Kuv thov puas tau ib Tus Neeg Tu Kuv (PCA)?

Txoj kev pab cuam tu tib neeg yog kev pab rau koj nyob hauv koj lub tsev thiab hauv koj lub zej zos yog koj xav tau kev pab rau tej dej num koj ua txhua hnub. Tej yam no xws li da dej, hnav khaub ncaws, lossis hloov pauv thiab txav lus cev mus rau lwm qhov. Tus tib neeg tu neeg (PCA) yog ib tug neeg kawm los mus pab tu tib neeg rau lawv tej dej num txhua hnub.

Tus tib neeg tu neeg tej zaum yuav pab tau koj yog koj muaj ib yam mob lub cev, kev nyuaj siab lossis kev xiam hlwb lossis muaj tus kab mob ntsuj ntsoos mus tas li lossis raug mob. Muaj ib tug tib neeg tu koj yuav pab tau koj nyob hauv koj lub tsev koj tus kheej yuav tsis raug tsiv mus nyob ib qhov chaw rau lawv tu koj, xws li ib lub tsev laus.

Yog koj muaj nyiaj koj them tau kev pab los ntawm PCA koj tus kheej los pab khiav dej num, lossis lwm yam hauj lwm hauv tsev. Tej zaum koj yuav nrhiav tau ib co kev pab nov yog koj hu rau tus xov tooj 1-800-333-2433 Senior LinkAge lossis ntawm  

Yog koj nyob rau ib pawg uas tsis muaj nyiaj lossis xiam oob qhab tej zaum lub xeev muaj ib qhov kev pab cuam yuav pab them ib tug PCA tu koj. Yog xav kom lub xeev qhov kev pab cuam them ib tug neeg tu koj, koj yuav tsum:

• Cuv npe nrog Medical Assistance (MA), MinnesotaCare expanded benefits, Alternative Care lossis Waiver program
   
• Txiav txim tau rau txog kev tu koj lossis muaj leej twg yuav los txiav txim tau rau koj
   
• Nyob rau hauv ib lub tsev lossis tsev kem, tsis nyob rau ib lub tsev laus lossis tsev kho mob
   
• Ntsib lawv txoj cai hais txog seb koj yuav tau kev pab tu ntau li cas
   
• Ntsuam xyuas seb koj puas tsim nyog txais kev pab tu koj

Tiv tauj lub hoobkas pab cuam pejxeem “social services” hauv koj lub nroog (lus Askiv xwb) mus saib seb yuav teem txoj kev ntsuam xyuas li cas. Qhia lawv yog koj xav tau ib tug neeg txhais lus.

Koj muaj feem mus muab lus qhia ntxiv thiab kev pab los ntawm Senior LinkAge Line ntawm 1-800-666-2433 lossis Disabilty Hub MN ntawm 1-866-333-2466. Nug txog lawv cov kev pab muaj txog PCA, cov chaw ua haujlwm muaj neeg ua haujlwm tu neeg thiab yuav ntiav ib tug PCA rau koj tus kheej.

Yog koj muab cov isalas tswj kho mob, xws li UCare, Medica, thiab lwm tus, hu rau lawv kom pab koj thiab kom lawv qhia koj ua li cas.

Kev ntsuam xyuas ua hauv koj lub tsev. Thawj zaug koj thov kev pab los ntawm PCA lawv ntsuam xyuas koj ib zaug ces tom qab ntawv lawv mam ntsuam xyuas ib xyoo ib zaug. Yog koj txoj kev noj qab haus huv hloov lossis koj txoj kev pab ntawm tus PCA hloov lub xyoo ntawm, koj nug tau kom lawv tuaj ntsuam xyuas ntxov.

Qhov kev ntsuam xyuas tej zaum yuav siv li ob peb teev.

Lawv nug koj los kawm txog:

• seb koj puas xav tau ib tug neeg saib xyuas koj
• seb koj puas xav tau kev pab los ua koj cov tej dej num txhua hnub
• koj cov tshuaj
• koj txoj kev noj qab haus huv
• koj tus yam ntxwv
   

Qhia tus neeg uas tuaj ntsuam xyuas koj txog tej yam koj yuav xav tau kev pab txhua hnub yog dabtsi lossis cov khoom uas koj xav tau kev pab txhua lub sijhaum koj ua. Tsis txhob txaj muag. Koj yuav tsum qhia rau lawv kom ntxaws txog cov kev pab koj xav tau los ua tej yam niaj hnub ua. Cov kev pab no yog tej yam uas nws ua rau koj, pab koj nco qab, thiab/lossis saib koj thaum koj ua ib yam dabtsi. 

Nco ntsoov piav qhia txog tej yam hloov ntawm koj txoj kev noj qab haus huv txij thaum zaus kawg lawv tuaj ntsuam xyuas koj thiab yog koj xav tias nws cuam tshuam koj txoj kev pab ntawm PCA.

Lawv yuav tsum to taub koj mas koj thiaj yuav tau txoj kev ntsuam xyuas zoo. Qhia rau tus neeg tuaj ntsuam xyuas yog koj tsis nkag siab tej yam dab tsi lossis koj xav tias nws tsis nkag siab koj zoo.

Yog tus neeg txhais lus txhais lus tsis zoo, qhia rau tus neeg tuaj ntsuam xyuas.

• Koj yuav txais ib daim ntawv txog koj qhov PCA Ntsuam Xyuas thiab Kev Pab Cuam Qhov Kev Npaj tsis pub dhau 10 hnub. Tej zaum nws hu ua MN Choices Assessment.
   
• Tsis tas li ntawv koj yuav tau ib “daim ntawv qhia” txog qhov lawv txiav txim rau tus PCA. “Daim ntawv qhia” yog ib tsab ntawv qhia tias koj tau lossis tsis tau kev pab los ntawm PCA thiab tau pes tsawg teev tu. Tej zaum hu ua “service agreement” pom zoo kev pab cuam lossis “authorization” tso cai lossis “denial” tsis kam.

Yog kom tsis pom zoo rau qhov lawv txiav txim rau koj txoj kev pab los ntawm tus PCA, koj muaj feem rov mus hais dua. Daim ntawv qhia yuav tsum muaj lus qhia txog rov mus hais dua li cas. Feem ntau, yuav yooj yim rau koj yeej rooj plaub rov mus hais dua yog koj cov xaub moo xyoo tas tau muab txo lawm ces koj koj thov kom lawv muaj xaub moo PCA ntxiv tu koj.

Saib peb daim ntawv tseeb PCA Tsis Txaus Siab Rov Hais Dua.