Kev Ywj Siab

Kev ywj siab “emancipation” yog thaum tus menyuam muaj hnub nyoog qis tshaj 18 lub xyoos tau kev tso cai mus nyob nws ib leeg thiab muaj kev saib xyuas lav phib xaub lawv tus kheej.  Kev ywj siab txhais tau tias leej niam leej txiv tshem tawm lawv qhov kev muaj cai khoo tus menyuam thiab tus menyuam tshem tawm lawv qhov kev muaj cai kom niam txiv yuav tsum tau pab nyiaj txiag yug lawv.

Tau kawg, hauv Minnesota, ib tug menyuam muaj hnub nyoog qis tshaj 18 lub xyoos yeej pub tau kev ywj siab yog lawv xav tau.  TABSIS, vim tias txoj cai tsis tshab txhais qhov kev ywj siab los yog muaj cov txheej txheem es yuav tsum tau ua raws kom thiaj tau kev ywj siab, nws kuj yog ib qho cov nyom tsis nkag siab zoo kom paub tseeb tias koj puas yog tus neeg es xam tias tau kev ywj siab lawm.

Nyob ntawm leej niam leej txiv xwb.  Nyob hauv Minnesota yeej muab koj xam tau tias koj tau kev ywj siab yog koj niam koj txiv cia koj tawm tsev mus nyob koj ib leeg.  Kev tso cai los ntawm koj niam thiab koj txiv kuj yog qhia tau los ntawm qhov lawv hais los yog lawv sau cia hais tias lawv cia koj tawm mus nyob koj ib leeg los yog pub kev ywj siab rau koj.

Kev tso cai kuj qhia tau tias pub lawm yog tias koj niam thiab koj txiv yeej tsis hais kom koj rov qab los tsev tom qab koj nyiag kev khiav los yog raug ncaws tawm.

Feem ntau, yog tias pub kev ywj siab rau koj, koj niam thiab koj txiv lawv tsis muaj feem xyuam kev lav phib xaub pub tsev rau koj nyob, pab nyiaj txiag yug koj los yog them koj cov nuj nqis.  Li ntawd ces, koj yog tus muaj feem xyuam muaj kev lav phib xaub pab koj tus kheej.

Tej thaum, tib neeg xav tias tau kev ywj siab yuav daws tau ib qho teeb meem es lawv muaj.  Tabsis feem ntau, lwm txoj hauv kev ntsig txoj cai lij choj pab tau zoo dua.  Cov no yog ib co piv txwv.

1. Kuv txiv-tshiab ua phem rau kuv.  Kuv xav mus nrog kuv pog/niam tais nyob, tabsis kuv niam tsis kam kuv mus, yog li ntawd kuv xav tau kev ywj siab.
   
   Tej qho xwm txheej zoo li no mas, tus menyuam yeej tsis tshua xav mus nyob nws ib leeg thiab kom nws muaj kev lav phib xaub rau nws tus kheej.  Tus menyuam yeej tseem xav kom muaj niam txiv saib xyuas, tabsis thaum tsis muaj kev nyab xeeb tom tsev lawm nws xav nrog nws pog/niam tais nyob.  Nws xav tias yog nws tau kev ywj siab, nws yuav mus nrog tau nws pog/niam tais nyob txawm tias nws niam tsis kam.  Tabsis nws yeej tseem tsis tau teeb tsa qhov pub kev kaj siab vim nws niam tsis tau npaj siab tshem nws niam qhov cai nws muaj los txiav txim siab txog tus menyuam.
   
   Pub kev ywj siab tsis yog qhov lus teb rau kab lus nug no, tabsis nws yeej muaj ntau txoj hauv kev rau tus tub ntxhais hluas kom nws nrhiav tau kev tiv thaiv kom tsis txhob raug ua phem.  Nyob li ntawm qhov xwm txheej no, tus pog/niam tais kuj mus tau nram tsev hais plaub mus ua daim ntawv tiv thaiv los yog ua daim ntawv kom txeeb tau tus menyuam.  Tus menyuam ntxhais yuav tau raws li qhov nws xav tau: ib tug neeg es saib xyuas nws es yuav tsis ua phem rau nws.
    
