Teeb Meem Qiv Nyiaj Kawm Ntawv

Tsis txhob them tagnrho cov nyiaj qiv kawm ntawv txoj kev pab! Cov neeg qiv nyiaj kawm ntawv tau txais emails, ntawv sau tuaj, hu xovtooj, ntawv ntau hauv xovtooj tuaj, lwm yam hais kom lawv cuv npe rau Biden qhov kev xam nyiaj kawm ntawm lossis hais rau lawv hais tias lawv cov nyiaj qiv kawm ntawv ntawm tsoom fwv lig lawm, thiab yuav tsum tau them sai li sai tau. Nws yog ib qhov kev dag xwb!    

Tsis tas li ntawd, cov chaw qiv nyiaj ntiav hais kom cov neeg qiv nyiaj muab lawv cov nyiaj txais tshem mus rau tom lawv. Lawv hais tias koj yuav tau them nqi tsawg dua thiab tus paj yuav tsawg dua. TSIS txhob ua li ntawd! Yog koj muab qhov nyiaj txais tshem mus rau qhov chaw ntiav koj yuav poob tsoom fwv txoj kev tiv thaiv.

Mus nrhiav lus qhia zoo txog kev qiv nyiaj kawm ntawv dag ntawm lub MN Attorney General vas sab https://www.ag.state.mn.us/Consumer/Publications/StudentLoanAssistanceScams.asp.  

Nyiaj kawm ntawv los ntawm tsoomfwv thiab cov chaw qiv nyiaj yog ib txoj kev zoo heev los them kawm ntawv qib siab.  Tabsis yog koj poob qab them cov nyiaj rov qab nws yuav nyuaj heev. Feem ntau koj yuav tsum them cov nyiaj rov qab txawm tias koj kawm tsis tiav. Feem ntau nyiaj qiv kawm ntawv tsis muaj feem “discharged” (tshem tawm) txawm tias koj ua ntaub ntawv poob nyiaj txiag tag (bankruptcy).

Yog koj pab kos npe qiv nyiaj kawm ntawv ntawm tsoomfwv rau tsev neeg lossis ib tug phooj ywg koj yuav raug them cov nyiaj qiv rov qab kom tag. Xav kom zoo zoo ua ntej koj pom zoo kos npe rau leej twg qiv nyiaj.

Koj muaj ntau txoj kev xaiv thaum qiv nyiaj thiab cov cai koj muaj nyob ntawm cov nyiaj koj txais. Yog koj tsis paub hais tias koj qiv nyiaj ntawm qhov chaw qiv nyiaj twg, koj mus nrhiav tau ntawm Federal Student Aid askhauj ntawm https://studentaid.gov/ (ua lus Askiv) lossis hu lawv ntawm 1-800-4-FED-AID (1-800-433-3243).  

1. Muaj ntau hom Tsoomfwv Nyiaj Qiv Kawm Ntawv: 

• Direct Subsidized Loans, Direct Unsubsidized Loans, thiab Direct Consolidation Loans 

• Direct PLUS Loans (rau tub ntxhais kawm ntawv qib “graduate” thiab ua haujlwm lossis niam txiv) 

• Federal Family Education Loans (FFEL) Cim Cia: lub kev pab cuam no xaus rau lub 2010 

• Federal Perkins Loans  Cim Cia: lub kev pab cuam no xaus rau lub Kaum Hli 2015 

Yog xav paub ntxiv txog Nyiaj Qiv Los Ntawm Tsoomfwv, mus rau https://studentaid.gov/understand-aid/types/loans. (ua lus Askiv) 

2. Cov Chaw Qiv Nyiaj Kawm Ntawv Ntiav feem ntau tsis muaj tsoom fwv qhov kev tiv thiav hauv qab. 

Cov lus qhia ntawm daim ntawv no muab faib ua qiv nyiaj ntawm tsoom fwv thiab qiv nyiaj ntiav. Muaj cov kev txawv tseem ceeb heev. Vim cov kev kev txawv, koj yuav tsum thov nyiaj qiv ntawm tsoom fwv ua ntej koj thov qiv nyiaj ntawm cov chaw ntiav. 

