Lus Nug Txog Faib Cuab Tam

Tom qab koj tag sim neej, koj cov “vaj tse” yuav tsum tau saib xyuas kom tiav. Koj tej khoom ntiag tug yog koj cov nyiaj thiab vajtse thiab cov nuj nqi koj tiv. Yog hais tias koj vajtse av muaj nuj nqi tshaj li $75,000 lossis yog koj muaj lub tsev lossis lwm yam vajtse av yuav tau mus hais tom chav tsev hais plaub faib cuab tam. Txawm yog tias koj muaj daim ntawv faib qub txeeg qub tes los yeej yuav tau mus. 

Ib lub tsev hais plaub faib ntiag tug taw tsa ib tug neeg Sawv Cev Rau Koj “Personal Representative” los leg cov dej num ntawm koj vaj tse Koj yeej taw tau ib tug neeg nyob hauv koj daim ntawv tso cuab tam thaum tag sim neej ua koj tus neeg Sawv Cev Rau Koj, tabsis lub tsev hais plaub yuav tsum pom zoo. Tej zaum tus Neeg Sawv Cev Rau Koj hu uas tus Thawj Coj saib xyuas daim ntawv  faib cuab tam.

Tus Neeg Sawv Cev Rau Koj ua ib daim ntawv sau tagnrho koj cov nyiaj thiab khoom ntiag tug hauv lub vaj tse thiab tagnrho cov nuj nqi. Tus Neeg Sawv Cev Rau Koj them koj cov nuj nqis, thiab muab txhua yam seem faib rau neeg es muaj cai (heir) tau txais koj lub neej. 

Yog koj muaj daim puav pheej faib cuab tam, nws yuav hais tias koj xav kom muab koj cov nyiaj thiab khoom ntiag tug faib li cas. Yog hais tais koj tsis muaj daim ntawv faib cuab tam, qhov no hu ua “intestacy” tsis muaj ntawv faib cuam tam tseg thiab lub xeev txoj kevcai lij choj muaj cov cai hais tias leej twg tau koj cov nyiaj thiab khoom ntig tug. Txawm hais tias tsis muaj daim puav pheej faib cuab tam, koj cov nyiaj thiab khoom ntiag tug muab rau koj tsev neeg tshwj tsuas yog hais tias koj tsis muaj ib tug neeg txheeb ze tseem muaj sia nyob lawm. Yog tias muaj li no ces cov vaj tse “poob mus rau lub xeev.” Saib peb daim ntawv qhia, Cov Lus Nquag Nug Txog Daim Ntawv Tseg Cov Cuab Tam Tom Qab Tas Sim Neej.

Kuj yuav siv lub tsev hais plaub faib cuab tam thaum muaj ib qho kev sib cav txog koj daim puav pheej faib cuab tam los yog tus kws txiav txim los txiav txim kom thiaj li paub faib cov vaj tse.

Cov nyiaj laus tom haujlwm lossis lwm yam nyiaj txiag uas koj sau tso tseg rau tus txais cuab tam tsis pub suav nrog rau qhov $75,000. Tus neeg tseg khoom rau yog ib tug neeg koj tso npe rau koj tus askhauj lossis rau hauv cov khoom ntiag tug uas yog tus tau koj cov nyiaj lossis khoom ntiag tug thaum koj tas sim neej. Real estate yog vajtse thiab av. Yog hais tias vajtse av tsuas yog ua koj npe xwb es tsis muaj leeg twg muaj npe los ua tus txais nyob rau hauv pej xeem cov ntaub ntawv, ces yuav tsum mus hais tom chav tsev hais plaub faib cuab tam.    

Yog hais tias koj yog tib tus tswv ntawm koj cov khoom ntiag tug thaum koj tas sim neej, thiab koj tsis tau ua daim ntawv Transfer on Death Deed (TODD) Hloov npe thaum Tag Sim Neej nrog rau lub nroog, yuav tau mus hais plaub sib faib cuab tam. Nws yuav tsum tau ua li ntawd txawm yog koj lwm cov khoom ntiag tug muaj tsawg tshaj $75,000. Tus neeg sawv cev ua ntawv muab koj tej vaj tse mus rau koj cov txheeb ze thiab faib cov nyiaj. 

Saib peb daim ntawv Ntawv Muab Khoom Ntiag Tug Thaum Tag Sim Neej.

