Bedelida ama Cusboonaysiinta Kaarkaaga Deganaanshaha Rasmiga ah (“Green Card”)

Hadii aad tahay degane shuruudle ah ama degane rasmi ah, waa aad xaraysan kartaa codsi aad ku bedelayso ama ku cusboonaysiinayso kaarkaaga deganaanta. Waa inaad buuxiso Foomka I-90. Deganayaasha shuruuda leh waa dadka ay isqabaan qof muwaadin Mareykan (U.S.) ah muddo ka yar 2 sanno kolka loo ansaxiyey sharciga daganaanta. Waxa ay qaadan kartaa muddo ka badan hal sanno in kaarkaagu ku soo dhaco. 

Dadka dambiyada horey loogu helay waa inay ka helaan talo dhanka sharciga ah qareen qaabilsan shacriyada laanta socdaalka ka hor inta aysan xareysan codsigan. Qaar kamid dambiyada la galaa waxa ay keeni karaan in lagaa qaado sharcigaaga deganaanshaha ah, iyo in lagaa masaafuriyo Mareykanka (U.S.)

Hadii aad tahay shuruudle ama degane rasmi ah, waad aad codsan kartaa hadii:  

• kaarkaagu kaa dhumay, lagaa xaday, ama uu wax noqday

• aadan waligaa marna helin kaarkaaga deganaanta

• kaarkaaga la jarjaray, ama aan la akhriyi karin

• magacaagu isbedelay intii aad heshay kaarkaaga hore

• hay’ada laanta socdaalku ay wax khalad ku qortay kaarka (sida, ugu qorida magacaada si khalad ah kaarka, si khalad u qorida taariikhdaada dhalashada.)  
   
• aada tahay degane sharci leh uuna kaarkaaga deganaantu uu dhacayo ama dhacayba. Tani MA ay quseeyso deganaha shuruudlaha ah ee kaarkiisu dhacayo 2 sanno ka dib. Deganayaasha shuruudlaha ah ee kaarkoodu dhacayo waa khasab inay xareystaan Foomka I-751. Ka eeg hoos.

• aad heshay kaarkaaga deganaanshaha ka hor intii aadan gaarin 14-sanno jir, aadna noqon doonto 14-jir, 30-cisho gudahood ama ka yar.

• Kaarkaaga degnaanta aysan ku qornayn waqti uu dhacayo

Haa, laakiin HA isticmaalin Foomka I-90. Daganayaasha shuruudlaha ahi waxa la siiyaa 2 sanno oo deganaan ah. Wax yar ka hor waqtiga 2 da sanno ay dhamaanayso, waa khasab inaad codsato in “shuruudaha” laga qaado deganaantaada.

Waxa aad u baahan tahay inaad xareysato “Petition to Remove Conditions on Residence” (Codsiga Ka Qaadida Shuruudaha Sharciga Deganaanta) (Form I-751). Waxa aad u baahan tahay inaad xareysato Foomka I-751 ka hor inta uusan kaarkaagu dhicin. Hadii laanta socdaalku ay ansaxiso codsigaaga, waxaa aad heli kolkaa kaar deganaansho rasmi ah. Hadii kaarkaagu uu jaa dhacay, la xiriir qareen qaabilsan sharciyada laanta socdaalka.

Haa. Iyadoo qayb ka ah hawsha codsiga ayaa laanta socdaalku waxa ay kaa qaadi ‘macluumaad shakhsiyan ah” sida faraha, iyo sawir. Hadii dambi horey aad u gashay uu diiwaanka kuugu jiro, waa ay soo bixi kolka aad doonayso inaad bedesho ama cusboonaysiiso kaarka.

Hadii laanta socdaalku ay qabto in dambiyadaadu ama dhibaatooyinka kale ay kaa dhigayaan qof la masaafurin karo, waxaa lagu galin karaa dadka saarida (tarxiilka) loo diyaarinayo. Waxaa aad waayi kartaa sharcigaaga deganaanta waana lagaa masaafurin karaa wadanka Mareykanka (U.S.)

Hadii dambiyo hore lagugu helay ama horey laguu xiray, waa inaad ka heshaa talo dhanka sharciga ah qareen qaabilsan sharciyda laanta socdaalka (immigration) ka hor inta aadan xareysan codsi aad ku bedelayso ama ku cusboonaysiinayso kaarkaaga.  

