Kuv puas yuav tau rov ua dua tshiab kuv qhov Medical Assistance (MA) lossis MinnesotaCare?

Tau 3 xyoo tas los no, tsis muaj leej twg tau rov ua dua tshiab lawv qhov MA lossis MinnesotaCare vim hais tias muaj kev kis kab mob thoob ntiajteb. Tamsis no txhua leej yuav tsum tau rov ua dua tshiab thaum lub Xya Hli tim 1, 2023 mus txog lub Rau Hli tim 30, 2024. Koj yuav tau txais ib tshab ntawv qhia koj hais tias thaum twg yog koj lub sijhawm rov ua dua tshiab. Yog hais tias koj tsis rov ua dua tshiab kom tiav raws li sijhawm, tej zaum koj yuav poob koj qhov isalas kho mob.

Tom qab rov ua dua tshiab no, koj yuav tsum tau rov ua dua tshiab txhua xyoo thaum tib lub sijhawm qub.

• Ua zoo xyuas kom koj tus xovtooj, chaw nyob, thiab email puav leej yog cov koj siv tamsim no. Qhov no tseem ceeb heev! Tagnrho cov khoom rov ua dua tshiab yuav muab xa tuaj rau koj. Lub khoos kas yuav tsum tau koj qhov chaw nyob yog.
  • Yog koj lossis leej twg hauv koj lub tsev muaj MA, hu rau koj lub nroog lossis pawg neeg mus qhia koj xovtooj, chaw nyob, thiab email koj siv tamsim no.
  • Yog koj muaj MinnesotaCare, hu DHS ntawm 651-297-3862 lossis 800-657-3672.
     
• Ib lub hnab ntawv muaj ib lub Voj Voog Xim Xiav yuav tuaj. Koj daim ntawv rov ua dua tshiab nyob hauv lub hnab ntawv nrog rau lub voj voog xim xiav pem hauv ntej. Muab nws qhib tamsim ntawm thiab sau daim ntawv kom tiav. Xa mus rau qhov chaw nyob ntawm daim ntawv nrog tuaj. Yuav tsum muab nws xa mus ua ntej hnub kawg! Xyuas kem nram kawg, “Where can I get more information or help?” Kuv mus muab ntaub ntawv lossis kev pab ntxiv qhov twg? 
   

Nyob ntawm seb koj muaj MA lossis MinnesotaCare.

Yog koj muaj MA
Koj hnub rov ua dua tshiab yog hnub txawm thaum koj pib tau MA. Hnub yuav tsum xa mus kom txog yog ib hlis ua ntej hnub ntawm. 

• Ib hlis ua ntej koj yuav txais daim ntawv rov ua dua tshiab xa tuaj, koj yuav tsum tau txais ib daim ntawv qhia koj hais tias koj yuav tau rov ua dua tshiab sai.
   
• Ces yuav xa koj daim ntawv rov ua dua tshiab tuaj txog ib hli ua ntej sijhawm tag.
   
• Nyeem kom zoo zoo. Koj yuav tsum xyuas kom muaj tagnrho cov ntaub ntawv koj yuav tsum muaj.
   
• Daim ntawv ua dua tshiab thiab cov ntaub ntawv yuav tsum tau xa mus rau koj lub nroog lossis pawg neeg kom txog hnub kawg lawv qhia koj.
  
  Piv txwv: Yog koj xub thawj thov MA thaum lub Xya Hli ob peb xyoos tas los lawm, ces koj yuav tsum tau rov ua dua tshiab kom tiav lub Xya Hli xyoo no. Koj yuav txais daim ntawv rov ua dua tshiab thaum lub Plaub Hlis.  Ces koj yuav tau koj cov ntawv rov ua dua tshiab thaum lub Tsib Hlis.  Koj yuav tsum sau thiab xa koj daim ntawv rov ua dua tshiab mus kom txog lub Rau Hli tim 1.  Lub khoos kas ua koj cov ntaub ntawv rov ua dua tshiab seb koj puas tseem muaj feem tau MA. Lawv yuav tsum ua kom tiav lub Rau Hli tim 30 mas koj thiaj li yuav tau MA.
   

Nws tseem ceeb heev uas koj yuav tsum sau thiab xa koj daim ntawv rov ua dua tshiab mus sai li sai tau. Lub khoos kas hauv nroog lossis pawg neeg ua cov ntaub ntawv rov ua dua tshiab raws li txais tau lawv.

Yog koj muaj MinnesotaCare
Koj daim ntawv rov ua dua tshiab yog lub Ib Hlis tim 1, 2024. Koj yuav txais daim ntawv qhia thawj zaug thaum lub Kaum Hlis. Koj daim ntawv rov ua dua tshiab xa tuaj thaum lub Kaum Ib Hlis. Koj yuav tsum xa koj daim ntawv ua tiav tuaj kom txog thawj hnub ntawm lub Kaum Ob Hlis.

Yog ib tug hauv koj tsev neeg muaj MA thiab ib tug muaj MinnesotaCare
Qhov MA yuav tsum rov ua dua tshiab raws li sau saum toj. Yuav xa tagnrho cov ntawv qhia thiab ntaub ntawv tuaj rau koj. Tej zaum yuav tau rov ua dua tshiab qhov MinnesotaCare thaum lub xyoo xaus. Tiamsis tej zaum tib cov ntaub ntawv siv rau MA yuav siv tau rau MinnesotaCare thiab rov ua dua tshiab yuav cia li tshwm sim. Lub khoos kas mam qhia rau koj paub. 

