Cov Lus Nquag Nug Txog Daim Ntawv Tseg Cov Cuab Tam Tom Qab Tas Sim Neej

Daim ntawv tseg cuab tam qhia hais tias koj xav kom muab koj cov nyiaj thiab khoom ntiag tug ua li cas tom qab koj tas sim neej. Hauv koj daim ntawv tseg caub tam tom qab tas sim neej, koj taw ib tug los saib xyuas kom ua raws li koj cov kev siab nyiam. Tus neeg ntawd hu ua tus Sawv Cev Rau Koj. Yog koj tsis taw ib tug neeg Sawv Cev Rau Koj, chav Tsev Hais Plaub Faib Cuab Tam (Probate Court) yuav taw ib tug rau koj. Qee zaus Tus Sawv Ces Rau Koj hu uas Tus Tswj Faib (Executor). 

Yog koj tas sim neej es tsis muaj daim ntawv tseg cuab tam, nws muaj cov kevcai lij choj hauv xeev uas hais tias yuav muab koj cov nyiaj thiab khoom ntiag tug faib li cas. Nws mus rau koj tsev neeg raws li teem los ntawm txoj kevcai. Koj tus txij nkawm thiab koj cov menyuam yog cov thib ib. Yog koj tsis muaj txij nkawm lossis menyuam, nws yuav mus rau lwm tus neeg hauv koj tsev neeg. 

Ib co neeg txawj hais tias tsam lub xeev yuav txeeb lawv cov nyiaj thiab khoom ntiag tug yog lawv tas sim neej tsis muag daim ntawv tseg cuab tam. Qhov no muaj tsawg tsawg xwb. Lub xeev tsuas muab tau koj cov cuab tam yog tias: 

• Koj tas sim neej es cov nyiaj thiab khoom ntiag tug ua koj ib leeg npe xwb, thiab
• Koj tsis muaj cov txheeb ze koom roj ntsha lossis yuav los tu.

Koj yuav tsum muaj daim ntawv tseg cuab tam tom qab tas sim neej yog tias koj xav:

• tseg dabtsi rau tus khub uas koj tsis tau yuav
   
• tseg dabtsi rau ib tug phoojywg lossis lub khoomhaum pab neeg es tsis yog rau tsev neeg 
   
• tseg ntau tshaj ib nrab koj cov nyiaj thiab khoom ntiag tug rau koj menyuam ntawm lub neej sib yuav ua ntej (yog koj rov qav sib yuav dua)
   
• tseg dabtsi rau cov neeg uas yuav tsis tau dabtsi li, lossis yuav tau tsawg dua qhov koj xav kom lawv tau, raws li txoj kevcai lij choj hais txog faib khoom ntiag tug. Nws muaj ib cov lus qhia txog MN neeg tau cuam tam hu uas a table of MN heirship nyob hauv MN tus thawj kws lij choj qhov vas sab uas qhia tias txoj kevcai muaj faib li cas. 
   
• muab tej yam khoom rau tej co neeg 
   
• tseg ib tug tawm uas yuav tau txais cuab yeej ntawm koj raws li lub xeev txoj kevcai 
   
• faib koj cov nyiaj thiab khoom ntiag tug tsis sib npaug rau cov txais cuab tam 
   
• taws ib tug los saib xyuas tus menyuam tsis tau muaj hnub nyoog
   
• kom txhob muaj sib ceg ntawm cov neeg hauv cuab yig 

Koj tsis tas muaj daim ntawv tseg cuam tam tom qab tas sim neej yog tias:

• Koj tsis muaj vajtse ua koj lub npe xwb. Lub tsev koj muaj yog nrog lwm tus neeg lossis coob tus neeg sib koom, xws li cia ib tug neeg nyob hauv tsev txog thaum tas sim neej, lossis nyob hauv qhov chaw tso nyiaj hu uas “trust.”
   
• Yog koj muaj vajtse ua koj npe xwb, tabsis koj sau ib tug lossis tshaj tus neeg rau nyob hauv Daim Ntawv Hloov Npe Tom Qab Tas Sim Neej (Transer on Death Deed), uas twb muab rau nroog lub hoobkas zwm npe khaws cia. Saib peb daim ntawv tseeb Ntawv Muab Khoom Ntiag Tug Thaum Tag Sim Neej.
   
• Koj muaj cov neeg tseg cuab tam cov npe nyob rau hauv tagnrho koj cov askhauj, xws li cov askhauj tom tsev ceev nyiaj, stocks, thiab nyiaj hauv cov askhauj so tom haujlwm. 
   