Kom “zam tsis mus hais tom chav tsev hais plaub faib cuab tam” txhais tau tias koj cov neeg txheeb ze tsis tau mus tom chav tsev hais plaub faib cuab tam mus muab koj cov nyiaj thiab vajtse lossis ntiag tug pauv ua lawv npe. Piv txwv, yog hais tias koj muaj tus askhauj tom tsev ceev nyiaj nrog lwm tus neeg, lossis yuav av nrog lwm tus neeg ua ‘’tswv uake.’’

Thaum koj tag sim neej, tus neeg ntawd cia li tau koj tus askhauj lossis qhov av. Tsis tas tau daim ntawv tso cai los ntawm tsev hais plaub thiab zam tsis mus hais tom chav tsev hais plaub faib cuab tam. Tej cov kev muaj vajtse lossis ntiag tug rau lwm tus tuav, muab khoom plig ua ntej tag sim neej, thiab isalas neeg yog cov kev zam tsis tau mus hais tom chav tsev hais plaub faib cuab tam. Koj kuj tso tau ib co neeg npe los ua tus txais hu uas “Payable on Death (POD)” Them thaum Tag Sim Neej cov cuab tam xws li askhauj tom tsev ceev nyiaj lossis lwm yam nyiaj. Ua li ces koj cov cuab tam cia li mus rau cov txais cuab tam tsis tau mus hais tom chav tsev hais plaub faib cuab tam. Nrog koj lub tsev ceev nyiaj tham txog muab cov txais cuab tam tso npe ua tus POD rau koj tus askhauj.

Muab cov neeg txais cuab tam cov npe tso rau vajtse av los tau thiab. Ib qho zam kom tsis tau mus hais tom chav tsev hais plaub faib cuab tam rau vajtse av ces yog sau thiab teev daim ntawv Hloov Npe ntawm Daim Ntawv Vajtse Transfer on Death Deed (TODD) ua ntej koj tag sim neej. Tus neeg txais los yuav daim TODD yog tus txais koj cov cuab tam. Lawv yog cov tswv tom qab koj tag sim neej thiab tsis tas mus hais tom chav tsev hais plaub faib cuab tam mus pauv koj vajtse av. Saib peb daim ntawv qhia tseeb Ntawv Muab Khoom Ntiag Tug Thaum Tag Sim Neej.

Nws tsis yog ib qhov zoo tas li thaum zam kom txhob tau mus tsev hais plaub faib cuab tam. Mus hauv tsev hais plaub faib cuab tam tsis kim npaum li cas los yog siv sij hawm ntev tshwj tsis yog tias koj vaj tse loj thiab tsis yooj yim, los yog koj cov neeg txais cuab tam sib txeeb koj vaj tse. Qee zaus zam kom dhau qhov mus hauv tsev hais plaub faib cuab tam poob nyiaj ntau tshaj li qhov mus hauv tsev hais plaub sib faib cuab tam.

Ib daim ntawv puav pheej faib cuab tam teev zoo yuav pab kom tsis txhob muaj kev sib txeeb cov vaj tsev hauv lub tsev hais plaub faib cuab tam.

Muaj daim puav pheej faib cuab tam yuav zam tsis tau mus sib hais Tsev Hais Plaub Faib Cuab Tam tas mus li. Nws nyob ntawm seb cov vaj tse ntawm koj ntiag tug yog dabtsi, nws raug tus nqi ntau npaum li cas, seb koj tib leeg yog tus tswv xwb los yog koom nrog lwm tus, thiab leeg twg yog tus koj xav kom tau. Li piav saum toj,

• yog hais tias koj muaj vajtse av (tsis muaj daim TODD) lossis
• koj cov nyiaj txiag ntau tshaj $75,000 (tsis muaj daim POD)

txawm yog koj muaj daim ntawv faib cuab tam los nws yeej tsis hloov qhov hais tias koj vajtse av yuav tsum coj mus hais tom chav tsev hais plaub faib cuab tam.

Yog hais tias koj tsev neeg tsis pom zoo nrog rau daim ntawv puav pheej faib cuab tam los yog qhov sib faib vaj tse, lawv yeej tawm tsam tau rau daim ntawv puav pheej faib cuab tam thiab lub Tsev Hais Plaub Faib Cuab Tam yuav tsum tau txiav txim tias leej twg yog tus tau cov vaj tse nov. Tsev hais plaub faib cuab tam yuav tsum tau ua thaum tsis muaj daim ntawv puav pheej faib cuab tam thiab, tsev neeg tsis pom zoo txog qhov sib faib vaj tse.

