Tamsim No Koj Yog Ib Tug Neeg Nyob Tau Tebchaws No Tas Mus Li Lawm: Txoj Cai Koj Muaj thiab Koj Tej Luag Haujlwm

Tus Nyob Tau Hauv Lub Tebchaws No Raws Cai (LPR) tsis muaj tas tas sijhawm li.  Qhov no txhais tau tias koj nyob thiab ua haujlwm hauv tebchaws Meskas no, tsuav tsoom fwv tsis tshem tawm txoj kev pub ntawm koj.

Nyob ntawm.  Yog tias koj ua txhaum qee txoj cai los yog tsis ua raws li qee txoj cai, tshem tawm tau koj qhov LPR, thiab tej zaum xa koj tawm tebchaws. 

Thaum koj tau qhov LPR nyob tebchaws U.S. koj muaj qee cov kev lav phib xaub.

1. Nqa Koj Daim Ntawv LPR

Koj yuav tsum nqa koj daim ntawv LPR nrog koj txhua qhov chaw koj mus.  Yog hais tias koj raug nres los ntawm tsoov fwm immigration, tej zaum yuav nug koj txog pov thawj nyob tebchaws no. 

2. Qhia thaum Koj Hloov Chaw Nyob

Koj yuav tsum qhia rau USCIS txhua zaus koj khiav tsev. Koj muaj 10 hnub los qhia lawv. Siv daim ntawv AR-11, Change of Address. Saib peb daim ntawv qhia Qhia Chaw Nyob Tshiab Rau Chaw Thov Ntaub Ntawv Nyob Tebchaws No. Thaum koj yog xam xaj U.S. koj mam tsum tsis xa daim ntawv AR-11.

3. Qee Leej Txiv Neej Yuav Tsum Cuv npe ua Tub Rog

Feem ntau, cov txiv neej nyob hauv tebchaws U.S. muaj hnub nyoog 18-25 xyoos yuav tsum cuv npe Selective Services ua tub rog.  Lub koomhaum nov yuav siv cov ntaub ntawv yog tias lub tebchaws U.S. toobkas neeg mus ua rog. Cuv npe hauv vas sab ntawm www.sss.gov (lus Askiv xwb) los yog mus cuv npe tus kheej tom chaw xa ntawv (U.S. Post Office).

4. Rov Hloov Hnub Nyoog rau Koj Daim LPR Tshiab

Feem ntau, cov ntawv LPR muaj hnub tas sijhawm sau rau ntawm daim ntawv.  Qhov koj nyob tau tebchaws no tsis yog tas rau hnub sijhawm tas ntawd, koj tseem nyob tau thiab ua haujlwm tau hauv tebchaws U.S.  Tabsis koj yuav tsum rov tauj sijhawm dua tshiab rau koj daim ntawv koj thiaj li muaj pov thawj txog koj qhov LPR.  Feem ntau, cov ntawv LPR tas sijhawm tom qab 10 xyoo. Ua ntawv thov tauj sijhawm rau koj daim ntawv 6 hli ua ntej nws tas sijhawm.  Siv daim ntawv I-90, Application to Replace Permanent Resident Card.  Nyeem peb daim ntawv qhia Hloov los yog Rov Ntxiv Sij Hawm rau Daim Npav Ntsuab (“Green Card”) kom paub ntxiv.

Yog koj raug ntes los yog liam ib lub txim, nrog ib tug kws lij choj ua hauj lwm raug neeg txawv tebchaws tham ua ntej koj yuav ua ntawv tau sijhawm rau koj daim ntawv LPR.

Muaj ob peb txoj kev koj yuav poob tau qhov LPR.  Nov yog ib co.

1.    Ua txhaum cai.  Yog txiav txim koj txhaum tej lub txim loj, tej zaum koj poob qhov pub koj nyob tebchaws no thiab raug xa tawm tawm tebchaws.  Tej cov piv txwv yog sib ntaus/ceg hauv tsev, quab yuam deev, nyiag yeeb tshuaj nkag tebchaws, txim ua yeeb ua tshuaj, txim muaj phom, thiab tej qho kev tub sab, sib ntaus, thiab txim kev dag noj.  Ntxiv ntawd, txim txhaum txais txawv rau cov neeg txawv tebchaws hauv tsev hais plaub rau txim loj.

• Yog koj raug ntes los yog raug liam rau ib lub txim:  Nrhiav ib tub kws lij choj los tiv thaiv koj. Tus txiav txim muab tau ib tug rau koj yog koj tau nyiaj tsawg.  Nco ntsoov kom koj tus kws lij choj tiv thaiv koj nrog tus kws lij choj neeg txawv tebchaws tham txog tias yuav tiv thaiv koj qhov LPR li cas.
   
• Yog koj raug liam rau ib lub txim yav tas los lawm, thiab twb hais rooj plaub tas lawm:  Nrog ib tug kws lij choj rau neeg txawv tebchaws tham.  Tus kws lij choj rau neeg txawv tebchaws yuav qhia tau koj seb puas yuav muaj feem poob koj qhov LPR thiab seb puas muaj tej yam koj ua tau.
   
