nyiaj hli yug menyuam them tuaj. Koj hu tau hnub Monday mus txog Friday thaum 8 am mus rau 4:30 pm. 

Lub “HelpDesk” qhia tau rau koj: 

• Hnub kawg them cov nyiaj yug menyuam tuaj
• Cov nyiaj them tawm 90 hnub dhau los
• Qhov nyiaj them yug menyuam seem hauv tus askhauj thiab
• Lup npe thiab tus xov tooj ntawm tus neeg siab xyuas koj cov nyiaj yug menyuam

Hu rau:

Lossis mus online ntawm: www.childsupport.dhs.state.mn.us/Action/Welcome (lus Askiv xwb)

Tau. Cov nyiaj them yug menyuam hloov tau yog tus niam/txiv cov nyiaj txiag lossis cov kev pab tu tus menyuam hloov ntau ua rau tsab ntawv yuam them tsis ncaj ncees. Yuav tsum tau ib daim ntawv tso cai ntawm tus kws txiav txim plaub los mus hloov nyiaj yug hli menyuam. Tsis tas li ntawm, koj muaj feem tau qhov nyiaj them yug menyuam nce vim kev nyob thiab kev noj haus nce txhua 2 lub xyoo. Koj yuam tsis tau kom hloov cov lus twb pom zoo hauv daim ntawv them nyiaj yug menyuam yog tias tsis nyob tsab ntawv txiav txim plaub cia.  

Minnesota muaj ib qhov txheej txheem los teem nyiaj them yug menyuam. Qhov txheej txheem no hu ua Faib Nyiaj Tau Los “Income Shares.” Faib Nyiaj Tau Los txiav txim cov nyiaj them yug menyuam yuav raug them npaum li cas tom qab lawv saib tag nrho ob tog niam thiab txiv cov nyiaj tau ua ntej txiav se. “Gross income” yog tag nrho koj cov nyiaj tau los ua ntej txiav se.

Cov niam txiv uas xav hloov nyiaj hli yug menyuam yuav tau muaj povthawj qhia tias muaj cov kev hloov loj txij thaum daim ntawv yav tas. Thiab vim cov kev hloov ntawd ua rau tsim nyog hloov nyiaj hli yug menyuam. 

• Muaj kev hloov loj los ntawm tus niam/txiv qhov nyiaj tau los lossis kev pab
• Muaj kev hloov loj ntawm txoj kev tu menyuam
• Tau kev pab pej xeem luam
• Tus menyuam cov nqi kho mob siab heev
• Tus nqi zov menyuam hloov lossis tshiab lawm

Lub tsev hais plaub yuav tsis hloov qhov nyiaj them yug menyuam yog cov nyiaj them yug menyuam tsis nce lossis qis txog li 20 feem puas thiab $75.

Txhua 2 lub xyoo koj muaj feem hais kom tus niam/ txiv sab tov luam nws daim ntawv ua se rau koj.

Txhua tsab ntawv txiav txim them nyiaj yug menyuam muaj qhov nyiaj nyob-noj-haus (COLAS) sau rau hauv. Qhov no txhais tau tias tej zaum cov nyiaj koj tau yuav nce. Yog tus niam/txiv sab tov tsis tau nyiaj nce tom hauj lwm lossis tsab ntawv txiav txim muaj lwm yam nce sau rau hauv, ces lub tsev hais plaub zam tau.

Qhov nyiaj los ntawm qhov COLA nyob ntawm seb nyiaj puas poob nqi. Koj muaj feem txais tau qhov nyiaj nce txhua 2 xyoo. Yog koj siv qhov chaw IV-D, lawv mam muab qhov nyiaj nce rau koj. Yog koj tsis siv qhov chaw IV-D, koj yuav tsum mus tom tsev hais plaub kom thiaj li tau ib tug nqi nce.

Qhov chaw IV-D yuav tsum ntsuam xyuas tag nrho koj tsab ntawv yuam them nyiaj yug menyuam txhua 3 xyoo. Koj nug tau kom lawv hloov tsab ntawv yuam them nyiaj yug menyuam yog koj tsab ntawv tsis tau muaj 3 xyoo, tabsis qhov chaw IV-D tsis tas yuav pab koj.

