Npaj Tom Ntej

Read this in

Tus sau

Education for Justice

Zaum kawg kho Tshiab

09/2024

Try our Quiz

After you're done reading this page, take a short quiz to test what you've learned!

Daim ntawv qhia no tham txog ob peb hom ntaub ntawv lij choj uas tseem ceeb yuav npaj rau thaum tas-lub-neej.

Kuv yuav npaj li cas rau yav tom ntej thaum kuv laus zuj zus lawm?

Npaj Tom Ntej thaum koj laus zuj zus yog ib qho tseem ceeb tswj kom tau koj li feem xyuam. Nws pab kom paub tseeb tias qhov koj xav tau yeej yuav ua kom tau raws los ntawm koj tus kws kho mob thiab koj tsev neeg. Npaj Tom Ntej ua kom yooj yim rau koj tsev neeg los mus leg cov hauj lwm ntawm koj vaj tse tom qab koj tas sim neej.

Cov no yog ib co lus nug yuav tau xav txog:

Leej twg yog tus yuav los txiav txim siab txog kev kho mob thiab nyiaj txiag rau koj yog tias hnub twg koj tsis muaj peev xwm txiav txim siab rau koj tus kheej lawm?
Yuav ua cas yog tias kuv yuav taum mus nyob hauv tsev laus?
Koj yuav ua li cas thiaj li paub tseeb tias koj cov vaj tse mus rau cov neeg txais caub tam tom qab koj tag sim neej?

Nws muaj ob peb daim ntaub ntawv kevcai lijchoj koj ua tau koj tus kheej los pab thaum muaj xwm ceev thiab npaj-thaum-tas-sim-neej. Yam tsis muaj kiag, koj yuav tsum muaj ib Daim Ntawv Muab Cai Rau Lwm Tus Los Txiav Txim Kev Kho Mob (Health Care Directive) uas taw tsa ib tug neeg koj ntseeg los txiav txim siab txog txoj kev kho mob rau koj yog tias koj rais los ua ib tug ua tsis tau li lawm.

Nyob ntawm seb qhov xwm txheej zoo li cas, koj kuj yuav tsum muaj tus (Power of Attorney) Muab Cai Rau Lwm Tus Los Txiav Txim Txhua Yam, (Will) daim ntawv puav pheej faib cuab tam, los yog (Transfer on Death Deed) Daim Ntawv Hloov Npe Ntawm Lub Tsev.

Daim Ntawv Muab Cai Txiav Txim Rau Kev Kho Mob (Health Care Directive)

Health Care Directive yog ib Daim Ntawv Muab Cai Txiav Txim Rau Kev Kho Mob txog koj txoj kev kho mob rau lub sij hawm thaum koj tsis muaj peev xwm txiav txim siab rau koj tus keej.

Hauv koj Daim Ntawv Muab Cai Txiav Txim Rau Kev Kho Mob koj xaiv tau:

Leej twg yog koj tus (Health Care Agent) Tus Neeg Txiav Txim Kev Kho Mob. Tus Neeg Txiav Txim Kev Kho Mob yog ib tug neeg koj ntseeg uas yuav los leg qhov kev txiav txim siab yog koj txiav txim tsis tau rau koj tus kheej.
Cov kev cob qhia koj xav kom koj tus Tus Neeg Txiav Txim Kev Kho Mob ua thiab tsis ua.

Koj tus Tus Neeg Txiav Txim Kev Kho Mob yuav muaj cai nrog koj tus kws kho mob tham, saib tau koj cov ntaub ntawv keeb kwm kho mob, thiab txiav txim siab tias qhov twg yog qhov coj koj mus kho.

Koj muaj feem sau tau cov kev cob qhia txog qhov chaw koj xav mus kho thiab thaum twg koj yuav xav kom kev kho xaus. Qhov kev xaiv nyob ntawm koj.

Xav kom paub ntxiv thiab tau Daim Ntawv Muab Cai Txiav Txim Rau Kev Kho Mob koj siv tau, mus saib hauv peb daim ntawv qhia, Daim Ntawv Muab Cai Txiav Txim Kev Kho Mob.

Muab Cai Txiav Txim Rau Txhua Yam (Power of Attorney)

Qhov Power of Attorney yog ib daim ntawv sau muab cai rau ib tug neeg los lis hauj lwm rau koj li ntiag tug thiab/los yog nyiaj txiag rau koj.

