Kev Tsim Txom Yog Dabtsi thiab Nws Cuam Tshuam Kuv Txoj Haujlwm Tau Li Cas?

Kev tsim txom yog thaum lub koomhaum pab pov hwm menyuam yaus lossis neeg laus txiav txim tias tus menyuam lossis tus neeg laus pab tsis tau nws tus kheej nyob hauv koj kev saib xyuas tau raug mob lossis tsis tau kev saib xyuas los ntawm koj. Tus neeg laus pab tsis tau nws tus kheej yog tug neeg nyob rau lossis tug neeg mob nyob hauv qhov chaw ua kam, tau kev pab cuam yuav tsum tso cai los ntawm txoj cai, lossis xiam lossis puas hlwb. Cov piv txwv muaj ntau: doog lossis khawb to, pob txha tawg, cov lus hawv lossis cov lus tsim txom, kev dag ntxias nyiaj, lossis tseg cov menyuam lossis cov neeg pab tsis tau nws tus kheej nyob ib leeg tsis muaj kev saib xyuas.

Pom muaj tsim txom tsis tshwm hauv koj daim ntawv txhaum txim keebkwm, tabsis siv rau hauv lub xeev lossis lub nroog kev tshawb xyuas keebkwm rau cov haujlwm tu neeg. Yuav cheem tau tsis pub koj ua cov haujlwm no tau 7 mus rau 10 xyoo.

Pom muaj tsim txom cuam tshuam cov haujlwm nram qab no

• kho mob lossis tu neeg hauv tsev
• zov menyuam yaus
• niam qhuav txiv qhuav lub tsev tu menyuam uas muaj ntawv tso cai
• ua ntawv coj menyuam los ua yus tus
• ua haujlwm hauv tsoomfwv lub tsev kaw neeg lossis qhuab ntuas kev quav yeeb quav tshuaj
• lwm cov haujlwm uas rau cov neeg laus pab tsis tau nws tus kheej lossis me nyuam.

Yog kom qhov pom tsim txom cuam tshuam koj, nws yuav tsum loj heev lossis rov tshwm sim dua. Qhov no txhais tias muaj tshwm sim tshaj ib zaug lossis ua raug mob.

Qhov pom tsim txom nyob hauv koj keeb kwm tsis raug kaw, raug nplua, lossis poob koj txoj cai ua niam/txiv. Tabsis tej zaum ntxim nyog tsub tau txim txhaum cai lossis tej zaum kev tiv thaiv menyuam coj los tawm tsam koj.

Tau, koj cam tau qhov pom muaj kev tsim txom, tabsis koj yuav tsum rov hais dua ua ntej kev txiav txim kawg. Yuav muaj sijhawm luv heev. Nco ntsoov ua raws cov sijhawm kawg nyob hauv daim ntawv koj tau los ntawm lub koomhaum iab liam koj tsim txom. Yuav zoo dua yog muaj kws lijchoj pab koj.

Koj nug tau lub xeev lossis lub nroog kom “rescind,” tso tseg lossis “take back,” thim rov qab qhov pom tiaj muaj kev tsim txom. Yog tau li koj hais, koj yuav tsis raug txwv tsis pub ua cov haujlwm tu neeg vim qhov iab liam.

Sau ntawv kom rov hais dua sai li sai tau tsis txhob dhau 15 hnub. Xa daim ntawv rov hais dua mus txawm tias koj nrhiav tsis tau kws lijchoj tam sim ntawd. Yog koj tsis rov hais dua, tej zaum koj poob lub sijhawm los tiv thaiv koj tus kheej tag sim neej.  Qhia tias vim li cas koj tsis tau ua cov kev tsim txom iab liam ntawd.  

Piv txwv

• Puas yog kev tsim txom lossis kev tsis saib xyuas tsis yog txhob txwm?
• Puas yog koj tseem siv kev qhuab qhia maj mam?
• Puas yog lwm tus ua qhov kev tsim txom lossis kev tsis saib xyuas?
• Puas yog tus neeg raug kev phem qhia qhov tseeb txog qhov lus iab liam?
• Puas muaj neeg tim khawv txhawb koj zaj dab neeg?
• Yog koj ua haujlwm rau qho chaw zov menyuam yaus, tej zaum qho raug mob me xam tias yog “non-maltreatment mistake” tsis yog kev tsim txom txhob txwm.

