Sidda Lagu Helo Ogolaansho looga Shaqeyn karo Minnesota

Read this in

Waxaa qoray

Education for Justice

Markii ugu dambeysay ee wax la soo geliyey

03/2025

Try our Quiz

After you're done reading this page, take a short quiz to test what you've learned!

Warqadan xogta aruursan ahi waxa ay ka hadashaa sidda lagu helo ogolaansho si looga shaqeeyo Minnesota. Arintan waxaa la yiraa dalbashada “warqad shaqo.” Warqadan xogta aruursan ahi waxa ay kuu sheegtaa:

Cidda sidda Sharciga ah uga shaqeysan karta Minnesota
Waxa loo ogol yahay shaqooyinku inay wax kaa waydiin karaan
Talaabooyinka lagu codsado ruqso shaqo
Talooyin ku saabsan buuxinta foomka warqadda shaqadda

Qaar badan oo ka mid ah foomamka USCIS waa ay isbedelayaan iminka! Ka eeg shabakada (USCIS website) si aad u hubiso in aad isticmaalayso foomkii ugu dambeeyey ka hor inta aadan waxba u dirin. Haddii aad u dirto foom khalad ah waxaa dhici karta inaad wax walba dib u bilowdo!

Warqadan xogta aruursan ah waxaa sameeyey iskaashiyo dhexmaray hay’adaha Immigrant Law Center of Minnesota, Mid-Minnesota Legal Aid, Southern Minnesota Regional Legal Services, The Advocates for Human Rights, iyo the Volunteer Lawyers Network. Waxaana gargaaray maalgeliyey laga helay Waaxda Adeegyadda Bulshadda ee Gobolka Minnesota (State of Minnesota Department of Human Services).

Ma ka shaqeyn karaa Minnesota?

Ma u baahnahay warqad shaqo si aan u bilaabo ganacsi?

May. Uma baahnid warqad shaqo ama lambar sooshal sakuurati si aad uga bilowdo ganacsi Minnesota. Laakiin iyadoo hadba ku xiran nooca ganacsigu uu yahay, waxaa dhici karta inaad u baahato inaad dalbato laysin gaar ah si aad cunto uga shaqeyso ama aad u isticmaasho qalabka qaarkii. Uma baahnid laysin si aad u bilowdo dhamaan ganacsiyada oo dhan. Tusaale ahaan, una baahnid laysin si aad u bilowdo ganacsi wax nadiifin ah.

Cid walbaa ma dalban kartaa warqada shaqada?

Shaqadaydu ma i waydiinsan kartaa inay arkaan cadeyn ah in la ii ogol yahay inaan shaqeyn karo?

Haa. Shaqooyinku kaliya waxa ay shaqo qori karaan dadka haysta ogolaansho ay ku shaqeyn karaan. Sharciga ayaa dhigaya inay khasab ku tahay shaqooyinku inay hubiyaan aqoonsiga iyo xaq u yeeladka shaqo ee qof walba oo ay rabaan inay shaqo qoraan. Tani waa mid quseeysa cid walba, ee kaliya ma quseeyso muhaajiriinta. Shaqaalahu waa khasab inay buuxiyaan Foomka I-9 si ay u cadeeyaan cidda ay yihiin iyo in loo ogol yahay inay shaqeyn karaan.

Dukumiintiyaddee ayey shaqaddu i waydiin doontaa inaad tuso?

Maxaan sameeyaa haddii shaqadaydu ay i waydiiso inaan buuxiyo Foomka I-9?

Haddii shaqo ay ku waydiisato inaad buuxiso Foomka I-9, waa khasab inaad sameyso.