Yog hais tias koj lub vaj tse tsawg tshaj $75,000, koj cov neeg txais cuab tam feem ntau yeej muab tau koj cov vas tse es tsis tas mus hauv tsev hais plaub los siv daim ntawv “Affidavit for Collection of Personal Property” Daim Ntawv Mus Muab Ntiag Tus.”

Koj mus muab tau daim ntawv no hauv tsev hais plaub los yog nrhiav tau hauv online ntawm www.mncourts.gov. (lus Askiv xwb)

• Nias qhov “Get Forms”
• Nias qhov “Probate”
• Nias qhov “Affidavit for Collection of Personal Property (Small Estate - No Real Estate)”
   

Cov khoom ntawm koj li ntiag tug muaj xws li askhauj tom tsev ceev nyiaj, stocks, thiab rooj tog thiab khoom tus kheej, tabsis tsis yog koj lub tsev los yog vaj tse av.

Tus neeg txheeb ze, lossis ib tug neeg muaj npe hauv koj daim ntawv faib cuab tam, muab tau Daim Ntawv Pov Thawj rau koj lub tsev ceev nyiaj saib, lossis lwm qhov chaw uas tuav koj cov nyiaj txiag, thiab nug kom lawv pauv koj cov nyiaj txiag rau lawv.

Cov neeg txais cuab tam yuav tsum ntau nqa daim ntawv Povthawj, nrog rau daim ntawv pov thawj tus neeg tau tag sim neej (death certificate) mus rau tom lub tuam txhab ceev nyiaj los yog lwm qhov tuav cov vaj tse. Qhov ua tau 30 hnub tom qab hnub tim tag sim neej.

Ua twb zoo xav ua ntej tso! Ua li no mas yuav tsim teeb meem thaum koj tseem muaj txoj sia nyob.  Tsev hais plaub faib cuab tam tsis phem npaum li tib neeg xav.  Lawv xav tias nws yuav kim tshaj li qhov ib txwm them.

Piv txwv: 
Yog koj txiav txim siab tias koj xav muag tag nrho vaj tse los yog xav yuav tsev, lwm tus neeg koj ntxiv npe rau yuav tsum pom zoo.  Yog hais tias lawv tsis pom zoo koj yuav muag tsis tau lub tsev.  Tej zaum lawv yuav sim muag lawv qhov feem xyuam ntawm lub tsev rau lwm tus neeg thiab koj yeej hais tsis tau kom lawv tsum.

Yog koj tso ib tug neeg twg lub npe rau hauv koj tus askhauj hauv tuam txhab ceev nyiaj, tus neeg ntawv rais los ua ib tug tswv nrog koj.  Tus neeg ntawm muaj cai muab tau cov nyiaj ntawd tib yam li koj, thiab kuj yuav sim muab cov nyiaj.  Ntxiv mus thiab, yog tias cov nyiaj no ntau heev, koj yuav tau them qhov se hu ua “gift tax” khoom plig se.

Sau cia: yog koj muab ib tug neeg lub npe tso rau hauv koj tus askhauj, tej zaum tus neeg ntawm yuav tsis muaj feem txais ib co kev pab los ntawm tsoom fwv vim nws zoo li tagnrho koj cov nyiaj yog lawv cov nyiaj thiab. 

Nrog ib tug kws lij choj tham ua ntej koj tso ib tug neeg twg lub npe rau hauv koj ib tug askhauj twg los yog rau koj tej vaj tse, txawm hais tias tus neeg yog koj tus menyuam.

Muaj ib hnub koj yuav xav tau daim ntawv kho mob Medical Assistance (MA) kom thiaj pab tau koj cov nuj nqi kho mob es siab heev los yog pab them nqi rau tsev laus tu koj. MA muaj qhov txwv tau nyiaj ntau npaum li cas thiab muaj cuab tam ntau npaum li cas muaj tau. MA muaj ib txoj cai tsis pub muab koj li ntiag tug pub rau lwm tus kom koj thiaj li tau daim ntawv kho mob MA.

Thaum mus ua ntawv thov, koj yuav tsum qhia MA txog txhua yam khoom koj muab pub lwm tus, muab tso rau lwm tus npe lossis muab muag tsawg dua tus nqi 5 xyoos tag los lawm. Muab lwm tus lub npe tso rau koj tsev lossis askhauj tom tsev ceev nyiaj yog pauv vajtse lossis ntiag tug. Tej zaum nws yuav uas koj txais tsis tau kev pab ntawm MA thaum koj toobkas. Nrog ib tug kwv lij choj uas paub txog pauv vajtse lossis ntiag tug thiab MA tham ua ntej koj pauv vajtse lossis ib yam khoom ntiag tug.