Teeb Meem Xwm Ceev Kho Kom Sai

Hu tus tswv tsev tam sis ntawd. Yog tus tswv tsev tsis kam kho los sis tsis kam daws cov teeb meem  ua qhov xwm ceev, koj muaj feem mus daim ntawv hu uas Emergency Tenant Remedies Action (ETRA). ETRA muaj ib lub npe hu tias kev pab thaum muaj kev xwm ceev. Koj muaj feem mus ua daim ntawv ETRA rau cov teebmeem nyob hauv koj kem tsev LOSSIS rau cov teebmeem nyob hauv tej chav sawvdaws siv hauv lub tsev loj. Ib “chav sawvdaws siv” yog ib qho chaw sab nraum koj kem tsev uas txhua tus neeg xauj tsev sib koom siv. Cov chaw xws li “hallway” chaw taug kev, chaw tos txais neeg, lossis chav ntxhua khaub ncaws.

Yog ib qho zoo kom ib tug kws lij choj pab koj lis daim ntawv ETRA, tiam sis koj ua koj los tau. Hu rau koj lub chaw kev cai lij choj rau kev pab los sis tswv yim ntawm 1(877) 696-6529. 

Yog yuav mus ua daim ntawv ETRA, koj yuav tsum ua li cov nram no:

• Teev cov ntsiab lus rau daim ntawv ua ke no. Koj mus muab ib daim ntawv tim lub tsev hais plaub los tau.
   
• Koj yuav tsum qhia rau tus tswv tsev li 24 teev ua ntej koj ua ntaub ntawv. Yuav tsum sau cia txhua txoj kev koj sim qhia koj tus tswv tsev (xws li ntaus ntawv hauv xovtooj, xa emails, lossis ntsib tim ntsej tim muag). 
   
• Yog koj hu tsis tau tus tswv tsev, faj lus tseg qhia 24 teev ua ntej.
   
• Ntawm koj los lus qhia ua ntej 24 teev, qhia rau tus tswv tsev koj qhov xwm ceev hauv tsev yog ab tsi thiab koj xav kom kho tsis pub dhau 24 teev los sis koj yuav mus ua daim ntawv ETRA. Koj yuav tsum qhia koj tus tswv tsev hais tias koj yuav mus ua ntawv foob hauv tsev hais plaub thov kev pab xwm ceev yog hais lawv tsis kho qhov teebmeem.
   
• Yog tus tswv tsev tsis kho cov xwm ceev no ua ntej 24 teev thaum koj xa xov rau nws, koj mus ua daim ntawv ETRA tau.
   
• Yog koj siv tiv tauj koj tus tswv tsev mus ceeb toom nws 24-teev ua ntej, tiam sis hu tsis tau li, koj mus daim ntawv los tau.
   

Muaj ib tus nqi them mus ua daim ntawv no. Yog koj tau nyiaj tsawg, koj sau tau daim ntawv txo nqi hauv tsev hais plaub thov kom tsev hais plaub tsis txhob kom koj them. Lub tsev hais plaub muaj cov ntawv no lossis koj mus ua ib daim siv cov lus nug ib kauj ruam zuj zus. (lus Askiv xwb).  

Koj nug tau kom tsev hais plaub pab:

• Hais koj tswv tsev kho vaj tse sai li sai tau.
   
• Cia koj kho tsev es tshem nyiaj tawm ntawm koj qhov nqi tsev.
   
• Xaiv lwm tus tuaj kho los sis saib xyuas lub vaj tse.
   
• Txo tus nqi them tsev kom txog hnub kho vaj tse tiav.
   
• Kom tus tswv tsev them rau koj mus pw tom tsev so “motel”, los sis them koj rov qab, yog tias koj mus nyob lwm qhov chaw.
   
• Kom tswv tsev muab lwm lub tsev rau koj nyob los sis them tus nqi rau koj tsiv mus nyob lwm qhov.
   

Koj nug kom tsev hais plaub muaj nyiaj nplua rau koj. Qhov nod txhais tau tias koj nug kom them cov nyiaj rov qab rau koj rau tej yam xws li:

• Cov nyiaj them nqi tsev thaum lub sij hawm uas muaj cov teeb meem tsis kho.
   
• Cov nqi kws lij choj.
   
• Tej nyiaj uas koj poob vim yog muaj tej teeb meem no, zoo li nyiaj koj them mus nyob lwm qhov chaw. Yuav tau nqa ntawv pov thawj xws li daim ntawv them nyiaj los sis koj cov tshev sau mus them nqi uas rov xa tuaj.