Cov Hluas uas Tawm Tsev

Feem ntau, koj tawm tsev tsis tau tshwj tias koj:

• tau kev tso cai los ntawm koj niam thiab txiv lossis tus saib xyuas koj
• muaj 18 xyoo lossis ntau dua
• muaj txwj nkawm lawm
• ua tub rog lossis
• muaj daim ntawv tso cai los nram tsev hais plaub tias koj mus nyob koj tus kheej tau
   

Yog koj niam thiab txiv pom zoo cia koj mus nyob koj ib leeg dua lawm, nkawv yeej tseem muaj feem hloov siab – tshwj tias koj muaj ib daim ntawv tso cai nram tsev hais plaub tias koj mus nyob nrug nkawd tau. Yog koj tsis xav rov qab, nkawd muaj feem pib ib rooj plaub tias menyuam khiav tawm tsev kom tau koj rov qab los.                                            

                                          TIAMSIS

Yog koj ntshais tias yuav raug ntaus lossis raug tso tseg rau hauv tsev, qhia li ntawd rau tub ceevxwm lossis lub nroog tus neeg ua haujlwm tiv thaiv menyuam yaus. Koj muaj feem nug kom tsev hais plaub tso cai koj mus nyob nrog lwm tus lossis nyob koj tus kheej. Koj kuj muaj feem hu rau Youth Law Project ntawm (612) 332-1441. 

Nws muaj ntau yam tshwmsim ntawm txoj cai uas sib txawv uas yuav hloov tau kev sib raug zoo ntawm koj thiab koj niam thiab txiv.

• Daim ntawv foob hu ua CHIPS 

(Child in Need of Protection or Services-Menyuam Yaus Toobkas Kev Tiv Thaiv)  Lub Juvenile Court Chav Tsev Hais Plaub rau Menyuam muaj feem tswj kom koj mus nyob nrog niam qhuav txiv qhuav. Lub tsev hais plaub txiav txim tias seb koj yuavtsum tau kev saib xyuas licas. CHIPS cov rooj plaub feem ntau yog ua ntaub ntawv los ntawm lub nroog, tom qab Child Protection Services (CPS) investigates tshawb nrhiav.  
 

• Daim ntawv Delegation of Parental Authority (DOPA). 

DOPA yog daim ntawv koj niam thiab txiv kos npe tso cai cia rau lwm tus ua niam ua txiv lossis tus saib xyuas koj. Nws muaj feem kav mus txog 12 lub hlis, thiab koj niam thaib txiv muaj feem muab tshem tawm thaum twg los tau. Mus saib peb daim ntawv tseeb Muab Cai Rau Lwm Tus Tu Koj Tus Menyuam (DOPA). 
 

• Cov ntaub ntawv DOPA: Tsim ib daim ntawv tiav hauv online ntawm Forms. (lus Askiv xwb)
  • Hauv qab Family Law
  • Nias qhov Delegation of Parental Authority (DOPA)
     
• Daim ntawv tiv thaiv (OFP) Order for Protection. 

Yog koj niam thiab txiv tau ntaus koj txoj kev saib xav, lub cev, lossis quab yuam deev, lossis kev nrog nkawd phomsij, lub tsev hais plaub muaj feem tswj kom nkawd nyob deb ntawm koj lossis tsuas ntsib tau koj rau tej lub sijhawm raws. Qhov no yog ua los nrog daim OFP. Qhov OFP npog txoj kev  hawv tias yuav ua phem rau lub cev. Mus saib peb daim ntawv tseeb Ntawv Tiv Thaiv thiab Ntawv Txwv Tsis Pub Thab Los Ze.  
 

• Cov ntaub ntawv OFP: Tsim ib daim ntawv tiav npaj tau muab xa rau ntawm Forms.
  • Hauv qab Abuse and Harassment
  • Nias qhov Order for Protection Against Domestic Violence (OFP)
  • Nias qhov Hmong/Hmoob
     
• Kev Ywj Siab. 

Tej co xeev muaj “emancipation-tso cai mus’”uas tus kws txiav txim plaub hais tias ib tug hluas mus nyob tau nws li leeg thiab cov niam txiv lossis neeg saib xyuas tsis tau tswj lossis tu ntxiv lawm. Tsis muaj ib qho txheej txheem teem tias “kev ywj siab” yog raws licas hauv Minnesota, tiamsis yeej muaj kev ywj siab tau hauv no. Mus saib peb daim ntawv tseeb Kev Ywj Siab thiab hu rau Youth Law Project ntawm (612) 332-1441 kom paub tau ntxiv.   