Maya. Haddii aad codsato inaad noqoto muwaadin Mareykan (U.S.) ah ka dib 12/12/22 adigoo xareysanaya foomka N-400 (form N-400), laanta socdaalku (immigration) waxa ay kordhin mudadda kaarkaaga dhacay 2 sanno. Uma baahnid inaad xareyso foomka I-90 si aad u cosboonaysiiso kaarkaaga. Waxa aad heli rasiid xareynta N-400 ah oo sharxaya muddo kordhintan 2 da sanno ah. Waxa aad u isticmaali kartaa rasiidka iyo kaarka dhacay siddii cadeyn aqoonso oo kale iyo awoodida inaad ku shaqeyso. 

Waa inaad buuxisaa aadna saxiixdaa codsi, Foomka I-90- ee Codsiga Bedelida Kaarka Degananshaha Rasmiga ah. Waxaad kaloo aad ka heli kartaa foomka khadka (online) ka.

Ka hel shabakada adeega Muwaadinimada & Socdaalka ee Mareykanka (U.S.)  [U.S. Citizenship & Immigration service (USCIS)] ee ah http://www.uscis.gov/i-90. Waxaa ku jira akhbaar badan bogga USCIS I-90. Waa ra’yi wacan inaad wada akhrido.  

Hadii aad qorshaynaso inaad boostada dhigto, waxaa aad daabican kartaa foom banaan ama waxaa aad ka buuxin kartaa khadka (online) ka. Ka eeg hoosta qaybta “Form Details” (Faahfaahinta Foomka) ee bogga I-90. Foomka iyo tilmaamtiisuba halkaa ayey ku jiraan.  

Waxaad kaloo ka buuxin kartaa foomka kana xareyn kartaa khadka (online) ka ee la yiraa e-ku xareysi (e-filing) laakiin hubi inaad si taxar leh aad u akhriso dhamaan akhbaarta oo dhan! Waa ay dhib yihiin, dadka qaarkani kuma xareysan karaan khadka (online) ka. Tusaale ahaan: kama aad xareysan kartid khadka (online) ka haddii aad rabtid inaad isticmaasho khidmad ka saamixida. Si aad uga xareyso khadka (online) ka, riix ka “File Online” (Xaree Khadka).

Kolka aad dhamayso,  hubi inaad nuqul naftaada aad u daabacato aadna meel dhigto.

QABTA 1. Akhbaar adiga kugu saabsan

Ogow: Ha buuxin santuukhyada kore ee ay ku qoran tahay “FOR USCIS USE ONLY” (ISTICMAALKA HAY’ADA USCIS UUN)

• Ku buuxi akhbaarta ay codsadaan – sida tirada-A (A-number) gaaga, (tiradaada laanta socdaalka), magaca, ciwaanka, taariikhda dhalashada, jinsiyada, lambarka Sooshal Sakuuratiga (Social Security), iwm.

• Ka taxadar marka aad ku buuxinayso ciwaanka warqadaha laguugu soo dirayo. Kani waa ciwaanka hay’ada USCIS ay kuugu soo dirayso kaarkaaga cusub. Hubi in ciwaankaagu uu sax yahay, sida, lambarka abaatamiintada, ziibkoodka, iwm. Sidoo kale, ugu soo sheeg ciwaan bedelida hay’ada USCIS foomka AR-11. Eeg warqadayda xogta aruursan U soo Sheegida Ciwaan Bedelida Laanta Socdaalka (Immigration). Hadii aad guurto ka hor inta aadan helin kaarkaaga, hubi inaad u sheegto ciwaan bedelidaada hay’ada USCIS iyo xafiiska boostada.

• “nooca ogolaanta” waa 2-xaraf, 1-lambar oo baaq ah oo kaarka ku dul yaal. Tusaale ahaan, “RE6.” “maalinta ogolaanta” waa maalinta ku qoran kaarkaaga ee tiraa, “Degane Ilaa. ”

• Hubi inaad buuxiso wax walba oo tilmaamtu tiraa waa loo baahan yahay.

• Hubi in ciwaankaaga warqadahu uu yahay mid la isku hayalan karo. Qaar ka mid shaqaalaha boostadu ma ay keenaan warqadaha hadii magaca boqshada ku qoran iyo magaca santuukha boostada ku qorani aysan is waafaqsanayn.

