Dhibanayaasha Dagaal Qoyska Dhex Mara, Qashqashaadda, ama Fal Dambiyeedka La Xiriira Galmoodka: Xaqa Aad U Leedahay In Aad Ka Baxdo Heshiiska Kirada

Qof kasta oo kireyste ah oo ka badbaada xadgudub, qashqashaad, ama fal dambiyeed la xiriira galmoodka oo aan deganeyn guryaha kirada laga taageero waa uu burin karaa heshiiska kirada si uu u badbaado. Waxaa jira talaabooyin la doonayo in aad raacdo. Talaabo waa in loo qaadaa dariiqa saxa ah haddii aad dooneyso in aad ka baxdo heshiiska kirada:

Fiiro gaar ah:  Haddii aa degan tahay: 

• Guryaha dadweynaha
• Guryaha kirada laga taageero
• Guryaha baadiyaha ee USDA
• Guryaha Dadka Dakhligoodu Yar Yahay ee canshuur
  dhaafka loo sameeyo (Section 42)
          AMA
• aad heysato foojarka Section 8

waxaa jira sharciyo kale oo kuwa dawladda dhexe ah oo ilaalinaya xuquuqda dadka ka badbaada dagaalka qoyska dhex mara iyo rabshadaha galmoodka. Waad ka bixi kartaa heshiiska kirada ee guryaha kirada laga taageero.
Waxa kale oo aad leedahay xuquuq dheeraad ah oo sharciga Minnesota oo lagu faahfaahiyey warqadda xogta urursan.  

Haddii aad degan tahay guryaha barnaamijka taageerada kirada, akhri xogta urursan Xaquuqda Guryaha Kiradooda la Kabo ee Dhibanayaasha Dagaalka Qoyska Dhexdiisa ah dhibku ka soo gaaro iyo galmada Xoogid ah si aad u hesho macluumaad dheeraad ah ka hor inta aadan ka bixin heshiiska kirada.

Fiiro Gaar ah: talaabooyinka lagaa doonayo in aad qaado way ka duwan tahay kuwa barnaamijyada guriyeynta ee kale.  La xiriir u doodaha dagaalka qoyska dhex mara ama hay’addaha adeegga sharciyada si ay kuu caawiyaan.

La imoow HAL mid ka mid ah qoraalada soo socda haddii aad dooneyso in aad ka baxdo heshiiska kirada.  Waxa lagaa doonayaa 1 kaliya.

• Amarka kala badbaadinta (OFP)
     AMA
• Amar Kala Fogeynta
     AMA
• Amarka Kala Fogeynta ee Dagaalka Qoyska Dhex Mara
     AMA
• Qoraal uu saxiixay mid ka mid ah saraakiisha maxkamadda. Saraakiisha maxkamadda waxaa ka mid noqon kara qaali, garsoore, maamulaha maxkamadda, ama sarkaalka kor kala socoshada. Waxa ay noqon kartaa, warqad ay soo qoreen kor kala socoshada, ama xeer ilaalinta. Waxa ay cadeyn kartaa in aad tahay dhibane loo geystay xad gudubka qoyska, qashqashaad, ama faldambiyeedka galmoodka. Waa in ay cadeysaa magaca qofka dhibka geysanaya haddii aad garaneyso OO amaankaagu ku jiro in aad bixiso.   
     AMA
• Qoraal uu saxiixay xeer ilaalinta magaalada, gobolka ama hay’adaha sharciga ee qabiilka oo ay ku cadahay in aad tahay dhibane dagaal qoyska dhex mara, qashqashaadda ama dambiyada la xiriira galmoodka. Waxa ay noqon kartaa warbixinta booliska, warbixinta baaritaanka ama qoraal oo ay saxiixeen hay’adaha nabadgelyada. Waa in ay cadeysaa magaca qofka dhibka geysanaya haddii aad garaneyso OO amaankaagu ku jiro in aad bixiso.
     AMA
• Qoraal ay soo saareen “koox sadexaad oo awood u leh”. Koox sadexaad oo awood u leh waa:
  • Xirfadlayaasha caafimaadka oo cadeyn kara in aad tahay dhibane dagaal dhib ka soo gaaray (sida dhakhtar ama kalkaaliye caafimaad)
     
  • La taliyaha dagaalka la xiriira galmoodka oo ka shaqeeya xarumaha gurmadka oo aqoon u leh u gurmadka dhibanayaasha.
     
  • U doodaha dhibanayasha dagaalka qoyska dhex mara oo ka shaqeeya hoyga dumarka lagu xad gudbo ama barnaamijyada dagaalka qoyska dhex mara oo laga heli karo macluumadka, u doodayaasha,  gurmadka, hoyga degdegga ah, ama taageerada dhibanayaasha dagaalka qoyska dhex mara. 

Waxa aad adeegsan kartaa foomka halkan ku lifaaqan ee xogta urursan ee lagu magacaabo  “Odhaahda Koox Sadexaad Oo Awood U Leh”.