HA oran waxa aad ahayn muwaadin Mareykan (U.S.) ah haddii aadan ahayn.
HA isticmaalin magac, dukumiinti, ama lambar Sooshal Sakuurati oo aan jirin.
HA u isticmaalin akhbaar qof kale leeyahay Foomka I -9. Tan waxaa laga yaabaa inay kaa hor istaagto inaad waligaa ka qaadato sharci deganaansho rasmi ah Mareykanka (U.S.).
Kolka aad buuxsio Foomka I-9, waxa aad ka xulan kartaa liiska dukumiintiyada aad tusayso shaqada. Shaqadaadu kumaga amri karto inaad tusto 1 dukumiinti oo khaas ah.

Tusaale ahaan: Foomka I-9 ee Daahir
Daahir waxa uu u buuxiyey Foomka I-9 shaqadiisa cusub. Waxa uu tusay shaqadda dukumiintiga ah warqadiisa shaqada si uu u cadeeyo inuu xaq u leeyahay inuu shaqeeyo. Qoladda shaqadiisa ayaa u sheegtay inuusan isticmaali karin dukumiintigaas. Shaqaddu waxa ay tiri Daahir waa khasab inuu keeno sharci deganaansho rasmi ah (green card) haddii uu doonayo inuu shaqeeyo. Waa sharci-darro in qolo shaqo ay saa sameyso. Daahir waa inuu la tashadaa qareen kolkaa.

Ma u diri shaqaddu akhbaartayda laanta socdaalka (immigration)?

Ma u baahnahay inaan cusboonaysiiyo warqadayda shaqadda?

Isticmaal isla talaabooyin si aad u codsado marka ugu horeeysa ama aad u cusboonaysiiyo codsigaaga. Ka eeg “Talaabooyinka lagu Codsado” iyo Sidda loo Buuxiyo Foomka I-765” ee qaybaha warqadan xogta aruursan ah si aad caawimaad uga hesho. Waa inaad codsato inaad cusboonaysiiso warqadaadda shaqada ugu yaraan 180 cisho ka hor inta aysan dhicin. La tasho qareen ka hor inta aadan cusboonaysiin warqadda shaqada haddii:

Warqadaadda shaqada ee iminka ay jaa dhacday.
Warqadaadda shaqada ee iminku ay dhici doonto muddo ka yar 180 cisho.
Haddii lagugu helay dambi ka dib codsigaaga warqadda shaqada ee ugu horeeyey.

Sidda lagu codsado warqad shaqo?

Waxaa jira 4 talaabo oo lagu codsado warqad shaqo.

1. Buuxinta Foomka I-765.
Gal barta uscis.gov/i-765 ama mari koodka QR (QR code) si aad u hesho daabicaadii ugu dambeysay ee foomka. Waa khasab inaad buuxiso daabacadii ugu dambaysay ee foomka. Hay’ada USCIS ma ay aqbali codsigaaga haddii aad isticmaasho foomkii hore. Daabacaada foomku waxa ay ku qoran tahay geeska hoose ee bidix ee bog walba. Tusaale ahaan: Waxa ay oran kartaa, “Daabacaadda 08/28/24”. Waxaa jira tilmaamo ku saaban “Sidda loo Buuxiyo Foomka I-765” oo ku jira warqadan xogta aruursan.

