Tus Neeg Xauj Tsev Txoj Cai Hu Kev Pab

Tau, koj muaj txoj cai hu tub ceevxwm lossis kev pab xwm ceev tuaj hauv koj lub tsev. Koj hu tau yog muaj kev sib ceg/ntau hauv tsev, kov ib tug neeg lub cev los quab yuam lawv deev txhaum cai lossis lwm yam kev coj. Koj kuj hu tau rau koj tus kheej lossis ib tug neeg txheeb zes uas toobkas kev pab txog kev nyuaj siab puas hlwb.

Tsis tau. Koj tus tswv tsev txwv tsis tau qhov koj hu xoov tooj rau xwm ceev puas tsawg zaus. Lawv txwv tsis tau koj hu tub ceev xwm lossis xwm ceev kev pabcuam.

Tsis tau. Rau txim tsis tau rau koj yog hu tub ceevxwm lossis nrhiav kev pab xwm ceev txawm yog tiag koj daim ntawv xauj tsev hais tias rau txim tau. Pivtxwv, koj tus tswv tsev ntiab tsis tau koj tawm tsev lossis nce koj nqi tsev vim koj hu tub ceevxwm.

Tsis tau. Minnesota txoj kevcai muab cai rau koj hu tub ceevxwm lossis kev pab xwm ceev. Koj tus tswv tsev hais tsis tau kom koj muab koj txoj cai hu kev pab tso tseg (“zam”).

Txoj cai hauv lub xeev hais tias tsis pub rau txim rau koj vim hu kev pab – txawm tias koj hu ntau puas li cas. Ntiab tsis tau koj tawm tsev lossis nplua koj txawm yog hais tias lub zos muaj ib txoj kevcai hais tias tus tswv tsev yuav tsum ntiab tawm lossis nplua tus neeg xauj tsev tom qab hu 9-1-1 ntau zaus dhau lawm.    

Yog lub zos thiab lub xeev txoj cai tsis sib haum, ua raws li lub xeev txoj cai. Hais kom koj tus tswv tsev mus xyuas Minnesota txoj cai Statue §504B.205.

Yog koj raug rau txim vim koj cov tshab xov tooj hu rau 9-1-1, xws li daim ntawv qhia tias uas txhaum daim ntawv xauj tsev, daim ntawv ntiab tawm tsev, lossis xaus koj daim ntawv xauj tsev, qhov no txhaum kevcai.

Siv daim ntawv los nrog daim no qhia rau koj tus tswv tsev txog cov cai koj muaj hu tub ceevxwm lossis pab kev xwm ceev vim muaj sij ceg/ntau, kov ib tug neeg lub cev los quab yuam lawv deev txhaum cai lossis lwm yam kev phem. Daim ntawv hais kom tus tswv tsev tshem tawm qhov rau txim lossis tej yam ua tsis zoo. 

Nco Cia: Yog koj lossis koj tus qhua ua txhaum ib yam dabtsi hauv koj daim ntawv xauj tsev, tej zaum koj tus tswv tsev muab qhov ntawm los foob koj tau, tiam sis lawv siv tsis tau qhov hais tias koj hu tub ceev xwm lossis kev pabcaum xwm ceev los uas ib qhov kev muab koj ntiab tawm tsev lossis npluas koj.

Koj foob tau koj tus tswv tsev yog nws ua txhaum abtsi ntawm txoj kevcai no. Koj hais kom tsev hais plaub txiav txim $250 rau ib nqi txhaum LOSSIS koj hais kom lawv them tus nqi koj poob nyiaj (xws li nqi tsiv), nyob ntawm seb qhov twg ntau tshaj.