Waxa al sameeyo haddii aad gafto dacwo Qaadid laanta Socdaalka ah (Immigration) (Sida loo xareysto Codsi Dib u Furida ah)

Xaakin ayaa ku amri kara in lagaa saaro wadanka United States. Taa macnaheedu waa waxa aad khatar u tahay in lagu masaafuriyo markii la rabo. Amarka saaridu waxa uu oran “Maqnaan.” Taa macnaheedu waa ma aad imaan maxkamaddii si aad uga mudacdo kiiskaaga. Xaakimku waxa uu boostadda kuu soo dhigi amarka wadanka ka saarida ah isagoo ku soo haajinaya ciwaanka maxkamaddu kaa hayso. Haddii aad guurtay aadana u sheegin maxkamadda, amarka saarida ahi waxa uu aadi ciwaankii hore. Waa khasab inaad u sheegto maxkamadda mar walba oo aad guurto. Barta (LawHelpMN) waxaa ku jira xog aruursan oo ka hadasha sidda loogu sheego maxkamadda inaad guurtay: Reporting a Change of Address to the Immigration Court.

Haddii aad gafto dacwo qaadid, wac ama gal khadka (online) ka si aad u ogaato in xaakim amray in wadanka lagaa saaro iyo in kale.  

Telefan ahaan. Wac khadka EOIR ee ah 1-800-898-7180. Khadkan waa Ingiriis iyo Isbaanish. Riix 2 si laguugu caawiyo afka-Isbaanishka. Geli Lambarkaaga-A ama “Lambarka Diiwaangelinta Ajnabiga.”  [Gal barta immigrationhelp.org si aad u ogaato sidda lagu helo A-Lambarkaaga (A-Number.)] Cod horey loo duubay ayaa oran in la amray in wadanka lagaa saaro iyo in kale ama haddii aad leedahay balan dacwo qaadid ah oo kuu qabsan.  

Khadka (Online). Booqo acis.eoir.justice.gov. Geli  A-Lambarkaaga (A-Number.) waxa uu kuu sheegi in la amray in wadanka lagaa saaro iyo in kale ama haddii aad leedahay balan dacwo qaadid ah oo kuu qabsan. 

Isku day inaad dib u furto kiiska. Tan samee adiga oo xareysanaya codsi ah dib u furid amar maqnaasho ah. 

• Waa khasab inaad codsiga ku soo xareyso 180 cisho gudahood laga bilaabo maalinta xaakimku uu amray in wadanka lagaa saaro. Codsigaaga ku sheeg sababta aad u gaftay dacwo qaadidaadda. Haddii aad gafto waqtigaa laguu siiyey sababtu si kasta ha noqotee la tasho qareen sharciyada laanta socdaalka yaqaan. Waa aad xareysan kartaa codsi si dib loogu furayo kiiskaaga ka dib 180-cisho ee lagu siiyey haddii ay jirto sabab gaar ah oo ka dhigtay wax adag inaad ku xareyso codsigaaga waqtigii la rabay sidda cudur dhanka dhimirka ah ama ku jirida xabsi ay dowladda dhexe leedahay.
   
• Waxa aad xareysan kartaa codsi dib u furid dacwo ah 1 mar. Haddii codsiga la diido, ma aad xareysan kartid codsi kale si kiiska dib loogu furo. U dir akhbaarta iyo codsigaaga  maxkamadda si aad cadeyso sababta aad u gaftay dacwo qaadidaadda. Ka eeg qaybta “Sidda loo xareysto Codsi si Dib loogu Furo Amar Maqnaansho ah” ee warqadan xogta aruursan ah tusaalayaal.
   
• Haddii ay suurtagal tahay, la tasho qareen sharciyada laanta socdaalka yaqaan ka hor inta aadan xareysan codsigaaga. Qareenku waxa uu hubin karaa inaad dirto akhbaarta ugu fiican ee aad diri karto.

Waa khasab inaad haysato sabab fiican oo ah sababta aad u gaftay dacwo qaadidaadii si maxkamaddu ay dib ugu furto kiiskaaga. Tusaalooyin “sababaha fiican” ahi waa: 

• Warqadaha boostadda waxaa lagu diray guriga eedo. Eedana kuuma sheegin in aad dacwo qaadid leedahay.
   
• Waxa aad tagtay maxkamad khalad ah waayo goobta dacwo qaadida ayaa la bedelay.
   
• Gaarigii ayaa kaa halaabay adigoo u soo socda goobta dacwadda lagu qaadayey.
   
• Maxkamaddu kuuma keenin turjubaan ku hadlan afka aad inta badan ku qanacsan tahay inaad isticmaasho. Ama aadan aqoon goorta, sida, ama meesha loo aadayo maxkamada.
   

