Dhalinyarada Guriga Dibada Uga Nool

Badanaa, guriga dibada ugama noolaan kartid aan ahayn inaad:

• Ka haysato ogolaansho waalidkaa ama mas’uulkaaga  
• 18  sanno jirto ama aad ka weyn tahay
• Aad guursatay
• Aad ka tirsan tahay ciidamada qalabka sida ama
• Aad haysato amar maxkamaeed oo oranaya gooni waad noolaan kartaa

Haddii waalidkaa uu horey u ogolaaday inaad kaligaa meel degto, waa ay isbedeli karaan – aan ka ahayn inaad haysato amar maxkamadeed oo oranaya waa aad ku noolaan kartaa meel iyaga ka dheer. Hadii aadan ku noqon, waxa ay ka bilaabi karaan kiis baxsi ah maxkamad si ay kuu soo celiyaan.  

LAAKIIN

Hadii aad ka baqayso in wax lagugu yeelo ama lagugu dayaco guriga, taa u sheeg bilayska ama hawlwadeenka hay’ada ilaalinta ilmaha ee degmadda. Waxaa aad codsan kartaa amar maxkamadeed si uu kuugu ogolaado inaad la noolaato qof kale ama aad kaligaa u noolaato. Waxaad kalood ka wici kartaa Barnaamijka Sharciga Dhalinyarada (Youth Law Project) khadka ah (612) 332-1441 ama waxaad emayl ugu dir ciwaanka ah youthlawproject@mylegalaid.org.

Waxaa jira xaalado sharci oo kala duwan oo bedeli kara xiriirka u dhaxeeya adiga iyo waalidkaa.

• Codsiga (CHIPS) (Ilmo u baahan Ilaalin iyo Adeeg). Maxkamada kuraydu waxa ay amri kartaa adigu inaad la noolaato dad kale. Maxkamadu waxa ay go’aansataa kormeerka aad u baahan tahay. Dacwooyinka (CHIPS) ah intooda badan waxaa soo xareeysta degmada, ka dib kolka Hay’adda Adeegyadda Ilaalinta Ilmahu [Child Protection Services (CPS)] ay baarto.   
• Wareejinta Awooda Waalidka (DOPA). DOPA waa warqad uu waalidkaa saxiixo si uu ugu ogolaado in qofka kale uu kuu noqdo waalid ama mas’uul. Waxayna socon kartaa taasi ilaa iyo 12 bilood, waalidkaana markii ay rabaan ayey ka noqon karaan taa. Eeg Warqadayada Xogta Aruursan ee Wareeginta Mas’uuliyada Waalidka (DOPA).  

Foomamka DOPA: ka samee foom buuxsan Create a completed form khadka (online) ka ah Forms.

• Qaybta Xeerka Qoyska (Under Family Law)
• Riix Wareejinta Awooda Waalidka (Delegation of Parental Authority) (DOP)
• Amarka Amaan helida (OFP). Hadii waalidkaa ay kuguugu taciyeen qabli ahaan, jir ahaan, ama fara-xumeyn ahaan ama la xiriirida iyagu ay adiga wax ku yeelayso, maxkamadu waxa ay amri karaa inay kaa dheeraadaan iyaga ama ay kugu arkaan uun kaliya shuruudaha ku cayiman amarka anmaan bixinta (OFP). Amarka (OFP) waxaa kale oo uu wax ka qabtaa hanjabaadaha tacadiga jirka. Eeg Warqadayada Xogta Aruursan ee Amarka Amaan helida iyo Amarada Khashkhashaadaha. 

Foomka OFP : ka samee foom buuxsan Create a completed form diyaar u ah xareyn Forms.

• Qaybta Tacadiyada iyo Khashkhashaadaha (Abuse and Harassment)
• Riix Amarka amaan helida ee qoyska isqabta [Order for Protection Against Domestic Violence (OFP)]

Xoroobid. Qaar ka mid ah goboladdu waxa ay leeyihiin wax la yiraa “xoroobid” oo ku saabsan maxkamadda oo amarta in qofka dhalinyaradda ahi uu kaligii gaar u noolaan karo uuna markaa wixii ka dabmeeya uusan waalidku ama mas’uulku u talinayn ama uusan korinayn. Ma jiraan wax nidaam cayiman ah oo ku saabsan “xoroobida” oo ka jira Minnesota, laakiin, xoroobidu waa ay ka dhici kartaa halan. Eeg Warqadayda Xogta Aruursan ee, Xoroobid ka dibna, ka wac Barnaamijka Sharciyada Dhalinyarada (Youth Law Project) (612) 332-1441 si aad wax badan uga ogaato arrinta.  