QABTA 2. Nooca Codsiga

• #1 – Calaamada saxda ah saar santuukha quseeya xaaladaada.

hadii aad calaamadiso 1.a. Dagane Sharciyeysan oo rasmi ah ama 1.b. Dagane Rasmi ah – Kumbuyuutarka (taa macnaheedu waa waxa aad tahay dagane iminka ku nool dibada wadanka U.S) tag Qaybta 2, Waaxda A.

hadii aad calaamadiso 1.c. Dagane Shuruudle ah oo Rasmi ah, ka bood Qaybta 2, Waaxda A kaliyana samee qaybta 2, Waaxda B.  

• #2- Sababta Codsiga. Kaliya calaamadi uun hal santuukh oo ah qaybta A ama B.

QABTA 3. Dhamaynta Akhbaarta

• Ku buuxi codsiga akhbaarta saxda ah.
  • Hadii aad joogtay Mareykanka (U.S.) markii aad codsatay aadna heshay kaarkaaga, Ku qor goobta xafiiska hay’ada USCIS ee ansaxisay codsigaaga laynka 1 iyo 2. Goobaha xafiisyadu waxa ay ku qoran yihiin rasiidkaaga iyo Ogaysiisyada Ansaxinta.
     
  • Hadii aad ka codsatay fiisaha muhaajirka safaarad ama qunsiliyad Mareykanku (U.S.) ku leeyahay wadanka aad u dhalatay, ku qor magacyada magaaladda iyo gobolka  mareykanka (U.S.) ee aad ku nolaatay ka dib kolkii aad soo gashay mareykanka (U.S.) Laynka 3.a. Laynka 3.a.1, ku qor magaalada iyo gobolka fiisahaaga lagaaga dhuftay. Ama meeshii aad ka soo gashay Mareykanka (U.S.)
     
• Hadii waligaa hada ka hor la amray in adiga Mareykanka lagaa saaro (U.S.), la tasho qareen ama sharci yaqaan ka hor inta aadan ku calaamadin Haa santuukha laynka 4.

• Hadii aad waligaa saxiixday I-407 sheegaya inaad rabto inaad faraha ka qaado sharcigaaga deganaanshahaaga rasmiga ah, la hadal qareen ama sharci yaqaan ka hor inta aadan ku calaamadin santuukha Haa aadana xareysan codsigaaga.
   
• Kiisaska intooda badan, ma aha inaad la dirto dukumiintiyo asalka ah ama daliil foomka codsigaaga. Waxaa jira 2 waxyabood oo laga reebay arrintan:
  1. hadii kaarkaaga ay ku qoran tahay akhbaar khalad ah ayna khasab tahay inaad celiso kaarka codsigaaga, si aad u cadeyso in akhbaartu ay khalad tahay.
  2. Hadii aadan marnaba helin kaarkaaga aadna haysato cadeyn ah inaadan marna helin, la soo dir cadeynta codsigaaga.

Hadii qaar ka mid ah dukumiitiyadaadu aysan ku qornayn Afka Ingiriiska, waa inaad ku soo dartaa turjumaad Afka Ingiriiska ah oo sugan.

• Dhamaystir akhbaarta #6-11 ee aqoonsiga shakhsiga ku saabsan

QABTA 4. Maciinada loo fidiyo shakhsiyaadka Naafada ah iyo Iimaha leh

• Kaliya buuxi qaybtan hadii aad u baahan tahay caawimaad siyaado ah oo ku saabsan codsigaaga iyadoo sababtu tahay naafanimo ama iin.

QABTA 5. Saxiixa

• Saxiixa taariikhdana iyo magacaagana ku qor. Ku buuxi lambarka telefankaaga.

QABTA 6. Akhbaarta Turjubaanka

• Hadii aad calaamadisay santuukha Qaybta 5 aad ee Laynka 1.b (aad isticmaashay turjubaan) turjubaanku waa inuu ku buuxiyaa Qaybta 6 akhbaartiisa la soo xiriirida. Turjubaanku waa khasab inuu saxiixo warqada sugida ah.        

QABTA 7. Saxiixa qofka diyaarinaya foomka, hadii uu ka duwan yahay kuwa kore.

• • Hadii uu qof kale kaa caawiyey buuxinta foomka, waxa uu u baahan yahay qofkaasi inuu ku qoro magaciisa iyo lambarka telefankiisa halkan. Kolkaa waxay u baahan yihiin inay saxiixaan taariiikhdana ku qoraan foomka.