• Koj tsis muaj vajtse ua koj lub npe xwb thiab koj cov caub tam thiab cov askhauj  (tsis muaj cov neeg tau tom qab koj tas sim neej) tagnrho yog $75, 000 lossis tsawg dua. Yog li ntawd, tsev neeg muaj feeem siv ib daim povthawj mus muab cov askhauj ua lawv npe es tsis tas mus hais plaub faib cuab tam. Saib peb daim ntawv qhia Lus Nug Txog Faib Cuab Tam.
   
• Koj xav tseg koj cov nyiaj thiab khoom ntiag tug rau tsev neeg raws li txoj kev cai lij choj hais (a table of MN heirship). Piv txwv, yog tus poj ntsuam uas muaj 2 tug menyuam tas sim neej, txoj kevcai yuav muab ib tug menyuam ib nrab ntawm nws cov cuab tam. Yog nws xav yuav li no, tsis tas nws xav yuav li no, nws tsis toobkas muaj daim ntawv tseg cuab tam tom qab tas sim neej, tabsis tej zaum chav tsev hais plaub faib cuab tam tseem xav kom muaj. 

Tsis ua. Daim ntawv tseg cuab tam tom qab tas sim neej tsuas ua tau tom qab koj tas sim neeg.  Yog koj xav kom muaj ib tug los saib xyuas khoom yog koj xiam oob qhab lossis ua tsis taus lawm, koj yuav tsum sau lawv npe rau Daim Ntawv Txiav Txim Siab thiab/lossis Txiav Txim Siab txog Kho Mob (Durable Power of Attorney and/or Health Care Directive).

Saib peb cov ntawv tseeb, Daim Ntawv Muab Cai Txiav Txim Kev Kho Mob thiab Muab Rau Lwm Tus Los Sawv Cev Txiav Txim.

Koj tus Sawv Cev Rau Koj saib xyuas koj tej ntiag tug thiab lis koj tej nuj nqis. Tom qab muab koj cov nyiaj los them cov nuj nqi tag, lawv mas muab koj cov nyiaj thiab khoom ntiag tug rau cov neeg muaj npe nyob hauv koj daim ntawv tseg cuab tam. Nws ua zoo xyuas thiab them isalas txoj sia thiab nyiaj so tom haujlwm. Nws yog ib txoj haujlwm tseem ceeb. Nug tus neeg koj xav taw ua koj tus Sawv Cev Rau Koj seb nws puas kam ua tso.

 Koj Tus Neeg Sawv Cev muab koj daim ntawv tseg cuab tam mus rau nram chav tsev hais plaub faib cuam tam hu uas “Probate Court” yog: 

• lawv yuav tsum tau tus kws txiav txim plaub tso cai mus hloov npe ntawm koj lub vajtse
• koj muaj nyiaj ntau dua $75,000 thiab tsis muaj npe tseg cuab tam rau

muaj kev tsis sib haum txog daim ntawv tseg cuab tam

Chav tsev hais faib cuab tam

• txiav txim seb daim cov ntawv tseg cuab tam puas tseeb
• txiav txim rau cov kev tsis sib haum txog daim cov ntawv tseg cuab tam, thiab

tso cai hloov npe ntawm vajtse, tsheb thiab lwm yam khoom ntiag tug uas muaj npe hauv ntaub ntawv.

Yog koj cuab tam muaj nqi tsawg tshaj $75,000 tej zaum yuav tsis tau coj koj daim ntawv tseg cuab tam tom qab tas sim neej mus hais hauv chav tsev hais plaub faim cuab tam. Saib peb daim ntawv tseeb, Lus Nug Txog Faib Cuab Tam.

Tej zaum koj mus yuav tau ib daim ntawv hauv tej co khw muag ntawv, hauv online lossis tej phau ntawv pab-tus-kheej. Tej zaum cov ntawv no yuav siv tau tabsis nrog tus kws lij choj tham seb daim ntawv puas dhos rau koj lub neej thiab ua raws li lub xeev txoj kevcai. Koj yeej sau tau ib daim ntawv tseg cuab tam koj tus kheej tsis tas siv daim ntawv.

Nws muaj cov kevcai koj yuav tsum ua raws kom koj daim ntawv tseg cuab tam tom qab tas sim neej raws kevcai. Txoj cai tseem ceeb tshaj yog yuav tsum muaj 2 tug povthawj saib koj kos npe rau koj  daim ntawv tseg cuab tam. Nkawv yuav tsum tau kos npe thiab. Yog hais tias tsis muaj 2 tug povthawj, koj daim ntawv tseg cuab tam yuav siv tsis tau. 