• Yog koj xav mus ncig uasi tawm hauv tebchaws U.S., tabsis raug ntes dua lawm los yog muaj teeb meem nrog nrog tub ceevxwm yav tag los lawm:  Nrog ib tug kws lij choj rau neeg txawv tebchaws tham ua ntej koj tawm mus ncig tebchaws.  Tus kws lij choj rau neeg txawv tebchaws qhia tau rau koj tias puas ntxim muaj teeb meem rov qab nkag los rau tebchaws U.S. yog koj tawm mus lawm.
   

2.    Dag tias yog Xam Xaj U.S.  Tsis txhob hais tias koj yog ib neeg xam xaj U.S. ib zaug li. Yog kev dag txoj kev ua xam los hais tias koj yog xam xaj rau ib yam hais txog rau qhov chaw tuaj lwm tebchaws tuaj lossis rau ib co tsoom fwv los yog cov cai nyob hauv lub xeev.  Qhov no yog hais txog nrhiav hauj lwm los yog pov npav. Nws kuj suav tau koj hais lus tawm tias yog xam xaj U.S., muab sau, sau rau daim ntawv, los yog siv ib daim npav es qhia tias koj yog xam xaj U.S.  Tej zaum koj yuav poob qhov koj qhov LPR thiab raug xa rov qab yog tias koj dag tias koj yog xam xaj U.S.

3.    Tsis txhob pov npav.  Tsis txhob cuv npe pov npav.  Hauv Minnesota, tsuas yog cov pej xeem xam xaj U.S. thiaj pov npav thiab cuv npe rau pov npav tau xwb.  Nws yeej zoo li no rau ntaus qhov chaw thiab.  Yog koj xav tias koj muaj cai pov npav rau ib tug nom tswv twg ntawm qhov chaw koj nyob, nrog tus kws lij choj rau neeg txawv tebchaws tham kom paub tseeb ua ntej koj mus cuv npe pov tau npav.  Tej zaum koj yuav poob koj kev tau nyob tebchaws no thiab raug xa tawm tebchaws yog koj pov npav thiab cuv npe pov npav tsis raws kevcai.

4.   Tawm ncig sab nraum tebchaws U.S. ntev.  Yog koj tawm tebchaws U.S. ntev heev, tej zaum koj yuav poob qhov pub koj nyob hauv tebchaws U.S. vim yog “tso povtseg” los yog muaj teeb meem ua xam xaj U.S.  Feem ntau, kev tawm tebchaws luv tshaj 6 hlis ces tsis ua cas.  Yog koj npaj yuav tawm tebchaws U.S. ntev tshaj 6 hli, nrog tus kws lij choj rau neeg txawv tebchaws tham ua ntej koj tawm tebchaws.  Koj kuj yuav tau rov ua daim ntawv thov kom pub koj rov qab nkag los ua ntej koj tawm teb chaws.

Yog ib tug LPR, koj muaj cai thiab tej yam kev txiaj ntsim zoo. Tej yam xws li:

• Ua ntawv pab kom Ib Tug Neeg Hauv Koj Tsev Neeg Tau daim Visa los yog Kom Nws Tau Nyob
  Yog ib tug LPR, koj ua tau ntawv tos koj tus txij nkawm. Koj kuj ua tau ntawv tos koj cov menyuam es tsis tau muaj txij nkawm.
   
• Tau kev pab los ntawm tsoom fwv
  Tej zaum koj yuav tau txais tej qho kev pab los ntawm tsoom fwv. Nws yog nyob ntawm seb koj nyob qhov twg thiab koj tau koj qhov LPR li cas.
   
• Isalas Kho Mob
  Yog koj twb isalas kho mob pem koj txoj hauj lwm ua ntej koj tau qhov LRP, qhov ntawd tsis hloov. Tabsis, yog koj tsis muaj isalas kho mob ua ntej, ces tau koj qhov LRP yuav pab koj muaj feem tau isaslas kho mob.  Ib lub xeev nyias muaj nyias khooskas txawv thiab nyias cov cai txawv. 
  
  Nyob Minnesota, tej zaum tus LPR yuav tau tsoom fwv isalas kho mob los yog pab nyiaj them rau isalas kho mob.  Kev muaj feem tau txais kev pab nyob ntawm seb tsev neeg tau nyiaj ntau npaum cas thiab lwm yam. Koj kuj cuv npe thov isalas kho mob los ntawm MNSure ntawm www.MNsure.org (lus Askiv xwb). Koj kuj nrhiav tau kev pab los ntawm cuv npe hauv cov tsev kho mob me, tsev kho mob loj thiab cov koomhaum. Cov tib neeg hu ua “Navigators” nyob rawv ntawd yuav pab koj cuv npe.  Tiv tauj koj lub hoobkas legal aid yog xav paub ntxiv.
   
• Mus Ncig Ua Si
  Yog koj tau qhov LPR koj mus ncig ua si tau. Tej zaum koj toobkas phau ntawv ncig teb chaws (passport).  Nrog ib tug kws lij choj rau neeg txawv tebchaws tham yog tias koj twb raug ntes los yog koj tau muaj ib lub txim txaum li.   
   
• Ua Ntawv Thov Ua Xam Xaj
  Ua ib tug pej xeem U.S. yuav pab tau koj ntau yam. Muab tsis tau pej xeem U.S. xa rov qab. LPRs yuav tsum nrog ib tug kws lij choj tham ua ntej ua ntawv thov ua xam xaj. Saib daim ntawv qhia Los Ua Ib Tug Tib Neeg Muaj Xam Xaj Teb Chaws U.S..