QABTA 8. Bogga Sharaxaada

• tani waxaa loogu talagalay inaad ku bixiso faahfaahino dheeraad ah hadii aad u baahato inaad sharaxdo waxyaabo ku saabsan mid walba oo ka mid ah jawaabahaaga.

Waa inaad la soo dirtaa khidmadaha xareysiga foomka codsiga. Khidmadaha xareysiga dadka intiisa badan waa $455. Marmar badan sidoo kale waa inaad bixiso khidmada macluumaad shakhsiyanka ah oo ah $85 ama wadar ahaan $540.

Akhbaarta sugan ee ku saabsan cadadyada khidmadaha, gal oo ka eeg shabakada ah, www.uscis.gov/i-90 ka dibna riix qaybta “Filing Fee” (Khidmada Xareysiga).

Qaybta “Filing Fee” sidoo kale waxa ay leedahay akhbaar ah siyaabaha kala duwa ee aad ku bixin kartid.

Kiisaska qaarkood, hay’ada USCIS waxa ay kuu ogolaantaa inaad xareysayo codsi adigoon bixin khidmada. Ma aha inaad bixiso hadii:

• Aad u xareynayso codsigan sabab ah in kaarkaaga wax khalad ahi ay ku qoran yihiin khaladkaana ay sameysay hay’ada laanta socdaalka, ama
   
• In uusan marnaba aadan helin kaarkaagii deganaanta ee asalka ahaa iyo boostada oo ku celisay kaarka laanta socdaalka. Hadii kaarku uusan marna aan iyaga lagu celin, waa inaad bixiso khidmada xareysiga.
  
  Si aad u ogaato in kaarkaagii lagu celiyey laanta socdaalka iyo in kale, booqo shabakada www.uscis.gov. Geli lambarka rasiidkaaga santuukha qaybta “eeg xaalada kiiska” (“check case status.”) lambarka rasiidku waxa uu kaga qoran yahay rasiidka ogaysiiskaaga santuukha kore. Hadii shabakadu (website) aysan kuu sheegin in kaarka la soo celiyey iyo in kale, waxaa dhici karta inaad u baahato inaad balan ka sameysato xafiiska laanta socdaalka ee deegaankaaga. Si aad balan u sameysato, ka wac Xarunta Wicitaanka ee USCIS khadka ah (800) 375-5283 ama
   
• Hadii aad u xareysanayso codsiga waayo waxa aad noqon dhawaan 14 sanno jir, kaarkaaguna waxa uu dhacayaa ka dib kolka aad 16 sanno jirsato, kolkaa khidmada codsigaaga waa lagaa saamixi hadii aad ku xareysato 30-cisho gudahood 14-sanno jirsigaaga. Laakiin wali waa inaad soo dirtaa $85 ee khidmada macluumaad shakhsiyanka ah.
  
  Hadii aad 14-sanno jir aan noqonayso dhawaan kaarkaaguna uu dhacayo ka hor inta aadan gaarin 16-sanno, waa inaad bixisaa khidmada oo buuxda $540.

Marmarka qaarkood, waa aad heli kartaa in lagaa saamaxo khidmad si kolkaa aadan u bixin. Waxa aad u baahan tahay inaad codsato khidmad ka saamixid adigoo isticmaalaya Foomka I-912 ee hay’ada USCIS “Codsiga Saamixida Khidmada.”

ARRIN MUHIIM AH: Hay’ada USCIS ma ay bilaabi doonto qabashada hawsha codsigaaga ilaa inta ay ka helayso lacagta ama ay kaa siinayso khidmad ka saamixid. Eeg warqadayada xogta aruursan ee Saamixida Khidmadaha Laanta Socdaalka.

Hadii aad ka xareysanayso khadka (online): Hay’adda USCIS waxa ay ku haysaa tilmaamo barteeda shabakada ku saabsan sidda looga sameysto akoon. Dukumiintiyadaada gargaaraya (cadeyn) halkaa ayaa kolkaa la soo gelin (uploaded) doonaa.