Yog koj cov nyiaj txais tsis tau poob mus rau kev them tsis tau, koj muaj kev xaiv them rov qab rau cov nyiaj txais los ntawm tsoomfwv:

Tseem Ceeb: Yog koj them tsis tau ib zaug, hu rau qhov chaw koj txais nyiaj sai li sau tau. Koj yuav muaj ntau txoj hau kev xaiv yog koj tiv tauj tus txais nyiaj rau koj ua ntej koj tsis them nyiaj thiab poob mus rau kev them tsis tau nuj nqi. 

1. Them Raws-Nyiaj Tau Los Tom Haujlwm. Muaj ntau txoj kev them rov qab raws nyiaj tau los tom haujlwm thiab pes tsawg tus neeg hauv tsev neeg. Yog xav paub ntxiv thiab tau daim ntawv thov mus rau https://studentaid.gov/idr/. (ua lus Askiv) 

Thaum koj ua ntawv thov, nug koj tus txais nyiaj rau kom nrhiav tus nqi tsawg tshaj rau txhua hli rau koj them.  

Mus thov, swb mus rau hauv qab thiab nias “Log in to Apply” hauv qab “Apply for an Income-Driven Repayment Plan”   

Cim Cia: yog qhov koj teem maj mam them tus nqi txo, koj qhov nyiaj qiv tej zaum yuav siv sijhawm ntev zog los them kom tag thiab tej zaum qhov nyiaj tag tag nrho yuav ntau tshaj vim cov paj tsub ntxiv.

2. Txuas ntxiv kev maj mam them rov qab. Tej zaum yuav txo tau koj cov nyiaj koj them txhua hli los muab txuas ntxiv qhov teem. Ib txhia kev maj mam them kam ntev muaj mus txog li 25 xyoo.
3. Pib maj mam them ces mas nce mentsis txhua xyoo. Cov kev maj mam them rov qab pib qis thiab nce txhua 2 lub xyoo. Feem ntau, kev maj mam them rov qab yuav tsum mus txog 10 xyoo tabsis, yog koj cov nyiaj qiv siab txaus, koj muaj feem ua ntawv thov txuas ntxiv kom maj mam them rov qab. Qhov no muaj feem ntev txog 25 xyoo. 
4. Muab koj cov nyiaj qiv tag nrho sau tso ua ke. Yog koj muaj ntau tshaj ib qhov nyiaj qiv kawm ntawv los ntawm tsoomfwv, koj muaj feem ua kom yooj yim them nyiaj yog muab cov nyiaj qiv tso ua ke. Koj ua tau ntawv thov qhov no ntawm https://studentaid.gov/loan-consolidation/ (lus Askiv xwb).
5. Ncua kev maj mam them rov qab.​

• Yog koj tsis muaj haujlwm ua, mus kawm ntawv (tsawg kawg ib nrab sijhawm) lossis yog koj tab tom yog ib tug tub rog, tej zaum koj yuav tsim nyog tau “deferment” kev ncua. Qhov no txhais tias ncua koj tsis them cov nyiaj qiv rov qab. Tej zaum koj yeej tseem tau them qhov paj uas tsub thaum lub sijhawm muab ncua “deferment.” Yog xav paub ntxiv txog thaum twg koj yuav tau them paj thaum lub sijhawm ncua, mus rau https://studentaid.gov/manage-loans/lower-payments/get-temporary-relief/deferment.  
• Yog koj xiam oob qhab ib ntus lossis koj muaj kev txom nyem txog nyiaj txiag, tej zaum koj yuav tsim nyog tau “forbearance” kev nres them nyiaj rov qab. Qhov no txhais tias koj muaj feem nres tsis them nyiaj ib ntus lossis maj mam them rov qab qhov nyiaj tsawg zog. Koj yuav tau them qhov paj uas tsub thaum lub sijhawm muab ncua “forebearance.” Yog xav paub ntxiv txog “forbearance,” mus rau https://studentaid.gov/manage-loans/lower-payments/get-temporary-relief/forbearance. 
• Qhov txawv ntawm txoj kev ncua “forbearance” thiab “deferment” yog hais tias “forbearance” nres tsis them rau ib lub sijhawm luv (feem ntau mus txog rau 12 hlis). “Deferment” muaj feem nres tsis them li ib xyoo lossis ntev tshaj. 

