After you're done reading this page, take a short quiz to test what you've learned!
Daim ntawv qhia no tham txog tias kev pab rau menyuam kawm ntawv yog dabtsi, thiab cov niam txiv yuav tsum ua li cas los pab lawv cov menyuam ua ntawv thov.
Txhua lub xyoo tseemfwv muab txog lab nyiaj los pab rau cov menyuam kawm ntawv qib siab. Qhov kev pab no tej zaum yog nyiaj pub, nyiaj txais lossis nyiaj haujlwm-kawm ntawv.
Hom nyiaj pub (grant) yog nyiaj uas koj tsis tas them rov qab.
Hom nyiaj txais (loan) yog nyiaj uas koj yuav tau them rov qab tom qab koj kawm tiav lossis tsis kawm ntawv lawm. Muaj tej hom nyiaj txais uas koj yuav tau them thaum koj tseem kawm ntawv.
Hom nyiaj haujlwm- kawm ntawv (work-study) yog cov nyiaj pabcuam menyuam kawm ntawv ua cov haujlwm pom zoo los ntawm lub tsev kawm ntawv uas lawv mus.
Feem ntau cov tsev kawm ntawv hauv lub xeev thiab tsev kawm qib siab kuj muaj kev pabcuam los pab kom cov menyuam kawm ntawv muaj feem tau nyiaj txaus mus kawm tiav qib siab. Yuav kom tau txais nyiaj pab kawm ntawv, koj yuav tau ua daim ntawv hu ua “Free Application for Federal Student Aid” (FAFSA). Daim ntawv no nug txog cov nyiaj uas khwv tau los ntawm leej niam txiv (nrog rau niam txiv tshiab) thiab ntawm cov menyuam kawm ntawv.
Daim ntawv FAFSA mus nrhiav tau ntawm https://studentaid.gov/h/apply-for-aid/fafsa. Koj muaj feem sau hauv online lossis luam tawm sau ces muab xa mus. Yog koj yuavtsum tau ib daig uas tsis tau sau xa tuaj rau koj ces hu rau 1-800-4-FED-AID (1-800-433-3243. Yog koj tsis hnov lus zoo, tiv tau TTY ntawm 18007308913.
CIM CIA: Daim ntawv FAFSA yog ua dawb xwb. Ceevfaj tej lub vassab uas hais tias muaj daim FAFSA thov thiab sau nqi. Lawv feem ntau yuav yog cov vassab muaj qhov .com sites. Saib kom zoo tias lub vassab qhov chaw nyob yog lub tseem!
Yuav kom tau tseemfwv nyiaj pab menyuam kawm ntawv mas tus menyuam kawm ntawv yuavtsum muaj tej yam xws li nram qab no. Feem ntau, tus menyuam kawm ntawv yuavtsum:
Yog xam xaj U.S. lossis yog cov muaj feem uas tsis yog xam-xaj
Muaj tus zauv tseem Social Security
Cuv npe nrog qhov kev kawm tub rog Selective Service yog tias yog tub thiab muaj 18-25 xyoos. Mus rau www.sss.gov (lus Askiv xwb) kom paub ntau ntxiv.
Muaj daim ntawv povthawj kawm ntawv theem ob lossis tiav GED lossis xeem dhau daim xeem uas tau kev pom zoo los ntawm lub Department of Education
Muaj npe kawm lossis raug txais kawm ntawv ua ib tug menyuam kawm ntawv mus rau kev lav ntawv lossis mus rau kev lav ib daig povthawj nyob rau lub tsev kawm ntawv uas koom nrog qhov kev pabcuam Federal Student Aid.
Tejzaum kuj muaj lwm yam tau ua raws thiab. Yog xav paub ntxiv, tiv tauj tus kws saib xyuas menyuam kev kawm hauv koj tus menyuam lub tsev kawm ntawv theem ob (high school) lossis chav khiav dejnum saib xyuas nyiaj pab kawm ntawv hauv cov tsev kawm ntawv qib siab uas koj tus menyuam xav mus kawm.
Student Aid Kev Pab Menyuam Kawm Ntawv yog muab raws kev toobkas nyiaj txiag. Tseemfwv hais tias txhua tus menyuam kawm ntawv yog neeg tseem vam txog niam txiv kev pab kom txog hnub nyoog 24 xyoos. Vim txoj cai no, lub Department of Education yuavtsum toobkas cov ntaub ntawv txog nyiaj khwv tau los ntawm niam txiv rau txhua tus menyuam kawm ntawv uas tsis tau muaj 24 xyoos kom lawv txiav txim seb puas tsim nyog tau nyiaj pab kawm ntawv.
Muaj tej yam uas hla tau “txoj cai hnub nyoog 24 xyoos.” Pivtxwv tias, ib tug menyuam kawm ntawv yog tau nws tus kheej yog tias:
tus menyuam kawm ntawv yog qub tub rog lossis tabtom khiav dejnum rau U.S. Armed Forces
tus menyuam kawm ntawv muaj txwj nkawm lawm
tus menyuam kawm ntawv tau mus nrog niam txiv qhuav nyob tom qab hnub nyoog 13 xyoos, lossis niam thiab txiv ob leeg tau tag sim neej tom qab tus menyuam kawm ntawv muaj 13 xyoos
tus menyuam kawm ntawv tabtom kawm daim ntawv povthawj tiav Master lossis daim Doctorate
tus menyuam kawm ntawv muaj menyuam lossis muaj neeg tu ua tau ib nrab feem ntawm tus menyuam kawm ntawv cov nyiaj
tus menyuam kawm ntawv tau raug txiav txim los ntawm tsev hais plaub ua tus menyuam tau kev ywj siab
Tus menyuam kawm ntawv yog neeg tsis muaj vajtse nyob lossis muaj feem poob vajtse. Qhov no yuavtsum muaj sau tseg los ntawm lub tsev nkaum (shelter), chaw hloov nyob ib ntus lossis lub tsev kawm ntawv tus pab saib xyuas neeg tsis muaj vajtse nyob.
Yog muaj lus nug txog qhov kev vam txog lwm tus ces tiv tauj tus kws tswj ntaub ntawv pab nyiaj kawm ntawv.
Lub Department of Education (DOE) saib cov ntaub ntawv nyiaj txiag ntawm daim FAFSA thiab ua ib daim Student Aid Report (SAR). Daim SAR qhia txog cov nyiaj uas lub DOE xav tias tus menyuam kawm ntawv thiab tsev neeg yuavtsum muaj feem them tau li cas rau tus nqi kawm ntawv. Tus nqi no yog hu ua Estimated Family Contribution (EFC) Kws yees Tsev Neeg Pab tau Li cas. Txhua lub tsev kawm ntawv qib siab siv tus EFC los txiav txim tias yuav muab nyiaj pab kawm ntawv ntau licas rau txhua tus menyuam kawm ntawv. Tus EFC tsis yuam kom niam txiv them nqi kawm ntawv qib siab.