2. Soo aruuri dukumiintiyada lala dirayo codsigaaga.
La dir 5 waxyaabood codsigaaga warqadda shaqada:

Foomka I-765 oo Buuxsan.
Nuqul ah 1 dukumiinti oo ku cadeynaya adiga. Dukumiintigu waa khasab inay bixisay dowladda United States ama wadan kale dowladdii. Haddii dukumiintu uusan Ingiriis ahayn, waa khasab inaad turjunto. Tusaalooyin dukumiintiyada waxaa ku jira:
- Warqad shaqo oo hore haddii aad cusboonaysiinayso codsigaaga.
- Dal-ku-gal (passport) leh sawirkaaga, magacaaga iyo taariikhdaada dhalashada
- Warqad dhalasho hadii ay leedahay sawirkaaga. AMA warqad dhalasho IYO Aqoonsi (ID) sawir leh
- Fiise (Visa) ay bixisay qunsiliyad ajnabi ah
- Dukumiinti Aqoonsi (ID) ah oo heer qaran ah oo sawir leh iyo/ama faro la qaaday leh.
Nuqul ah 1 dukumiinti oo cadeynaya sharcigaaga laanta socdaalka/xaq u yeeladka inaad shaqeyso. Tusaalayaasha dukumiintiyadda la aqbali karo waxaa ku jira:
1. Diiwaanka Gelitaanka-Bixitaanka ee I-94
2. Go’aan uu soo saaray Xaakim laanta socdaalka (immigration) ka tirsan
3. Go’aan USCIS ay gaarto sidda magengelyo ama VAWA
4. Rasiid ogaysiis ah oo muujinaya in codsi sharci ku uxareysan yahay
Labo sawir oo kuwa dal-ku-gal ah (passport) oo 2-hiish x 2-hiish ah. Waxa aad isaga qaadi kartaa sawirada dal-ku-gal ah dukaamada sida CVS, Wal-Mart, ama Target.
Khidmad AMA codsiga saamixida khidmada (HADII loo baahdo). Gal uscis.gov/feecalculator si aad eegto in lagaa rabo inaad bixiso khidmad si aad u codsato. Dhamaan codsiyada oo dhami uma baahna in khdimad la bixiyo.
- Haddii khidmad la iska rabo, soo dir lacagta idman (money order) ama jeeg. Lacagta idman ayaa ah sida ugu fiican ee lagu bixiyo.
- Haddii aadan awoodin inaad bixiso khidmadda, dalbo khdimad saamixid. Barta LawHelpMN ee shabakada (website) waxa ay haysaa xog aruursan oo ku saabsan sidda lagu dalbado khidmad saamixida. Gal: Saamixida Khidmadaha Laanta Socdaalka

3. Nuqul ka Sameyso codsigaaga.
Nuqul ka sameyso Foomkaaga I-765 iyo dukumiintiyadda aad la dirayso codsiga. Nuqul naftaadda ula har si aad u haysato.

4. U dir codsigaaga hay’ada Muwaadinka iyo Adeegyadda Laanta Socdaalka ee (USCIS).

Boostadda ugu dir codsiga adigoo ku hagaajinaya ciwaanka ku haboon nooca xaq u yeeladkaaga. Noocaaga xaq u yeeladku waxa uu ku hoos jiraa su’aasha 27 qaybta 2 ee Foomka I-765. Gal barta uscis.gov/i-765-addresses si aad u hesho ciwaanka boostada.
U sheeg Xafiska Boostadda inaad u baahan tahay inaad la socoto codsigaaga kolka aad dirto. Ka gado la socod Xafiiska Boostadda si kolkaa aad u ogaato kolka codsigaagu la geeyo meeshii loogu talagalay. Hubi inaad hesho cadeyn ama rasiid kolka la geeyo.

Waa aad ku dalban kartaa warqad shaqo khadka.

Haddii aad rabto waa aad ka buuxin kartaa codsigaaga warqadda shaqadda khadka. Codsigu waxa uu la mid yahay sidda kan boostadda lagu diro. Waa inaad buuxiso Foomka I-765 aadna ku dirto kumbuyuutarka iyadoo ay weheliyaan isla dukumiintiyadda gargaaraya. Mari QR (QR code) ama gal: uscis.gov/i-765.

Haddii aad ku buuxiso codsiga khadka (online) ka waa khasab inaad:

Ka sameyso akoon shabakadda (website) hay’ada USCIS
Ogsoonow noocaaga laanta socdaalka ka hor inta aadan bilaabin waxba.
Ogsoonow sidda aad ku soo gashay wadanka Mareykanka (U.S.)
Ogsoonow sharciga iminka wadanka aad ku joogto
Awood inaad mariso (scan) aadna geliso kumbuyuutarka lifaaqyada
Awood inaad daabacdo qayb codsiga ah. Haddii uu qof kaa caawiyey buuxinta Foomka I-765, waxa ay u baahan yahay inuu saxiixo oraah.