Hadii aad boosto soo dhigid aad ku xareysanayso: Soo dir codsiga asalka ah iyo nuqulada dukumiintiyada gargaaraya. Kala har nuqul wax walba si aad u haysato. Ka hor inta aadan soo dirin codsiga hubi in wax walbaa ay ku jiraan:

• Foomka I-90 (Form I-90)
• nuqulada cadeyntaada
• wixii lacag ah ama codsi khidmad ka saamixid ah

Ugu soo hagaaji laanta socdaalka (immigration), ciwaanadaa:   

Si aad boostadda ugu dhigto adigoo isticmaalaya Xafiiska Boostada US [US Post Office (USPS)] 

USCIS
Attn: I-90
P.O. Box 21262
Phoenix, AZ 85036

Si aad boostadda ugu dhigto adigoo isticmaalaya FedEx, UPS, iyo DHL 

Ka dib kolka aad boostada soo dhigto codsigaaga, laanta socdaalku waxa ay balan kaaga qabataa adiga Rugta Gargaarka Codsiyda (ASC). Waxa ay kuu soo diri ogaysiis kuu sheegaya adiga marka iyo meesha ay balantaadu tahay. Tag balantaada faro qaadida iyo macluumaadka shakhsiyanka ah!

Waxaad u baahan tahay inaad la timaado:

• ogaysiiska balantaada
• kaarka deganaanta ee asalka ah (hadii aad haysato)
• Aqoonsiyo (ID) kale oo sawir leh oo dowladi bixisay
• Nuqulo asalka ah ama sugan ee magac bedelida hadii aad magacaaga bedeshay
• Ogaysiiska ansaxinta kaarka degnaanshahaaga
• Nuqulo sugan oo ah qoraalo bilays ama maxkamadeed oo ah wixii xiritaan ah ee aad la kulantay wixii ka dambeeyey kolkii kaarkaaga degaanshaha ee asalka ah lagu siiyey. Laakiin ka taxadar arrintaa! La tasho qareen qaabilsan laanta socdaalka marka hore hadii ay jiraan wax xirid ah, tigidhyo ama dambi ku helid ah.

Hadii aad sheeganayso in kaarkaagii (LPR) lagaa xaday, la imow, warbixinta bilayska ee aad xareysay si aad u sheegto dambiga.

Hadii wax ka mid ah dukumiintiyadaadu aysan ku qornayn Afka Ingiriiska,waa khasab inaad la timaado iyadoo Ingiriis loo turjumay oo sugan.

Balantaada, faro, sawir iyo macluumaad kale oo shakhsiyan ah ayaa lagaaga qaadi doonaa. Laanta socdaalku waxaa dhici karta inay kaa qaado kaarkaaga dhacaya ama aan saxda ahayn.

Hadii aad tagi waydo balanta faraha iyo macluumaadka kale la isaga qaadayo, laanta socdaalku ma dhamayn doonto hawsha codsigaaga, amana aad heli doontid kaarkaaga. Codsigaaga waa la diidi hadii aadan balantaa tagin.

Xasuusnow: Hadii aad dambiyo horey loogugu helay ama lagu xiray waa inaad ka heshaa talo dhanka sharciga ah qareen qaabilsan sharciyada laanta socdaalka ka hor inta aadan xareysan codsigan. Qaar ka mid dambiyada la galaa waxa ay keeni karaan in lagaa qaado sharcigaaga deganaanshaha ah, iyo in lagaa masaafuriyo Mareykanka (U.S.)

Waxaa dhici karta inay qaadato sannad ama ka badan in kaarkaaga cusub uu kuu soo dhaco.  Hadii aad u baahan tahay cadeyn ah inaad sharci degaansho rasmi ah aad leedahay, xataa hadii aadan haysan kaarkaaga, waxaa dhici karta inaad:

1. U tusto kaarkaaga dhacay ee wata rasiidka I-90 aad xareysay siddii cadeyn oo kale ah in kaarkaagu uu shaqeynayo 24 bilood laga bilaabo taariikhda dhicitaanka. Waxa aad xaq u leedahay inaad ku shaqeyso aadna ku safri karto dukumiintiyadaa.
    
2. Hesho in lagu dhufto Shaabada I-551 dal-ku galkaaga (passport) ajnabi ee aan wali dhacin ee hada taa oo cadeynaysa inaad sharci deganaansho rasmi ah aad leedahay. Haddii aad u baahan tahay shaabadan, ka wac Xarunta Wicitaanka ee USCIS khadka ah (800) 375-5283 si aad balan uga qabsato.