Tus neeg koj taw los lis hauj lwm rau tej no rau koj hu ua (Attorney-in-Fact) Kws Lijchoj-Sawv-Cev. Yog tias koj tus Kws Lichoj-Sawv-Cev ua tej yam dabtsi rau koj lub npe, nws zoo tib yam li yog koj ua rau koj tus kheej. Feem ntau, tej yam tus Kws lijchoj-Sawv-Cev pab tau yog tej yam xws li them nuj nqi lossis muag vaj tse/ntiag tug yog koj tsiv mus nyob rau ib lub “apartment” tsev kem lossis tsev laus. Koj tus Kws lijchoj-Sawv-Cev kuj mus nqa tau ntaub ntawv tom cov lag luam thiab chaw uas ib txwm tsis kam muab rau lwm tus tiamsis muab rau koj.

Tseem ceeb: Txawm tias koj muaj ib daim ntawv Muab Cai Txiav Txim Txhua Yam, koj yeej tseem txiav tau txim siab ntawm koj tus kheej txog koj cov nyiaj thiab tej vaj tse yog koj koj ua tau.

Nyob hauv daim ntawv Muab Cai Txiav Txim Txhua Yam, koj yeej muab tau koj tus Kws Lichoj-Sawv-Cev los muaj cai sawv cev ua rau koj yog tias hnub tom ntej no koj ua tsis tau lawm. Koj tus Kws Lichoj-Sawv-Cev tsis tas yog ib tug kws lij choj, tabsis yuav tsum yog ib tug neeg koj ntseeg siab.

Xav kom paub ntxiv thiab muab daim ntawv koj siv tau, mus saib peb daim ntawv qhia Muab Rau Lwm Tus Los Sawv Cev Txiav Txim.

Daim Puav Pheej Faib Cuab Tam (Will)

Daim “will” yog ib daim ntawv puav pheej raws kev cai uas cia koj faib koj cov nyiaj, vaj tse thiab koj cov khoom tus kheej thaum koj tag sim neej. Raws li txoj cai mas koj tsis tas muaj daim ntawv puav pheej faib cuab tam.

Yog koj tas sim neej tsis muaj daim ntawv puav pheej faib cuab tam, Minnesota cov kevcai lijchoj cuab tam yuav tswj seb koj cov nyiaj thiab khoom ntiag tug yuav faib li cas. Koj cov nyiaj thiab khoom ntiag tug mus rau cov txheeb koj tshaj. Yog tias koj muaj ib tug txij nkawm thiab muaj menyuam, cov vaj tse yuav poob mus rau lawv raws li ib daim qauv tau teev tseg. Yog koj tsis muaj tus txij nkawm lossis menyuam, koj cov khoom ntiag tug muab faib raws li no:

xeeb leej xeeb ntxwv
niam thiab txiv
cov nus thiab cov muam
los yog cov txheeb ze es kem zog yog tias tsis muaj ib tug txheeb ze dua lawm.

Koj yuav tsum muaj daim ntawv puav pheej faib cuab tam yog koj xav:

tseg tej yam rau ib tug khub koj tsis tau yuav
tseg tej yam rau ib tug phoojywg lossis a lub koomhaum pab neeg
muab tej yam tshwj xeeb rau ib tug neeg
txiav tawm ib tug neeg uas muaj feem txais cuab tam ntawm koj raws li txoj kevcai, tiamsis koj tsis xav kom lawv tau

Koj kuj taw tau ib tug neeg hu uas “Personal Representative” tus Neeg Sawv Cev Rau Koj los mus saib kom koj lub vaj tse faib raws li koj daim ntawv puav pheej faib cuab tam.

Nws yog ib lub tswm yim zoo los muaj daim puav pheej faib cuab tam. Tiamsis txawm hais tias koj tsis muaj, koj yuav tau sau cov npe tseg khoom rau rau hauv koj cov askhauj. Ua li no yuav yoojyim rau koj tsev neeg kom paub hais tias leej twg tau yam twg xws li nyiaj tom cov askhauj, isalas tas sim neej, lossis cov nyiaj tom tus askhauj so haujlwm. Yog muaj cov neeg tseg khoom npe sau cia lawm, koj tsev neeg thiaj li tsis tau mus tom chav tsev hais plaub faib cuab tam los muab tau koj cov nyiaj.

Saib peb daim ntawv qhia, Cov Lus Nquag Nug Txog Daim Ntawv Tseg Cov Cuab Tam Tom Qab Tas Sim Neej.

Hloov Npe Ntawv Daim Ntawv Tag Sim Neej (Transfer on Death Deed (TODD)

Daim ntawv TODD yeej siv tau yog tsis siv daim ntawv puav pheej faib cuab tam los mus hloov vaj tse thiab av koj tug thaum koj tag sim neej. Nws yeej pub koj zam qhov mus haiv tsev hais plaub faib cuab tam.

