Sidda loogu wareejiyo dacwo qaadidaada laanta socdaalka (immigration) maxkamad kale (Bedelid Goobta)

Goobtu waa maxkmadda aad u tagayso qaadidaada dacwadaadda laanta socdaalka (Immigration).  Haddii aad leedahay dacwo qaadid laguu qabtay balanteeda kolkaa waxa aad leedahay goob dacwo.

Ogaysiiska dacwo qaadidaddu waxa ku jiri kara waqti, taariikh, iyo meesha dacwadaada lagu qaadayo. Waa inaad ka xaqiijiso akhbaartaadda dacwo qaadida telefan iyo khadka (online) ka.

• Telefan ahaan. Wac khadka EOIR ee ah 1-800-898-7180. Geli Lambarkaaga -A (A-Number) ama “Lambarka diiwaangelinta Ajnabiga.” (Gal barta immigrationhelp.org si aad u hesho Lambarkaaga-A.) Isticmaal taxaalka kala doorashadda waxyaabaha si aad u hubiso taariikhda iyo waqtiga dacwo qaadidaadda. Khadku waa Ingriiska iyo Isbaanish. Riix 2 si laguugu caawiyo Afka- Isbaanishka. 
   
• Khadka (Online). Booqo acis.eoir.justice.gov. Geli  A-Lambarkaaga-A. Eeg “akhbaarta Dacwo Qaadida Xigta” iyo “Akhbaarta La Soo Xiriirida Maxkamadda.”
   

Eeg akhbaarta cid walba oo qoyskaaga ka mid ah oo leh Lambarka-A (A-Number). Marmarka dacwo qaadida waxaa loo qabtaa maalmo kala duwan kiisaska kala duwan xataa haddii dacwo qaadida ay quseeyso dad isku qoys ah. 

Kaliya waxa aad bedeli kartaa goobta dacwo qaadidaadda haddii aad guurto.

Tusaale ahaan: Pedro waxa uu u guuray gobol cusub.
Pedro waxa uu ku noolaan jiray gobolka Massachusetts. Maxkamadiisa laanta socdaalka waxaa qabtay maxkamad ku taal gobolka Massachusetts. Pedro waxa uu u guuray Minnesota si uu ula noolaado walaashii. Waxa uu rabaa inuu u soo wareejiyo dacwadiisa maxkamad ku taal Minnesota.

Haa! Haddii aad gafto dacwo dhagaysi sababtu wax kastaba ha noqotee, xaakimka waxaa dhici karta inuu amro in lagu masaafuriyo.  Ka dibna kolkaa waxaad khatar u tahay in lagu masaafuriyo markii la rabo. Xataa hadii aad guurto, waa khasab inaad dhamaan ka qaybgasho dacwo dhagaysigagaga laguu qabto oo dhan. Waa khasab inaad tagto maxkamadda xataa haddii aysan ku ool gobolka aad ku nooshahay. Qaar ka mid ah maxkamadahu waxa ay ogolaadaan inaad uga qaybgasho dacwo qaadidaada telefan ama fiidyow adigoo galaya barta:  justice.gov/eoir/find-immigration-court-and-access-internet-based-hearings.

May. Waa aad dooran kartaa inaad bedesho maxkamadaadda, laakiin khasab kuguma aha. Waxaad kale oo aad dooran kartaa inaad sii hoos joogto maxkamadaadii hore.

Tusaale ahaan: Pedro ma doonayo inuu bedelo maxkamadiisa.
Pedro waxa uu u guuray Minnesota si uu ula noolaado walaashii.  Laakiin waxa uu rabaa in dacwadiisa lagu qaado maxkamadda gobolka Massachusetts. Pedro tan waa uu sameyn karaa, laakiin waa khasab inuu uga qaybgalo dacwo qaadidiisa Massachusetts.

Haddii aad u guurto gobol cusub, waa aad bedeli kartaa maxkamadaadda si kolkaa dacwadaada loogu qaado maxkamad u dhow meesha aad ku nooshahay. Laakiin waxaa jira labo sababood oo aadan u dooni karin inaad bedesho goobta maxkamadaadda.