1. Kho Dua Tshiab Cov Nyiaj Koj Qiv (Rehabilitate Your Loan): Yog koj tau nyiaj qiv los ntawm Direct Loan, koj yuav tsum them 9 lub hli ntawm 10 lub hli. Yog koj tau nyiaj qiv los ntawm Perkins loan, koj yuav tsum them nyiaj 9 lub hli tsis pub qhaj ib lub hli.

Txawm tias koj twb nrog tus neeg sau nuj nqi tham lawm los koj yuav tsum tiv tauj tus neeg tuav koj cov nyiaj qiv kom rov qab kho dua tshiab koj cov nyiaj qiv. Lawv yuav tsum muab ib tug nqi tsim nyog thiab koj yuav them tau maj mam rov qab - tej zaum tus nqi no yuav qis tau ze li 15% ntawm koj cov nyiaj tau los siv ua si. 

Cim Cia: nyob ntawm seb cov nyiaj qiv yog hom twg, tej zaum tus txais nyiaj rau koj tsub tus nqi mus txog 16% ntawm koj cov nyiaj qiv. 

2. Muab koj cov nyiaj qiv tag nrho sau ua ke. Kev muab nyiaj qiv tag nrho sau ua ke los hloov cov nyiaj qiv ua ntej, muab rau ib qhov nyiaj qiv tshiab tsis tau poob qab. Yog koj muaj ntau tshaj ib qho nyiaj qiv kawm ntawv los ntawm tsoomfwv, koj muaj feem ua kom yooj yim muab cov nyiaj kom ua ke thaum them rov qab. Koj thov tau qhov no ntawm https://studentaid.gov/loan-consolidation/ (lus Askiv xwb)

Yog koj poob qab tsis them, koj muab cov nyiaj koj qiv poob qab tshem tawm yog koj muab cov nyiaj qiv sau ua ke thiab them rov qab 3 lub hli uas tsim nyog thiab them tau. Thaum koj muab cov nyiaj qiv sau ua ke tag nrho, ces koj muaj feem thov tau lwm txoj hau kev maj mam them cov nyiaj qiv rov qab saum toj.

1. Xiam Oob Qhab Tag Nrho Thiab Ib Sim Neej Tshem Tawm. Tej zaum koj muaj feem muab koj cov nyiaj qiv kawm ntawv los ntawm tsoomfwv tshem tawm. Yog koj xiam oob qhab thiab yuav tsis muaj feem ua tau nyiaj txaus los them cov nyiaj qiv rov qab, tej zaum koj yuav tsim nyog tau Xiam Oob Qhab Tag Nrho Thiab Ib Sim Neej (TPD) Tshem Tawm. Saib peb daim Ntawv qhia Yog Koj Them Tsis Taus Cov Nyiaj Koj Txais Them Nqi Ntawv Vim Koj Xiam Oos Qhab. Koj muaj feem muab tau ib daim ntawv luam thiab paub txog ntxiv los ntawm Xiam Oob Qhab Tag Nrho Thiab Ib Sim Neej (TPD) Tshem Tawm ntawm us vassab www.disabilitydischarge.com (lus Askiv xwb).

2. Public Service Loan Forgiveness Khoos Kas.  Yog koj ua haujlwm 40 teev tauj ib lim tiam rau tej txoj haujlwm rau tsoomfwv rau pej xeem, tej zaum ib co ntawm koj cov nyiaj qiv los kawm ntawv yuav zam tau. Nyob rau ntawm txoj kev pab cuam no, yog koj them txog 120 zaus (ze li 10 xyoo) tej zaum koj yuav tsis raug them ntxiv lawm. Yog koj them rov qab cov nyiaj qiv los, koj yuav tsum them tas tom qab 10 xyoo.