Yog koj xav tau kev pab ua koj daim ntawv rov ua dua tshiab, hu lossis email Project Care kom tau kev pab dawb los ntawm ib tug neeg muaj ntaub ntawb paub pab hauv MNsure: 320-253-0121 lossis projectcare@mylegalaid.org. 

Koj tsuas ua tau tshiab hauv ntaub ntawv xwb. Teb tagnrho cov lus nug hauv daim ntawv. Koj yuav tsum xa povthawj nrog cov ntaub ntawv tuaj. Thaum npaj, xyuas kom muaj cov khoom no:

• Koj cov ntaub ntawv se xyoo tas los no
• Cov tw chev ua haujlwm rau txhua leej hauv tsev neeg ua  haujlwm
• Ntaub ntawv tom Social Security
• Cov ntaub ntawv nyiaj poob haujlwm
• Lwm cov ntaub ntawv qhia txog koj cov nyiaj khwv tau los
   

Yog koj yog ib tus neeg laus lossis dig muag lossis muaj ib qho xiam oob qhab, koj tsis tas qhia koj cov cuab tam xyoo no. Koj yuav tau muaj povthawj hais tias koj cov cuab tam tsawg dua qhov cuab tam lawv teem tseg lwm zaus.

Yog koj tsis ua koj qhov isalas tshiab ua ntej tag sijhawm, tej zaum koj yuav tsis tau. Nws tseem ceeb tias koj yuav tsum rov thov koj qhov isalas kom txog sijhawm es koj thiaj li tsis ncua isalas.  

Nws kuj tseem ceeb ua dua tshiab txawm yog koj xav hais tias tej zaum koj yuav tsis muaj feem tau tamsis no. Lub khoos kas yuav xyuas seb koj puas muaj feem tau lwm cov isalas los ntawm lub nroog, DHS, lossis MNsure. Koj yuav tau txais ib daim ntawv qhia koj txog lwm yam isalas thiab koj yuav tsum tau ua dabtsi thiaj mus thov tau qhov isalas ntawm

Yog koj thov isalas los ntawm koj txoj haujlwm lossis ntawm MNsure, koj yuav tau ib tsab ntawv hais tias koj tsis muaj feem tau MA lossis MinnesotaCare lawm. Tuav tsab ntawv no! Koj yuav tsum tau tsab ntawv vim nws tso cai koj mus thov tau thaum lub sijhawm tshwj xeeb. Koj yuav tsum tau qhov isalas no los ntawm koj qhov chaw ua haujlwm lossis los ntawm MNsure yog lub sijhawm thov ntawm dhau lawm. Yog koj tsis rov ua dua tshiab thiab tau txais tsab ntawv, koj yuav tsum tau tos txog lub sijhawm qhib lwm zaum tso mam li rov thov dua thiaj tau isalas.

Koj yuav tsum tau qhia txhua yam uas hloov hauv koj tsev neeg uas tej zaum cuam tshuam kev muaj feem txais tau.  Yog koj muaj MA lossis MinnesotaCare, koj yuav tsum tau qhia tej yam hloov no:

• Chaw nyob – yog koj tsiv, lossis hloov chaw nyob
• Nyiaj khwv tau los – xws li yog koj tau ib txoj haujlwm tshiab, poob koj txoj haujlwm, nce nyiaj tom haujlwm, lossis tau nyiaj poob haujlwm
• Neeg nyob hauv tsev neeg – xws li muaj ib tug mob ab, ib tug neeg tsiv los lossis tsiv tawm tsev, koj yuav pojniam/txiv lossis sib nrauj, lossis leej twg tag sim neej
• Txheeb txheem ua se
• Txheeb txheem Immigration tuaj lwm tebchaws tuaj – xws li koj lossis ib tug neeg hauv koj lub tsev ua xam xaj lossis tau npav ntsuab
• Isalas Kho Mob – xws li ib tug neeg muaj isalas los ntawm haujlwm
• Txog tus kheej – xws li hloov npe
• Koj xiam oob qhab
   

Yog koj muaj MA, hu koj lub nroog lossis pawg neeg lub chaw ua haujlwm tsis pub dhau 10 hnub thaum qhov hloov tshwm sim.

Yog koj lossis txhua tus neeg hauv koj tsev neeg muaj MinnesotaCare, hu MinnesotaCare Information Line ntawm 651-297-3862 lossis 800-657-3672 tsis pub dhau 30 hnub thaum qhov hloov tshwm sim.

Yog koj tsev neeg muaj ib cov neeg muaj MinnesotaCare thiab MA, ua raws li MA cov kevcai thiab hu koj lub nroog los pawg neeg qhov chaw ua haujlwm tsis pub dhau 10 hnub thaum qhov hloov tshwm sim. 

Yog koj muaj lus nug txog rov ua dua tshiab koj qhov isalas, koj hu tau rau:

• Hu lossis email Project Care kom tau kev pab dawb los ntawm ib tug neeg muaj ntaub ntawv paub pab hauv MNsure: 320-253-0121 lossis projectcare@mylegalaid.org
• Mus xyuas DHS Renew My Coverage lub vas sab ntawm  https://mn.gov/dhs/renewmycoverage/
• Saib qhov Project Care MA Renewals video luv luv hauv YouTube.