Cov Neeg Muaj Cai Ntaus Thwj Hauv Minnesota thiab Kev Dag “Notario”

Thaum ib tug neeg txais lub luag hauj lwm ua tus neeg muaj cai ntaus thwj, nws txoj haujlwm yog los ua tus timkhawv nruab nrab thiab tiv thaiv kom txhob muaj kev dag thaum kos npe rau ntaub ntawv. Thaum yuav nias thwj rau ib daim ntawv, tus neeg muaj lub thwj yuam tsum nug kom muab daim npav qhia tias tus neeg yog leeg twj thiab muaj lub thwj raws cai ntaus ntawv. 

Tus neeg muaj lub thwj ntaus tsis yog tus timkhawv rau cov ntsiab lus tseeb ntawm daim ntawv. Lawv ua tus timkhawv thaum kos npe rau ntaub ntawv thiab ua tib zoo saib tias tus neeg kos npe yog tus tseeb.

Daim ntawv tso cai ntaus thwj tsuas kav 5 xyoos ces yuav tsum tau mus ua dua tshiab.

Koj muaj feem nrhiav ntaub ntawv ntxaws rau cov neeg muaj cai ntaus thwj (lus Askiv xwb) thiab yuav ua ib tug neeg muaj cai ntaus thwj li cas nyob hauv MN Secretary of State tus vassab. Mus rau https://www.sos.state.mn.us/ (lus Askiv xwb) ces nias rau “Notary and Apostille.”

Nyob rau hauv Minnesota, yog leej twg xav ua ib tug neeg muaj cai ntaus thwj, hu ua “notary public,” tsawg kawg nws yuav tsum muaj 18 xyoo thiab yog ib tug neeg nyob hauv Minnesota.  Tus neeg muaj cai ntaus thwj tsis tas yog xam xaj US, tabsis yuav tsum muaj cai nyob hauv teb chaws no.

Yog lawv ua raws cov yuav tsum tau muaj no, lawv xa ib daim ntawv thov thiab them ib tug nqi rau daim ntawv. Minnesota tsis yuam kom mus kawm tej hoob tshwj xeeb lossis muaj kev kawm tabsis lawv yeej muaj hoob rau txhua tus uas xav kawm. Tom qab lub hoobkas Secretary of State txais thiab pom zoo daim ntawv thov, tus neeg muaj cai los ua tus neeg muaj txoj cai ntaus thwj. Tus neeg muaj cai ntaus thwj yuav tsum yuav nws lub thwj ntaus raws cai thiab txhua yam lawv toob kas. 

• Ua timkhawv thiab saib xyuas thaum kos npe ntawm cov ntawv tseem ceeb. Thaum lawv ua li no, ntaus thwj rau daim ntawv lawm.
• Hais kom neeg tsa tes, xws li tus neeg raug xaiv tsa ua nom tswv tshiab
• Ntaus thwj rau cov ntaub ntawv hauv lub xeev Minnesota

• Muab tswv yim txog kev cai lijchoj lossis qhuab ntuas, sawv cev rau koj hauv tsev hais plaub, lossis ua lwm yam uas kws lijchoj ua tau xwb
• Sau ntaub ntawv raws kev cai lij choj
• Tsub nqi rau koj ntau tshaj $5
• Ntaus thwj rau nws tus kheej cov ntaub ntawv
• Ntaus thwj rau lwm lub xeev ua tsis yog Minnesota

Ntau lub tsev ceev nyiaj neeg ntaus thwj ntaub ntawv dawb. Yog koj tsis muaj ib tug askhauj nrog lawv, tej zaum lawv tsub ib tug nqi me me. Tej co khw UPS muaj cov neeg ntaus thwj. Nws yog ib lub tswv yim zoo hu lossis mus xyuas lawv lub hauv online ua ntej.

Koj muaj feem mus nrhiav ib tus neeg muaj cai ntaus thwj hauv online (lus Askiv xwb).  Mus rau https://www.sos.state.mn.us/ (lus Askiv xwb) thiab nias ntawm “Notary and Apostille” ces nias “Find a Notary.” Koj tshawb tau raws npe lossis koj lub zos lossis lub nroog.

Tus neeg muaj cai ntaus thwj hauv United States TSIS zoo li “notario” tus kws lijchoj nyob hauv ntau lub tebchaws Hispanic. “Notarios Publicos” nyob teb chaws Hispanic yog neeg txawj thiab kawm tiav los pab muab tswv yim thiab sau ntawv kev cai lijchoj. Tus neeg muaj cai ntaus thwj hauv teb chaws United States tsuas muaj feem ua timkhawv rau thaum kos npe thiab feem ntau tsis muaj kev kawm txog kev cai lijchoj.

Leej twg uas lav tias nws yog ib tug “notario publico” hauv teb chaws United States TSIS MUAJ FEEM pab koj txog cov teeb meem txhaum cai lijchoj, xws li kev hla teb chaws lossis teeb meem txog tsev neeg.

Nyob hauv teb chaws United States nws txhaum txoj cai yog tus “notarios” lossis kws lijchoj uas tsis muaj ntawv tso cai muab tswv yim txog kev cai hla teb chaws rau koj. Ua ntaub ntawv xwb los yuav tsum yog tus kws lijchoj lossis tus neeg sawv cev uas muaj ntawv tso cai hauv teb chaws United States.   

• Txhob mus rau ib tug neeg “Notario” txog tswv yim ntawm txoj cai
• Notarios feem ntau tsom cov zej zos muaj neeg tuaj lwm teb chaws tuaj ntau uas toobkas pab kev cai lijchoj txog kev hla tebchaws. Lawv tsis muaj cai ua hauj lwm hais plaub hauv teb chaws United States.
• Yog leej twg xav pab koj ua cov ntaub ntawv txog koj cov cai, nug kom lawv muab lawv daim npav kws lijchoj lossis daim npav license naj npawb koj saib. Txhua tus kws lijchoj uas muaj cai ua kws lijchoj hauv Minnesota muaj cov no.
• Tsis txhob them tshaj $5 rau tus neeg muaj cai ntaus thwj los ntaus thwj rau daim ntawv. Raws li txoj cai, $5 yog qhov ntau tshaj ua ib tug neeg muaj cai ntaus thwj tsub nqi tau. Ntau cov neeg uas muaj cai ntaus thwj pab ntaus dawb. 

Yog koj xav tau kev pab txog kevcai lijchoj mus rau www.lawhelpmn.org/hm lossis www.mnbar.org (lus Askiv xwb) mus nrhiav kev pab dawb lossis tus kev pab kev cai lijchoj pheej yig, lossis kom lawv xa mus rau ib tug kws lijchoj ntiav.

Muaj. Koj muaj feem ua ntawv foob txog kev coj tsis zoo lossis raug dag tawm tsam ib tug neeg muaj cai ntaus thwj lossis notario hauv online nrog rau Minnesota Department of Commerce.

Mus rau https://mn.gov/commerce/

• Nias rau “Consumers” nyob saum toj qhov xaiv
• Nias rau “File a Complaint”

Lawv kuj muaj ib tug xov tooj hu mus rau kev tsis txaus siab: 651‑539‑1600 lossis 1-800-657-3602.