         Txoj kev pab cuam no tsuas muaj rau cov nyiaj qiv los ntawm Direct Loan. Yog koj cov nyiaj qiv los ntawm tsoomfwv txawv, koj yuav tsum hloov (“consolidate” muab los ua ke) koj cov nyiaj qiv ua ntej koj muaj feem pib qhov kev pab cuam no. 

3. Tshem Tawm Cov Nyiaj Qiv Vim Tsev Kawm Ntawv (School Related Discharges). Cov no tsis tshua muaj tabsis tej zaum koj yuav tshem tawm tau koj cov nyiaj qiv yog:

• Yog koj lub tsev kawm ntawv kaw thaum koj tseem kawm ntawv.

• Yog koj lub tsev kawm ntawv ua ntawv povthawj tias koj yeej kawm tiav koj txoj kev kawm thaum koj twb ua tsis tau, tiv tauj tus txias nyiaj rau koj. Muab piv txwv, tej zaum lub tsev kawm ua ntawv povthawj rau ib tug tub ntxhais kawm ntawv, txawm tias nws muaj kev xiam oob qhab uas txwv nws mus ua tsis tau haujlwm. 

• Yog lub tsev kawm ntawv tiv koj ib co lossis tag nrho cov nyiaj them kawm ntawv. Yog koj rho npe tawm tsis kawm ntawv, sau ib ntawv qhia tsev kawm ntawv thiab tus txais nyiaj rau koj tam sim ntawm. Yog koj tsis ua raws tsev kawm ntawv txoj cai rho npe tawm, tej zaum koj yuav xiam cov nyiaj them rov qab thiab yuav raug them cov nyiaj qiv kawm ntawv. Luam thiab khaws cia daim ntawv koj sau. Ces nug kom muab cov nyiaj  rov qa.  

4. Poob Nyiaj Txaig Tag (Bankruptcy) Cov nyiaj muaj feem tshem tawm (tso tseg) thaum ua ntaub ntawv poob nyiaj txiag tag - tabsis tsuas ua tau yog koj muaj povthawj txog tias txom nyem heev. Tham nrog ib tug kws lijchoj txog qhov no. Nws ua tsis yooj yim.

5. Cov nyiaj qiv kawm ntawv tso tseg thaum tus neeg qiv ntawd tas sim neej. Tsev neeg yuav tsum xa daim ntawv povthawj txog tus neeg tas sim neej mus rau qhov chaw txais nyiaj.

1. Cov chaw txais nyiaj tsis yog tsoomfwv TSIS TAS yuav tsum muab ib txoj hauv kev maj mam them rov qab raws nyiaj tau los tom haujlwm rau koj. Tej zaum lawv muab lwm cov kev maj mam them rov qab rau koj, tabsis txoj cai tsis yuam kom lawv ua qhov no.

2. Cov chaw txais nyiaj tsis yog tsoomfwv hais tau tias koj poob qab thaum tsis them nyiaj ib zaug xwb. Lawv tsis tas yuav tsum tos 9 lub hli li ntawm tsoomfwv cov chaw txais nyiaj.

3. Cov chaw txais nyiaj tsis yog tsoomfwv feem ntau foob koj rau hauv tsev hais plaub yuam kom koj them thiab sim mus muab koj cov nyiaj tuav. Yog qhov no tshwm sim, saib peb daim ntawv qhia Yuav Ua Li Cas Yog Koj Raug Foob. 