Kuwaasi ma aha sababaha kaliya ee ay maxkamaddu dib ugu furi karto kiiskaaga. Waxaa dhici karta inaad haysato sabab fiican si kiiskaaga dib loogu furo haddii ay dhaceen wax kaa hor istaagay tagida maxkamadda. 

Ha isticmaalin xogta aruursan ee warqadan. Codsiga dib u furida ee noocyadda kale ee amaradda ahi waxa ay leeyihiin xeerar kala duwan. Haddii amarkaaga ka saarida wadanku AYSAN ku qorneyn “Maqnaasho” la hadal qareen sharciyada laanta socdaalka qaabilsan.

Ka baar qareeno lacag la’aan ah iyo rugo gargaar dhanka sharciga ah bixiya barta LawHelpMN.org. Qareenadda lacagta la’aanta ahi aad baa loo rabaa. Lagaama balan qaadi karo in qareen lacag la’aan ah in laguu helo codsigaaga uun awgii, Waxaad kaloo la hadli kartaa qareen iskii u shaqeysta haddii aad awoodo inaad bixiso $200 ee kulanka koowaad.

• Balan cusub oo dacwo qaadid ah ayaa laguu qaban. Waa khasabi inaad tagto balanta! Waxa aad ku heli ogaysiis qoran boostadda oo oranaya codsigaagii waa la ansaxiyey. Waxaana ku qornaan doonta waqtiga cusub iyo goobta dacwa qaadidaada. Sidoo kale waad soo wici kartaa ama waxa aad ka eegi kartaa akhbaarta dawco qaadidaada khadka.
   
• Hubi inay maxkamadu hayso ciwaankaaga saxda ah. Waa muhiim inay maxkamadu ay taqaan ciwaankaaga iminka. Hadii aad guuro, u dir foomka ciwaan bedelida maxkamadaada.
   
• U diyaargarowga maxkamad tagida marka ugu horeeysa. Barta LawHelpMN waxa ku jira xog aruursan oo ku saabsan waxa la sameeyo ka hor dacwo qaadida maxkamadda laanta socdaalka. Waxa ay ka hadashaa waxa la fili kolka aad tagto maxkamadda.  Waxay kaloo kaa caawin kartaa helid akhbaarta dacwadda: Waxa La Fili Marka Kuugu Horeeysa ee aad Tagto Maxkamadda Muhaajiriinta (Immigration) ee Minnesota.
   
• Ka Bedelida Ciwaankaaga Maxkamadda. Buux Foomka EOIR-33IC ka diba u dir maxkamadda. Foomka waxa uu ku jiraa barta justice.gov/eoir/file/640016/dl?inline LawHelpMN waxa ay haysaa xog aruursan oo kaa caawinaysa ka ciwaan bedelida maxkamadda. Mari kooda QR (QR code) ama gal barta: lawhelpmn.org

Racfaan uga qaado go’aanka Golaha Racfaanadda ee Laanta Socdaalka. Haddii aad racfaan xareysato, waxaa laguu ogolaan markiiba “joogid wadanka’ ah ilaa iyo inta go’aanka racfaanka laga gaarayo. Taa macnaheedu waxaa weeye laguma masaafurin karo ilaa inta xaakim uu go’aan ka gaarayo ku saabsan racfaankaaga. Waa inaad ku xareystaa racfaankaaga 30-cisho gudahood kolka la diido codsigaaga dib u furida kiiskaaga ah. Hel qareen kaa caawiya racfaanka. Mashruuca  la yiraa (Florence Immigrant and Refugee Rights Project) ayaa leh hage ka hadla sidda racfaan lagu qaato.  Gal barta: firrp.org/media/BIA-Appeal-Guide-2013_new-BIA-address-2013.pdf

Waxaa jira 6 talaabo oo la raaco si kiiskaaga dib loogu furo.

1. Buuxi codsi dib loogu furayo amar maqnaasho ah.
Tilmaamo iyo tusmo ayaa ku jira qaybta “CodigaTusmadda ah ee Dib u Furida Amarka Maqnaashaha” ee warqada xogta   aruursan. Nuqul (copy) banaan oo codsiga ah ayaa laga heli karaa barta LawHelpMN.

2. Soo aruuri qoraalada aad la dirayso codsigaaga.
Soo dir 4 waxyaabood:

• Codsiga Dib u Furida Amarka Maqnaashaha ah.
   