Koj kuj siv tau TODD los hloov vaj tse rau koj tus khub los yog hloov rau ib tug neeg twg uas koj xav hloov rau. Tus neeg koj muab hloov mus rau hu uas tus “grantee” tus neeg txais. Tus neeg txais (grantee) ntawm qhov TODD no tsis muaj cai los yog tswj cov vaj tse txog thaum koj tag sim neej. Ib yam nkaus li lwm qhov kev npaj tswv yim rau tej vaj tse thiab av, nrog ib tug kws lij choj tham txog cov kev xaiv koj muaj. Qhov TODD yuav tsis yog ib txoj kev xaiv zoo rau txhua tus neeg.

Nws yuav muaj ntau yam teeb meem ntxiv yog tias koj tsis yog tib tug tswv ntawm cov vaj tsev. Qhov TODD yuav txwv tsis tau tus txij nkawm tseem muaj txoj sia nyob los yog tus neeg koom nrog koj nyob hauv lub tsev kom tsis txhob los cuam tshuam tau ntawm lub tsev. Qhov TODD yuav tiv thaiv tsis tau MA daim ntawv lov nqi los yog sau nqi ntawm vaj tse.

Saib peb daim ntawv qhia Ntawv Muab Khoom Ntiag Tug Thaum Tag Sim Neej.

Nyob Tsev Laus thiab Pab Daim Ntawv Kho Mob Medical Assistance

Xav txog qhov tias tej zaum yuav mus nyob hauv tsev laus yog ib qho kev tseem ceeb yuav tau npaj ua ntej. Nyob hauv tsev laus mas kim heev li. Koj yuav tau siv koj cov nyiaj/ntiag tug koj muaj kom tsawg mas thiaj li yuav them rau qhov nqi koj nyob.

Daim ntawv kho mob Medical Assistance (MA) pab them thaum cov neeg lawv tsis muaj nyiaj/ntiag tug los yog lawv siv cov nyiaj/ntiag tug yuav tag es lawv tsim nyog tau kev pab. Medical Assistance kuj them tau cov kev pab hauv koj lub tsev thiab lawv yam tsim nyog nyob hauv Tsev nrog rau Kev Pab lossis Cov Chaw Neeg Laus Nyob.

Cov cai rau kom tsim nyog tau kev pab rau daim ntawv kho mob MA mas nyuaj heev. Ib qho tseem ceeb tshaj plaws yog koj muab tsis tau nyiaj lossis khoom ntiag tug tsawg dua tus nqi muag sab nraum. Lub zos ntawm qhov chaw koj sau ntawv mus thov rov saib tag nrho koj cov nyiaj koj siv thiab tag nrho cov vaj tse koj muag los yog hloov rau lwm tus ntawm 5 xyoos tag los ua ntej koj thov. Koj yuav raug nplua yog koj muab koj lub tsev rau koj cov menyuam yam li “quit claim deed” hloov npe los yog muab nyiaj lossis khoom ntiag tug muag tsawg dua tus nqi li ntawm 5 xyoos thov koj daim ntawv MA.

Yog tias koj muab nyiaj pub rau lwm tus los yog muab vaj tse pub yam tsis raws cai, koj yuav tsis tau txais daim ntawv kho mob Medical Assistance ntau lub hlis los yog ntau xyoo. Qhov no yuav ua ib qho kev nyuaj rau koj thiab koj tsev neeg. Yeej muaj cov kws lij choj ua hauj lwm tshwj xeeb rau cov cai lij choj Elder Law Kev Cai rau Neeg Laus. Lawv yeej pab tau koj npaj cov tswv yim kom koj khaws tau nyiaj ntau li ntau tau thiab cov vaj tse li txoj cai kam tabsis yeej tseem tsim nyog tau kev pab ntawm ntawv kho mob Medical Assistance. Nrog tus kws lij choj paub Kev Cai Neeg Laus (Elder Law) tham yog koj muaj nyiaj thiab cov cuab tam ntau.

Saib peb daim ntawv qhia Cov Cai rau Tsev Laus Muaj Kev Pab thiab Tsev Laus hauv Minnesota.

Cov Ntawv Qhoa Txog:

Lus Nug Txog Faib Cuab Tam Saib xyuas thiab Txiav txim txhua yam rau

Cov Vassab Pab:
Social Security Retirement Estimator: www.ssa.gov/retire/estimator.html (lus Askiv xwb)

Minnesota Department of Human Services: Health Care Coverage for People Who Need Nursing Home Care (lus Askiv xwb) los yog mus rau : www.mn.gov/dhs thiab ntaus “health care coverage for people who need nursing home care” rau hauv tus pas tshawb “ search bar”.

Neeg Laus (Senior) Linkage Xov tooj: 1-800-333-2433