         Yog qhov chaw txais nyiaj rau koj yeej kev txiav txim los ntawm tsev hais plaub foob koj, tej zaum lawv tuav tau koj daim tshev nyiaj lossis tus askhauj hauv tsev ceev nyiaj. Saib peb daim ntawv qhia Tuav Nyiaj Thiab Koj Cov Cai. Cov chaw txais nyiaj tsis yog tsoomfwv tsis muaj feem txeeb koj cov nyiaj los ntawm se lossis tuav 15% ntawm koj cov nyiaj los ntawm Social Security.

4. Nyiaj qiv los ntawm tsoomfwv txawv, cov chaw txais nyiaj tsis yog tsoomfwv muaj caij nyoog yog yuav foob koj (“statue of limitations” muaj cai teem sijhawm mus hais plaub) tom qab koj poob qab them tsis tau cov nyiaj qiv rov qab. Nyob rau hauv Minnesota, caij nyoog txwv yog 6 xyoo.

5. Yog koj poob qab tsis them nyiaj rov qab tsis tau, cov chaw txais nyiaj tsis yog tsoomfwv tsis raug yuam los ntawm txojcai tso koj tawm ntawm kev poob qab them nyiaj tsis tau (rehabilitate) ntawm koj cov nyiaj qiv. Tabsis, muaj ib co chaw txais nyiaj tsis yog tsoomfwv ua tau qhov no, yog li ntawd nws yog ib lub tswv yim zoo rau koj mus nug qhov chaw txais nyiaj rau koj.

6. Tib qhov kev pab daws koj cov nuj nqis txais nyiaj ces yog ua ntaub ntawv poob nyiaj txiag tas - tabsis tsuas yog koj muaj povthawj muaj kev txom nyem heev. Tham nrog ib tug kws lijchoj txog qhov no. Nws ua tsis yooj yim.

Feem ntau cov nyiaj qiv kawm ntawv yog raug li los ntawm lwm lub tuam txhab txawb qhov chaw qiv nyiaj. Cov tuam txhab no sau nyiaj, teb lus nug los ntawm tus neeg qiv nyiaj, thiab lis ntaub ntawv txog qhov nyiaj qiv.   

Yog koj xav tau kev pab khom teeb meem nrog qhov chaw tsoomfwv txais nyiaj rau koj kawm ntawv lossis yog koj xav tias qhov chaw txais nyiaj ua txhaum koj cov cai lij choj, tiv tauj rau Federal Student Loan Ombudsman Group. 

U.S. Department of Education
FSA Ombudsman Group
P.O. Box 1854
Monticello, KY 42633

Naj npawb xov tooj hu dawb: 877-557-2575
Tus Fax naj npawb: 606-396-4821

Qhov Consumer Financial Protection Bureau (CFPB) muaj ib daim ntawv hauv online rau koj siv  qhia lawv txog kev tsis txaus siab nrog qhov chaw txais nyiaj tsis yog tsoomfwv lossis txog cov neeg muab kev pab cuam thiab cov neeg/chaw sau nuj nqi rau txhua cov nyiaj qiv kawm ntawv. Mus ntawm www.consumerfinance.gov/complaint (lus Askiv xwb). 

Yog koj muaj lus nug txog qiv nyiaj kawm ntawv, cov kev maj mam them rov qab lossis xav tau lus qhia ntxiv, mus rau Department of Education lub vassab ntawm: https://studentaid.gov/.  

Lossis hu Federal Student Aid Information Center (FSAIC) ntawm:  

1-800-4-FED-AID (1-800-433-3243)  

(TTY) 1-800-730-8913. 

Yog koj tsis paub qhov chaw txais nyiaj rau koj yog leej twg, koj mus nrhiav tau ntawm Federal Student Aid askhauj ntawm https://studentaid.gov/ lossis hu lawv ntawm 1-800-4-FED-AID.  

Yog xav tau lus qhia ntxiv txog qiv nyiaj kawm ntawv:
A National Consumer Law Center Project:
http://www.studentloanborrowerassistance.org/

Consumer Finance Protection Bureau:
http://www.consumerfinance.gov/paying-for-college/

Federal Student Aid website: https://studentaid.gov/

U.S. Department of Education: https://www.ed.gov/