Fiiro gaar ah: Haddii ay qoraaladan ku jiraan macluumaad aadan dooneyn in ay dadka kale arkaan waad “qarin” kartaa adiga oo khad madoow ku tirtira. Waxa aad marin kartaa qalin ama xabag cad si aanay dadka kale u arag. 

Tusaale ahaan, waxa aad qarin kartaa macluumadka la xiriira xadgudubka ilmaha loo geysto. Waxa aad qarin kartaa macluumaadkaas marba haddii qoraalku cadeynayo in adiga ama qof kula nool aad tihiin dhibanayaasha dagaalka qoyska dhex mara, qashqashaad ama xadgudubka galmoodka.   

Waa in aad bixisaa kirada oo dhan bilaha aadan degan tahay guriga. Tusaale ahaa, haddii aad ogeysiiska gaarsiiso kireeyaha 2da Agoosto oo aad dooneyso in aad guurto 15ka Agoosto, weli waa in aad bixisaa dhamaan kirada Agoosto marka la gaaro xilligeeda.  

Heyso cadeynta muujineysa in aad bixisay kirada. Haddii aad lacag cadaan ah ku bixiso ka qaado lacag qabasho. Haddii aad ku bixiso jeegga lacagta, ka sameyso nuqul ama sawir ka qaad marka aad ku qorto magaca kireeyaha oo heyso lacag qabashada muujineysa in aad siisay kireeyaha.

Guur taariikhda aad ogeysiiska ugu qortay kireeyaha oo furaha u celi kireeyaha.

Haddii aad raacdo mid kasta oo ka mid ah 3da talaabo ee kore heshiiska kirada waxa uu ku egyahay taariikhda aad ka guurto guriga mas’uulna kama tihid bilaha ka haray heshiiska kirada. LAAKIIN, haddii aadan u sameyn sida sharcigu ku farayo, waxa aad mas’uul ka noqon kartaa inta ka hartay heshiiska korada.

Fiiro gaar ah: Xitaa haddii aad ka baxdo heshiiska kirada oo aad raacdo 3da talaabo ee kor ku xusan weli waxa aad mas’uul ka tahay lacagta uu kugu lahaa kireeyaha ka hor inta aadan gaarsiin ogeysiiska.

MUHIM: Haddii aad ka baxdo heshiiska kirada adiga oo raacaya 3da talaabo ee kor ku xusan oo kireeyuhu kaala haro keydka ee Kirada (deposit), lagaama doonayo in aad sameyso waxyaabo dheeraad ah waadna guuri kartaa.

Haddii ay jiraan dad kale oo kugula qoran heshiiska kirada, heshiiskooda kirada waxa uu dhamaanayaa taariikhda aad guurto. Tusaale ahaan, haddii aad ogeysiiska ku qorto in aad guureyso 13ka Maajo (May), dadka kale ee kugula qoran heshiiskooda kirada waxa uu ku egyahay 31ka Maajo. Waxaa lagaa doonayaa in ay guuraan taariikhdaas ama ay heshiis cusub la gaaraan kireeyaha. Waxaa laga yaabaa in lacag keyd ah oo cusub laga qaado heshiiska cusub ee ay la galaan kireeyaha.  

Kireeyuhu uma sheegi karo cidna in ay tahay dhibanae rabashad loo geystay ama ma siin karo cidna macluumaadka ogeysiiska qoraalka ah ama qoraalada la socda adiga ii aan siin ogolaasho qoraal ah. Marka kaliya ee macluumaadkaaga uu dad kale la wadaagi karo kireeyaha waa haddii macluumaadka u gudbinayo maxkamadda si u guriga qof uga saaro ama loo soo celiyo lacagta kirada ee aan la bixin ama burbur loo geystay guriga.  

Maya. Kireeyaha wuu ku weydiin karaa magaca qofka kuu geystay xadgudubyada ama qofka gurigaaga ka tirsan, laakiin kireeyaha kuguma khasbi karo in aad u sheegto. Waajib kuguma aha in aad u sheegto haddii aad u aragto in aysan badbaadadaada dan u aheyn ama haddii aadan garenyn qofka magaciisa. Weli waad ka bixi kartaa heshiiska kirada sida uu dhigayo sharcigan haddii aad inta kale sameyso. 

Maya. Kireeyaha kuguma khasbi karo in aad ka harto xuquuqda ku xusan xogtan urursan. Taasi waxa ay ka dhigan tahay heshiis kasta oo dhex mara adiga iyo kireeyaha oo aan sharciga waafaqsaneyn, waa sharci daro. Xitaa haddii ay ku xusan tahay heshiiska kirada. 

Maya. haddii aad qaado talaabooyinka ku xusan xogta urursan mas’uuliyadda kaa saran kireystaha waa dhamaatay. Waajib kuguma aha in aad bixiso lacag dheeraad ah si aad amaan u hesho.