1. Waxa aad uga qaybgeli kartaa dhagaysiga dacwada khadka. Qaar ka mid ah maxkamadahu waxa ay ogolaadaan inaad uga qaybgasho dacwo qaadida fiidyow kumbuyuutar ku jira, telefan, ama loox . Haddii maxkamadaada hadda ay kuu ogoshahay inaad uga qaybgasho dacwadda fiidyow kolkaa waa aad sii hoos joogi kartaa isla maxkamadaa. Mana aha inaad u safarto maxkamada dacwadaada qaadaysa.  Waxa aad dooran kartaa inaadan bedelin maxkamadaada si ay wax walbaa u sahlanaadaan. Haddii aad doonayso inaad uga qaybgasho dacwadaadda fiidyow, wac maxkamadaadda ka dibna waydii in xaakimku uu u baahan yahay inaad u soo dirto wax warqado oo gaar ah.
    
2. Xaakimka loo dhiibay kiiskaaga waxaa uu leeyahay taariikh.  Waa aad eegi kartaa inta goor ee uu xaakim walba ee laanta socdaalku (immigration) ee gobol walbaa uu ansixiyo kiisaska magangelyada ah.  (Gal barta: trac.syr.edu/immigration/reports/judgereports/). Haddii uu xaakimkaagu uu inta badan ansaxiyo codsiyada magangelyadda ah, waxaa kuu roon inaad la joogto xaakimkaa. Haddii aad go’aansato in kiiskaagu uu sii joogto maxkamadii hore, hubi inaad dacwo qaadida uga qaybgasho fiidyow. Haddii kale, waxaad u baahan tahay inaad u safarto dacwo qaadidaadda si aad u uu kiiskaaga u sii hoos joogo maxkamadaa.

Waa khasab inaad uga qaybgasho dacwo qaadidaada maxkamadii hore ee ku qoran ogaysiiska dacwo qaadidaada. Waa khasab inaad ka qaybgasho dacwada xataa haddii aysan ku ool gobolka aad ku nooshahay. Qaar ka mid ah maxkamadahu waxa ay ogolaadaan inaad uga qaybgasho dacwo qaadida telefan ama fiidyow kumbuyuutar ku jira. Waydii maxkamadda inaad uga qaybgasho dacwo dhagaysiga telefan ama fiidyow. Haddii aadan ka qaybgelin dacwo qaadida, xaakimka laanta socdaalka (immigration) waxaa dhici karta inuu bixiyo waxa la yiraa amarka maqnaashaha oo ah amar maxkamadeed oo wadanka lagaaga saarayo (adigoo xadair ahayn). Taa macnaheedu waa waxaa lagu masaafurin karaa markii la rabo. 

Maya. Waxay u ekaan kartaa wax lagu jaah-wareero waayo waa inaad u dirto maxkamadda cadeyn ah ciwaankaaga cusub kolka aad ka codsato in la bedelo goobta maxkamadaadda. Laakiin tani ma ay bedesho ciwaankaaga maxkamaddu kaa hayso.  Si aad uga bedesho ciwaankaaga maxkamadda, waa khasab inaad buuxiso foom gaar ah (form EOIR-33).  Waa ra’yi fiican inaad ka cusboonaysiiso ciwaankaaga maxkamadda isla kolka aad codsanayso bedelida goobta maxkamadda. Barta LawHelpMN waxa ay leedahay warqad xog aruursan haysa si ay kaaga caawiso inaad soo sheegto isbedel ciwaan.  Gal barta: Reporting a Change of Address to the Immigration Court.

Waxaa jira 5 tallaabo oo lagu bedelo goobta maxkamadaadda.

1. Buuxi codsi lagu bedelayo goobta maxkamadda. 
Tilmaamaha iyo tusmooyinka waxa ay ku jiraan qaybta “Tusmadda Codsiga Lagu Bedelayo Goobta” ee warqadda xogta aruursan. Si aad u hesho nuqul banaan oo xirmadda codsiga bedelida goobta maxkamadda ah gal barta: Change of Venue Packet.

2. Samee sedex nuqul (copies) oo codsiga ah. Kala har hal nuqul codsiga adigu.

3. Hal nuqul oo codsiga ah boostadda u dhig maxkamadaadda hadda.  
Waxa aad ka heli kartaa magaca iyo ciwaanka maxkamadaadda hadda adigoo ka eegaya meesha hadda balanta dacwo qaadida lagaaga qabtay. Isticmaal tilmaaha tallaabada 5. 