• Daliil cadeeysa sababta aad u gaftay qaadida dacwada. Waxa jira tusaalooyin daliilaha ah oo qayb ka ah “CodigaTusmadda ah ee Dib u Furida Amarka Maqnaashaha” ee warqada xogta aruursan.
   Foomka Bedelida ciwaanka/akhbaarta la soo xiriirida. FoomkaEOIR-33 (Form EOIR-33) waxa uu jiraa barta:  justice.gov/eoir/file/640016/dl?inline
   
• Rasiidka khidmada AMA codsiga khidmad saamixida
  • Magangelyo dalbadayaasha: Khidmadi ma jirto. Waa khasab inaad la soo dirto dalbashadaada magangelyadda (Form I-589) codsigaagga.
  • Cid walba oo kale: waxaa jirta  khidmad $145 oo la bixiyo si loo xareeyo codsi dib u furid ah. Soo dir codsiga khidmad saamixida (Form EOIR-26A). Ka hel foomamka barta: justice.gov/eoir/page/file/1237856/dl.
  • Haddii lacag badan aad sameyso si aad xaq ugu yeelato ka saamixida khdimadda: La hadal qareen yaqaan xeerarka laanta socdaalka. Waa khasab inaad bixiso khidmadda ka hor inta aadan xareyn codsigaaga aadna soo dirto rashiidka lacaga bixinta.
     

3. Ka samee 3 nuqul codsiga iyo dukumiintiyadda gargaaraya. Kala har 1 nuqul wax walba. 

4. Boostadda ugu dir 1 nuqul oo codsiga iyo dukumiintiyadda gargaaraya maxkamadda amartay in wadanka lagaa saaro.
Hel magaca iyo ciwaanka maxkamadda amartay in lagu saaro:  

• Telefan ahaan. Wac khadka EOIR 1-800-898-7180.
• Khadka (Online). Go to acis.eoir.justice.gov.
   

5. Boostadda u dhig 1 nuqul oo codsiga iyo dukumiintiga gargaaraya ah qareenka dowladda ama “xafiiska OPLA.”
Tan waxaa kaloo la yiraa “u geynta qareenka dowlada.” Tani waa ay ka duwan tahay ciwaanka maxkamadda. Si aad u hesho xafiiska OPLA ee maxkamadaada loo xil-saaray:

• Wac maxkamada amartay in lagu saaro. U sheeg inaad isku dayeyso inaad xareysato codsi dib u furid amar maqnaansho ah.  Waydii magaca iyo ciwaanka xafiiska OPLA ee loo xil-saaray maxkamadaadda. 
   

6. Eeg in kiiskaaga dib loo furay.
Maxkamaddu waxa ay boostadda kuu soo dhigi warqad ku saabsan go’aankeeda. Haddii kiiska dib loo furay, balan cusub oo dacwo qaadiddaada ah ayaa lagu qaban. Wax ka eeg khadka (online) ka si aad u eegto inaad balan dacwo qaadid ah leedahay iyo in kale. Waxaa laguu sheegi, taariikhda, waqtiga, iyo goobta dacwo qaadidaada. 

• Telefan ahaan. Ka wac EOIR khadka ah 1-800-898-7180. Geli A-Lambarkaaga (A-Number) ama “Lambarka Diiwaagelinta Ajbaniga.” Isticmaal taxaalka kala doorashada waxyaabaha si aad u eegto taariikhda iyo waqtiga dacwo qaadidaada. Khadku waa afafka Ingiriiska iyo Isbaanishka. Riix 2 si laguuga caawiyo afka isbaanishka.
   
• Khadka (online). Gal barta acis.eoir.justice.gov. Geli A-Lambarkaaga (A-Number). Fiiri “Akhbaarta Dacwo Qaadida Xigta” iyo “Akbaarta La soo Xiriirika Maxkamadda.”

Waxa uu u kooban yahay 4 qaybood codsiga dib u furida amarka maqnaanasha ahi. Qayb walba waa khasab in lagu buuxiyo afka-ingiriiska.  

1. Warqad daboolka ah. Tani waxa ay maxkamadda u sheegi cidda aad tahay meesha aad ku gaftay dacwo qaadidaadda.
    
2. Codsiga. Tani waxa ay maxkamadda u sheegtaa sababta aad u gaftay dacwo qaadidaadii.
    
3. Amarka. Tani waa foomkii maxkamaddu buuxisay ayna diib kuugu soo dirtay. Waa sidda ay maxkamaddu kuugu sheegi in codsigaagii la ansaxiyey iyo in kale.
    
4. Xaashida adeega. Tani waxa ay u sheegi maxkamadda goorta iyo sidda aad ugu dirtay nuqul codsiga ah qareenka dowladda.
    

Ka hel nuqul banaan oo codsigan ah barta: LawHelpMN. Isticmaal tusmaayinka warqdan xogta aruursan ah si ay kaaga caawiso inaad buuxiso xaashida daboolka ah, codsiga, amarka, iyo warqadda adeega. Ku buuxi inta akhbaar ah ee ugu badan ee aad awoodo. Haddii aadan haynin qaar akhbaarta ka mid ah, sidda magaca xaakimka laanta socdaalka (immigration), soo dir codsiga isagoo leh inta akhbaar ah ee ugu badan ee aad awoodo.