Sau kom meej li meej tau.

Koj kuj yuav tsum qhia tias yog vim li cas qhov kev tsim txom tsis loj lossis tsis rov tshwm sim dua, kom tiv thaiv kev txwv tsis pub ua cov haujlwm tu neeg rau yav tom ntej.  Piv txwv

• Puas yog tshwm sim tshaj ib zaug?
• Puas muaj kev raug mob?
• Yog muaj kev tsis saib xyuas, qhov raug mob kho puas tau nrog tshuaj yuav tom taj laj lossis tshuaj pleev rau tawv nqaij?

Koj muaj feem tau ntawv luam ntawm koj tus menyuam lossis tus neeg laus cov ntawv tiv thaiv ntawm lub nroog uas pom muaj kev tsim txom los saib cov pov thawj siv tawm tsam koj.  Koj yuav tsum tau txais cov ntawv tom qab koj paub tias koj raug iab liam tau tsim txom.

Yog lig dhau rau rov hais dua, lossis koj swb kev rov hais dua, kev pom muaj tsim txom nyob rau hauv koj daim ntawv keeb kwm.

Qhov pom muaj kev tsim txom txwv tsis pub koj ua haujlwm rau cov haujlwm tu neeg rau 7 mus rau 10 xyoo. Tabsis koj tseem muaj feem ua haujlwm tu neeg yog:

• kev tsim txom tsis raug mob loj lossis tsis rov tshwm sim dua

                     LOSSIS

• yog koj tau “set-aside” qhov pom zoo tias koj tsis muaj kev phom sij lossis “variance” kev pom zoo mus ua haujlwm muaj neeg kav

Yog xav paub ntxiv txog yuav ua li cas thiaj li tau “qhov pom zoo tsis muaj kev phom sij” lossis “kev pom zoo mus ua haujlwm” saib peb daim ntawv tseeb Cov Kev Txwv Ua Tsis Tau Haujlwm.

Yog paub tseeb tias koj yeej tsis tau daim ntawv txog qhov pom muaj kev tsim txom, luam cov ntawv tiv thaiv ntawm koj tus menyuam lossis tus neeg laus ntawm lub nroog txiav txim seb puas tau tsim txom. Seb puas muaj daim ntawv nyob hauv tuaj ntawm lub xeev lossis lub nroog.  Yog tsis muaj, nug lub xeev lossis lub koomhaum hauv nroog kom muab sijhawm rau koj rov hais dua.

Ua ntej, koj yuav tsum rov hais daim ntawv uas qhia tias koj tsis tsim nyog ua haujlwm rau tej co haujlwm. Sau ib daim ntawv rov hais dua ua ntej hnub kawg sau tseg hauv daim ntawv.

Txuas ntxiv mus, qhia tus kws mloog plaub thiab tus kws lijchoj sab tod tias koj xav rov qhib kev qhov pom muaj tsim txom vim tias koj tsis tau daim ntawb ceeb toom txog kev iab liam tsim txom hauv rooj plaub foob koj.

Yog koj muaj qhov pom muaj kev tsim txom, nco ntsoov tias tom qab 7 mus rau 10 xyoo daim ntawv tsis cuam tshuam nrog cov haujlwm tu neeg thiab koj muaj feem sim ua haujlwm rau cov haujlwm ntawd. Tsis tas li ntawd, qhov pom muaj kev tsim txom cheem tsis tau koj los mus ua haujlwm rau lwm cov haujlwm uas tsis yuam kom kov cov neeg pab tsis tau nws tus kheej lossis menyuam yaus.

Tej zaum koj lub hooskas Legal Aid hauv nroog yuav pab tau koj. Hu koj lub legal aid hoob kas hauv zos ntawm 1(877) 696-6529. Lossis mus nrhiav kev pab los ntawm lwm cov kev pabcuam ntawm www.lawhelpmn.org/hm/providers-and-clinics.

Yog koj xav ntiav ib tug kws lijchoj tiv tauj lub Minnesota State Bar Association’s Attorney Referral Service hauv vas sab ntawm www.mnfindalawyer.com (lus Askiv xwb).