Yog xav hloov tus cov nyiaj them yug menyuam, nug koj tus neeg ua hauj lwm txoj them nyiaj yug menyuam kom siv qhov kev Hais Nyiaj Them Yug Menyuam Sai Txheej Txheem “Expedited Child Support.” Qhov no pab niam/txiv daws cov teeb meem txog cov nyiaj them yug menyuam.

• Xa ib tsab ntawv rau koj tus neeg ua hauj lwm rau them nyiaj yug menyuam nug kom nws muab koj tsab ntawv yuam them nyiaj yug menyuam hloov. Siv daim ntawv txuas nrog daim ntawv tseeb no. Khaws ib daim cia.
   
• Qhov chaw IV-D mam pib koj rooj plaub lossis xa ib tsab ntawv “tsis kam” hais tias lawv yuav tsis pab koj.
   
• Yog qhov chaw IV-D tsis kam pab koj, koj yeej tseem mus tau tom lub tsev hais plaub koj tus kheej thiab thov kom lawv hloov qhov nyiaj hli yug menyuam. 
• Yog IV-D Unit kam hais koj rooj plaub, lawv sau cov ntawv kom hloov nyiaj hli yug menyuam, xa mus rau tus niam lossis txiv tog tod, thiab xa lawv mus rau tom tsev hais plaub. Yog tus niam/txiv sab tov tsis tawm tsam lossis tsis nug kom hais rooj plaub ua ntej 14 hnub, qhov nyiaj them yug menyuam hloov tau. 
   
• Yog tsis muaj lus txaus, lossis yog tus niam/txiv sab tov tawm tsam, yuav tau mus hais plaub.

Tsis yog. Tus kws txiav txim muaj feem hloov tau nyiaj hli yug gmenyuam thaum twg los tau yog hais txog menyuam nrog leejtwg nyob, sijhawm niam txiv xyuas menyuam (xyuas), faib khoom ntiag tug lossis muaj sib ceg sib ntau hauv tsev.  

Ob tug leeg niam txiv qhia lus tseeb txog nkawv cov nyiaj tau los thiab nuj nqis. Lub tsev hais plaub xa tsab ntawv tuaj. Yog tus niam/txiv twg tsis txaus siab, nkawv muaj 20 hnub tom qab nkawv txais tau tsab ntawv mus ua ntaub ntawv foob. Yog niam/txiv pom zoo rau tsab ntawv tixav txim nyiaj them yug menyuam, qhov chaw IV-D muaj peev xwm sau qhov kev pom zoo rau hauv ntawm hauv tsev hais plaub.

Tej zaum koj xav coj ib tug kws lijchoj, tabsis koj mus hais plaub koj tus kheej los tau. Tej zaum ib tug neeg ntawm qhov chaw IV-D tuaj mloog rooj plaub thiab nug nyiaj them yug menyuam tiam sis qhov chaw IV-D tsis sawv cev rau ib tus niam txiv twg.

Koj xav tau ntaub ntawv. Koj thov tau cov ntaub ntawv tom koj lub tsev hais plaub. Tej zaum yuav raug them ib tug nqi. Nws muaj lwm txoj hauv kev rau koj mus muab hauv online tau.

Koj mus nrhiav tau cov ntaub ntawv koj toobkas nyob rau hauv lub tsev hais plaub lub vassab: www.mncourts.gov.

• Nias rau “Get Forms”
• Nias rau “Child Support”
• Nias rau “Motion to Modify Child Support” (Hmong)

Nco ntsoov nyeem cov lus qhia, kom koj thiaj li paub tias koj toobkas cov ntaub ntawv twg. Kom tsis txhob muaj tab meem, nias sab xis nyob rau daim ntawv thiab xaiv qhov “save as” kom rub tau los rau hauv koj lub “computer.”

Cim cia: Kev kho mob muaj feem ntsuam xyuas lub sijhawm twg los yeej tau yog tus menyuam lub isalas hloov lossis tus niam/txiv twg lossis menyuam muaj kev hloov rau nws daim isalas kho mob.

Qhia tag nrho cov lus lub tseeb koj paub txog tus niam/txiv sab tov. Xws li, yog koj paub tias nws hloov haujlwm lossis tsiv tsev, qhia koj tus neeg ua haujlwm sai li sai tai.

Nyiaj them yug menyuam tsis tau lig yog nws tsis tau dhau 31 hnub. Tom qab ntawv qhov chaw IV-D muaj ntau txoj kev los pab muab kom tau qhov nyiaj.  