Tau. Tsis muaj ib txoj cai tswj txwv cov hluas dua 18 xyoo xauj ib tsev kem, xauj ntawm lwm tus tswv xauj, lossis xauj ib chav chaw. Tiamsis ib txhia tswv tsev tsis kam xauj rau koj yog koj tsis muaj 18 xyoo. Tsis muaj ib txoj cai qhia rau lawv tias lawv yuavtsum tau xauj rau koj. Tej co tswv tsev kam xuaj tsev rau cov hluas yog hais tias ib tug neeg laus sau npe rau daim ntawv xauj tsev thiab. Qhov no hu uas co-signing. Nws yog qho cog lus hais tias tus neeg laus mas li them nqi tsev yog koj tsis them. 

Tau. Tiamsis nco ntsoov tias, yog koj mus nyob nrug ntawm lub tsev uas tsis tau kev tso cai los ntawm niam thiab txiv lossis los ntawm tsab cai hauv tsev txiv txim, koj muaj feem yog tau ib tug menyuam khiav tsev. Ib tug laus uas nyob nrog koj muaj feem raug teebmeem lijchoj tias “zais” neeg khiav nkaum. Kev zais txhais tau tias nws tuav cia lossis pab. Txoj kev raug ntes vim zais tsis tshua muaj heev, tshwj tias ho muaj lwm yam kev ua txhaum  nrog. Yog koj thiab tus neeg laus ntawd pom zoo tias koj yuav mus nrog nws nyob ntev, tiv tauj Youth Law Project ntawm (612) 332-1441 mus tham txog koj cov kev xaiv koj muaj.

Koj muaj cai mus kawm ntawv hauv koog tsev kawm ntawv uas koj nyob. Tej thaum, lub tsev kawm ntawv yuav tsis txais koj. Tejzaum lawv yuav qhia koj tias koj yuav tau mus kawm ntawv ntawm qhov chaw koj niam thiab txiv nyob, lossis tias koj yuavtsum tau koj niam thiab txiv muab koj cuv npe. Tejzaum qhov nov kuj tsis raws cai. Hu rau koog tsev kawm ntawv tus neeg ua haujlwm pab cov hluas uas tsis muaj tsev nyob yog tias lub tsev kawm ntawv tsis txais koj. Lossis hu rau lub Youth Law Project ntawm Legal Aid rau kev pab tswvyim: (612) 332‑1441

• Tsis tas tau yog tias rau kev muaj menyuam, yug menyuam, tu koj tus menyuam, kev kuaj STD (kabmob kis ntawm kev sib deev), lossis kev kho yeeb tshuaj thiab dej caw. Muaj cai tshwjxeeb thaum hais txog kev kaus menyuam. 
   
• Tsis tas tau yog tias koj nyob koj tus kheej thiab pab tau koj tus kheej. Nws tsis tseemceeb tias koj pab tau koj tus kheej licas; muaj feem yog kev ua haujlwm, General Assistance (GA), lossis MFIP.  
   
• Tsis tas tau yog tias yog ib qho xwmtxheej ceev, thiab kev tos koj niam thiab txiv tso cai uas ncua kev kho mob rau koj tus kheej.
   
• Tsis tas tau yog tias koj twb yeej muaj txwj nkawm lossis muaj menyuam lawm.
   
• Mus saib peb daim ntawv tseeb Kuv mus kuaj mob kuv tus kheej puas tau yog kuv tsis tau muaj 18 xyoo?

Tau. Tiamsis yog koj muaj feem txais General Assistance (GA) lossis Minnesota Family Investment Program (MFIP), koj muaj feem tau qhov Medical Assistance (MA). Yog koj tsis tau MA, mus nrhiav ib lub tsev kuaj mob uas dawb lossis nqi pheejyig rau cov hluas. Tejzaum koj kuj muaj feem tau MinnesotaCare.

Hu 2-1-1 hauv lub xeev mus nrhiav cov tsev kuaj mob. Koj kuj muaj feem ntaus koj tus zauv zos chaw nyob mus rau 898-211 kom pab tau hauv koj lub zos lossis tham hauv online ntawm https://www.211unitedway.org/about-211/hmong/.

Txhua lub sijhawm hu 911 yog muaj xwmtxheej ceev.