Kuv mus kuaj mob kuv tus kheej puas tau yog kuv tsis tau muaj 18 xyoo?

Tau, YOG koj: 

• tsis nyob nrog koj niam thiab txiv lossis tus neeg tsev hais plaub tso cai saib xyuas koj, thiab koj lis koj tej nyiaj txiag koj tus kheej LOSSIS
   
• yuav txiv/pojniam LOSSIS
   
• yug menyuam.  Koj tso cai rau neeg kuaj mob kuaj koj tus menyuam uas tsis tau muaj hnub nyoog txog kev noj qab haus huv LOSSIS
   
• xav tau kev pab vim cev xeeb tub, kho mob STD, txiav yeej tshuaj, lossis txhaj koob tshuaj tiv thaiv hepatitis B
• toobkas kev kho mob xwm ceev 

• Tus kws kho mob lossis neeg kho mob, yuav ntseeg koj cov lus koj hais txog koj qhov xwm txheej, thiab tej zaum yuav kho koj es tsis tas tau koj niam/txiv tso cai.
   
• Tej zaum tus kws kho mob lossis neeg kho mob yuav qhia koj niam koj txiv txog txoj kev kho koj lossis kev kho koj toob kas yog lawv xav tias tsam muaj xwm txheej yog tsis qhia rau koj niam koj txiv paub. 
   
• Coob tug kws kho mob rau tsev neeg kuaj lawv cov neeg tsis tau muaj hnub nyoog tsis qhia niam txiv, tabsis yog koj paub tsis tseeb, nug ua ntej. 
   
• Yog koj mus kho mob thiab siv koj niam koj txiv qhov isalas, lub tuam txhab isalas yuav xa ib daim ntawv txog qhov kuaj mob mus rau koj niam koj txiv. 

Tsis tau.  YOG TIAS koj tso cai rau thiab muaj chaw kuaj mob thiab koj:  

• tsis nyob nrog koj niam thiab koj txiv lossis tus neeg tsev hais plaub tso cai saib xyuas koj, thiab koj lis koj tej nyiaj txiag koj tus kheej LOSSIS
   
• yuav txiv/pojniam LOSSIS
   
• yug menyuam LOSSIS
  ​​​​​​​
• xav tau kev pab vim cev xeeb tub, kho mob STD, txiav yeej tshuaj, lossis txhaj koob tshuaj tiv thaiv hepatitis B 

• Yog koj tso cai rau lawv kuaj /kho mob, cov nqi yog koj luag haujlwm. 
   
• Koj mus tau ib qhov chaw kho mob luam rau pejxeem mus muab tswv yim thiab kho mob uas tsis pub leejtwg paub. Feem ntau, cov tsev kho mob no pheej yig dua thiab/lossis ua yooj yim rau cov neeg tsis tau muaj hnub nyoob them.  
   
• Tej zaum koj thov tau isalas kho mob Medical Assistance (MA). 
  Xav paub ntxiv, mus rau ntawm Medical Assistance page hauv MN Depart of Human Services lub vas sab. Mus rau ntawm: www.mn.gov/dhs. (lus Askiv xwb)
  
  Nias tub xib xub rau ntawm qhov “How do I” saum toj phab xis daim nplooj ntawv no 
  • Nias qhov “Services” hauv qab “Apply for” 
  • Ua ntaub ntawv thov hauv vas sab:  nias “Online applications for individuals and families” tas ces mus rau ntawm ApplyMN.
  • Yog xav tau daim ntawv thov laum tawm, sau kom tiav thiab xa rau:  nias rau “Paper applications for individuals and families”  

Yog muaj xwm ceev kho mob, kho hniav lossis puas siab ntsws thiab koj toobkas pab sai li sai tau, tus kws kho mob yuav kho tau koj tsis tas koj niam/txiv tso cai.