• Txiav Nyiaj Tawm. Yog koj tsab ntawv yuam them nyiaj yug menyuam tsis hais meej tias yuav rho cov nyiaj yug menyuam tawm tus niam/txiv sab tov daim tshev ua haujlwm, koj nug tau kom lawv pib ua li no yog cov nyiaj them yug menyuam xa lig dhau 31 hnub.  
   
• Kev yuam cai. Koj nug tau kom lub tsev hais plaub rau txim rau nws vim yuam cai. Yuav tsum muaj hais rooj plaub. Yog lub tsev hais plaub pom tias tus niam/txiv sab tov yeej them tau nyiaj yug menyuam tabsis nws tsis them xwb, nws yuav raug txim tau. Tom qab ntawm yog nws tsis them cov nyiaj nws tiv yug menyuam dhau los, tej zaum nws raug kaw nkuaj.
   
• Cov nyiaj ua se tau los. Yog tus niam/txiv sab tov tiv nyiaj them yug menyuam dhau los txog li $500, nws cov nyiaj ua se tau los ntawm tsoom fwv thiab lub xeev yuav raug txiav los them cov nyiaj yug menyuam dhau los. Yog tus niam/txiv sab tov tiv nyiaj them yug menyuam dhau los ntau tshaj ib hli ces nws cov nyiaj tau ua se los ntawm lub xeev yua raug txiav los them.
   
• Daim ntawv tsav tsheb raug tshem tawm. Thaum ib tug niam/txiv tiv nyiaj them yug menyuam li 3 npaug ntawm cov nyiaj yug menyuam, lub xeev muaj cai tshem lawv daim ntawv tso cai los ntawm lub xeev tawm. Qhov no tej zaum yog daim ntawv tsav tsheb, lossis txhua daim ntawv tso cai ua haujlwm los ntawm lub xeev, xws li kho/zas plaub hau, lossis txiav plaub hau. 
  
  Daim ntawv tso cai raug tshem tawm txog hnub uas tus niam/txiv pib them cov nyiaj yug menyuam. Lub xeev muaj txoj cai tshem tawm daim ntawv tso cai mus tua tsiaj, nuv ntses, caij nkoj lossis lwm daim ntawv tso cai thiab.
   
• Qhia rau cov chaw tiv nuj nqis. Qhov chaw IV-D qhia tus niam/txiv tsis them nyiaj yug menyuam mus rau qhov chaw tiv/them nuj nqis “credit bureau.”
   
• Ntaub ntawv tuav khoom vim tiv nqi “Liens”. Qhov chaw IV-D yuav tsum ua tsab ntawv los tuav vajtsev lossis khoom ntiag tug (tsheb, nkoj, lwm yam) rau tus niam/txiv uas tsis them nyiaj yug menyuam. Yog muaj tsab ntawv tuav lub vajtse lossis lwm yam khoom, lawv muaj tsis tau txog thaum them tus nqi tag.  

6 hli tom qab thawj zaug koj txais tsab ntawv yuam them nyiaj yug menyuam, koj muaj cai rov mus hais rooj plaub kom tus niam txiv sab tov yuav tsum them nyiaj yug menyuam tiag. Lub tsev hais plaub yuav txuas ib daim ntawv nrog koj tsab ntawv yuam them nyiaj yug menyaum. Koj yuav tsum ua kom tiav daim ntawv thiab xa mus rau lub tsev hais plaub thiab tus niam/txiv sab tov yog xav tau hais rooj plaub.

• Sau ib tsab ntawv mus rau tus thawj ntawm lub koom haum them nyiaj yug menyuam (IV-D). Qhia seb qhov chaw IV-D tau ua dabtsi thiab vim licas koj xav tias hais lawv tau ua txhaum. Tso koj qhov chaw nyob, lub hnub tim thiab koj tus naj npawb ntawm koj rooj plaub. Khaws ib daim ntawv cia.
   
• Yog lawv tsis teb koj rov qab lossis kho qhov teebmeem tsis pub tshaj 30 hnub, sau ib daim ntawv mus rau: 
  DHS: Child Support Enforcement Division
  P.O. Box 64946
  St. Paul, MN 55164-0946
   
• Yog ua li los tsis pab, sau ib tsab ntawv mus rau:
  Administration for Children and Families
  Child Support Enforcement
  233 N. Michigan Ave., #400
  Chicago, IL 60601-5519