4. Hal nuqul oo codsiga ah boostadda u dhig qareenka dowladda.
Kolka la qaadayo dacwadaada laanta socdaalka (immigration), waa shaqadaadda inaad cadeyso in aan lagu masaafurin. Waa shaqadda qareenka dowladda inuu cadeeyo in lagu masaafuriyo. Qareenka dowladdu waxa uu u baahan yahay inuu ogaado inaad rabto inaad bedesho goobta maxkamadaadda. Qareenka dowladdu waxa uu u shaqeeyaa Xafiiska La Taliyaha Guud ee Dhanka Sharciga (OPLA). Ciwaanka Xafiiskaa la yiraa OPLA waa uu ka duwan yahay ciwaanka maxkamadda. Si aad u hesho ciwaanka xafiiska OPLA si aad ugu hagaajiso codsigaaga: 

• Wac maxkamadda balanta dacwo dhagaysiga lagaaga qabtay. U sheeg inaad isku dayeyso inaad xareysato codsi bedeli goobta maxkamada. Waydii magaca iyo ciwaanka xafiiska OPLA ee loo xil-saaray maxkamadaada. 
   

5. Eeg si aad u hubiso in maxkamadaadii la bedelay. 
Maxkamaddu waxa boostada kuu soo dhigi doontaa amar (warqad weyn oo dowladeed) oo sheegaysa in codsigaagii la ansaxiyey iyo in kale. Sidoo kale waa aad wici kartaa ama waxa aad eegi kartaa khadka (online) ka si aad u aragto inaad aad leedahay dacwo qaadid balanteed lagaaga qabtay maxkamadda laanta socdaalka (immigration) ee aad dooratay in laguu wareejiyo. Waxaa laguu sheegi doonaa taariikhda, waqtiga, iyo meesha dacwo dhagaysigaaga. Haddii maxkamadaadda la bedelay, maxkamadaada cusub waa la soo qori doonaa.

• Telefan ahaan. Wac khadka EOIR ee ah 1-800-898-7180. Geli Lambarkaaga -A (A-Number) ama “Lambarka diiwaangelinta Ajnabiga.” (Gal barta immigrationhelp.org si aad u barato sidda lagu helo Lambarkaaga-A.) Isticmaal taxaalka kala doorashadda waxyaabaha si aad u hubiso taariikhda iyo waqtiga dacwo qaadidaadda. Khadku waa Ingriiska iyo Isbaanish. Riix 2 si laguugu caawiyo Aka-Isbaanishka. 
   
• Khadka (Online). gal acis.eoir.justice.gov. Geli  A-Lambarkaaga (A-Number.) Eeg “akhbaarta Dacwo Qaadida Xigta” iyo “Akhbaarta La Soo Xiriirida Maxkamadda.” 

Waxaa jira 5 waxyaabood oo aad u baahan tahay inaad la dirto codsigaaga bedelida goobta maxkamadda. Qayb walba waa khasab in lagu buuxsho Af-Ingiriis.

1. Warqad kore. Tani waxa ay maxkamadda u sheegi qofka aad tahay, inaad guurtay, meesha aad u guurtay iyo goobta maxkamada iminka aad dacwada ku leedahay.
    
2. Codsiga. Tani waxa ay maxkamadda u sheegtaa magaaladda iyo gobolka aad doonayso in dacwo dhagaysigaaga loo wareejiyo. Siddoo kale waxay tiraa sababta aad u doonayso inaad wareejiso dacwo dhagaysigaaga.
    
3. Amarka. Tani waa foom ay maxkamaddu buuxin doonto ayna dib kuugu soo diri doonto. Waa sidda ay maxkamaddu kuugu sheegi doonto in codsigaagii la ansaxiyey iyo in kale.     
    
4. Xaashida Adeegga. Tani waxa ay u sheegi maxkamadda goorta iyo sidda aad ugu dirtay nuqul codsiga ah qareenka dowladda.   
    
5. Cadeyn ah Ciwaan Cusub, Haddii aad Hayso. Tani waa nuqul ah dukumiinti cadeynaya inaad ku nooshahay ciwaanka cusub. Tusaale ahaan, waxaa aad ka soo diri kartaa nuqul biilka korontada, warqadaha guri kiraysiga ama dukumiinti iskuulka cusub ee ilmahaaga. Dukumiintiga waa khasab inuu leeyahay magacaaga iyo ciwaanka cusub.