Haa. Ma jiraan wax sharci ah oo u diidaya dadka dhalinyarada ah ee da’doodu ka yar tahay 18 ka sanno kiraysiga guryaha ama qof degan guri ka sii kiraysiga ama qof kiraysiga. Laakiin qaar ka mid ah mulkiilayaashu guri kaama kireynayaan hadii aad ka yar tahay 18 sanno. Ma jiraan wax sharci ah oo iyaga u sheegaya inay khasab tahay inay guri kaa kireeyaan. . Qaar ka mid ah mulkiilayaasha guryahu waa ay ka kireeyaan guryaha kurayda haddii sidoo kale qof weyni uu saxiixo heshiiska guriga lagu dagayo. Waxaa la yiraa taa wada saxiixid. Waa balan qaad oranya qofka weyn ayaa kiradda bixinaya haddii aad adigu bixin waydo. 

Laakiin. Xasuusnow, hadii aad guriga dibada uga nooshahay adigoo aan waalidkaa kuu ogolaan ama aadan haysan amar maxkamadeed, waxaa dhici karta in laguu tixgeliyo baxsi. Qofkii weyn ee adiga kula nool kolkaa waxaa dhici karta inuu dhib dhanka sharciga ula kulmo “qarin” qof baxsi ah.  Qarinta macnaheedu waa haynta ama caawinta. Xirid cid loo soo xiro “qarin” baxsade badanaa ma dhacdo, aan ka ahayn in wax kale oo dambi ah iyana la gaystay. Hadii adiga iyo qofka weyni aad isku raacdaan inaad halkaa mudoo dheer ku noolaato, kala soo xiriir, Barnaamijka Sharciyada Dhalinyarada (Youth Law Project) khadka (612) 332-1441 si aad ugala hadasho waxa aad sameyn karto.

Waxa aad xaq u leedahay inaad iskuul ka dhigato gudoonka aad ku nooshahay. Marmarka qaarkood, iskuulku waa uu ku diidi karaa. Waxaa dhici karta inaad iskuulka ka dhigato meesha waalidkaa ku nool yahay, ama aad u baahato in waalidkaa ku qoro iskuulka. Tani waxaa laga yaabaa inaysan xaq ahayn. Wac gudoonka waxbarashada qofka u qaabilsan xiriirinta dhalinyarada hoy la’aanta ah hadii iskuulku uu ku diido. Ama Wac Barnaamijka Sharciyada Dhalinyarada (Youth Law Project) ee Xafiiska Gargaarka Sharciyada (Legal Aid) si aad talo uga hesho (612) 332-1441.

• Hadii uusan daryeelku ahayn mid la xiriira uur, ilmo dhalid, daryeelka ilmahaaga, ama (STD) (Cudurada Galmada la isku qaadsiiyo), dabiibid khamri ama maandooriye (sharci gaar ah ayaa quseeya ilmo iska soo ridida.)  
• Maya hadii aad gaar u nooshahay aadna adigu is-dabarto. Tirada kuma jirto sida aad isu dabartaa adigu; waxa ay noqon kartaa shaqo, General Assistance (GA), ama MFIP.  
• Maya hadii aysan wax degdeg ah ahayn, aysana helida ogolaanshaha waalidku dib u dhigayn daryeelkaaga.
• Maya hadii aad guursatay ama aad ilmo leedahay.  
• Eeg warqadayada xogta aruursan ee ku saabsan Ma aadi karaa dhaqtarka kaligay hadii aan 18 sanno ka yarahay? Dhaqtar aan anigu leeyahay ma yeelan karaa hadii aan ka yarahay 18 sanno?

Haa. Laakiin hadii aad xaq u leedahay Gargaarka Guud [General Assistance (GA)] ama Barnaamijka Maalgelinta Qoysaska Minnesota [Minnesota Family Investment Program (MFIP)], waxa aad heli Gargaar Caafimaad [Medical Assistance (MA)]. Hadii aadan heli karin (MA), raadso rug caafimaad oo siisa kurayada daryeelo lacag la’aan ama qiimo jaban ah.  Waxaa dhici karta iyana inaad heli karto Kaarka la yiraa (MinnesotaCare).

Ka wac 2-1-1 gobolka oo dhan si aad u ogaato rugaha caafimaad meelaha ay ku yaalin.  Waxaad kaloo dhambaal (text) qoran ugu diri kartaa ziib koodkaaga lambarka 898-211 si aad uga hesho caawimaad deegaankaaga ama ugula hadasho khadka ah www.211unitedway.org.

Mar walba waco 911 hadii xaalad degdegi ay jirto.