Cov povthawj yuav tsum tsis txhob yog ib tug neeg muaj npe nyob hauv daim ntawv tseg cuab tam thiab ib tug neeg hauv tsevneeg. Cov povthawj yuav tsum yog:

• muaj hnub nyoog tshaj 18 xyoo
• txaus siab xee npe
• totaub yam nws uas

Tsis tau, hauv Minnesota, tsis tas koj ntaus thwj rau koj daim ntawv tseg cuab tam tom qab tas sim neej thiaj yuav siv tau raws kevcai.  Tabsis Minnesota cia koj ua koj daim ntawv tseg cuab tam tom qab tas sim neej “tim khawv-rau tus kheej.”  Yog koj xav ua li ntawd koj yuav tsum mus rau ib tug muaj cai ntaus thwj.  Tim khawv rau tus kheej yuav pab kom koj daim ntawv tseg cuab tam tom qab tas sim neej siv tau yog tias muaj neeg tawm tsam hauv tsev hais plaub.  Nws kuj ua tau mus ceev dua hauv chav tsev hais plaub faib cuab tam vim tsev hais plaub yuav txais es tsis tas tiv tauj cov neeg tim khawv uas xee daim ntawv.

Yuav ua koj daim ntawv tseg cuab tam tom qab tas sim neej ua tim khawv rau tus kheej, koj thiab koj cov tim khawv mus ntawm tus muaj cai ntau thwj thiab xee daim ntawv lav tias koj yog leejtwg thiab nej txhua tus paub nej xee koj daim ntawv tseg cuab tam tom qab tas sim neej.  Ua zoo xyuas kom nej txhua tus muaj nej cov duab ID.

Koj yuav tsum muaj tsawg kawg yog 2 tug tim khawv.  Nkawv yuav tsum: 

• muaj hnub nyoog tshaj 18 xyoo
• txaus siab xee npe
• totaub yam nws uas
   

Daim ntawv tseg cuab tam tom qab tas sim neej hloov ua tim-khawv-rau-tus-kheej thaum twg los tau.   

Tsis tas yuav nqa daim ntawv tseg cuab tam tom qab tas sim neej mus rau qhov twg tom qab sau tag lawm, tiamsis nco tsoom kom nrhiav tau tom qab koj tas sim neej muab nws khaws cia rau qhov chaw zoo. Koj muab tau rau koj tus Sawv Cev Rau Koj vim tus no yog tus koj ntseeg siab thiab tus yuav saib xyuas kom ua raws li koj siab xav. Cia kom koj tus Sawv Cev Rau Koj paub mus nrhiav nyob qhov twg. Yog koj muab cia rau lub thawv hlau lossis thawv hlau tom tuam txhab ceev nyiaj, ua zoo kom lawv mus muab tau. 

Hauv Minnesota, lub chav tsev hais plaub faib cuab tam lossis tus tshwj tsev hais plaub lub hoobkas khaws cov ntawv tseg cuab tam tom qab tas sim neej them ib tug nqi me me. (nias tus link thiab swb mus hauv qab ntawm Probate). Qhov no zoo li coj mus khawv cia rau hauv ib lub “safety box.”

• Lub tsev hais plaub yuav tsum khaws daim ntawv tseg cuab tam tsis pub neeg pom
• Thaum koj tseem ua neej nyob, yog lub tsev hais plaub khaws daim ntawv tseg cuab tam, nws tsuas muab tau rau koj lossis rau ib tug neeg koj sau ntawv tso cai rau xwb. 
• Tej zaum tug neeg tsev hais plaub tso cai-saib xyuas tu lossis saib xyuas nyiaj txiag thiab vajtse muaj feem saib tau daim ntawv tseg cuab tam rau tus neeg uas raug saib xyuas tu lossis nyiaj txiag thiab vajtse. 
• Yog koj muab koj daim ntawv tseg cuab tam rau lub tsev hais plaub, lub tsev hais plaub yuav muab rau cov neeg muaj npe tom qab koj tas sim neej.

Koj muaj cai rov mus nqa koj daim ntawv tseg cuab tam tom qab tas sim neej thaum twg los tau. 

Yog tus kws lij choj pab koj ua koj daim ntawv tseg cuab tam tom qab tas sim neej, tej zaum lawv yuav kam tuav rau koj. Yog koj ua li no, qhia kom koj tus Sawv Cev Rau Koj thiab/lossis tsev neeg paub tias tus kws lij choj tau lawm.