Gargaarka Cuntada ee Dadka Da’da Ah

Barnaamijka SNAP waxaa u leeyahay shuruudo u gaar ah dadka da’da ah ee ka weyn 60 sano.  Waxaa weli la tixgeliyaa dakhliga, kheyraadka, iyo caawinaadda qofka loo fidiyo.  Laakiin xadka u go’an iyo qeybta ku soo beeganta waa ka duwan tahay dadka da’da ah.   Waa arrin aad u cakiran.  Sida ugu wanaagsan waa in aad codsato oo u deyso in ay shaqaalaha go’aan ka gaaraan.

• Tag xafiisyada adeegyada dadaweynaha ee degmada aad degan tahay oo ka soo qaado foomka codsiga. Buuxi oo soo celi. 

• Haddii aadan tagi karin shaqsi ahaan, qof ayaad qoraal ku wakiilan kartaa inuu kuu soo qaado. Warqadda ayey xafiiska geynayaan oo foomka kuu soo qaadi karaan kaana caawin karaan in aad codsato.

• Waxa aad ka dalban kartaa khadka (online) ee ah https://mnbenefits.mn.gov.  (waa ingiriis)

Haddii aad ka soo baxdo shuruudaha, lacagta cuntada waxaa laguugu shubayaa kaar oo sida lacag caddaan ah u isticmaali karto. Kaarka ayaad cunto kaga iibsan kartaa dukaan kasta oo ogol kaarka.

Macluumaadka SNAP waxa aad ka heli kartaa, ka ogaan kartaa in aad shuruudaha ka soo baxday, oo codsiga lagaa caawin karaa adiga oo soo waca: 

Khadka Caawinaadda Gargaarka Cuntada (The MN FoodHelp line) ee 1 (888) 711-1151 

Khadka Dadka Da’da Ah (The Senior LinkAge Line) ee 1 (800) 333-2433

Ama soo wac adeegga gargaarka cuntada ee gobolka 

• (651) 431-4050 magaalooyinka
• 1 (800) 657-3698 gobolka oo dhan
• 1 (800) 627-3529 haddii uu maqalku kugu adag yahay
   

Waxa aad ka ogaan kartaa halka lagaa caawin karo: www.MinnesotaHelp.info

• Bogga u horeeya ka dooro dadka da’da ah “Seniors”
• Guji Gargaarka cuntada Iyo Nafaqada Kale
   

Boggan waxa aad ka heli kartaa liiska gargaarka cuntada ee degdegga ah ee gobolka oo dhan.

Haddii ay degmadu diido codsigaaga SNAP, waxa aad xaq u leedahay in aad racfaan ka qaadato. Warqadda diidmada ee aad ka hesho waxaa la socda xaqa aad u leedahay in aad racfaan ka qaadan karto iyo taariikhda uu ku eg yahay.  Xafiiska Gargaarka Sharciga ayaa laga yaabaa in uu kaa caawin karo racfaanka. La xiriir sida ugu dhaqsaha badan ee 1-(877) 696-6529. 

Maya. Haddii ay da’daadu tahay ama ka weyn tahay 51 jir, lagaama doonayo in aad shaqeyso si laguu siiyo gargaarka cuntada.

Haddii xubnaha qoyskaaga ay yihiin dad waaweyn ama naafo ah waxaa dib u eegis lagu sameeyaa gargaarka cuntada ee aad qaadato 2dii sanaba hal mar Haddii kale hal mar 3dii biloodba.

Haddii ay da’daadu ka weyn tahay 60 jir oo dadka kale ee aad la nooshahay si gaar ah ayaad xaq ugu yeelaneysaa SNAP xitaa haddii aadan gooni u iibsan karin ama u karsan karin cuntadaada.

Haddii aad degan tahay guryaha dadka lagu hayo, dhismayaasha dadka waayeelka u gaarka ah, ama hay’adaha kale ee bixiya cuntada karsan waxaa suurogal in aad weli ka soo bixi karo shuruudaha dadka la siiyo SNAP.   Waa in aad codsataa.

Haddi ay da’daadu ka weyn tahay 60 sano waxa aad ka jiri kartaa lacagta aan laguu celin ee aad jeebkaaga ka bixiso ee caafimaadka iyo dhakhtarka ilmaha ee ka badan $35 bishii.  Waxa laga jarayaa lacagta ka badan $35.  Keen biilashaha caafimaadkaiyo daawada dhakhtarku kuu qoro xafiiska degaanka ee adeegga dadweynaha iyaga ayaa kuu xisaabaya.

Fiiro gaar ah: Taas ma xisaabi kartid haddii ceymiska caafimaadka ama qof kale oo qoyska ka tirsan uu bixiyo kharashka. 

Haddii uu dakhliga kaa soo galo barnaamij hoos yimaada Barnaamijka Shaqaaleynta Adeegga Bulshada (Cinwaanka V ee sharciga dadka da'da ah ee Mareykanka) lama xisaabayo.   Barnaamijyadan waxaa ka mid ah Shaqaaleynta Wayo Aragnida ku dhisan (Experience Works) iyo Barnaamijka Gargaarka Dadka Da’da ah.

Lacagta yar ee laga qaato barnaamijyada mutadawacnimada sida Wehelka Dadka Da’da Ah wehel loo noqdo ama Heynta Dadka Da’da ah looma xisaabo dakhli ahaan marka la eegayo gargaarka cuntada ee lagu siinayo.   Haddii aad mutadawacnimo ku shaqeyso oo xaagaa lacag ah lagu siiyo, waa inaad weydiisaa xafiiska degaanka ee Hay’adaha Adeegga dadaweynaha marka aad codsaneyso Gargaarka Cuntada.    Haddii aad horey u qaadan jirtey oo aad dooneyso in aad bilowdo mutadawacnimo, la hadal shaqaalaha kula shaqeeya. 

Weydiis Xafiiska Adeegga Dadwenaha dakhliga kale ee da’da ah soo gala ee la xisaabayo.   

Haa. Dakhliga bil kasta kaa soo gala xisaabta hawlgabka waxaa lagu xisaabayaa xadka kuu go’an ee dakhliga.  Inta ku jirta xisaabta inta badan laguma xisaabo xadka u go’an hantida.  Hase yeeshee, lacagta caddaanka ah ee kaaga soo harta jeegga waxaa lagu xisaabinayaa xadka hantida u go’an.  

Barnaamij gaar ah oo gobolku leeyahay, Barnaaijka Gargaarka Cuntada ee Minnesota (MFAP) ayaa caawiya dadka da’doodu tahay ama ka weyn tahay 50 jir ee aan haysan dhalashada.   Ka codso MFAP xafiiska Adeegga Dadweynaha ee degaanka.   Waxaa lagu siinayaa mid u dhiganta gargaarka cuntada ee lagu siin lahaa haddii aad ka soo bixi lahyed shuruudaha ku xiran barnaamijka SNAP.

Dad badan ayaa maqlay in Ku Tiirsanaanta Cayrtu macnaheedu yahay in qaadashada gargaar cunto uu wax u dhimi karo helida sharciga dagaanshaha ah. Xeerka cusub ee ku Tiirsanaanta Cayrtu waxa uu ka dhigayaa mid amaan ah in la dalbado dhamaan manfacyada oo dhan waana aad heli kartaa mucaawino gargaar cunto ah haddii aad u baahan tahay. 

Eeg Warqadayada Xogta Aruursan Fahmida Ku Tiirsanaanta Cayrta.