Haddii aadan haysan kumbuyuutar, waxa aad ka heli kartaa goob gargaarka dhanka sharci ah oo bilaash ah barta: legalkiosk.org/locations. Qaar badan oo ka mid ah maktabadahu (libraries) waxa ay leeyihiin kumbuyuutaro ay dadku bilaash ku isticmaali karaan.

Akhbaarta Guud

Tilmaamaha warqadan xogta aruursan ahi waxa ay ku salaysan yihiin “Daabacaadda 08/28/24” ee Foomka I-765. Waxaa jira tilmaamo kale oo ku jira mareegta uscis.gov/sites/default/files/document/forms/i-765instr.pdf
Ku taab garee jawaabahaaga ama ku qor adigoo khad madow adeegsanaya.
Ha istcmaalin magac been ah hana ku qoran wax akhbaar ah oo been ah foomka.
Haddii wax foomka ku qoran aysan ku quseeyn, ku qor goobta “N/A” (Ima quseeyso).
Haddii aad u baahan tahay goob kale si aad ugu qorto jawaabtaada, isticmaal “Qaybta 6: Akhbaar Kale.”

Qaybta 1. Sababta Codsiga

Qaybta 1 waxay leedahay 1 su’aal. Dooro jawaabta ku haboon sababta aad u codsanayso warqada shaqada. La bax 1 jawaab.

Haddii aad dalbanayso markii ugu horeeysay, calaamadi santuukha 1a.
Haddii aad bedelayso dukumiinti lumay, calaamadi santuukha 1b.
Haddii aad cusboonaysiinayso, calaamadi santuukha 1c.

Haddii aad calaamadisay santuukha 1b ama santuukga 1c laguguna helay wax dambi ah ka dib markii ugu horeeysay ee laguu ogolaaday inaad shaqeyso, la tasho qareen ka hor inta aadan codsan.

Qaybta 2. Akhbaarta Adiga ku Saabsan

Qaybtan waxa ay leedahay 31 su’aalood oo ku saabsan adigu qofka aad tahay, sidda aad ku soo gashay wadanka (U.S.), sharcigaaga iminka ee wadanka. Warqadan xogta aruursan ah waxa ay bixisaa talooyin ku saabsan sidda loo buuxiyo qaar ka mid ah su’aalaha ad-adag. Hubi inaad akhrido aadna ka jawaabto dhamaan su’aalaha qaybta 2 ee Foomka I-765.