2. Kuv niam muab kuv ncaws tawm tsev lub lim tiam tas los no.  Kuv yuav tsum tau mus ntsib tus kws kho mob, tabsis tus kws kho mob hais tias nws yuav tsis ntsib kuv yog tias kuv niam tsis tau tso cai.  Kuv xav kom tau kev ywj siab es kuv thiaj li mus ntsib tau tus kws kho mob.
   
   Hauv Minnesota, ib tug menyuam tsis tau muaj hnub nyoog es tsis nrog nws niam thiab nws txiv nyob los yog tsis nrog tus neeg saib xyuas nws nyob ces nws yeej muaj kev txiav txim siab txog qhov kev kho mob nws tsis tas muaj kev tso cai los ntawm lwm tus neeg li.  Tus tub ntxhais hluas ntawd tej zaum kuj yuav raug them tag nrho cov nqi, thiab tus kws kho mob kuj yuav hais tias qhov zoo tshaj rau tus menyuam mas yuav tsum tau qhia rau niam thiab txiv txog qhov nws tuaj kuaj mob, tabsis tus tub ntxhais hluas es tawm mus nyob nws tus kheej lawm tsis tas yuav tsum muaj qhov kev ywj siab kom thiaj muaj kev pom zoo txog kev kho mob es tsis tas yuav tsum tau kev tso cai los ntawm niam thiab txiv. Saib daim ntawv tseeb Kuv mus kuaj mob kuv tus kheej puas tau yog kuv tsis tau muaj 18 xyoo?

Qee zaus, tej qho teeb meem kuj yuav daws tau yog tias qhov qhia tau tias koj yeej tau kev ywj siab lawm.  Piv txwv, tus tswv tsev tsis kam xauj tsev rau koj nyob yog koj tsis muaj pov thawj tias koj yeej tau kev ywj siab lawm. Tus tswv tsev yuav lees txais ib daim ntawv hais qhia sau npe los ntawm koj niam koj txiv los yog ib daim ntawv los ntawm tus kws lij choj es teeb meej meej thiab muaj cov cai lij choj pom tau tias yeej muab xam tias tau kev ywj siab lawm.

Tsis yog.  Hauv Minnesota koj yog ib tug neeg laus thaum koj muaj hnub nyoog 18 lub xyoos.  Txoj cai es hais txog tib neeg lub hnub nyoog yeej tseem tswj koj, txawm tias koj mus nyob koj ib tus hluas tau kev ywj siab. Piv txwv, koj tseem yuav tsum tau tsis txhob nyob ntawm kev thaum tsaus ntuj es dhau lub sij hawm, yuav muab xam tias koj yog ib tus menyuam es qhaj ntawv yog tias koj tsis mus kawm ntawv, koj yuav tsis tau cawv los yog luam yeeb haus, thiab koj pov npav tsis tau.

Txoj cai lij choj mas cov nyom heev.  Nws tsuas xav tias niam thiab txiv thiaj yog tus txiav txim siab kom zoo tshaj rau lawv cov menyuam.  Qhov kev txiav txim siab no kuj yog qhov hais tias tus menyuam loj hlob paub tab txaus mus nyob yam tsis tos leej twg li, txawm tias tus menyuam twb tsis tau muaj hnub nyoog 18 lub xyoos.  Ib qho thiab, niam thiab txiv yuav tsum tsis txhob lam tau lam muab tej nyuam tso pov tseg thiab cov cai lij choj teeb tsim los tiv thaiv cov menyuam kom lawv tsis txhob raug ua phem thiab kom tsis txhob muab cov menyuam tso tseg yam tsis muaj neeg saib xyuas.  Cov menyuam es nrog tsis tau lawv niam thiab lawv txiv nyob los nws tseem muaj cai nrhiav kom tau ib qho chaw kom nyab xeeb rau nws nyob, muaj cai kho puas hlwb thiab kev kawm ntawv.

Ib tug kws lij choj yuav pab tau koj nkag siab txog cov kev cai lij choj koj muaj thiab pab koj ua tau li koj lub hom phiaj.  Xav tau kev pab txog txoj cai lij choj tiv tauj Youth Law Project ntawm 612-332-1441.