Su’aasha 1a (Magaca Qoyska). Haddii aad leedahay 2 magac oo awoowe, ku qor labada magac ee awoowaba santuukha Magaca Qoyska.
Su’aasha 9 (Lambarka Akoonka USCIS). Lambarkaaga akoonka USCIS ku waa uu ka duwan yahay Lambarkaaga-A (A-Number).
- Haddii aad xareysatay codsi ama dalab adigoo adeegsanaya habka khadka ee USCIS ka. Waxa aad leedahay akoon lambar. Si aad u hesho akoon lambarkaaga, gal akoonkaaga ka dibna tag bogga akhbaarta (profile).
- Haddii aad ka xareysatay codsi ama dalab qaab xaashi ah iyadoo la gelinayo santuukh ay leedahay hay’ada, waxa aad leedahay akoon lambar. Waxa ay ku taal Ogaysiiskaaga Gelida.
- Haddii aadan ku lahayn akoon lambar oo khadka ah hay’ada USCIS ku qor “N/A” halkan.
Su’aasha 11 (Xaaladda Guur). Haddii guurkaaga aysan aqoonsanayn dowladdu ama habka cadaaladda ee meesha aad ku guursatay, ha ku jawaabin, “Guur.”
Su’aalaha 13a, 14, iyo 15 (Lambarka Sooshal Sakuuratiga). Haddii aadan haysan lambar Sooshal Sakuurati, waxa aad la dalban kartaa mid foomkan. Hadii aad rabto lambar Sooshal Sakuurati ah, uga jawaab ‘haa” su’aalaha 14 iyo 15
Su’aalaha 21a (Foomka 1-94 ee Lambarka Diiwaanka Imaanshaha-Bixitaanka). Markii laguu ogolaaday gelida wadanka U.S., hay’adda Kastanka iyo Ilaalinta Xuduudku (Customs and Border Protection) ee (CBP) waxaa dhici karta inay ku siisay adiga Foomka I-94. Foomkan waxa uu leeyahay Lambarka Diiwaanka Imaanshaha-Bixitaanka. Si aad u hesho nuqul ah Foomkaaga I-94:
- Haddii aad ka soo gashay wadanka U.S. dekad ama garoon diyaaradeed ka dib bishiii Abril 30, 2013 gal barta: cbp.gov/i94 AMA
- Xareyso Foomka I-102 (Codsiga Bedelida/diiwaanka Hore ee Imaanshaha-Bixitaanka ee Dadka aan wadanka u soo guurin). Ka hel Foomka I-102 barta ah: uscis.gov/i-102
Su’aasha 21b [Lambarka Dal-kugalkii (Passport) ugu Dambeeyey ee lagu Siiyey]. Haddii aad isticmaashay dal-ku-gal ama dukumiinti socdaal si aad ugu socdaasho wadanka U.S., lambarkaa halkan ku qor. Haddii aadan ula socdaalin U.S., 1 mid ah oo dukumiintiyadaa ah, ku qor “N/A.”
Su’aasha 27 (Nooca Xaq uyeeladka). Tani waa su’aasha ugu muhiimsan Foomka I-765. Haddii aad ku qorto nooc khalad ah, codsigaaga waa la diidi. Isticmaal jaantuska hoose si aad u xulato nooca. Haddii aadan aqoon noocaaga, la tasho qareen.

Waa khasab inaad jaa haysato wuxuun sharci (immigration) ah AMA codsi laanta socdaalka ah (immigration) kaaga xareysan si aad u dalbato warqad shaqo.

HA dalbanin warqad shaqo haddii noocyadaa midna uusan waafaqsanayn sharcigaaga.

1 kee jawaabahaa ka mid ah ayaa adiga ku tilmaama? Ku qor koodkan 3-tiro ah su’aasha 27.
- Qaxooti: A03
- Magangelyo codsade (Magangeliyo hele): A05
- Laga reebay saarid: A10
- T-1 dadka aan daganaashaha rasmiga ah aan haysan (nonimmigrant): A16
- Ehel la ah qof haysta sharciga T-1 ee dadka aan deganaanshaha rasmiga ah haysan (nonimmigrant) ay haystaan: C25
- Sharciga U-1 ee dadka deganaashaha rasmiga ah aan haysan (nonimmigrant): A19
- Ehel la ah qof haysta sharciga U-1 ee aan dagenaanshaha rasamiga ahayn: A20
- Codsi magangelyo u xareysan yahay: C08
- Codsi deganaansho rasmi ah (green card) u xareysan yahay: C09
- Saarid ka baajini u xareysan tahay: C10
- Loo sii daayey maslaxa umadda awgeed: C11
- Fal dib looga dhigay: C14
- Amar kormeerid/CAT: C18
- VAWA iskii-u-codsade: C31
- DACA. HA KU CODSAN FOOMKA I-765: C33
Su’aasha 30 ((c)(8) Nooca Xaq u Yeeladka). Ka jawaab su’aashan haddii aad leedahay codsi magangelyo oo kuu xareysan aadna uga jawaabtay “CO8” su’aasha 27. Haddii aadan lahayn codsi magangelyo oo kuu xareysan, ha ka jawaabin su’aashan.